ⵙⴰⴷⵉ: ⴰⵇⴰⴱⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵍⵎⵓⵅⵜⴰⵔ ⴰⵖⴻⵍⵏⴰⵡ ⵢⴻⴼⴽⴰ-ⴷ ⴰⴼⵓⴷ ⴰⵎⴻⵇⵇⵔⴰⵏ ⵉ ⵢⵉⵎⵓⵔⴰⵔ

ⵙⴰⴷⵉ: ⴰⵇⴰⴱⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵍⵎⵓⵅⵜⴰⵔ ⴰⵖⴻⵍⵏⴰⵡ ⵢⴻⴼⴽⴰ-ⴷ ⴰⴼⵓⴷ ⴰⵎⴻⵇⵇⵔⴰⵏ ⵉ ⵢⵉⵎⵓⵔⴰⵔ

ⵢⴻⵙⵙⴻⵏⴽⴰⴷ ⵓⵏⴻⵖⵍⴰⴼ ⵏ ⵡⴰⴷⴷⴰⵍ, ⵎⴰⵙⵙ ⵡⴰⵍⵉⴷ ⵙⴰⴷⵉ, ⵡⴰⵙⵙ-ⴰ ⵏ ⵍⵃⴻⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⴻⵍⵍⵉ ⴰⵇⴰⴱⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ, ⵉ ⵍⵎⵓⵅⵜⴰⵔ ⴰⵖⴻⵍⵏⴰⵡ ⵏ ⴷⴷⴰⴱⴰ ⵏ ⵓⴹⴰⵔ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⴽⴰⵙ ⵏ ⵓⵎⴰⴹⴰⵍ 2026, ⵢⴻⴼⴽⴰ-ⴷ ⴰⴼⵓⴷ ⵏ ⵍⵅⴰⵟⴻⵔ ⴷ ⴰⵎⴻⵇⵇⵔⴰⵏ ⵉ ⵢⵉⵎⵓⵔⴰⵔ, ⵢⴻⵔⵏⴰ ⵉⵙⴻⵏⵜⴻⵎ-ⴷ ⴱⴻⵍⵍⵉ ⴰⴽⴽ ⵜⵉⵡⴻⵏⵣⵉⵡⵉⵏ ⵔⵙⴻⵏⵜ ⵉⵡⴰⴽⴽⴻⵏ ⴰⴷ ⴷ-ⴰⵡⵉⵏ ⵉⴳⵎⴰⴷ ⵢⴻⵍⵀⴰⵏ ⴷⴻⴳ ⵓⴼⵔⴰⴳ-ⴰⴳⵉ ⵏ ⴷⴷⴰⴱⴰ  ⵏ ⵓⵎⴰⴹⴰⵍ.

ⴷⴻⴳ ⵡⴰⵡⴰⵍ ⵉ ⵢⴻⴼⴽⴰ ⵉ ⵢⵉⵎⴻⵥⵍⴰ ⵏ ⵢⵉⵙⴰⵍⵍⴻⵏ, ⵙⴷⴻⴼⴼⵉⵔ ⵏ ⵓⵇⴰⴱⴻⵍ-ⴰⴳⵉ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉ-ⴰⴳⵉ ⵉ ⴷ-ⵢⴻⵍⵍⴰⵏ ⵓⵇⴱⴻⵍ ⴰⴷ ⵔⵣⵓⵏ ⵖⴻⵔ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ "ⵜⴻⴼⴽⴰ-ⴷ ⵜⴰⵣⵎⴻⵔⵜ ⵜⴰⵎⴻⵇⵇⵔⴰⵏⵜ ⵉ ⵢⵉⵎⵓⵔⴰⵔ ⵉⵡⴰⴽⴽⴻⵏ ⵜⵜⴻⴽⴽⵉ-ⵏⵙⴻⵏ ⴷⴻⴳ ⴷⴷⵓⵕⵜ-ⴰⴳⵉ ⴰⴷ ⵢⵉⵍⵉ ⴷ ⴰⵎⵓⴼⴼⵉⵔ ⵉⵍⵎⴻⵏⴷ ⵏ ⵡⵉⴷⴻⵏⴻⴷ ⵢⴻⵣⵔⵉⵏ".

