ⴱⴻⵛⵛⴰⵔ – ⵢⴻⵙⵙⴰⵡⴻⴹ ⵢⵉⵡⴻⵏ ⵢⵉⴳⵔⴰⵡ ⵏ ⵍⴰⵎⴰⵏ ⵢⴻⵇⵇⵏⴻⵏ ⵖⴻⵔ ⵓⵃⵔⵉⵛ ⴰⵙⴻⵔⴷⴰⵙ ⵏ ⴱⴻⵛⵛⴰⵔ, ⴷⴻⴳ ⵓⴽⴻⵎⵎⴻⵍ ⵏ ⵍⴻⵇⴷⵉⵛ ⵉ ⵢⴻⵊⵊⴰⵏ ⴰⴷ ⵏⵖⴻⵏ ⴽⵔⴰⴹ (03) ⵏ ⵢⵉⵎⴻⵀⵔⵉⴱⴻⵏ ⵢⴻⵙⵙⴻⵍⵃⴻⵏ ⵙⴻⴳ ⵜⵎⵓⵔⵜ ⵏ ⵍⵎⴰⵔⵓⴽ ⴷⴻⴳ ⵜⴻⵎⵏⴰⵟ ⵏ ⵖⵏⴰⵎⴰ, ⴰⴷ ⵟⵟⴼⴻⵏ 280 ⴽⵍⴳ ⵏ ⵍⴽⵉⴼ ⵢⴻⵙⵙⴻⴳⵎⴻⵏ. ⵙ ⵡⴰⵢⴰ, ⴰⵜⵉⴳ ⴰⵎⴰⵜⵓ ⵏ ⵡⴰⵢⴻⵏ ⵉ ⴷ-ⵟⵟⴼⴻⵏ ⵢⴻⴳⴳⴻⵔ 8 ⵏ ⵢⵉⵇⴻⵏⵟⴰⵔⴻⵏ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ ⴰⵙⵙ-ⴰ ⵏ ⵜⵜⵍⴰⵜⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴷⴻⴳ ⵓⵃⴰⴷⴰⵔ ⵏ ⵢⵉⵔⵉ ⵏ ⵜⵎⵓⵔⵜ ⴷ ⵓⵎⴻⵏⵏⵓⵖ ⵎⴳⴰⵍ ⵜⴰⴽⴻⵔⴹⴰ ⵢⴻⵙⵙⴻⴳⵎⴻⵏ, ⵍⴻⵇⴷⵉⵛ-ⴰⴳⵉ ⵉ ⴷ-ⵢⴻⵍⵍⴰⵏ ⵡⴰⵙⵙ ⵏ 27 ⵢⴻⵏⵏⴰⵢⴻⵔ 2026 ⴷⴻⴳ ⵜⴻⵎⵏⴰⵟ ⵏ ⵖⵏⴰⵎⴰ (ⵜⴰⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⴽⵔⴰⴹⵜ), ⵢⴻⵙⵙⴰⵡⴻⴹ ⴰⴷ ⵢⴻⵏⵖ ⴽⵔⴰⴹ ⵏ ⵢⵉⵎⴻⵀⵔⵉⴱⴻⵏ ⵢⴻⵔⵏⴰ ⵟⵟⴼⴻⵏ ⵢⵉⵡⴻⵏ ⵏⵏⵉⴹⴻⵏ, ⵎⴰⵕⵕⴰ ⵙⴻⴳ ⵜⵎⵓⵔⵜ ⵏ ⵍⵎⴰⵔⵓⴽ. ⵟⵟⴼⴻⵏ-ⴷ ⴷⵉ ⵜⵣⵡⴰⵔⴰ ⵢⵉⵡⴻⵏ ⵡⴰⵍⵍⴰⵍ ⵏ ⵓⵙⴻⵍⵍⴻⵃ, ⴰⵍⴰⵜ ⵏ ⵓⵡⴰⵍⵉ ⴷ 521 ⴽⵍⴳ ⵏ ⵍⴽⵉⴼ ⵢⴻⵙⵙⴻⴳⵎⴻⵏ.
ⵢⴻⵔⵏⴰ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴷⴻⴳ ⵢⵉⵡⴻⵏ ⵓⵎⴽⴰⵏ, ⵉⴹⴻⵍⵍⵉ 02 ⴼⵓⵔⴰⵔ 2026, ⵢⵉⴳⵔⴰⵡⴻⵏ ⵏ ⵍⴰⵎⴰⵏ ⵏ ⴱⴻⵛⵛⴰⵔ ⵟⵟⴼⴻⵏ 280 ⴽⵍⴳ ⵏⵏⵉⴹⴻⵏ ⵏ ⵍⴽⵉⴼ. ⴰⵢⴰ ⵢⴻⵊⵊⴰ ⴰⵜⵉⴳ ⴰⵎⴰⵜⵓ ⵏ ⵙⵙⵎⴰⵜ ⵉ ⴷ-ⵟⵟⴼⴻⵏ ⴰⴷ ⵢⴻⴳⴳⴻⵔ 8 ⵏ ⵢⵉⵇⴻⵏⵟⴰⵔⴻⵏ.
ⵜⴰⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ ⵜⴻⵏⵏⴰ-ⴷ ⴱⴻⵍⵍⵉ ⴰⵜⵉⴳ-ⴰⴳⵉ ⴰⵎⴻⵇⵇⵔⴰⵏ ⵏ ⴷⴷⵔⵓⴳ ⵉ ⴷ-ⵟⵟⴼⴻⵏ ⴷⴻⴳ ⵢⵉⵡⴻⵏ ⵍⵡⴻⵇⵜ ⵓⵣⵣⵉⵍ, ⵢⴻⵙⴽⴰⵏⴰⵢ-ⴷ ⵍⵎⴻⵇⴷⴰⵔ ⵏ ⵓⵎⵉⵞⵉ (ⵍⴻⵅⵟⴻⵔ) ⵉ ⵢⴻⵜⵜⵀⴻⴷⴷⵉⴷⴻⵏ ⵜⴰⵎⵓⵔⵜ ⴷ ⵢⵉⵍⵎⴻⵣⵢⴻⵏ-ⵉⵙ.
ⵜⴰⴳⴳⴰⵔⴰ, ⵜⴻⵏⵏⴰ-ⴷ ⴱⴻⵍⵍⵉ ⵍⴻⵇⴷⵉⵛ-ⴰⴳⵉ ⵢⴻⵙⴽⴰⵏⴰⵢ-ⴷ ⵍⴰⵎⴰⵏ ⴷ ⵓⵃⴻⴳⴳⵉ ⵏ ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵉ ⵡⴰⴽⴽⴻⵏ ⴰⴷ ⵇⴰⴱⵍⴻⵏ ⴽⵓⵍ ⵍⴱⴰⵟⴻⵍ ⴷ ⵓⵀⴻⴷⴷⴻⴷ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
