ⵢⴻⵙⵙⴻⵍⵡⵉ, ⵡⴰⵙⵙ-ⴰ, ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⴰⵎⵔⴰⵢ ⵓⵏⵉⴳ ⵏ ⵢⵉⵖⴰⵍⵍⴻⵏ ⵏ ⵓⵙⴻⵏⴽⴻⵔ, ⴰⵏⴻⵖⵍⴰⴼ ⵏ ⵓⴼⵔⴰⴳ ⴰⵖⴻⵍⵏⴰⵡ, ⴰⴳⵔⴰⵡ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⵉ ⴷⴻⴳ ⴷ-ⵢⴻⵍⵍⴰ ⵡⴰⵡⴰⵍ ⵖⴻⴼ:
ⵓⴹⴼⴰⵔ ⵏ ⵓⵙⵏⴻⴼⵔⴰⵣ ⴷ ⵓⵇⵇⴻⵏ ⵏ ⵜⵓⵎⵏⴰⵏⵉⵏ ⴷ ⵜⴰⵎⵉⵡⵉⵏ ⵏ ⵜⵎⴻⵙⴰⵍⵜ ⵖⴻⵔ ⵓⵊⴻⵔⵔⵉⴷ ⵏ ⵓⴱⵉⵕⵓⵏ ⵏ ⵓⵙⵜⵔⴰⵜⵉⴳⵉ ⴱⴻⵛⵛⴰⵔ-ⵜⵉⵏⴷⵓⴼ-ⴳⴰⵔⴰ ⴷⵊⴻⴱⵉⵍⴻⵜ, ⴰⵀⴻⴳⴳⵉ ⵉ ⵜⴰⵍⵍⵉⵜ ⵏ ⵓⵏⴻⴱⴷⵓ ⴷ ⵓⵙⴻⴷⴷⴻⵙ ⵏ ⵓⵇⴰⴱⴻⵍ ⵏ ⵜⵙⴻⵎⵍⵉⵍⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ, ⵓⵙⴻⴽⴼⴻⵍ ⴰⵏⴻⴳⴳⴰⵔⵓ ⵏ ⵓⴼⵔⴰⵖ ⵏ ⵢⵉⴽⴻⵔⵔⵉⵢⴻⵏ ⵏ ⵍⵄⵉⴷ ⵉ ⵢⵉⵎⴻⵔⵣⵉⵢⴻⵏ, ⴰⴽⴽⴻⴷ ⵓⵞⵀⴻⴷ ⵏ ⵡⴰⵍⵍⴰⵍⴻⵏ ⵏ ⵓⴽⴰⵢⴰⴷ ⵏ ⵢⵉⴼⴰⵔⴰⵙⴻⵏ ⵏ ⵍⵇⵓⵜ ⴷ ⵓⵙⵏⴻⵔⵏⵉ ⵏ ⵜⵣⴻⵎⵎⴰⵔ ⵏ ⵢⵉⵙⵓⵍⴻⴷⴷⵉⵢⴻⵏ.
ⵙⴷⴻⴼⴼⵉⵔ ⵏ ⵓⴱⴻⵇⵇⴻⵙ ⵏ ⵡⴰⵀⵉⵍ ⵏ ⵓⵅⴻⴷⴷⵉⵎ ⵏ ⵓⵏⴰⴱⴰⵖ ⵙ ⵓⴼⵓⵙ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴷⴻⴳ ⵙⵏⴰⵜ ⵏ ⴷⴷⵓⵕⴰⵜ ⵉⵄⴻⴷⴷⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⴼⴽⴰ-ⴷ ⵉⵏⴻⵔⵡⴰⵢⴻⵏ ⴷ ⵢⵉⵏⴻⵔⵡⴰⵢⴻⵏ-ⴰⴳⵉ:
