ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵊⴷⴻⴷ ⵓⵎⴻⵣⵡⴰⵔⵓ ⵏ ⵢⵉⵏⴻⵇⵍⵉⴼⴻⵏ, ⵎⴰⵙⵙ ⵙⵉⴼⵉ ⵖⵔⵉⴱ, ⴰⵙⵙ-ⴰ ⵏ ⵜⵜⵍⴰⵜⴰ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⴻⵍⵍⵉ ⵍⵣⵣⴰⵢⴻⵔ ⵜⴻⴼⴽⴰ ⴰⵣⴰⵍ ⵓⵥⵍⴰⵢ ⵉ ⵜⵖⵔⴻⵎⵜ-ⵉⵙ ⴷⵉ ⴱⴻⵔⵔⴰ. ⵢⴻⵏⵏⴰ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⵓⵍⵎⴻⵊⵉⴷ ⵜⴻⴱⴱⵓⵏ, ⵢⴻⵔⵔⴰ ⴰⴳⴷⵓⴷ-ⴰⴳⵉ ⴷⴻⴳ ⵜⵓⵍⵎⵉⵙⵜ ⵏ ⵍⴻⵇⴷⵉⵛ-ⵉⵙ ⴷ ⵢⵉⵖⵉⵍⵉⴼⴻⵏ-ⵉⵙ.
ⴰⵡⴰⵍ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵡⴰⵍⴷⴰⵢ ⵏ ⵜⵎⵍⵉⵍⵉⵜ ⵏ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵎⵎⴰⵙⴻⵏ ⵏ ⵍⵇⴻⵏⵙⵓⵍⵢⴰ ⴷⴻⴳ ⵡⴰⵙⵉⵔⴰ ⵏ ⵜⵏⴻⵖⵍⴰⴼⵜ ⵏ ⵜⵎⵙⴰⵍ ⵏ ⴱⴻⵔⵔⴰ. ⵎⴰⵙⵙ ⵙⵉⴼⵉ ⵖⵔⵉⴱ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⵜⵓⵖⴰⵍ-ⴷ ⵎⴱⴰⵄⴻⴷ ⵓⴳⴰⵔ ⵏ 20 ⵏ ⵢⵉⵙⴻⴳⴳⴰⵙⴻⵏ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵢⴻⵏ ⵢⴻⵜⵜⵓⵅⴷⴻⵎ ⵉ ⵢⵉⵣⵣⴰⵢⵔⵉⵢⴻⵏ ⵏ ⴱⴻⵔⵔⴰ ⵢⴻⵔⵏⴰ ⴰⴷ ⵙⵙⴻⴳⴳⵎⴻⵏ ⵉⵙⵓⵔⴰ ⵢⴻⵔⵣⴰⵏ ⴰⵃⵔⵉⵛ-ⴰⴳⵉ.
ⵢⴻⵙⴼⴻⵔⵔⴻⵯ-ⴷ ⵓⵎⴻⵣⵡⴰⵔⵓ ⵏ ⵢⵉⵏⴻⵇⵍⵉⴼⴻⵏ ⴱⴻⵍⵍⵉ ⵍⵣⵣⴰⵢⴻⵔ ⵜⴻⵃⵎⴰ ⵉⵣⴻⵔⴼⴰⵏ ⵏ ⵜⵖⵔⴻⵎⵜ ⵏ ⴱⴻⵔⵔⴰ ⴷⴻⴳ ⵍⵇⴰⵏⵓⵏ ⴰⵎⴻⵇⵇⵔⴰⵏ ⵏ ⵜⵎⵓⵔⵜ. ⵉⵙⵡⵉ-ⵙ ⴷ ⴰⵃⴰⴷⴰⵔ ⵏ ⵢⵉⵎⴻⵣⴷⴰⵖ ⴷ ⵜⵔⴻⵣⵡⴰ-ⵏⵙⴻⵏ, ⴷ ⵓⵇⴰⴷⴻⵔ ⵏ ⵜⵎⴰⴳⵉⵜ ⴷ ⵍ lḥⴻⵔⵎⴰ-ⵏⵙⴻⵏ, ⵢⴻⵔⵏⴰ ⴰⴷ ⵙⵊⴻⵀⴷⴻⵏ ⴰⵎⵢⴻⵍⵍⴻⵍ ⴳⴰⵔ-ⴰⵙⴻⵏ ⴷ ⵜⵎⵓⵔⵜ-ⵏⵙⴻⵏ ⵜⴰⵢⴻⵎⵎⴰⵜ ⵉ ⵡⴰⴽⴽⴻⵏ ⴰⴷ ⴷ-ⴽⴽⵓⵏ ⴷⴻⴳ ⵓⵏⴻⴳⵎⵓ ⴰⴷⴰⵎⵙⴰⵏ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵜⴰⵖⵔⴻⵎⵜ ⵏ ⴱⴻⵔⵔⴰ ⴷ ⴰⵎⵓⵔ ⵓⵔ ⵏⴻⵣⵎⵉⵔ ⴰⴷ ⵏⴻⴱⴹⵓ ⵙⴻⴳ ⵓⴳⴷⵓⴷ ⴰⵣⵣⴰⵢⵔⵉ. ⴰⵙⴻⵍⵡⴰⵢ ⵜⴻⴱⴱⵓⵏ ⵢⴻⵔⵔⴰ-ⵜⵜ ⴷ ⵜⴰⵣⵡⴰⵔⴰ ⵏ ⵍⴻⵇⴷⵉⵛ-ⵉⵙ, ⵢⴻⵔⵏⴰ ⴰⵢⴰ ⵢⴻⴱⵢⴻⵏ-ⴷ ⴷⴻⴳ ⵓⴱⴻⴷⴷⴻⵍ ⵏ ⵢⵉⵙⴻⵎ ⵏ ⵜⵏⴻⵖⵍⴰⴼⵜ ⵏ ⵜⵎⵙⴰⵍ ⵏ ⴱⴻⵔⵔⴰ ⵉ ⵡⴰⴽⴽⴻⵏ ⴰⴷ ⴷ-ⵢⴻⴼⴽ ⴰⵣⴰⵍ ⵓⵥⵍⴰⵢ ⵉ ⵜⵖⵔⴻⵎⵜ-ⴰⴳⵉ ⵢⴻⵔⵏⴰ ⵢⴻⵔⵔⴰ ⵢⵉⵡⴻⵏ ⵓⵎⴰⵔⴰ ⵏ ⵓⵡⴰⵏⴰⴽ ⵓⵥⵍⴰⵢ ⵉ ⵜⵎⵙⴰⵍ-ⵏⵙⴻⵏ.
ⵎⴰⵙⵙ ⵙⵉⴼⵉ ⵖⵔⵉⴱ ⵢⴻⵙⵙⴻⴽⵜⴰ-ⴷ ⴰⵡⴰⵍ ⵏ ⵓⵙⴻⵍⵡⴰⵢ ⵉ ⵢⵉⵍⵎⴻⵣⵢⴻⵏ ⵢⴻⵍⵍⴰⵏ ⴷⵉ ⴱⴻⵔⵔⴰ ⴷⴻⴳ ⵍ lⵃⴰⵍⴰ ⵓⵔ ⵏⴻⵚⴼⵉ (ⴱⵍⴰ ⵍⴽⴰⵖⴻⴹ). ⵢⴻⵏⵏⴰ-ⴷ ⴱⴻⵍⵍⵉ ⴰⵏⴰⴹ ⵏ ⵓⵙⴻⴳⴳⴻⵎ ⵏ ⵍ lⵃⴰⵍⴰ-ⵏⵙⴻⵏ ⵢⴻⵙⴽⴰⵏⴰⵢ-ⴷ ⴱⴻⵍⵍⵉ ⴰⵙⴻⵍⵡⴰⵢ ⵢⴻⴱⵯⴰ ⴰⴷ ⵉⵃⴰⴷⴻⵔ ⴰⵔⵔⴰⵡ ⵏ ⵍⵣⵣⴰⵢⴻⵔ ⴷⴻⴳ ⴽⵓⵍ ⴰⵎⴽⴰⵏ.
ⵜⴰⴳⴳⴰⵔⴰ, ⵢⴻⵏⵏⴰ ⵉ ⵢⵉⵎⵙⴻⵍⵡⴰⵢⴻⵏ ⵏ ⵍⵇⴻⵏⵙⵓⵍⵢⴰ ⴱⴻⵍⵍⵉ ⵜⴰⵎⴰⵙⵉⵜ-ⵏⵙⴻⵏ ⵜⴻⵊⵊⴻⵀⴻⴷ ⴰⵟⴰⵙ, ⵢⴻⵔⵏⴰ ⵢⴻⵍⵀⴰ ⴰⴷ ⴼⴽⴻⵏ ⵜⴰⵢⵏⵉⵜ ⵉ ⵍⴻⵄⵔⵉⴹⴰⵜ ⵏ ⵢⵉⵎⴻⵣⴷⴰⵖ ⴷⵉ ⴱⴻⵔⵔⴰ ⵢⴻⵔⵏⴰ ⴰⴷ ⵙⵙⴻⴳⴳⵎⴻⵏ ⵍⴻⵇⴷⵉⵛ-ⵏⵙⴻⵏ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⴰⵢⵏⵉⵜ ⵉ ⵍⴻⴱⵖⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷ ⵓⴳⴷⵓⴷ ⴰⵣⵣⴰⵢⵔⵉ.
ⴰⵔⵏⵓ ⵖⴻⵔ
