ⵜⵉⵣⵉ ⵡⴻⵣⵣⵓ – ⵜⴻⵙⵙⴰⵡⴻⵍ ⵜⴰⵏⴻⵖⵍⴰⴼⵜ ⵏ ⵓⵙⵉⵍⴻⵡ ⴷ ⵓⵙⵍⵎⴻⴷ ⵏ ⵢⵉⴻⵣⴳⵓⵏⴻⵏ, ⵎⴰⵙⵙⴰ ⵏⴻⵙⵙⵉⵎⴰ ⴰⵔⵃⴰⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵜⵉⵣⵉ ⵡⴻⵣⵣⵓ, ⵉ ⵡⴰⴽⴽⴻⵏ ⴰⴷ ⵙⴻⴳⴳⵎⴻⵏ ⴰⵙⵉⵍⴻⵡ ⵉ ⴷ-ⵜⵜⴰⴽⴽⴻⵏ ⴷ ⵜⴰⵡⴻⵏⵏⴰⴹⵜ ⵜⴰⵎⴻⵜⵜⵉⵜ ⴷ ⵜⴰⴷⴰⵎⵙⴰⵏⵜ ⵜⴰⴷⵉⴳⴰⵏⵜ ⵏ ⵜⵎⵏⴰⵟ.
ⴷⴻⴳ ⵜⵓⵣⵣⵢⴰ-ⵉⵙ ⵖⴻⵔ ⵡⴰⵎⵎⴰⵙⴻⵏ ⵢⴻⵎⴳⴰⵔⴰⴷⴻⵏ ⵏ ⵓⵙⵉⵍⴻⵡ, ⵜⴰⵏⴻⵖⵍⴰⴼⵜ ⵜⴻⴼⴽⴰ ⵜⵉⵏⴻⴹⴰⴼ ⵉ ⵢⵉⵎⴻⵇⵇⵔⴰⵏⴻⵏ ⵏ ⵓⵃⵔⵉⵛ ⴷⴰⴳⵉ ⵉ ⵡⴰⴽⴽⴻⵏ ⴰⴷ "ⵊⵊⴻⵀⴷⴻⵏ ⵍⴻⵇⴷⵉⵛ ⴷⴻⴳ ⵓⵙⴻⴳⴳⴻⵎ ⵏ ⵓⵙⵉⵍⴻⵡ ⴷⴻⴳ ⵓⵃⵔⵉⵛ ⵏ ⵜⵎⴻⵙⵙⴻⵏⵜⵉⵜ ⴰⴽⴽⴻⵏ ⴰⴷ ⵢⴻⴷⴷⵓ ⴷ ⵡⴰⵢⴻⵏ ⵃⵡⴰⵊⴻⵏ ⵢⵉⵎⴻⵣⴷⴰⵖ ⴷ ⵜⴷⴰⵎⵙⴰ ⵏ ⵜⵡⵉⵍⴰⵢⵜ".
ⵜⴻⵙⵙⴻⵊⴷⴻⴷ ⴱⴻⵍⵍⵉ ⵜⴰⵡⵉⵍⴰⵢⵜ-ⴰⴳⵉ ⵜⴻⵙⵄⴰ ⵜⵉⵣⵎⴰⵔ ⵉⵊⴻⵀⴷⴻⵏ ⴷⴻⴳ ⵓⵃⵔⵉⵛ ⵏ ⵓⵙⵓⵎⴻⵔ ⵏ ⵢⵉⵙⴻⵏⴼⴰⵔⴻⵏ, ⵢⴻⵔⵏⴰ ⵢⴻⵍⵀⴰ ⴰⴷ ⵙⵎⴰⵢⵏⵓⵏ ⵉⵡⴰⵀⵉⵍⴻⵏ ⵏ ⵓⵙⵉⵍⴻⵡ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⴰⵢⵏⵉⵜ ⵉ ⵍⴻⴱⵖⵉ ⵏ ⵜⴷⴰⵎⵙⴰ ⵏ ⵜⵓⵔⴰ ⴷ ⵜⵉⵏ ⵏ ⵢⵉⵎⴰﻟ ⵓⴽⵓⵢⴰⵏ.
