ⵉⵙⵙⴻⴽⵏⴻⴷ-ⴷ ⵓⵎⵖⴰⵔ ⵏ ⵜⵎⴰⵣⴰⴷⴰⵢⵜ (Archevêque) ⵏ ⵍⴻⵣⵣⴰⵢⴻⵔ, ⴽⴰⵔⴷⵉⵏⴰⵍ ⵊⴻⴰⵏ-ⵒⴰⵓⵍ ⵠⴻⵙⵛⵓ, ⴰⵣⴰⵍ ⵏ ⵜⵉⵔⵣⵉ ⵏ ⵓⵎⴻⵣⵔⵓⵢ ⴰⵔⴰ ⴷ-ⵢⴻⵅⴷⴻⵎ ⵇⵉⴷⴰⵙⴻⵜ ⵍⵒⴰⵒⴰ ⵍⵢⵓⵏ ⵡⵉⵙ ⵎⵔⴰⵡ ⴷ ⴽⵓⵣ (14) ⵖⴻⵔ ⵍⴻⵣⵣⴰⵢⴻⵔ. ⵉⵡⴰⵍⴰ-ⵜⵜ ⴷ "ⵍⵉⵛⴰⵕⴰ ⵉⴶⴻⵀⴷⴻⵏ" ⴷ "ⵓⵏⴰⴳⵉ ⵏ ⵜⵉⴷⴻⵜ ⵖⴻⴼ ⵜⵓⴷⴻⵔⵜ ⵙ ⵜⴷⵓⴽⵍⵉ", ⴰⵢⴰⴳⵉ ⴰⴷ ⵢⴻⵔⵔ ⵍⴻⵣⵣⴰⵢⴻⵔ ⴷ ⵍⵍⵙⴰⵙ ⵏ ⵜⴻⴱⵔⴰⵜⵜ ⵏ ⵍⴻⵀⵏⴰ ⵉ ⵉⵙⵓⵜⵜⵓⵔ ⵓⵎⴰⴹⴰⵍ ⵙ ⵍⴶⴻⵀⴷ ⴰⵙⵙ-ⴰ.
ⴷⴻⴳ ⵓⴷⵉⵡⴻⵏⵏⵉ ⵉ ⵢⴻⵅⴷⴻⵎ ⵉ ⵜⵙⴻⵏⵏⴰⴼⵜ ⵏ ⵢⵉⵙⴰⵍⵍⴻⵏ , ⴽⴰⵔⴷⵉⵏⴰⵍ ⵠⴻⵙⵛⵓ ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵔⵣⵉ-ⴰⴳⵉ ⵜⴰⵎⴻⵏⵣⵓⵜ ⵏ ⵍⵒⴰⵒⴰ ⵖⴻⵔ ⵍⴻⵣⵣⴰⵢⴻⵔ ⴷ "ⵜⵉⵍⵉⵍⵜ (pont) ⵏ ⵜⵉⴷⴻⵜ ⴳⴰⵔ ⵓⵎⴰⴹⴰⵍ ⴰⵎⴰⵙⵉⵃⵉ ⴷ ⵡⵉⵏ ⵏ ⵢⵉⵏⵙⴻⵍⵎⴻⵏ, ⵢⴻⵔⵏⴰ ⵜⴻⵙⵙⴻⵏⴽⴰⴷ-ⴷ ⵜⵎⴻⵔⴽⴰⵏⵜ ⵏ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ ⴷ ⵍⵇⴻⴷⴷ ⵏ ⵜⵖⴻⵔⵎⴰ-ⵙ".
ⵉⵙⵙⴻⴽⵜⵉ-ⴷ ⴱⴻⵍⵍⵉ ⵜⵉⵔⵣⵉ-ⴰⴳⵉ ⴰⴷ ⵜⵉⵍⵉ ⴷ ⵜⵉⵏ ⵞⵞⵓⵔⴻⵏ ⴷ ⵉⵏⵓⵎⴰⴽ, ⴰⵎⴰ ⴷⴻⴳ ⵔⵔⵓⵃ ⵏⴻⵖ ⴷⴻⴳ ⵓⵣⴰⵎⵓⵍ ⵍⵇⴰⵢⴻⵏ. ⵢⴻⵏⵏⴰ-ⴷ: "ⵜⵉⵔⵣⵉ ⵏ ⵓⵇⴻⵔⵔⵓ ⴰⵎⴻⵏⵣⵓ ⵏ ⵓⵎⴰⴹⴰⵍ ⴰⵎⴰⵙⵉⵃⵉ ⵖⴻⵔ ⵜⵎⵓⵔⵜ ⵏ ⵢⵉⵏⵙⴻⵍⵎⴻⵏ ⵜⴻⵜⵜⴰⴽ-ⴰⵙ ⵢⵉⵡⴻⵏ ⵏ ⵓⵣⴰⵎⵓⵍ ⵓⴼⵔⵉⵏ ⵢⴻⵔⵏⴰ ⵜⴻⵙⵙⴻⴽⵏⴰⵢ-ⴷ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ, ⴰⴽⴰⵍ ⵏ ⵙⴰⵏⴼⵓⵙⵜⵉ (Saint Augustin)".
