ⵜⴻⵙⵙⴻⵏⴽⴻⴷ-ⴷ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵏ ⴷⴰⵅⴻⵍ ⴷ ⵓⵙⴻⴳⴳⴻⵎ ⵏ ⵓⴳⴻⴷⴻⵣ ⴰⵖⴻⵍⵏⴰⵡ, ⵎⴰⵙⵙⴰ ⴰⵎⴰⵍ ⴰⴱⴷⴻⵍⵍⴰⵜⵉⴼ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵢⵉⵡⴻⵏ ⵏ ⵓⵙⴻⵏⴽⴻⴷ ⵣⴷⴰⵜ ⵏ ⵢⵉⵎⴰⵙⵍⴰⴷⴻⵏ ⵏ ⵓⵙⵇⴰⵎⵓ ⴰⵖⴻⵍⵏⴰⵡ ⵏ ⵓⵖⵔⴻⴼ ⵖⴻⴼ ⴰⵙⴻⵏⴼⴰⵔ ⵏ ⵓⵙⴰⴷⵓⴼ ⵢⴻⵄⵏⴰⵏ ⵜⵉⵡⵜⵉⵍⵉⵏ ⵏ ⵜⵎⵓⵀⴻⵍ ⵏ ⵜⵉⴳⴳⴰⵜⵉⵏ ⵏ ⵜⵏⴻⵣⵣⵓⵜ. ⵉⵙⵡⵉ ⵏ ⵓⴹⵔⵉⵙ-ⴰⴳⵉ ⴷ ⵓⵕⵓⵚⵓ ⵏ ⵜⴼⴻⴼⴻⴼⴼⵉⵜ ⴷⴻⴳ ⵓⵎⴰⵀⵉⵍ ⵏ ⵜⵏⴻⵣⵣⵓⵜ ⴷ ⵓⵃⵔⴰⵣ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⴷⴻⴳ ⵢⵉⵡⴻⵜ ⵏ ⵜⵉⵖⵉⵎⵉⵜ ⵜⴰⵎⴰⵜⵓⵜ ⵉ ⵢⴻⵙⵙⴻⵍⵡⴰⵢ ⵓⵙⴻⵍⵡⴰⵢ ⵏ ⵓⵙⵇⴰⵎⵓ, ⵎⴰⵙⵙ ⴱⵔⴰⵀⵉⵎ ⴱⵓⵓⴳⵀⴰⵍⵉ, ⵙ ⵜⵉⵍⵉⵜ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙⴰⵖⴻⵏ ⴷ ⵓⴱⴻⵔⵍⴰⵎⴰⵏ, ⵎⴰⵙⵙⴰ ⵏⴰⴷⵊⵉⴱⴰ ⴷⵊⵉⵍⴰⵍⵉ, ⵉⵙⵙⴻⴼⵀⴻⵎ-ⴷ ⵎⴰⵙⵙⴰ ⴰⴱⴷⴻⵍⵍⴰⵜⵉⴼ ⴱⴻⵍⵍⵉ ⴰⵙⴻⵏⴼⴰⵔ-ⴰⴳⵉ ⵏ ⵓⵙⴰⴷⵓⴼ ⵢⵓⵙⴰ-ⴷ ⵉⵡⴰⴽⴽⴻⵏ ⴰⴷ ⴷ-ⵢⴻⵙⵙⴻⵍⴽⴻⵎ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵓⵙⵎⴰⵢⵏⵓⵜ ⵉⵕⴻⵙⵙⴰⵏ ⵉ ⴷ-ⵢⴻⵡⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ. ⵉⵙⵡⵉ-ⵉⵙ ⴷ ⵓⵙⴱⴻⴷⴷⵉ ⵏ ⵍⵍⵙⴰⵙⴻⵏ ⵏ ⵢⵉⵡⴻⵜ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵜⴰⵎⴰⵢⵏⵓⵜ, ⵢⴻⵙⵄⴰⵏ ⴰⵙⴻⵎⵓⵣⵣⴻⴳ ⴷ ⵜⵣⴻⵎⵎⴰⵔ ⵉⵡⴰⴽⴽⴻⵏ ⴰⴷ ⴷ-ⵜⴰⵡⴻⴹ ⵉ ⵢⵉⴱⴻⴷⴷⵉⵍⴻⵏ ⵏ ⵓⵎⴰⴹⴰⵍ ⵓ ⴰⴷ ⵜⴻⵔⵔ ⵖⴻⴼ ⵢⵉⵙⴰⵔⴰⵎⴻⵏ ⵏ ⵓⵖⵔⵉⵎ ⵙ ⵜⴼⴻⴼⴻⴼⴼⵉⵜ ⴷ ⵏⴼⴰⵄ.