ⴷⴻⴳ ⵜⴰⵣⵡⴰⵔⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴻⵏⵎⵎⴻⵔ ⵍⵯⴻⵀⴷ ⵏ ⴰⴽⴽ ⵢⵉⵎⴻⵀⵍⴰⵏⴻⵏ ⴷ ⵢⵉⵎⴷⴻⴱⴱⵔⴻⵜ ⵏ ⵓⵃⵔⵉⵛ ⵏ ⵢⵉⵎⴻⵀⵍⴰⵏ ⵏ ⴱⴰⵢⵍⴻⴽ, ⵍⴰⴷⵖⴰ ⴰⵏⴻⵖⵍⴰⴼ ⵏ ⵓⵃⵔⵉⵛ, ⴰⴽⴽⴻⴷ ⵓⵎⵛⴻⵕⴽⴻⵏ ⵏ ⵛⵛⵉⵏⵡⴰ ⵖⴻⴼ ⵓⵔⵓⵔⴻⴷ ⵏ ⵓⵅⴻⴷⴷⵉⵎ ⵉ ⵓⵙⴻⴼⵔⴰⵣ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵜⵔⴰⵜⵉⴳⵉ ⵉ ⴷ-ⵢⴻⵍⵍⴰⵏ ⴷⴻⴳ ⵜⵎⵓⵔⵜ, ⵍⴰⴷⵖⴰ ⵉⵙⴻⵏⴼⴰⵔⴻⵏ ⵏ ⵓⵊⴻⵔⵔⵉⴷ ⵏ ⵓⴱⵉⵕⵓⵏ ⵏ ⵓⵙⴰⵎⴰⵔ (ⴷⵊⴻⴱⴻⵍ ⵓⵏⴽ-ⴱⴻⵍⴰⴷ ⴻⵍ-ⵀⴰⴷⴱⴰ-ⵜⴱⴻⵙⵙⴰ ⴰⵔ ⵄⴻⵏⵏⴰⴱⴰ), ⴷ ⵢⵉⵙⴻⵏⴼⴰⵔⴻⵏ ⵏ ⵜⴻⵎⵏⴰⴹⵜ ⴷ ⵜⴻⴱⵜⵉⵛⵜ.
- ⵖⴻⴼ ⵓⵀⴻⴳⴳⵉ ⵏ ⵜⴰⵍⵍⵉⵜ ⵏ ⵓⵏⴻⴱⴷⵓ ⴷ ⵓⵇⴰⴱⴻⵍ ⵏ ⵜⵙⴻⵎⵍⵉⵍⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ:
- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵙⴱⴻⴷⴷ ⴰⵡⴰⵍ ⵖⴻⴼ ⵍⴱⴰⵍ ⵏ ⵓⴹⴼⴰⵔ ⵉⵡⴰⴽⴽⴻⵏ ⵜⴰⵍⵍⵉⵜ-ⴰⴳⵉ ⴰⴷ ⵜⵄⴻⴷⴷⵉ ⴰⴽⴽⴻⵏ ⵉⵍⴰⵇ:
- ⵉⵙⵎⴻⴽⵜⴰ-ⴷ ⵓⵟⵎⴰⵏ ⵏ ⵓⴱⵔⵉⴷ ⴱⴰⵟⴻⵍ ⵖⴻⵔ ⵢⵉⴼⵜⵉⵙⴻⵏ, ⴷ ⵓⵃⵔⴰⵣ ⵏ ⵍⵃⴻⵕⵎⴰ ⵏ ⵜⵡⴰⵛⵓⵍⵉⵏ, ⵉⵡⴰⴽⴽⴻⵏ ⵓⵔ ⴷ-ⵜⵜⵉⵍⵉⵏ ⴰⵔⴰ ⵢⵉⴳⵎⴰⴷ ⵏ ⵜⵓⵛⵟⴰ. ⵢⴻⴼⴽⴰ ⴰⵡⴰⵍ ⵉ ⵢⵉⵎⴻⵥⵍⴰ ⵉ ⵎⵄⵏⵉⵢⴻⵏ ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵏ ⵡⵉⴷ ⵢⴻⵜⵜⴰⴽⴰⵔⴻⵏ ⵢⵉⴼⵜⵉⵙⴻⵏ ⵙ ⵓⵚⴻⴳⴳⴻⵎ ⵏ ⵢⵉⴹⵔⵉⵙⴻⵏ ⵏ ⵍⵇⴰⵏⵓⵏ.
- ⵓⴼⵔⴻⵏ ⵏ ⵢⵉⴼⵜⵉⵙⴻⵏ ⵓⵙⵍⵉⴳⴻⵏ ⴷⴻⴳ ⵢⵉⵔⵉ ⵏ ⵢⵉⵍⴻⵍ ⵉ ⵓⵙⴻⵎⵔⴻⵙ ⵏ ⵡⴰⵍⵍⴰⵍⴻⵏ ⵏ ⵓⵏⴰⵔⵎⴰⴷ ⵏ ⵢⵉⵍⴻⵍ (ⵞⴻⵜ-ⵙⴽⵉ) ⵉⵡⴰⴽⴽⴻⵏ ⵓⵔ ⴷ-ⵜⵜⵉⵍⵉⵏ ⴰⵔⴰ ⵢⵉⵅⴻⵙⵙⴰⵔⴻⵏ.