ⵉⵙⵙⴻⴼⵀⴻⵎ-ⴷ ⴱⴻⵍⵍⵉ ⵍⵒⴰⵒⴰ ⵍⵢⵓⵏ ⵡⵉⵙ 14 ⵢⴻⵙⵙⴻⵏ ⴰⴽⴽⴻⵏ ⵉⵡⴰⵜⴰ ⵍⴻⵣⵣⴰⵢⴻⵔ, ⵉⵎⵉ ⵢⴻⵔⵣⴰ-ⴷ ⵖⵓⵔ-ⵙ ⵙⵏⴰⵜ ⵏ ⵜⵉⴽⴽⴰⵍ ⵓⵇⴱⴻⵍ ⴰⴷ ⵢⵓⵖⴰⵍ ⴷ ⵍⵒⴰⵒⴰ. ⵜⵉⵔ-ⴰⴳⵉ ⵜⵓⵙⴰ-ⴷ ⵉⵡⴰⴽⴽⴻⵏ ⴰⴷ "ⵉⴽⴻⵎⵎⴻⵍ ⵍⴻⴱⵏⵉ ⵏ ⵜⵉⵍⵉⵢⵉⵏ ⴳⴰⵔ ⵙⵏⴰⵜ ⵏ ⵢⵉⴷⵍⴻⵙ ⴷ ⵙⵏⴰⵜ ⵏ ⵜⵉⵏⴻⴷⵊⵉⵏ", ⵓ ⴷ ⵜⵉⵏ ⵉ ⴷ-ⵢⴻⵎⵎⴰⵍⴻⵏ "ⴰⵎⴽⴰⵏ ⴰⵙⵔⴰⵜⵉⴷⵊⵉ ⵏ ⵍⴻⵣⵣⴰⵢⴻⵔ ⴰⵎ ⵡⴰⵎⵎⴰⵙ ⴳⴰⵔ ⵢⵉⵍⵍⴻⵍ ⴰⴳⵔⴰⴽⴰⵍ ⴷ ⵜⴻⴼⵔⵉⵇⵜ".
ⴽⴰⵔⴷⵉⵏⴰⵍ ⵠⴻⵙⵛⵓ ⵉⵙⵔⴻⵚ-ⴷ ⵖⴻⴼ ⵜⵓⵛⵛⵉⵜ ⵏ ⵍⴻⵣⵣⴰⵢⴻⵔ ⴷ ⵍⴽⵓⵔⵙⵉ ⵏ ⵓⵎⴰⵣⴰⵏ ⵉ ⵓⴷⴻⴳⴳⴻⵔ ⵏ ⵢⵉⴳⵓⵔⴻⴼ ⵢⴻⵃⵚⵔⴻⵏ ⴷ ⵓⵙⴻⴶⵀⴻⴷ ⵏ ⵡⴰⵣⴰⵍⴻⵏ ⵏ ⵓⴷⵉⵡⴻⵏⵏⵉ. ⴰⵢⴰⴳⵉ ⵉ ⴷ-ⵉⴱⴰⵏⴻⵏ ⵙ ⵓⴼⵔⴰⵏ ⵏ ⵓⵣⴻⵏⵣⵉⵖ ⵏ ⵜⵉⵔⵣⵉ ⵉ ⴷ-ⵢⵓⵙⴰⵏ ⵙⴻⴳ ⵙⵙⵍⴰⵎ ⵏ ⵢⵉⵏⵙⴻⵍⵎⴻⵏ "ⴰⵙⵙⴰⵍⴰⵎⵓ ⴰⵍⴰⵢⴽⵓⵎ".
