ⵡⴻⵀⵕⴰⵏ – ⵓⴳⴰⵔ ⵏ ⴽⵓⵎⵔⴰⵡ (40) ⵏ ⵢⵉⵎⵣⵉⴽⴽⵏⴻⵏ ⵉⵖⴻⵍⵏⴰⵡⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ ⴰⵔⴰ ⵉⴷⴻⵔⵡⴻⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 5 ⵏ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴷⴰⵡⵙⴰ, ⵜⴰⵎⴻⵔⵔⵉⵜ ⴷ ⵓⵙⴼⵓⴽⵜⵉ ⴰⵙⵏⴰⵊⵢⴰⵏ (ⴰⵎⵜⴻⵅ 2026) ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴻⵀⵕⴰⵏ ⵓⵙⵙⴰⵏ ⵏ 5 ⴷ 6 ⴼⵓⵕⴰⵕ ⴷ-ⵉⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ, ⴰⵙⵙ ⵏ ⵓⴽⵔⴰⵙ, ⵓⵏⴻⵙⵎⵉⵔ ⵏ ⵜⴻⴷⵢⴰⵏⵜ-ⴰ.
ⵜⴰⵥⵔⵉⴳⵜ-ⴰ, ⴷ-ⵢⴻⵍⵍⴰⵏ ⴷⴷⴰⵡ ⵍⴻɛⵏⴰⵢⴰ ⵏ ⵓⵖⵍⵉⴼ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴷ ⵜⵉⵏ ⴷ-ⵢⴻⵙⵙⴽⴰⵢⴰⵏⴻⵏ ⵜⵉⵅⵅⵓⵜⴻⵔⵜ ⵢⴻⵜⵜⵓⵏⴻⴼⴽⴻⵏ ⵉ ⵓⵙⵏⴻⴳⵎⵓ ⵏ ⵓⴳⵣⵓⵎ ⵏ ⵜⵎⴻⵔⵔⵉⵜ ⵜⴰⵙⵏⴰⵊⵢⴰⵏⵜ ⴷ ⵓⵙⴼⵓⴽⵜⵉ ⴰⵙⵏⴰⵊⵢⴰⵏ ⴷⴻⴳ ⴷⵣⴰⵢⴻⵔ, ⴷ ⵜⴻⵎⵍⵉⵍⵜ ⵜⴰⵙⵏⵓⴷⴷⵙⴰⵏⵜ ⵏ ⵜⵎⴻⵙⵔⵉⵜ-ⴰ ⵙ ⵢⵉⵙⴻⵎ-ⵏⵏⴻⵙ ⴷ ⵜⵉⵖⴻⵔⵖⴻⵔⵜ ⵏ ⵓⵎⵙⴻⵏⴼⴰⵍ, ⵏ ⵓⵏⵎⵉⵔⴻⴳ ⴷ ⵓⵙⵎⴰⵍ ⵏ ⵜⵎⵓⵣⴰⵢⵜ ⵜⴰⵖⴻⵍⵏⴰⵡⵜ ⴷ ⵜⴻⴳⵔⴰⵖⵍⴰⵏⵜ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⴷⵓⴽⵜⵓⵔ ⵢⴰⵙⵙⴻⵔ ⴱⴰⴷoⵓⵔ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ.