ⵙⴷⴻⴼⴼⵉⵔ ⵎⴰ ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ "ⵢⴻⵍⵍⴰ ⴷ ⴷⴰⵢⴻⵎ ⴷ ⴰⵙⵏⴻⴷ ⴷ ⵓⵏⴰⴳⴰⵔ (ⵙⵓⵃⵃⵓⵔⵜⴻⵔ) ⴰⵎⴻⵏⵣⵓ ⵏ ⵍⵎⵓⵅⵜⴰⵔ ⴰⵖⴻⵍⵏⴰⵡ", ⵎⴰⵙⵙ ⵙⴰⴷⵉ ⵉⵙⵙⴻⴳⵣⵉ-ⴷ ⴱⴻⵍⵍⵉ ⵉⵎⵓⵔⴰⵔ "ⴼⴰⵇⴻⵏ ⵉ ⵜⵎⴰⵙⵉⵜ ⵉ ⴷ-ⵢⴻⵔⵔⴰⵏ ⴼⴻⵍⵍ-ⴰⵙⴻⵏ", ⵢⴻⵔⵏⴰ "ⴰⴽⴽ ⴰⵍⵍⴰⵍⴻⵏ ⵔⵙⴻⵏ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵇⴰⴱⴻⵍ ⵢⴻⵍⵀⴰⵏ ⴷⴻⴳ ⵎⴰⵔⵉⴽⴰⵏ ⴷ ⵢⵉⴳⵎⴰⴷ ⵏ ⵏⴼⴰⵄ".

ⵢⴻⵙⵙⴻⵏⴽⴰⴷ ⴷⴰⵖⴻⵏ ⵜⴰⵃⵔⴰⵣⵜ (ⵙⵜⴰⴱⵉⵍⵉⵜé) ⵏ ⵍⵎⵓⵅⵜⴰⵔ ⴰⵖⴻⵍⵏⴰⵡ, ⴷ ⵜⴰⵔⵔⴰⵢⵜ ⵏ ⵜⵙⴻⴷⵎⵉⵔⵜ ⵜⴰⵣⵣⴰⵢⵔⵉⵜ ⵏ ⴷⴷⴰⴱⴰ  ⵏ ⵓⴹⴰⵔ (ⴼⴰⴼ) ⴷ ⵓⵙⵍⴻⵡⴰⵢ ⴰⵖⴻⵍⵏⴰⵡ ⵠⵍⴰⴷⵉⵎⵉⵔ ⵃⴻⵜⴽⵓⵠⵉⵛ, ⵉ ⴷ-ⵢⴻⴼⴽⴰⵏ "ⵜⴰⵣⵎⴻⵔⵜ ⵏⵏⵉⴹⴻⵏ ⵉ ⵓⵃⵔⵉⵛ ⵏ ⵜⵜⴻⴽⵏⵉⵇⵓⴻ".

ⵉⵎⵓⵔⴰⵔ ⵏ ⵍⵎⵓⵅⵜⴰⵔ ⴰⵖⴻⵍⵏⴰⵡ: ⵜⴰⵍⵍⴻⵍⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴷ ⴷ-ⵜⴰⵣⵣⴻⵏ ⵍⵯⴻⵀⴷ-ⵏⵏⴻⵖ

ⵙⴻⴳ ⵜⴰⵎⴰ-ⵙ, ⵓⵇⴻⵔⵔⵓ ⵏ ⵓⵀⴻⵢⵢⵓⵍ, ⵔⵉⵢⴰⴷ ⵎⴰⵀⵔⴻⵣ, ⵢⴻⵙⵙⴻⵏⵎⵎⴻⵔ ⴰⵇⴰⴱⴻⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴷⴰⴳⵉ ⵉⵡⴰⵍⴰ ⴱⴻⵍⵍⵉ ⴰⵢⴰⴳⵉ ⴷ "ⵛⵛⴻⵕⴼ ⴰⵎⴻⵇⵇⵔⴰⵏ ⵉ ⵢⵉⵎⵓⵔⴰⵔ ⴰⴽⴽ", ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵍⵎⵓⵅⵜⴰⵔ ⴰⵖⴻⵍⵏⴰⵡ ⵢⴻⵍⵍⴰ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ ⵙⴷⴻⴼⴼⵉⵔ ⵏ ⵓⵙⵉⵍⴻⵖ ⵉ ⵅⴻⴷⵎⴻⵏ. ⵉⵙⴻⵏⵜⴻⵎ-ⴷ ⴱⴻⵍⵍⵉ ⵜⴻⵡⵊⴻⴷ ⵜⵉⵙⵎⵉⵍⵜ ⵉⵡⴰⴽⴽⴻⵏ ⴰⴷ ⵜⴻⴽⵛⴻⵎ ⴷⴻⴳ ⵓⵎⵉⵣⵣⵡⴻⵔ-ⴰⴳⵉ ⴰⴳⵔⴰⵖⵍⴰⵏ.

