ⵜⴻⵀⴻⴳⴳⴰ ⵜⵏⴻⵖⵍⴰⴼⵜ ⵏ ⵜⴻⵣⵎⴻⵔⵜ, ⵡⴰⵙⵙ-ⴰ ⵏ ⵍⴰⵔⴱⴻⵄⴰ ⴷⵉ ⴷⵣⴰⵢⴻⵔ ⵜⴰⵎⴰⵏⴰⵖⵜ, ⵢⵉⵡⴻⵏ ⵡⴰⵙⵙ ⵏ ⵜⴻⵣⵔⴰⵡⵜ ⴷⴻⴳ ⵓⵃⵛ ⵏ ⵓⵍⴷⴰⵢ ⵏ ⵜⵍⴰⵖⴻⵜ ⵏ ⵓⵡⴻⵀⵀⵉ ⵖⴻⴼ ⵢⵉⵎⵉⵣⵉⵜⴻⵏ ⵏ ⵜⴻⵣⵎⴻⵔⵜ ⵉ ⵢⵉⵎⵓⴹⴰⵏⴻⵏ ⵙ ⵍⴻⵀⵍⴰⴽ ⴰⵎⴻⵣⵔⴰⵢ , ⵓⵇⴱⴻⵍ ⴰⴷ ⴷ-ⵢⴰⵡⴻⴹ ⵡⴰⴳⴳⵓⵔ ⵏ ⵔⴻⵎⴹⴰⵏ.
ⴷⴻⴳ ⵡⴰⵙⵙ-ⴰⴳⵉ ⵢⴻⵡⵡⵉⵏ ⵉⵙⴻⵎ "ⵔⴻⵎⴹⴰⵏ ⴷ ⵜⴻⵣⵎⴻⵔⵜ", ⴰⵏⵎⴰⵣⵓⵍ ⴰⵎⴰⵜⵓ ⵏ ⵜⵏⴻⵖⵍⴰⴼⵜ, ⵎⵓⵃⴰⵎⴻⴷ ⵟⴰⵍⵃⵉ, ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵓⵡⴻⵀⵀⵉ ⵏ ⵡⵉⴷ ⵢⵓⴹⵏⴻⵏ ⵉⵡⴰⴽⴽⴻⵏ ⴰⴷ ⵎⵙⴰⵡⴰⵔⴻⵏ ⴷ ⵓⵎⵓⴷⴰⵡ ⵏⵙⴻⵏ ⵓⵇⴱⴻⵍ ⴰⴷ ⵥⵓⵎⴻⵏ.
ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍ ⵜⴰⵏⴻⵖⵍⴰⴼⵜ ⵜⴻⴱⵖⴰ ⴰⴷ ⵜⴻⵙⵏⴻⵔⵏⵉ ⴰⵃⴻⴷⴷⴻⵔ ⴷ ⵓⵙⵉⵡⴻⴹ ⵏ ⵢⵉⵙⴰⵍⵍⴻⵏ ⵏ ⵜⴻⵣⵎⴻⵔⵜ ⵢⴻⵍⵀⴰⵏ ⵉ ⵢⵉⴳⴷⵓⴷⴻⵏ, ⵍⴰⴷⵖⴰ ⵡⵉⴷ ⵢⴻⵍⵍⴰⵏ ⴷⴻⴳ ⵢⵉⵎⵉⵣⵉⵜⴻⵏ ⵉⵎⴻⵇⵇⵔⴰⵏⴻⵏ.
ⵙⵉ ⵢⵉⴷⵉⵙ-ⵉⵙ, ⴰⵎⴻⵙⴼⴻⴷ ⴰⵎⴰⵜⵓ ⵏ ⵓⵃⴻⴷⴷⴻⵔ, ⵊⴰⵎⴰⵍ ⴼⵓⵔⴰⵔ, ⵢⴻⵏⵏⴰ-ⴷ ⴱⴻⵍⵍⵉ ⵜⴰⵍⴰⵖⴻⵜ-ⴰⴳⵉ ⴷ ⵜⴰⵢⴻⵎⵎⵉⵜ ⵢⴰⵍ ⴰⵙⴻⴳⴳⴰⵙ. ⵢⴻⵏⵏⴰ-ⴷ ⴱⴻⵍⵍⵉ ⴹⴹⴱⵉⴱ ⵡⵉⵀⴷ-ⵉⵙ ⵉ ⵢⴻⵣⵎⴻⵔⵏ ⴰⴷ ⵢⴻⵏⵏⵓ ⵎⴰ ⵢⴻⵍⵍⴰ ⴰⵎⵓⴹⴰⵏ ⵢⴻⵣⵎⴻⵔ ⴰⴷ ⵢⴻⵥⵓⵎ ⵏⴻⵖ ⴰⵍⴰ, ⵢⴻⵔⵏⴰ ⵜⴰⵍⴰⵖⴻⵜ-ⴰⴳⵉ ⴰⴷ ⵜⵉⵍⵉ ⴷⵉ ⵢⴰⵍ ⵜⴰⵎⵏⴰⴹⵜ ⵏ ⵜⵎⵓⵔⵜ.
ⴰⵙⴻⵍⵡⴰⵢ ⵏ ⵜⴰⵙⴷⴰⵡⵉⵜ ⵜⴰⵖⴻⵍⵏⴰⵡⵜ ⵏ ⵍⴰⵎⴰⵏ ⵏ ⵜⴻⵣⵎⴻⵔ, ⴽⴰⵎⴰⵍ ⵚⴻⵏⵀⴰⵊⵉ, ⵢⴻⵙⵙⴻⴽⵏ-ⴷ ⴰⵣⴰⵍ ⵏ ⵢⵉⵙⴰⵍⵍⴻⵏ ⵏ ⵜⵓⵙⵙⵏⴰ ⴷ ⵓⵡⴻⵀⵀⵉ ⵏ ⴹⴹⴱⵉⴱ, ⴷ ⵓⵃⴻⵔⵣ ⵏ ⵢⵉⵡⴻⵏ ⵓⵎⴰⵏⴰⵔ ⵏ ⵍⵇⵓⵜ ⵢⴻⵍⵃⴰⵏ ⵉ ⵜⴻⵣⵎⴻⵔⵜ.
ⵜⴰⵙⴷⴰⵡⵉⵜ ⵜⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⴰⴷ ⵜⴻⵜⵜⴻⴽⴽⵉ ⵙ ⵜⵣⴻⵎⵎⴰⵔ ⵉⵡⴰⴽⴽⴻⵏ ⴰⴷ ⵜⴻⵙⵙⴻⵏⴼⴻⵍ ⵜⴰⵢⴻⵍⵜ ⵏ ⵓⵃⴻⴷⴷⴻⵔ ⴷ ⵓⵙⵍⴻⴹ ⵏ ⵢⵉⵎⵉⵣⵉⵜⴻⵏ ⵏ ⵜⴻⵣⵎⴻⵔⵜ.
ⴰⵔⵏⵓ ⵖⴻⵔ