ⵜⴰⵥⵔⵉⴳⵜ-ⴰ ⵏ 2026 ⵜⴻⵙⵙⵓⴷⴷⴻⵙ-ⵉⵜⵜ ⵒⵀⴰⵎⴻⵅ ⵛⵓⵏⵙⵓⵍⵜⵉⵏⴳ ⴷⴻⴳ ⵢⵉⵡⴻⵏ ⵏ ⵡⴰⵜⵜⴰⵍ ⵏ ⵓⵍⴽⴰⵜ ⵏ ⵓⵏⴰⴳⵔⴰⵡ ⵏ ⵜⴷⴰⵡⵙⴰ, ⴰⵏⴻⴳⵎⵓ ⵏ ⵜⵎⴻⵔⵔⵉⵜ ⴷ ⵓⵙⵉⵏⴻⴹ ⴰⴷⴰⵎⵙⴰⵏ, ⵢⴻⵔⵏⵓ ⵜⴰ ⴷ ⵜⴰⵥⵔⵉⴳⵜ ⵢⴻⵜⵜⵣⵉⵜⵉⵍⴻⵏ « ⴰⴷ ⵜⴻⵙⵙⵓⴳⴳⴻⵍ ⴰⴷⴻⴳ ⵏ ⴷⵣⴰⵢⴻⵔ ⵙ ⵢⵉⵙⴻⵎ-ⵏⵏⴻⵙ ⴷ ⴰⵙⴼⴰⵢⵍⵓ ⴰⵎⵏⴰⴹⴰⵏ ⵏ ⵓⵙⴻⵎⴳⴻⵍ, ⵜⵉⵍⵀⵉⵍⵍⵉⵜ ⴷ ⵓⵙⴼⵓⴽⵜⵉ ⴰⵙⵏⴰⵊⵢⴰⵏ, ⵙ ⵓⵡⴻⴽⴽⴻⴷ ⵖⴻⴼ ⵡⴰⴼⵓⵔⴻⵏ ⴷ-ⵢⴻⵜⵜⵡⴰⵙⵙⵓⵎⵔⴻⵏ ⴷⴻⴳ ⵜⵖⵓⵍⴰ ⵏ ⵜⴻⵙⵏⴰⵊⵢⴰ ⵜⴰⵎⵓⵣⵣⵉⴳⵜ, ⵉⵃⴻⵎⵎⴰⵎⴻⵏ, ⴰⵙⴻⵎⴳⴻⵍ ⵙ ⵡⴰⵎⴰⵏ ⵏ ⵢⵉⵍⴻⵍ ⴷ ⵢⵉⵎⴻⵥⵍⴰ ⵉⵙⴼⴰⵔⴰⵏⴻⵏ ⵏ ⵜⴷⴰⵡⵙⴰ », ⵖⴻⴼ ⵡⴰⴽⴽⴻⵏ ⴷ-ⵢⴻⵙⵙⴻⵖⵎⴻⵙ.
ⵜⴰⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴷⴰⵡⵙⴰ, ⵜⴰⵎⴻⵔⵔⵉⵜ ⴷ ⵓⵙⴼⵓⴽⵜⵉ ⴰⵙⵏⴰⵊⵢⴰⵏ ⵏ 2026 ⴷ ⵜⵉⵏ ⴷⴰⵖ ⴰⵔⴰ ⵢⵉⵍⵉⵏ ⴷ « ⵜⴰⵍⵍⵓⵏⵜ ⵏ ⵓⴷⵉⵡⴻⵏⵏⵉ ⴰⵙⵏⵓⴷⴷⵙⴰⵏ, ⴰⵙⵎⴰⵍ ⵏ ⵜⴼⴰⵣⵉⵜ ⵜⴰⵙⵏⴰⵊⵢⴰⵏⵜ ⴷ ⵓⵙⵓⵜⴻⴳ ⵏ ⵓⵏⴻⵣⵎⴰⵔ ⴰⴷⵣⴰⵢⵔⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⴰⵡⵙⴰ ⴷ ⵜⵎⴻⵔⵔⵉⵜ ⵜⴰⵙⵏⴰⵊⵢⴰⵏⵜ », ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵓⴷⵓⴽⵜⵓⵔ ⴱⴰⴷoⵓⵔ.
ⵜⴰⵥⵔⵉⴳⵜ-ⴰ ⵜⵉⵙ ⵙⴻⵎⵎⵓⵙⵜ ⴷ ⵜⵉⵏ ⴷ-ⵢⴻⴼⵍⴰⵏⵉⵏ ⵙ ⵜⴻⵎⵢⴰⴷⴰⵙⵜ ⵢⴻⵔⵙⴻⵔⵏ ⵖⴻⴼ ⵓⵙⵏⴻⴳⵎⵓ ⵏ ⵜⵎⴻⵔⵔⵉⵜ ⵜⴰⵙⵏⴰⵊⵢⴰⵏⵜ ⴷ ⵜⵉⵏ ⵏ ⵢⵉⵃⴻⵎⵎⴰⵎⴻⵏ, ⴰⵙⴻⵍⵀⵓ ⵏ ⵓⵎⴻⵛⵡⴰⵕ ⵏ ⵓⵙⴻⵎⵀⴻⵍ ⵏ ⵓⵎⵓⴹⵉⵏ, ⵜⵉⵏⵏⵓⵣⵖⴰ ⵏ ⵓⵙⴼⵓⴽⵜⵉ ⴰⵙⵏⴰⵊⵢⴰⵏ ⴷⴻⴳ ⴷⵣⴰⵢⴻⵔ, ⴰⵏⵎⵉⵔⴻⴳ ⴰⴳⵔⴰⵖⵍⴰⵏ ⴷ ⵓⵙⴻⴽⴽⵉ ⵏ ⵜⵎⴻⵙⵏⴻⴳⵜ.
ⴰⵔⵏⵓ ⵖⴻⵔ
