ⵔⵔⴱⴰⵟ – ⵢⵉⵡⴻⵜ ⵏ ⵜⵖⵓⵔⵉⵡⵉⵏ ⵏ ⵢⵉⵙⴰⵍⵍⴻⵏ ⴷⴻⴳ ⵍⵎⴰⵔⵓⴽ ⵙⵙⵓⴼⵖⴻⵏ-ⴷ ⴰⵡⴰⵍ ⵉⵊⴻⵀⴷⴻⵏ ⵎⴳⴰⵍ ⵜⴰⵏⴻⴱⴱⴰⴹⵜ ⵏ ⵍⵎⴰⴽⵒⵣⴻⵏ ⵉ ⵢⴻⵜⵜⵊⴻⵎⵎⵉⵄⴻⵏ ⵜⵔⴻⵣⵡⴰ ⴷ ⵡⴻⴷⵔⵉⵎ ⵎⴰ ⴷ ⵜⴰⵎⵓⵔⵜ ⵜⴻⵜⵜⵉⴷⵉⵔ ⴷⴻⴳ ⵜⵡⴰⵖⵉⵢⵉⵏ ⵓⵔ ⵏⴻⴽⴼⵉ ⵙⴻⴳ ⵍⴱⴰⵟⴻⵍ ⴷ ⵜⴰⴽⴻⵔⴹⴰ. ⵙⵙⴻⴽⵏⴻⵏ-ⴷ ⴷⴰⵖⴻⵏ ⴰⵖⵉⵍⵉⴼ-ⵏⵙⴻⵏ ⵖⴻⴼ ⵜⵓⵙⵙⵎⴰ ⵏ ⵜⵏⴻⴱⴱⴰⴹⵜ ⴷⴰⵜ ⵡⴰⵢⴻⵏ ⴳⴳⴰⵏ ⵢⵉⵏⵉⴳⵎⴰⵏ (ⵉⵏⵉⴳⵎⴰⵏ ⵏ ⵡⴰⵎⴰⵏ) ⴷⴻⴳ ⵡⴰⵟⴰⵙ ⵏ ⵜⵎⴻⵏⵏⴰⴹⵉⵏ.
ⵜⵉⵖⵓⵔⵉⵡⵉⵏ-ⴰⴳⵉ ⵏⵏⴰⵏⵜ-ⴷ ⴱⴻⵍⵍⵉ ⵍⵃⴰⵍⴰ ⵏ ⵜⴷⴰⵎⵙⴰ ⵜⴻⵡⵄⴻⵔ ⴰⵟⴰⵙ ⵖⴻⴼ ⵢⵉⵖⴻⵔⴼⴰⵏ, ⵎⴻⵄⵏⴰ ⵜⵜⴻⵛⴰⵔⵉⴽⴰ "ⵉⴼⵔⵉⵇⵢⴰ ⴳⴰⵣ" ⵢⴻⵔⵣⴰⵏ ⴰⵎⴻⵣⵡⴰⵔⵓ ⵏ ⵢⵉⵏⴻⵇⵍⵉⴼⴻⵏ ⵄⴰⵣⵉⵣ ⴰⵞⴻⵏⵏⵓⵛ, ⵜⴻⵔⵡⴻⵃ-ⴷ ⴰⵟⴰⵙ ⵏ ⵡⴻⴷⵔⵉⵎ. ⴷⴻⴳ ⵓⵙⴻⴳⴳⴰⵙ ⵏ 2025, ⵍⴼⴰⵢⴷⴰ-ⵏⵙⴻⵏⵜ ⵜⴻⵍⵍⴰ ⴷ 2.4 ⵏ ⵜⵎⵉⴹⵉ (2.4%) ⵓⴳⴰⵔ ⵏ ⵓⵙⴻⴳⴳⴰⵙ ⵏ 2024. ⵎⴰ ⴷ ⴰⵎⴻⵣⴷⴰⵖ ⴰⵎⴰⵔⵓⴽⵉ ⴷ ⵏⴻⵜⵜⴰ ⵉ ⵢⴻⵜⵜⴼⴻⵔⵔⵉⵄⴻⵏ ⴰⵜⵉⴳ ⵓⵏⵏⵉⴳ ⵏ ⵓⵥⴰⵔⵓ ⵉ ⵢⴻⴳⴳⴰⵏ ⵛⵛⵡⴰⵍ ⴷⴻⴳ ⵜⵓⴷⴻⵔⵜ-ⵉⵙ.
