ⵜⵉⵙⵇⵓⵎⴰ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴱⴻⴳⵏⴻⵏⵜ-ⴷ ⵜⴰⵎⵍⵉⵍⵜ ⵜⴰⴳⴻⵊⴷⵉⵜ ⵏ ⵜⵎⴻⵟⵟⵓⵜ ⵜⴰⵙⴻⵃⵔⴰⵡⵉⵜ ⴷⴻⴳ ⵓⵎⴻⵏⵏⵓⵖ ⵖⴻⴼ ⵢⵉⵣⴻⵔⴼⴰⵏ-ⵉⵙ ⴷ ⵚⵚⴱⴻⵔ-ⵉⵙ ⵎⴳⴰⵍ ⵍⴱⴰⵟⴻⵍ ⵉ ⴷ-ⵢⴻⵜⵜⴰⵙ ⵙⴻⴳ ⵓⴷⴰⴱⵓ ⵏ ⵍⵎⴻⵔⵔⵓⴽ. ⵙⵙⵓⵜⵔⴻⵏ ⴷⴻⴳ ⵓⵎⴰⴹⴰⵍ (ⴷⴷⵓⵏⵉⵜ) ⴰⴷ ⴷ-ⴼⴽⴻⵏ ⵜⵃⵓⴷⴷⵓⵢⵜ ⵉ ⵜⵍⴰⵡⵉⵏ-ⴰⴳⵉ ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⵇⴰⵏⵓⵏ ⴰⴳⵔⴰⵖⵍⴰⵏ.
ⵜⵉⴷⴷⵓⴽⵍⴰ ⵜⴰⵖⴻⵍⵏⴰⵡⵜ ⵏ ⵜⵍⴰⵡⵉⵏ ⵜⴰⵙⴻⵃⵔⴰⵡⵉⵢⵉⵏ, ⴷⴻⴳ ⵓⵙⵉⵡⴻⵍ-ⵉⵙ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴻⵟⵟⵓⵜ, ⵜⴻⵏⵏⴰ-ⴷ ⴱⴻⵍⵍⵉ "ⵜⴰⵎⴻⵟⵟⵓⵜ ⵜⴰⵙⴻⵃⵔⴰⵡⵉⵜ ⴷ ⵏⴻⵜⵜⴰⵜ ⵉ ⴷ ⴰⵣⴰⵎⵓⵍ ⵏ ⵚⵚⴱⴻⵔ ⴷ ⵓⵇⴰⴱⴻⵍ ⵏ ⵍⴱⴰⵟⴻⵍ ⵙⴻⴳ ⵡⴰⵟⴰⵙ ⵏ ⵉⵙⴻⴳⴳⴰⵙⴻⵏ; ⴷ ⵜⴰⵎⴻⵣⴳⵓⵏⵜ ⴷⴻⴳ ⵜⵎⴻⵔⵔⴻⵍⵜ ⵏ ⵓⵣⴰⵔⵓⴳ ⴷ ⵍⴻⴱⵏⵉ ⵏ ⵜⵎⴻⵜⵜⵉ."
ⵜⵉⴷⴷⵓⴽⵍⴰ-ⴰⴳⵉ ⵜⵃⴻⵎⵎⴻⴷ ⵜⵉⵔⵔⵓⴳⵣⴰ ⵏ ⵜⵍⴰⵡⵉⵏ ⵜⴰⵙⴻⵃⵔⴰⵡⵉⵢⵉⵏ ⵉ ⴷ-ⵉⵜⵜⵎⵓⴳⴳⵔⴻⵏ ⵓⵥⴰⵢⴻⵔ ⴷ ⵍⵃⴻⴱⵙ ⵏ ⵓⴷⴰⴱⵓ ⵏ ⵍⵎⴻⵔⵔⵓⴽ, ⵜⴻⵏⵏⴰ-ⴷ ⴱⴻⵍⵍⵉ ⵍⴱⴰⵟⴻⵍ-ⴰⴳⵉ ⵓⵔ ⵜⴻⵏⵜ-ⵢⴻⵙⵙⴰⴳⴳⵡⴰⴷ ⴰⵔⴰ, ⴰⴷ ⴽⴻⵎⵎⵍⴻⵏⵜ ⴰⵎⴻⵏⵏⵓⵖ-ⵏⵙⴻⵏⵜ ⵙ ⵍⴻⵀⵏⴰ ⴰⵍⴰⵎⵎⴰ ⵢⴻⵡⵡⴻⴹ ⵓⵖⵔⴻⴼ-ⵏⵙⴻⵏⵜ ⵖⴻⵔ ⵜⵍⴻⵍⵍⵉ ⴷ ⵓⵅⵜⵉⵔⵉ ⵏ ⵍⵎⵓⵚⵉⵔ.
