ⴰⵏⵖⵍⴰⴼ ⵏ ⵜⵣⵎⴻⵔⵜ, ⵎⵓⵃⴰⵎⴻⴷ ⵚⴻⴷⴷⵉⵇ ⴰⵢⵜ ⵎⴻⵙⵄⵓⴷⴰⵏ, ⵢⴻⵙⵜⴻⵇⴱⴻⵍ ⵜⴰⵎⴻⵏⵙⴰⵢⵜ ⵏ ⵓⵙⴻⵏⴷⵓⵇ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ ⵉ ⵢⵉⵎⴻⵣⴷⴰⵖ (UNFPA) ⴷⴻⴳ ⵍⵣⵣⴰⵢⴻⵔ, ⴼⴰⵢⵣⴰ ⴱⴻⵏ ⴷⵔⵉⵙ, ⴰⴽⴽⴻⵏ ⵉ ⴷ-ⵢⵓⵙⴰⵏ ⴷⴻⴳ ⵡⴰⵍⵖⵓ ⵏ ⵜⵏⴻⵖⵍⴰⴼⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⴰⵎⴻⴽ ⵉ ⵜⵜⴻⴷⴷⵓⵏ ⵢⵉⵙⴻⵏⴼⴰⵔⴻⵏ ⵏ ⵓⵎⵢⴻⵍⵍⴻⵍ ⴳⴰⵔ ⵜⵏⴻⵖⵍⴰⴼⵜ ⴷ ⵓⵙⴻⵏⴷⵓⵇ-ⴰⴳⵉ, ⵍⴰⴷⵯⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵣⵎⴻⵔⵜ ⵏ ⵓⴼⴰⵔⵉⵙ, ⴰⵙⵉⵣⵡⴻⵔ ⵏ ⵜⵡⴰⵛⵓⵍⵜ, ⴷ ⵓⵏⵇⴰⵙ ⵏ ⵜⵎⴻⵜⵜⴰⵏⵜ ⵏ ⵜⵢⴻⵎⵎⴰⵜⵉⵏ. ⴰⵎ ⵢⴻⴽⴽⴰ ⵍⵇⴰⴷ ⵓⵍⴰ ⴷ ⴰⵃⴰⴷⴰⵔ ⵏ ⵜⵍⴰⵡⵉⵏ ⵉ ⵢⴻⵜⵜⵓⵜⵢⴻⵏ (ⵍⵄⴻⵏⴼ) ⴷ ⵓⵙⵉⴷⴷⴻⵔ ⵏ ⵜⵣⵎⴰⵔ ⵏ ⵢⵉⵎⴰⵀⵍⴰⵏ ⵏ ⵜⵣⵎⴻⵔⵜ.
ⴷⴻⴳ ⵓⵙⴻⵏⵜⴻⵍ-ⴰⴳⵉ, ⵜⴰⵎⴻⵏⵙⴰⵢⵜ ⵏ ⵓⵙⴻⵏⴷⵓⵇ ⵜⴻⵙⵙⴻⴽⵜⴰ-ⴷ ⴰⵡⴰⵍ ⵉ ⵜⴻⴼⴽⴰ ⵍⵣⵣⴰⵢⴻⵔ ⴷⴻⴳ ⵓⵏⴻⵊⵎⵓⵄ ⵏ ⵏⴰⵢⵔⵓⴱⵉ (2019) ⵉ ⵡⴰⴽⴽⴻⵏ ⴰⴷ ⵜⴰⵡⴻⴹ ⵖⴻⵔ ⴽⵔⴰⴹ (3) ⵉⵙⵡⵉⵢⴻⵏ ⴷⴻⴳ ⵓⵙⴻⴳⴳⴰⵙ ⵏ 2030: ⵓⵍⴰⵛ ⵜⴰⵎⴻⵜⵜⴰⵏⵜ ⵏ ⵜⵢⴻⵎⵎⴰⵜⵉⵏ ⵉ ⵢⴻⵣⵎⴻⵔ ⵓⵃⴰⴷⴰⵔ-ⵏⵙⴻⵏⵜ, ⵓⵍⴰⵛ ⵓⵄⵉⵡⴻⵍ ⴷⴻⴳ ⵓⵙⵉⵣⵡⴻⵔ ⵏ ⵜⵡⴰⵛⵓⵍⵜ, ⴷ ⵓⵇⵍⴰⵄ ⵏ ⵍⵄⴻⵏⴼ ⵎⴳⴰⵍ ⵜⵉⵍⴰⵡⵉⵏ.
Seg ⵍⵊⵉⵀⴰ-ⵙ, ⴰⵏⵖⵍⴰⴼ ⵏ ⵜⵣⵎⴻⵔⵜ ⵢⴻⴱⵢⴻⵏ-ⴷ ⵍⴻⵇⴷⵉⵛ ⵉ ⵜⴳⴰ ⵜⵎⵓⵔⵜ ⴷⴻⴳ ⵡⴻⵏⵇⴰⵙ ⵏ ⵜⵎⴻⵜⵜⴰⵏⵜ ⵏ ⵜⵢⴻⵎⵎⴰⵜⵉⵏ ⴷ ⵓⵙⴰⵍⴰⵢ ⵏ ⵓⵙⵡⵉⵔ ⵏ ⵜⵓⴷⴻⵔⵜ ⵏ ⵢⵉⵎⴻⵣⴷⴰⵖ. ⵢⴻⵏⵏⴰ-ⴷ ⵓⵍⴰ ⴷ ⴰⵎⴻⴽ ⵉ ⵢⴻⵍⵍⴰ ⵓⵎⵢⴻⵍⵍⴻⵍ-ⴰⴳⵉ ⴷ ⴰⵢⴻⵏ ⵢⴻⵜⵜⴰⵡⵉⵏ ⵖⴻⵔ ⵓⵃⴰⴷⴰⵔ ⵏ ⵜⵣⵎⴻⵔⵜ ⵏ ⵜⵎⴻⵜⵜⵓⵜ.
ⵜⴰⵎⴻⵏⵙⴰⵢⵜ ⵏ ⵓⵙⴻⵏⴷⵓⵇ ⵜⴻⵏⵏⴰ-ⴷ ⴰⴷ ⵜⴽⴻⵎⵎⴻⵍ ⵜⴻⵍⵍⵉ ⴷ ⵜⴰⵎⴷⵓⴽⴽⴻⵍⵜ ⵏ ⵍⵣⵣⴰⵢⴻⵔ ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⵢⵉⵙⴻⵏⴼⴰⵔⴻⵏ-ⴰⴳⵉ ⵏ ⵜⵣⵎⴻⵔⵜ. ⴷⴻⴳ ⵜⴰⴳⴳⴰⵔⴰ, ⴷⵉ ⵙⵉⵏ ⵢⵉⴷ-ⵙⴻⵏ ⴰⵎⵏⴻⵏ ⵙ ⵓⵎⵛⵉⵡⴰⵔ ⵢⴻⵍⵀⴰⵏ ⵉ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴻⴱⵔⵉⴷ ⵏ ⵜⵎⴻⵔⵏⵉⵡⵜ ⵉ ⵜⴻⵣⵎⴻⵔⵜ ⵏ ⵜⵎⴻⵜⵜⵓⵜ ⴷ ⵜⵢⴻⵎⵎⴰⵜⵉⵏ.
ⴰⵔⵏⵓ ⵖⴻⵔ