ⴰⵍⴰⵎⵎⴰ ⴷ ⵜⵓⵔⴰ, ⵙⵉⵍⵖⴻⵏ 180 ⵏ ⵢⵉⵎⴻⵔⴱⴰⵃⴻⵏ ⴷⴻⴳ ⴽⵔⴰⴹ (03) ⵏ ⵡⴰⵎⵎⴰⵙⴻⵏ ⵏ ⵓⵙⵉⵍⴻⵡ ⵏ ⵜⵎⴻⵙⵙⴻⵏⵜⵉⵜ ⴷⴻⴳ ⵜⵡⵉⵍⴰⵢⵜ, ⵉ ⵢⴻⵙⵄⴰⵏ 437 ⵏ ⵢⵉⵏⴻⵍⵎⴰⴷⴻⵏ ⵢⴻⵊⵔⴻⴷⴻⵏ.
ⴷⴻⴳ ⵜⵓⵣⵣⵢⴰ-ⴰⴳⵉ ⴷⴰⵖⴻⵏ, ⵜⴰⵏⴻⵖⵍⴰⴼⵜ ⵜⴻⴼⴽⴰ ⴰⵙⵙⴻⵏⴼⴻⵍ ⵉ ⵓⵙⵉⵍⴻⵡ ⵏ ⵢⵉⵎⴻⵎⵎⴻⵜⵜⵉⵍⴻⵏ ⵏ ⵜⵎⴻⵔⵔⵉⵜ, ⴰⵢⴰ ⵙ ⵓⵎⵢⴻⵍⵍⴻⵍ ⴷ ⵜⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴷ ⵜⵎⴻⴳⵓⵔⵉ ⵜⴰⵇⴱⵓⵔⵜ ⴷ ⵜⵏⴻⴱⴷⴰⴷⵉⵏ ⵜⵉⴷⵉⴳⴰⵏⵉⵏ.
ⴰⵎ ⵢⴻⴽⴽⴰ ⵍⵇⴰⴷ, ⵜⴻⵔⵣⴰ ⴷⴰⵖⴻⵏ ⵖⴻⵔ ⵜⵎⴻⵔⵙⴻⵍⵜ ⵜⴰⵖⴻⵍⵏⴰⵡⵜ ⵏ ⵙⵙⴻⵏⵄⴰ ⵏ ⵡⴰⵍⴰⵜⴻⵏ ⵏ ⵓⵅⴰⵎ, ⵉ ⵢⴻⵇⴱⴻⵍⴻⵏ ⴰⵟⴰⵙ ⵏ ⵡⵉⴷ ⵢⴻⴼⴼⵓⵖⴻⵏ ⵙⴻⴳ ⵓⵃⵔⵉⵛ ⵏ ⵓⵙⵉⵍⴻⵡ ⴰⵎⴻⵣⴳⵓⵏ.
ⵜⴰⵎⵏⴰⵟ ⵏ ⵜⵉⵣⵉ ⵡⴻⵣⵣⵓ ⵜⴻⵙⵄⴰ 40 ⵏ ⵜⵎⴻⵔⵙⴻⵍⵉⵏ ⵏ ⵓⵙⵉⵍⴻⵡ ⴰⵎⴻⵣⴳⵓⵏ, ⴷⴻⴳ-ⵙⴻⵏⵜ ⵙⴰ (07) ⵏ ⵢⵉⵎⵙⵉⵍⵖⴻⵏ ⵉⵖⴻⵍⵏⴰⵡⴻⵏ ⵓⵥⵍⴰⵢⴻⵏ, ⵢⵉⵡⴻⵏ ⵓⵎⵙⵉⵍⵖ ⵏ ⵓⵙⵍⵎⴻⴷ ⴰⵎⴻⵣⴳⵓⵏ ⴷ 32 ⵏ ⵡⴰⵎⵎⴰⵙⴻⵏ ⵏ ⵓⵙⵉⵍⴻⵡ ⴷ ⵓⵜⵓⵏ
ⴰⵔⵏⵓ ⵖⴻⵔ