ⵉⵎⵓⵔⴰⵔ ⵏⵏⵉⴹⴻⵏ ⴰⵎ ⵢⴰⵛⵉⵏⴻ ⵜⵉⵜⵔⴰⵓⵓⵉ, ⴰⴷⵉⵍ ⴱⵓⵓⵍⴱⵉⵏⴰ ⴷ ⵏⴰⴱⵉⵍ ⴱⴻⵏⵜⴰⵍⴻⴱ, ⵏⴰⵏ-ⴷ ⴱⴻⵍⵍⵉ ⴰⵇⴰⴱⴻⵍ-ⴰⴳⵉ "ⵢⴻⵙⵙⵓⵍⵉ ⵍⵅⴰⵟⴻⵔ ⵏ ⵢⵉⵎⵓⵔⴰⵔ" ⵉ ⵡⴰⴽⴽⴻⵏ ⴰⴷ ⴷ-ⵎⵓⴷⴷⵓⵏ ⴰⴽⴽ ⴰⵢⴻⵏ ⵙⵄⴰⵏ ⵉⵍⵎⴻⵏⴷ ⵏ ⵓⵏⴰⵢ ⴰⵖⴻⵍⵏⴰⵡ.

ⵎⴰ ⴷ ⵢⵉⴼⴰⴳⵓⵔⴻⵏ (ⴳⴰⵔⴷⵉⴻⵏⵙ) ⵍⵓⵛⴰ ⵣⵉⴷⴰⵏⴻ ⴷ ⵓⵓⵙⵙⴰⵎⴰ ⴱⴻⵏⴱⵓⵜ, ⵏⴰⵏ-ⴷ ⴱⴻⵍⵍⵉ "ⴰⴷ ⵏⴻⵅⴷⴻⵎ ⵙ ⵢⵉⵡⴻⵏ ⵏ ⵔⵔⵓⵃ ⵉ ⵡⴰⴽⴽⴻⵏ ⵜⵜⴻⴽⴽⵉ-ⵏⵏⴻⵖ ⴰⴷ ⵢⵉⵍⵉ ⴷ ⴰⵎⵓⴼⴼⵉⵔ ⵉ ⵍⴻⵣⵣⴰⵢⴻⵔ". ⵓⵍⴰ ⴷ ⵉⵎⵓⵔⴰⵔ ⴰⵎ ⵉⴱⵔⴰⵀⵉⵎ ⵎⴰⵣⴰ, ⵏⴰⵏ-ⴷ ⴱⴻⵍⵍⵉ ⵜⴻⵡⵊⴻⴷ ⵜⵉⵙⵎⵉⵍⵜ ⵉ ⵡⴰⴽⴽⴻⵏ ⴰⴷ ⴷ-ⵜⴻⵙⵙⵉⵙⵀⵉⵢⴻⵏ ⵉⵖⵔⴻⴼⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵎⵓⵏⴷⵢⴰⵍ 2026.

ⵉⵡⴰⴽⴽⴻⵏ ⴰⴷ ⴷ-ⵏⴻⵎⵎⴻⴽⵜⵉ, ⴰⴽⴰⵙ ⵏ ⵓⵎⴰⴹⴰⵍ 2026 ⴰⴷ ⵢⵉⵍⵉ ⴷⴻⴳ ⵎⴰⵔⵉⴽⴰⵏ, ⴽⴰⵏⴰⴷⴰ ⴷ ⵍⵎⵉⴽⵙⵉⴽ, ⵙⴻⴳ 11 ⵢⵓⵏⵢⵓ ⴰⵔ 19 ⵢⵓⵍⵢⵓ.