ⵢⴻⵍⵀⴰ ⴰⴷ ⵢⵉⵍⵉ ⵓⴼⵔⴰⵇ ⴳⴰⵔ ⵍⵃⴻⴽⵎ ⴷ ⵡⴻⴷⵔⵉⵎ ⵉ ⵡⴰⴽⴽⴻⵏ ⴰⴷ ⵜⴻⵊⵊⴻⵀⴷⴻⴷ ⵜⴼⴰⵡⵜ ⵢⴻⵔⵏⴰ ⴰⴷ ⵢⵉⵍⵉ ⵓⵃⴰⵙⴻⴱ ⵏ ⵡⵉⴷ ⵢⴻⵜⵜⴰⵡⵉⵏ ⵜⴰⵎⴰⵙⵉⵜ. ⵜⵉⵖⵓⵔⵉⵡⵉⵏ ⵙⵙⴻⴽⵏⴻⵏⵜ-ⴷ ⵍⴱⴰⵟⴻⵍ ⵏ ⵜⵏⴻⴱⴱⴰⴹⵜ ⵉ ⵢⴻⵙⵙⴻⵙⵎⴻⵏ ⴷⴰⵜ ⵡⴰⵢⴻⵏ ⵢⴻⴹⵔⴰⵏ ⴷⴻⴳ ⵜⵖⵉⵡⴰⵏⵜ ⵏ ⵍⵇⵚⴻⵔ ⵍⴽⴻⴱⵉⵔ ⴷ ⵢⵉⴷⵓⵔⴰⵔ ⵏⵏⵉⴹⴻⵏ ⵉⵎⵉ ⴰⵏⴳⵓⴹ ⵏ ⵡⴰⵎⴰⵏ ⵢⴻⵅⵍⴰ-ⵜⴻⵏ.
ⴷⴻⴳ ⵜⵎⵍⵉⵍⵉⵜ ⵏ ⵢⵉⵎⴱⴻⵇⵇⴰⵙ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ, ⵜⴰⵏⴻⴱⴱⴰⴹⵜ ⵜⴻⴳⴳⵓⵎⴰ ⴰⴷ ⵜⵙⴻⵍ ⵉ ⵢⵉⵙⵓⵜⴻⵔⵏ ⵏ ⵢⵉⵎⴱⴻⵇⵇⴰⵙ ⵉ ⵡⴰⴽⴽⴻⵏ ⴰⴷ ⵙⵙⵉⵡⵍⴻⵏ ⵖⴻⴼ ⵜⵡⴰⵖⵉⵜ-ⴰⴳⵉ ⵏ ⵡⴰⵎⴰⵏ. ⵜⴻⵇⵇⵉⵎ ⴽⴰⵏ ⴷⴻⴳ ⵡⴰⵀⵉⵍ ⵏ ⵓⵎⴰⵀⵉⵍ-ⵉⵙ ⴰⵎ ⴰⴽⴽⴻⵏ ⵡⴰⵢⴻⵏ ⵢⴻⴹⵔⴰⵏ ⴷⵉ ⴱⴻⵔⵔⴰ ⵓⵔ ⵢⴻⵙⵄⵉ ⴰⵔⴰ ⴰⵣⴰⵍ. ⵜⴰⵏⴻⴱⴱⴰⴹⵜ-ⴰⴳⵉ ⵜⴻⵜⵜⵓⵙⴻⵎⵎⴰ ⵜⵓⵔⴰ ⴷ "ⵜⴰⵏⴻⴱⴱⴰⴹⵜ ⵏ ⵜⵡⴰⵖⵉⵢⵉⵏ".
ⴷⴻⴳ ⵜⴰⴳⴳⴰⵔⴰ, ⵡⴰⵎⵎⴰⵙ ⴰⵎⴰⵔⵓⴽⵉ ⵏ ⵢⵉⵣⴻⵔⴼⴰⵏ ⵏ ⵢⵉⵎⴷⴰⵏⴻⵏ ⵢⴻⴱⵢⴻⵏ-ⴷ ⴰⵖⵉⵍⵉⴼ-ⵉⵙ ⴰⵎⴻⵇⵇⵔⴰⵏ ⵖⴻⴼ ⵡⴰⵢⴻⵏ ⵢⴻⵜⵜⵉⴷⵉⵔ ⵓⴳⴷⵓⴷ ⴷⴻⴳ ⵍⵇⵚⴻⵔ ⵍⴽⴻⴱⵉⵔ ⵢⴻⵔⵏⴰ ⵢⴻⵔⵔⴰ ⵜⴰⵎⴰⵙⵉⵜ ⵖⴻⴼ ⵜⵏⴻⴱⴷⴰⴷⵜ ⵉ ⵓⵔ ⵏⴻⵣⵎⵉⵔ ⴰⴷ ⵜⴼⵔⵓ ⵜⵉⵎⵙⴰⵍ-ⴰⴳⵉ.
ⴰⵔⵏⵓ ⵖⴻⵔ
