ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴼⴽⴰⵏ ⴰⵔⵔⴰⵣⴻⵏ ⵉ ⵅⴻⵎⵙⴰ (05) ⵏ ⵢⵉⵙⵎⴻⵍⵙⴰⵏ ⵏ ⵍⴻⵇⴷⵉⵛ ⵉ ⴷ-ⵢⵓⴼⵔⴰⵔⴻⵏ ⴷⴻⴳ ⵜⵎⵓⵔⵜ, ⴷⴻⴳ ⵜⴼⴰⵙⴽⴰ ⵉ ⵜⴻⴳⴳⴰ ⵜⵏⴻⵇⵍⴰⴼⵜ ⵏ ⵜⴷⴰⵎⵙⴰ ⵏ ⵜⵎⵓⵙⵏⵉ ⴷ ⵜⵉⵎⵣⴻⵏⵣⵉⵜⵉⵏ ⵜⵉⵎⴰⵢⵏⵓⵜⵉⵏ.
ⵜⴰⴼⴰⵙⴽⴰ-ⴰⴳⵉ ⵜⴻⵍⵍⴰ-ⴷ ⵙ ⵏⵏⵡⴰⵢⴰ ⵏ ⵓⵏⴻⵖⵍⴰⴼ ⵏ ⵓⵃⵔⵉⵛ-ⴰⴳⵉ, ⵏⵓⵔⴻⴷⴷⵉⵏ ⵡⴰⴹⴻⵃ. ⴰⵔⵔⴰⵣ ⴰⵎⴻⵣⵡⴰⵔⵓ ⵜⴻⵡⵡⵉ-ⵜ ⵜⵎⴻⵔⵙⴻⵍⵜ ⵉ ⵉⵅⴻⴷⴷⵎⴻⵏ ⴷⴻⴳ ⵓⵏⴻⴳⵎⵓ ⵓⵔⴰⵙⵡⴰⵢ , ⵜⴻⵡⵡⴻⵍⵀⴻⴷ ⴰⵣⴰⵍ ⵏ 300 ⵏ ⵜⵉⵎⵣⴻⵏⵣⵉⵜⵉⵏ ⵜⵉⵎⴰⵢⵏⵓⵜⵉⵏ ⵙⴻⴳ 2020.
ⴰⵔⵔⴰⵣ ⵡⵉⵙ ⵙⵉⵏ ⵜⴻⵡⵡⵉ-ⵜ ⵜⵎⴻⵔⵙⴻⵍⵜ ⵏ ⵜⵏⴻⴱⴷⴰⴷⵜ ⵜⴰⵖⴻⵍⵏⴰⵡⵜ ⵏ ⵓⵙⵉⴷⴷⴻⵔ ⵏ ⵜⵜⴻⴽⵏⵓⵍⵓⵊⵢⴰ (ANPT), ⵍⴰⴷⵯⴰ ⴷⴻⴳ ⵓⵃⵔⵉⵛ ⵏ ⵢⵉⵙⴰⵍⵍⴻⵏ ⴷ ⵜⴻⵢⵡⴰⵍⵜ (TIC), ⵜⴻⵡⵡⴻⵍⵀⴻⴷ ⴰⵣⴰⵍ ⵏ 800 ⵏ ⵢⵉⵙⴻⵏⴼⴰⵔⴻⵏ. ⴰⵔⵔⴰⵣ ⵡⵉⵙ ⴽⵔⴰⴹ ⵢⴻⵔⵔⴰ ⵖⴻⵔ ⵏ ⵜⴱⴻⵙⵙⴰ, ⵎⴰ ⴷ ⵡⵉⵙ ⴽⵓⵣ ⵢⴻⵔⵔⴰ ⵖⴻⵔ ⵜⵎⴻⵔⵙⴻⵍⵜ ⵏ ⵓⵙⴻⴳⴳⴰⵙ ⵏ 2023.
ⴰⵔⵔⴰⵣ ⵡⵉⵙ ⵅⴻⵎⵙⴰ ⵢⴻⵔⵔⴰ ⵖⴻⵔ ⵓⵙⵎⴻⵍⵙ ⵏ ⵜⵙⴻⴷⴷⴰⵢⵜ ⵏ ⵜⵍⴻⵎⵙⴰⵏ, ⵉ ⵢⴻⵜⵜⴰⵡⵉⵏ ⵢⵉⵙⴻⵏⴼⴰⵔⴻⵏ ⵏ ⵜⵣⵎⴻⵔⵜ, ⵔⵔⵓⴱⵓⵜⵉⴽ ⴷ ⵜⴷⴰⵎⵙⴰ ⵜⴰⵣⴻⴳⵣⴰⵡⵜ.
ⴷⴻⴳ ⵜⴼⴰⵙⴽⴰ-ⴰⴳⵉ, ⴰⵏⵖⵍⴰⴼ ⵏⵓⵔⴻⴷⴷⵉⵏ ⵡⴰⴹⴻⵃ ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵢⵉⵙⵎⴻⵍⵙⴰⵏ-ⴰⴳⵉ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⴼⴰⵔⵉⵙ ⴰⵎ ⵡⵉⵏ ⵏ ⵜⵎⵓⵔⴰ ⵏ ⴱⴻⵔⵔⴰ. ⵢⴻⴱⴱⴻⵔⵔⴻⵃ-ⴷ ⴷⴰⵖⴻⵏ ⴰⴷ ⴷ-ⵢⵉⵍⵉ "ⵓⵥⴻⵟⵟⴰ ⴰⵖⴻⵍⵏⴰⵡ ⵏ ⵢⵉⵙⵎⴻⵍⵙⴰⵏ ⵏ ⵜⵙⴻⴷⴷⴰⵡⵉⵢⵉⵏ" ⴰⴽⴽⴻⵏ ⴰⴷ ⴷⴷⵓⴽⴽⵍⴻⵏ ⵡⴰⵍⵍⴰⵍⴻⵏ ⴳⴰⵔ ⵓⴳⴰⵔ ⵏ 100 ⵏ ⵢⵉⵙⵎⴻⵍⵙⴰⵏ ⵢⴻⵍⵍⴰⵏ ⴷⴻⴳ ⵜⵙⴻⴷⴷⴰⵡⵉⵢⵉⵏ ⵏ ⵍⵣⵣⴰⵢⴻⵔ.
ⴰⵔⵏⵓ ⵖⴻⵔ