ⵙⵉ ⵍⵊⵉⵀⴰ-ⵏⵏⵉⴹⴻⵏ, ⵜⴰⴳⴳⴰⵢⵜ "ⵛⵓⴷⴻⵙⴰ" ⵜⴻⵄⴱⴰ ⵍⴱⴰⵟⴻⵍ ⵏ ⵍⵎⴻⵔⵔⵓⴽ ⵎⴳⴰⵍ ⵜⵉⵍⴰⵡⵉⵏ, ⵜⴻⵙⵙⵓⵜⴻⵔ ⴷⴻⴳ ⵜⵓⴷⴷⵙⴰ ⵏ ⵍⴻⵎⴰⵜ (ⵓⵏⵓ) ⴷ ⵜⵉⵙⵇⵓⵎⴰ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴷ ⴷ-ⴽⴻⵎⵎⴻⵏⵜ ⵙ ⵜⵖⴰⵡⵍⴰ ⵉⵡⴰⴽⴽⴻⵏ ⴰⴷ ⴷ-ⵀⴻⴳⴳⵉⵏⵜ ⴰⵏⴰⴷⵉ ⴰⴳⵔⴰⵖⵍⴰⵏ ⵖⴻⴼ ⵡⴰⵢⴻⵏ ⵉ ⴷ-ⴹⴻⵔⵔⵓⵏ ⴷⴻⴳ ⵜⵎⵓⵔⵜ ⵏ ⵜⴰⵙⴻⵃⵔⴰⵡⵉⵜ.
ⵍⴻⵛⵏⴰ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵜⴰⵙⴻⵃⵔⴰⵡⵉⵜ ⵓⵍⴰ ⴷ ⵏⴻⵜⵜⴰⵜ ⵜⴻⵄⴱⴱⴰ ⵍⴱⴰⵟⴻⵍ-ⴰⴳⵉ, ⵜⴻⵙⵙⵓⵜⴻⵔ ⴷⴻⴳ ⵍⴻⵎⴰⵜ ⵏ ⴷⴷⵓⵏⵉⵜ ⴰⴷ ⴷ-ⵀⴻⴳⴳⵉⵏⵜ "ⴰⵍⵍⴰⵍ ⵉ ⵓⵃⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵜⴰⵙⴻⵃⵔⴰⵡⵉⵜ ⵜⴰⵏⴻⵎⵎⴰⵙⵜ (ⵡⴻⵙⵜⴻⵔⵏ ⵙⴰⵀⴰⵔⴰ)".
ⴷⴻⴳ ⵓⵏⴻⴳⴳⴰⵔⵓ, ⵜⵉⴷⴷⵓⴽⵍⴰ ⵏ ⵡⵉⴷ ⵉ ⵜⵜⵡⴰⵙⵙⵔⴻⵏ (ⴰⵙⴼⴷⵀ) ⵜⴻⵏⵏⴰ-ⴷ: "ⵉⵎⵉ ⴷⴷⵓⵏⵉⵜ ⵎⴻⵕⵕⴰ ⵜⵣⴻⴼⴼⴻⵜ ⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴻⵟⵟⵓⵜ, ⵜⴰⵎⴻⵟⵟⵓⵜ ⵜⴰⵙⴻⵃⵔⴰⵡⵉⵜ ⴷⴻⴳ ⵜⵎⵓⵔⴰ ⵉⵢⴻⵃⵔⴻⵙ ⵍⵎⴻⵔⵔⵓⴽ ⵜⴻⵜⵜⴻⴷⴷⴻⵔ ⴷⴻⴳ ⵜⴻⴳⵏⵉⵜ ⵏ ⵍⵃⵉⴼ ⴷ ⵓⵥⴰⵢⴻⵔ ⵉⵡⴰⴽⴽⴻⵏ ⴰⴷ ⵙⵙⵓⵙⵎⴻⵏ ⵚⵚⵓⵜ-ⵉⵙ ⵉ ⴷ-ⵉⵙⵙⵓⵜⵔⴻⵏ ⵜⵍⴻⵍⵍⵉ."
ⴰⵔⵏⵓ ⵖⴻⵔ