- ⵖⴻⴼ ⵓⵙⴻⴽⴼⴻⵍ ⴰⵏⴻⴳⴳⴰⵔⵓ ⵏ ⵓⴼⵔⴰⵖ ⵏ ⵢⵉⴽⴻⵔⵔⵉⵢⴻⵏ ⵏ ⵍⵄⵉⴷ:
- ⴰⵙⴻⵍⵡⴰⵢ ⵢⴻⵙⵙⵓⵜⵔⴻⴷ ⵉ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ ⵉⵡⴰⴽⴽⴻⵏ ⴰⴷ ⴷ-ⵉⵙⴻⴳⵣⵉ (ⵔⴻⵛⵜⵉⴼⵢ) ⵍⴻⵅⵚⴰⵙ ⵉ ⴷ-ⵢⴻⵍⵍⴰⵏ ⴷⴻⴳ ⵓⵀⴻⴳⴳⵉ ⴷ ⵓⴼⵔⴰⵖ, ⵖⴰⵙ ⴰⴽⴽⴻⵏ ⵡⵡⴹⴻⵏ ⴰⵔ ⵓⵎⴻⵍⵢⵓⵏ ⵏ ⵢⵉⴽⴻⵔⵔⵉⵢⴻⵏ.
- ⵢⴻⴼⴽⴰ ⴰⵡⴰⵍ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵏⴰⴷⵉ (ⴻⵏⵇⵓêⵜⴻ) ⵖⴻⴼ ⵡⴰⵏⵏⴻⵛⵜ-ⴰⴳⵉ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⴰⵏⴷⴰ ⵢⴻⵍⵍⴰ ⵍⵅⴻⵍ ⵉⵡⴰⴽⴽⴻⵏ ⵓⵔ ⴷ-ⵢⴻⵜⵜⵓⵖⴰⵍ ⴰⵔⴰ ⴷⴻⴳ ⵓⵣⴻⴽⴽⴰ.
- ⵖⴻⴼ ⵓⴹⴼⴰⵔ ⵏ ⵡⴰⵍⵍⴰⵍⴻⵏ ⵏ ⵓⴽⴰⵢⴰⴷ ⵏ ⵍⵇⵓⵜ ⴷ ⵓⵙⵏⴻⵔⵏⵉ ⵏ ⵢⵉⵙⵓⵍⴻⴷⴷⵉⵢⴻⵏ:
- ⴰⵙⴻⵍⵡⴰⵢ ⵉⵛⴻⴳⴳⴻⵄ ⵜⴰⵏⴻⵖⵍⴰⴼⵜ ⵏ ⵜⴰⵢⴻⵔⵣⴰ ⵏ ⴷⴰⵅⴻⵍ ⴷ ⵜⵉⵏ ⵏ ⵙⵙⴻⵃⵃⴰ ⵉⵡⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏⵜ ⵉⵙⵓⵍⴻⴷⴷⵉⵢⴻⵏ (ⵍⴰⴱⵓⵔⴰⵜⵓⵉⵔⴻⵙ) ⵏ ⵓⴽⴰⵢⴰⴷ ⵏ ⵍⵇⵓⵜ ⴷⴻⴳ ⴰⴽⴽ ⵢⵉⵙⴰⴳⵡⴻⵏ ⴷ ⵢⵉⵀⴰⴼⴰⴳⴻⵏ ⵏ ⵜⵎⵓⵔⵜ.
