ⵜⵍⴻⵀⵔⵉⵜ ⵏ ⵜⵎⴰⵀⵍⴰ ⵜⴰⵎⴰⵜⵓ ⵏ ⵓⵃⴰⴷⴻⵔ ⵏ ⵜⵎⴻⵜⵜⵉ (ⵒⵔⵓⵜⴻⵛⵜⵉⵓⵏ ⵛⵉⵖⵉⵍⴻ) ⵜⴱⴻⵔⵔⴻⵃ-ⴷ ⵡⴰⵙⵙ-ⴰⴳⵉ ⵏ ⵍⴻⵜⵏⴰⵢⴻⵏ ⴱⴻⵍⵍⵉ ⵜⵍⴰⵜⴰ (3) ⵏ ⵢⵉⵎⴷⴰⵏⴻⵏ ⵎⵎⵓⵜⴻⵏ ⵢⴻⵔⵏⴰ 125 ⵜⵜⵡⴰⴳⴻⵔⵃⴻⵏ ⴷⴻⴳ ⵜⵉⵎⵓⴹⵔⴰⵏⵉⵏ ⵏ ⵓⴱⵔⵉⴷ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴷⴻⴳ 24 ⵏ ⵙⵙⵡⴰⵢⵄ ⵜⵉⵏⴻⴳⴳⵓⵔⴰ.
ⵜⴰⵎⴰⵀⵍⴰ ⵜⴰⵎⴰⵜⵓⵜ ⵜⴻⵏⵏⴰ-ⴷ ⴱⴻⵍⵍⵉ ⵜⴰⵎⵙⴰⵍⵜ ⵉⵚⵄⴰⴱⴻⵏ ⵜⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵍⵊⴻⵍⴼⴰ, ⵉ ⴷⴻⴳ ⵢⴻⵎⵎⵓⵜ ⵢⵉⵡⴻⵏ ⵏ ⵓⵎⴷⴰⵏ ⵢⴻⵔⵏⴰ ⵜⵜⵡⴰⴳⴻⵔⵃⴻⵏ ⵜⵍⴰⵜⴰ (3) ⵏⵏⵉⴹⴻⵏ ⵎⵉ ⵜⴻⵎⵍⴰⵍ ⵙⵙⴻⵏⵢⵓⵔⵜ ⴷ ⵓⴽⴰⴰⵎⵢⵓ.
ⵙ ⵍⵊⵉⵀⴰ ⵏⵏⵉⴹⴻⵏ, ⵉⵅⴻⴷⴷⴰⵢⴻⵏ ⵏ ⵓⵃⴰⴷⴻⵔ ⵏ ⵜⵎⴻⵜⵜⵉ ⴼⴽⴰⵏ ⵜⴰⵍⵍⴰⵍⵜ ⵜⴰⵎⴻⵣⵡⴰⵔⵓⵜ ⵉ 22 ⵏ ⵢⵉⵎⴷⴰⵏⴻⵏ ⵉ ⴷ-ⵢⴻⵙⵙⴻⵏⴼⴻⵙⴻⵏ ⵍⴳⴰⵣ ⵉ ⴷ-ⵢⴻⴼⴼⵖⴻⵏ ⵙⴻⴳ ⵉⵙⴰⵅⴰⵏⴻⵏ ⵏ ⵍⵃⴰⵎⵓ ⴷ ⵡⵉⴷ ⵏ ⵡⴰⵎⴰⵏ ⴷⴻⴳ ⵉⵅⵅⴰⵎⴻⵏ-ⵏⵙⴻⵏ, ⴷⴻⴳ ⵜⵡⵉⵍⴰⵢⵉⵏ ⵏ ⵍⴱⴻⵢⵢⴻⴹ, ⵍⴻⴱⵍⵉⴷⴰ, ⵍⴻⵣⵣⴰⵢⴻⵔ, ⵍⵊⴻⵍⴼⴰ, ⵇⵙⴻⵏⵜⵉⵏⴰ, ⵙⵟⵉⴼ ⴷ ⵍⴻⵖⵡⴰⵟ.
ⵉⵅⴻⴷⴷⴰⵢⴻⵏ ⵏ ⵓⵃⴰⴷⴻⵔ ⵏ ⵜⵎⴻⵜⵜⵉ ⵔⵏⴰⵏ ⵍⵃⴰⵏ-ⴷ ⵉⵍⵎⴻⵏⴷ ⵏ ⵜⵉⴳⵏⴻⵡⵜ (ⴰⴳⴻⴼⴼⵓⵔ) ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⴰⵎ: ⵖⴻⵍⵉⵣⴰⵏ, ⵜⵓⴱⵉⵔⴻⵜ, ⵍⴻⴱⵍⵉⴷⴰ, ⵍⴻⵎⵙⵉⵍⴰ, ⵛⵀⵍⴻⴼ, ⵄⵉⵏ ⴷⴻⴼⵍⴰ, ⴱⴰⵜⵏⴰ, ⵜⵉⴰⵔⴻⵜ, ⵜⵉⵙⴻⵎⵙⵉⵍⵜ, ⵍⴻⵣⵣⴰⵢⴻⵔ, ⵡⴻⵀⵔⴰⵏ, ⵜⵉⵣⵉ ⵡⴻⵣⵣⵓ, ⵎⵄⴻⵙⴽⴻⵔ, ⴱⵓⵔⵊ ⴱⵓ ⴰⵔⵔⵉⵔⵉⴷⵊ, ⴱⴳⴰⵢⴻⵜ, ⵙⴽⵉⴽⴷⴰ, ⵜⵉⵒⴰⵣⴰ ⴷ ⵎⵉⵍⴰ, ⵉⵡⴰⴽⴽⴻⵏ ⴰⴷ ⴷ-ⵙⵙⵓⴼⴼⵖⴻⵏ ⴰⵎⴰⵏ ⵉ ⵉⴽⴻⵛⵎⴻⵏ ⵖⴻⵔ ⵢⵉⵅⵅⴰⵎⴻⵏ ⴷ ⵜⵃⵓⵏⴰ.
ⴰⵔⵏⵓ ⵖⴻⵔ
