ⵎⵎⵓⵜⴻⵏ 31 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 1535 ⵏⵏⵉⴹⴻⵏ ⴷⴻⴳ 1286 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ ⵉ ⴷ-ⵢⴻⵍⵍⴰⵏ ⴷⴻⴳ ⵜⴰⵍⵍⵉⵜ ⴳⴰⵔ 10 ⴷ 16 ⵎⴰⵢⵓ ⴷⴻⴳ ⵡⴰⵟⴰⵙ ⵏ ⵜⴰⵎⵉⵡⵉⵏ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵜⴻⴽⴰ ⵜⵉⵣⵉ ⵏ ⵢⵉⵎⴰⵍⴰⵙ ⵏ ⵜⵏⴻⵀⵎⴰⵍⵜ ⵜⴰⵎⴰⵜⵓⵜ ⵏ ⵜⵟⵃⵓⴷⴷⵓⵡⵜ ⵏ ⵓⵖⵔⵉⵎ (ⵒⵔⵓⵜⴻⵛⵜⵉⵓⵏ ⵛⵉⵠⵉⵍⴻ) ⴰⵙⵙ-ⴰ ⵏ ⵜⵜⵍⴰⵜⴰ.
ⵉⵙⵙⴻⴼⵀⴻⵎ-ⴷ ⵓⵖⴱⴰⵍⵓ-ⵏⵏⵉ ⴱⴻⵍⵍⵉ ⴰⵣⴰⵎⵓⵍ ⵉⵥⴰⵢⴻⵏ ⵢⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵙⵟⵉⴼ, ⴰⵏⵉⴷⴰ ⵎⵎⵓⵜⴻⵏ 4 ⵏ ⵎⴻⴷⴷⴻⵏ ⵓ ⴶⴻⵔⵃⴻⵏ 66 ⵏⵏⵉⴹⴻⵏ ⴷⴻⴳ 61 ⵏ ⵢⵉⵙⵓⵢⵎⵉⵙ ⵏ ⵡⴻⴱⵔⵉⴷ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵉⵎⵓⵀⴻⵍⵍⴻⵏ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵙⵙⴰⵡⴹⴻⵏ, ⴷⴻⴳ ⵢⵉⵡⴻⵜ ⵏ ⵜⴰⵍⵍⵉⵜ, ⴰⴷ ⵙⵙⴻⵅⵙⵉⵏ 708 ⵏ ⵍⵃⴰⵔⵉⵇⴰⵜ (ⵉⵅⵅⴰⵎⵎⴻⵏ, ⵜⵉⵎⴳⵓⵔⵉ ⴷ ⵜⵉⵢⴰⴹ), ⵍⴰⴷⵖⴰ ⴷⴻⴳ ⵜⵡⵉⵍⴰⵢⵉⵏ ⵏ ⵍⴻⵣⵣⴰⵢⴻⵔ, ⵄⴻⵏⵏⴰⴱⴰ ⴷ ⵡⴰⵀⵔⴰⵏ.
ⴷⴻⴳ ⵓⵏⵏⴰⵔ ⵏⵏⵉⴹⴻⵏ, ⴷⴷⴰⵏ-ⴷ ⵢⵉⵎⴻⵥⵍⴰ ⵏ ⵜⵃⵓⴷⴷⵓⵡⵜ ⵏ ⵓⵖⵔⵉⵎ ⵉⵡⴰⴽⴽⴻⵏ ⴰⴷ ⴼⴽⴻⵏ ⵜⴰⵍⵍⴰⵍⵜ ⵜⴰⵎⴻⵏⵣⵓⵜ ⵉ 16 ⵏ ⵎⴻⴷⴷⴻⵏ ⵉ ⵢⴻⵃⵚⴻⵔ ⵓⵜⵏⵓⴼⴼⵓ-ⵏⵙⴻⵏ ⵙ ⵍⴳⴰⵣ ⵏ "ⵓⵃⴰⴷⵉ ⵓⴽⵙⵉⴷ ⵏ ⵍⴽⴰⵕⴱⵓⵏ", ⵓ ⵜⵜⵓⵡⵡⵉⵏ ⵖⴻⵔ ⵜⵎⵓⵙⵏⵉⵡⵉⵏ ⵏ ⵓⵙⴻⴳⵏⴻⴼ (ⵙⴱⵉⵜⴰⵔⴰⵜ).
ⴰⵔⵏⵓ ⵖⴻⵔ
