ⵜⴻⵜⵜⴻⴽⵎⴻⵍ ⵜⵉⴳⴰⵡⵜ ⵏ ⵓⵙⴻⵣⵔⵓ ⵏ ⵜⵍⵊⵉⵏⴰⵜ ⵏ ⵓⵇⴰⵔⴰⵄ ⵏ ⵜⴰⵍⴻⵎⵎⴰⵙⵜ ⵖⴻⵔ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ. ⵉⵙⵡⵉ-ⵏⵙⴻⵏ ⴷ ⴰⵃⴰⴷⴻⵔ ⵏ ⵓⵀⴻⴳⴳⵉ ⵏ ⵍⵎⴰⵜⵉⵔⵢⴻⵍ ⴷ ⵍ-ⵉⴷⴰⵔⴰ ⵉⵡⴰⴽⴽⴻⵏ ⴰⴷ ⴱⴻⴳⴳⵙⴻⵏ ⵉ ⵜⴻⴼⵔⴰⵏⵉⵏ ⵏ ⵍⵒⴰⵔⵍⴰⵎⴰⵏ ⵏ 2 ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⴰⵙⵙ-ⴰ ⵏ ⵍⵃⴻⴷⴷ ⵍⴱⴰⵢⴰⵏ ⵏ ⵜⵎⴰⵡⴰⵙⵜ ⵏ ⴷⴰⵅⴻⵍ ⴷ ⵡⴰⵙⵙⴰⵢ.
ⵍⴱⴰⵢⴰⵏ ⵢⴻⵙⵙⴻⴳⵣⴰ-ⴷ ⴱⴻⵍⵍⵉ ⴰⵢⴰⴳⵉ ⵢⴻⵍⵍⴰ-ⴷ ⵙ ⵍⵓⵎⵓⵔ ⵏ ⵓⵎⴰⵡⴰⵙ ⵏ ⴷⴰⵅⴻⵍ ⵙⴰⵄⵉⴷ ⵙⴰⵄⵢⵓⴷ, ⵉⵡⴰⴽⴽⴻⵏ ⴰⴷ ⴹⴻⵎⵎⵏⴻⵏ ⴱⴻⵍⵍⵉ ⴽⵓⵍⵍⴻⵛ ⵢⴻⵀⵢⴰ ⴷⴻⴳ ⵓⵃⵔⵉⵛ ⵏ ⵍⵎⴰⵜⵉⵔⵢⴻⵍ . ⵜⵉⵍⵊⵉⵏⴰⵜ-ⴰⴳⵉ ⵔⵣⴰⵏⵜ ⵖⴻⵔ ⵜⵡⵉⵍⴰⵢⵉⵏ-ⴰⴳⵉ: ⵊⵉⵊⴻⵍ, ⵙⴽⵉⴽⴷⴰ, ⵇⵙⴻⵏⵜⵉⵏⴰ, ⴳⴰⵍⵎⴰ, ⵍⵎⴻⵏⵢⴰⵄ, ⴳⵀⴰⵔⴷⴰⵢⴰ, ⴰⵡⵍⴰⴷ ⵊⴻⵍⵍⴰⵍ ⴷ ⵍⵎⵄⴻⵙⴽⴻⵔ.
ⴷⴻⴳ ⵜⵡⵉⵍⴰⵢⵉⵏ-ⴰⴳⵉ, ⵅⴻⴷⵎⴻⵏ ⵉⴳⵔⴰⵡⴻⵏ ⵏ ⵓⵎⵢⴰⵡⴰⵙ ⴰⴽⴽⴻⴷ ⵢⵉⵎⴹⴻⴱⴱⵔⴻⵏ ⵏ ⵍ-ⵉⴷⴰⵔⴰ ⴷ ⵢⵉⵎⵉⴳⵍⴰⵏⵙ ⵏ ⵜⵙⴻⵍⵡⵉⵜ ⵜⴰⵖⴻⵍⵏⴰⵡⵜ ⵏ ⵜⴻⴼⵔⴰⵏⵉⵏ (ANIE), ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵙⵡⵉⵔ ⵏ ⵓⵀⴻⴳⴳⵉ ⴷ ⵓⵙⴻⵍⵃⵓ ⵏ ⵜⴻⴼⵔⴰⵏⵉⵏ-ⴰⴳⵉ.
ⵜⵉⵍⵊⵉⵏⴰⵜ-ⴰⴳⵉ ⴹⴰⵍⵍⴻⵏⵜ ⴷⴰⵖⴻⵏ ⵖⴻⴼ ⵢⵉⵎⵓⴽⴰⵏ ⵏ ⵓⵀⴻⴳⴳⵉ ⴷ ⵓⵃⴰⴷⴻⵔ ⵏ ⵍⴽⴰⵖⴻⴹ ⴷ ⵍⵎⴰⵜⵉⵔⵢⴻⵍ ⵏ ⵜⴻⴼⵔⴰⵏⵉⵏ, ⴰⴽⴽⴻⴷ ⵢⵉⵅⴼⴰⵡⴻⵏ ⵏ ⵡⵉⴷ ⵉ ⴷ-ⵉⵣⴻⵍⵎⴻⵏ ⵖⴻⴼ ⵜⴻⴼⵔⴰⵏⵉⵏ ⴷⴻⴳ ⵜⵖⵉⵡⴰⵏⵜⵉⵏ ⴷ ⵜⵡⵉⵍⴰⵢⵉⵏ, ⵉⵡⴰⴽⴽⴻⵏ ⴰⴷ ⴹⴻⵎⵎⵏⴻⵏ ⴱⴻⵍⵍⵉ ⵢⴻⵍⵍⴰ ⴽⵓⵍⵍⴻⵛ ⵉ ⴷ-ⵉⵍⴰⵇⴻⵏ ⵉ ⵡⵓⴷⵎⵉⵔ-ⴰⴳⵉ ⴰⵖⴻⵍⵏⴰⵡ.
ⴰⵔⵏⵓ ⵖⴻⵔ