--- ⴰⵏⴻⴽⵛⵓⵎ ⴰⴼⵔⴰⵏⵙⵉⵙ ⴷⴻⴳ ⵍⴻⵣⵣⴰⵢⴻⵔ ⵢⴻⴶⴶⴰ ⵍⵇⴻⵕⵃ ⵍⵇⴰⵢⴻⵏ ⴷ ⵛⵛⴰⵎⵉ ⵓⵔ ⵏⵜⴻⴼⴼⵓ
ⴷⴻⴳ ⵜⴰⵎⴰ ⵏⵏⵉⴹⴻⵏ ⵢⴻⵄⵏⴰⵏ ⵜⴰⵎⴻⴽⵜⵉ (mémoire), ⴰⵎⵖⴰⵔ ⵏ ⵜⵎⴰⵣⴰⴷⴰⵢⵜ ⵉⵙⵎⴻⴽⵜⵉ-ⴷ "ⵍⵇⴻⴷⴷ ⵏ ⵓⵄⴻⵏⴼⴰⴹ ⵉ ⵢⴻⵅⴷⴻⵎ ⵓⵏⴻⴽⵛⵓⵎ ⴰⴼⵔⴰⵏⵙⵉⵙ ⴷⴻⴳ ⵍⴻⵣⵣⴰⵢⴻⵔ". ⵉⵙⵙⴻⴽⵏⴻⴷ ⴱⴻⵍⵍⵉ 130 ⵏ ⵢⵉⵙⴻⴳⴳⴰⵙⴻⵏ ⵏ ⵓⵏⴻⴽⵛⵓⵎ ⴶⴶⴰⵏ ⵍⵇⴻⵕⵃ ⵍⵇⴰⵢⴻⵏ ⴷ ⵛⵛⴰⵎⵉ ⵓⵔ ⵏⵜⴻⴼⴼⵓ, ⵍⴰⴷⵖⴰ ⴰⵢⴻⵏ ⵢⴻⵄⵏⴰⵏ ⵎⵅⴻⵕⴶⴰⵜ ⵏ ⵢⵉⵙⴼⴻⴶⴶⴰⵢⴻⵏ ⵏ ⵏⵓⵜⵓⵏⵢⴰ ⴷⴻⴳ ⵓⵏⵥⵓⵍ ⵏ ⵍⴻⵣⵣⴰⵢⴻⵔ.
ⵢⴻⵏⵏⴰ-ⴷ ⴱⴻⵍⵍⵉ "ⵢⴻⵍⵍⴰ ⵢⵉⵡⴻⵏ ⵏ ⵍⵇⴻⵕⵃ ⵍⵇⴰⵢⴻⵏ ⵉ ⵓⵔ ⵏⴻⵣⵎⵉⵔ ⴰⴷ ⵏⴻⵣⵡⵉⵔ ⵙ ⵓⴼⵙⵉⵙ", ⵉⵙⵙⴻⴽⵏⴻⴷ ⵍⵖⴻⵛⵛ-ⵉⵙ ⵉⵎⵉ ⵓⵔ ⴷ-ⵜⴻⵍⵍⵉ ⴰⵔⴰ "ⵜⴰⵎⴻⵙⵍⴰⵢⵜ ⵏ ⵜⵉⴷⴻⵜ ⵢⴻⴱⴰⵏⴻⵏ" ⵖⴻⴼ ⵜⴰⵍⵍⵉⵜ-ⵏⵏⵉ. ⵉⵙⵎⴻⵔ-ⴷ ⴰⵙⵙⵉⵔⴻⵎ-ⵉⵙ ⵉⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵜⴻⵏⵢⴻⵏ ⵙ ⵍⵇⴻⵕⵃ ⵏ ⵓⵖⵔⴻⴼ ⴰⵣⵣⴰⵢⵔⵉ ⵉⵡⴰⴽⴽⴻⵏ "ⴰⴷ ⵜⴻⵜⵜⵓⵎⴹⴻⵍ ⵜⴼⴻⵔⵔⴻⵜ ⵏ ⵓⵎⴻⵣⵔⵓⵢ-ⵏⵏⵉ".
ⴷⴻⴳ ⵜⴰⴳⴳⴰⵔⴰ, ⴽⴰⵔⴷⵉⵏⴰⵍ ⵠⴻⵙⵛⵓ, ⵉⵕⴻⵙⵙⴰⵏ ⴷⴻⴳ ⵍⴻⵣⵣⴰⵢⴻⵔ ⵙⴻⴳ ⵓⴳⴰⵔ ⵏ 20 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⵢⴻⵙⵄⴰ ⵜⴰⵖⵍⴻⵏⵜ ⵜⴰⵣⵣⴰⵢⵔⵉⵜ, ⵉⵙⵙⴻⴽⵏⴻⴷ-ⴷ ⵍⴻⴱⵖⵉ-ⵙ ⵍⵇⴰⵢⴻⵏ ⵉ ⵜⵎⵓⵔⵜ-ⵉⵙ ⵜⵉⵙ ⵙⵏⴰⵜ, ⵉⵙⵍⴻⵎ-ⴷ ⵙ ⵍⴽⴻⵔⵎⴰ ⵏ ⵓⵖⵔⴻⴼ ⴰⵣⵣⴰⵢⵔⵉ.
ⴰⵔⵏⵓ ⵖⴻⵔ