- ⵜⴰⵏⴻⵖⵍⴰⴼⵜ ⵏ ⵜⴰⵢⴻⵔⵣⴰ ⵏ ⴷⴰⵅⴻⵍ ⴰⴷ ⴷ-ⵜⴻⵍⵀⵓ ⵙ ⵓⴽⴰⵢⴰⴷ ⵏ ⵢⵉⴼⴰⵔⴰⵙⴻⵏ ⵏ ⵍⵇⵓⵜ (ⴰⴽⴽⴻⴷ ⵡⴻⴽⵙⴻⵍ), ⵎⴰ ⴷ ⵜⴰⵏⴻⵖⵍⴰⴼⵜ ⵏ ⵜⴼⴻⵍⵍⴰⵃⵜ ⴰⴷ ⴷ-ⵜⴻⵍⵀⵓ ⴽⴰⵏ ⵙ ⵓⴽⴰⵢⴰⴷ ⵏ ⵜⵉⴷⴷⵉ ⵏ ⵢⵉⵙⴻⵇⵇⴰⵢⴻⵏ (ⴳⵔⴰⵉⵏⵙ) ⵏ ⵢⴰⵍ ⴰⵏⴰⵡ.
- ⴰⵙⴻⵍⵡⴰⵢ ⵢⴻⴼⴽⴰ ⴰⵡⴰⵍ ⵉⵡⴰⴽⴽⴻⵏ ⴰⴷ ⴷ-ⵏⵏⵓⵍⴼⵓⵏ ⵢⵉⴳⵔⴰⵡⴻⵏ ⵉⵎⴰⵣⵣⴰⴳⴻⵏ ⵙⴻⴳ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⵓⵏⵉⴳ, ⴰⵔⴰ ⵢⴻⵙⵙⴻⵍⵡⴰⵢ ⵓⵃⵔⵉⵛ ⵏ ⵜⴰⵢⴻⵔⵣⴰ, ⵉ ⵓⴽⴰⵢⴰⴷ ⵏ ⵍⵇⵓⵜ ⴷⴻⴳ ⵢⵉⴱⵕⵉⴷⴻⵏ ⵙ ⵓⵏⵢⵓⴷⴷⵓ ⴰⴽⴽⴻⴷ ⵢⵉⵎⴻⵥⵍⴰ ⵏ ⵓⴼⵔⴰⴳ.
- ⴰⵙⴻⵍⵡⴰⵢ ⵢⴻⵙⵙⵓⵜⵔⴻⴷ ⴰⵎⴻⵏⵏⵓⵖ ⵎⴳⴰⵍ ⵓⵛⵓⵔⵏⴻⵯ (ⴼⵔⴰⵓⴷ) ⵙ ⵡⴰⵍⵍⴰⵍⴻⵏ ⵏ ⵓⴽⴰⵢⴰⴷ ⵏ ⵜⵎⵓⵙⵏⵉ ⵉⵡⴰⴽⴽⴻⵏ ⴰⴷ ⴷ-ⴰⴼⴻⵏ ⴰⵎⴽⴰⵏ ⵏ ⵓⵛⵓⵔⵏⴻⵯ ⴷ ⵓⵙⴻⵍⴽⴻⵎ ⵏ ⵍⵇⴰⵏⵓⵏ.
ⵓⵇⴱⴻⵍ ⴰⴷ ⵢⴻⵏⴼⵓⴽⴽ ⵓⴳⵔⴰⵡ, ⴰⵙⴻⵍⵡⴰⵢ ⵢⴻⴼⴽⴰ ⴰⵡⴰⵍ ⵉⵡⴰⴽⴽⴻⵏ ⴰⴷ ⴼⵓⴽⴽⴻⵏⵜ ⵜⴻⵣⵔⴰⵡⵉⵏ ⵏ ⵜⵜⴻⴽⵏⵉⵇⵓⴻ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⴻⵔⵙ ⵏ ⵓⵥⵔⵓ ⴰⵎⴻⵏⵣⵓ ⵏ ⵓⵙⴰⵍⵉ ⵏ ⵜⵣⴻⵇⵇⴰ ⵏ ⵢⵉⵎⴻⵀⵍⴰⵏ ⵏ ⵜⴰⵢⴻⵔⵣⴰ ⴷⴻⴳ ⵜⵎⴰⵏⴻⵖⵜ (ⵍⴻⵣⵣⴰⵢⴻⵔ) ⵡⴰⵙⵙ ⵏ 5 ⵢⵓⵍⵢⵓ ⵉ ⴷ-ⵉⵜⴻⴷⴷⵓⵏ, ⴰⵔⴰ ⵢⴰⵡⴹⴻⵏ ⴳⴰⵔ 6 ⴰⵔ 8 ⵡⴰⴳⵉⵎⴰⵏ ⵏ ⵢⵉⵎⵓⴽⴰⵏ.
ⴰⵔⵏⵓ ⵖⴻⵔ