ⴰⵣⴻⵏⵣⵉⵖ ⵏ ⵓⵙⴰⴷⵓⴼ-ⴰⴳⵉ — ⴰⴽⴽⴻⵏ ⵉ ⴷ-ⵢⴻⵔⵏⴰ ⵓⵏⴻⵖⵍⴰⴼ — ⵉⵜⴻⴷⴷⵓ ⴷⴻⴳ ⵓⴱⵔⵉⴷ ⵉⵕⴻⵙⵙⴰⵏ ⵉ ⵓⵙⴻⴶⵀⴻⴷ ⵏ ⵜⴼⴻⴼⴻⴼⴼⵉⵜ ⴷ ⵓⴼⵙⵉⵙ ⵏ ⵓⵏⴻⴽⵛⵓⵎ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⴷⴻⴳ ⵓⵣⴻⵏⵣⵉⵖ ⴰⴷⴰⵎⵙⴰⵏ ⴷ ⵡⵉⵏ ⵏ ⵜⴻⴷⵔⵉⵎⵜ ⴷⴻⴳ ⵓⵎⴰⴹⴰⵍ. ⴰⵢⴰⴳⵉ ⵉⵎⵉ ⴰⵙⴻⵏⴼⴰⵔ-ⴰⴳⵉ ⴷⴻⴳ-ⵙ ⵜⴰⵔⵔⴰⵢⵉⵏ ⵉ ⵢⴻⴶⴶⴰⵏ ⴰⵣⴻⵟⵟⴻⴹ ⴰⴷ ⴷ-ⵢⴻⴼⴼⴻⵖ ⵙⴻⴳ ⵡⵓⴷⴻⵎ ⵏ ⵣⵉⴽ ⵖⴻⵔ ⵢⵉⵡⴻⵏ ⵏ ⵡⵓⴷⴻⵎ ⵉⵕⴻⵙⵙⴰⵏ ⵖⴻⴼ ⵜⵎⵓⵖⵍⵉ ⵏ ⵢⵉⵎⵉⵀⵉⵢⴻⵏ.
ⵉⵙⵙⴻⴽⵏⴻⴷ ⴱⴻⵍⵍⵉ ⴰⵙⴰⴷⵓⴼ-ⴰⴳⵉ ⵢⴻⴱⵖⴰ ⴰⴷ ⴷ-ⵢⴰⵡⴻⴹ ⵉ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵢⴻⵄⵏⴰⵏ ⴰⵎⴻⵏⵏⵓⵖ ⵎⴳⴰⵍ ⴰⵙⵉⵣⴷⴻⴳ ⵏ ⵢⵉⴷⵔⵉⵎⴻⵏ ⴷ ⵓⵙⵔⵉⵎ ⵏ ⵜⵉⴱⴱⴻⵉⵛⴻⵔⵜ, ⴷ ⵓⵣⴻⴶⴶⴻⴷ ⵏ ⵜⴻⴼⵍⴻⵙⵜ ⵏ ⵢⵉⵎⵛⴻⴷⴷⵉⵡⴻⵏ ⴷ ⵜⵎⵓⵙⵏⵉⵡⵉⵏ ⵏ ⵜⴻⴷⵔⵉⵎⵜ, ⵎⴻⴱⵍⴰ ⵎⴰ ⵏⴻⵜⵜⵓ ⴰⵃⵔⴰⵣ ⵏ ⵜⴷⴰⵎⵙⴰ ⵙⴻⴳ ⵢⵉⵎⵉⵀⵉⵢⴻⵏ ⵏ ⵜⴽⴻⵔⵔⵉⵛⵜ ⵏ ⵜⴻⴷⵔⵉⵎⵜ.
ⴰⴹⵔⵉⵙ-ⴰⴳⵉ ⵢⴻⵙⵙⴻⵔⵔⵓⵙ ⵢⵉⵡⴻⵏ ⵏ ⵓⵣⴻⵏⵣⵉⵖ ⴰⵙⴰⴷⵓⴼⴰⵏ ⵢⴻⴱⴰⵏⴻⵏ ⵉ ⵓⵟⵎⴰⵏ ⵏ ⵢⵉⵙⴰⵍⴰⵏ ⵉⵕⴻⵙⵙⴰⵏⴻⵏ ⵖⴻⴼ ⵢⵉⵎⴷⴰⵏⴻⵏ ⴰⵙⴰⴷⵓⴼⴰⵏⴻⵏ, ⵉ ⴷⴻⴳ ⵍⵍⴰⵏ ⵢⵉⵙⴰⵍⴰⵏ ⵏ ⵓⵙⴱⴻⴷⴷⵉ, ⴰⵙⴻⴼⵔⴻⴽ ⴷ ⵓⴳⵍⴰ (ownership), ⵙ ⵓⵇⴰⴷⴻⵔ ⵏ ⵡⴰⴽⵓⴷⴻⵏ ⵏ ⵓⵙⴰⴷⵓⴼ ⵉ ⵓⵚⴻⴳⴳⴻⵎ ⵏ ⵢⵉⵙⴰⵍⴰⵏ-ⴰⴳⵉ. ⴷⴰⵖⴻⵏ, ⵢⴻⵙⵙⴻⴶⵀⴻⴷ ⵜⵉⵣⴻⵎⵎⴰⵔ ⵏ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵊⴻⵔⵔⴻⴷ ⵏ ⵜⵏⴻⵣⵣⵓⵜ ⴷⴻⴳ ⵓⴳⴻⵎⵎⴻⵔ, ⵜⴰⵙⵍⴻⵟ ⴷ ⵓⵎⵓⴱⴱⴰⴷⴷⴻⵍ ⵏ ⵢⵉⵙⴰⵍⴰⵏ.
ⵉⴱⴻⴷⴷⵉⵍⴻⵏ-ⴰⴳⵉ ⵔⵔⴰⵏ ⴰⵎⴻⵏⵣⵓ ⵏ ⵜⵏⴻⵣⵣⵓⵜ ⴰⴷ ⵉⴱⴻⴷⴷⴻⵍ ⴰⵔⵔⴰⵜ ⵏ ⵓⵊⴻⵔⵔⴻⴷ-ⵉⵙ ⴷⴻⴳ ⵜⴰⵍⵍⵉⵜ ⵏ ⵡⴰⴳⴳⵓⵔ ⴽⴰⵏ ⵙⴻⵍⴷ ⵎⴰ ⵢⴻⵍⵍⴰ-ⴷ ⵓⴱⴻⴷⴷⴻⵍ ⴷⴻⴳ ⵡⴰⴷⴷⴰⴷ-ⵉⵙ ⵏⴻⵖ ⴷⴻⴳ ⵓⵙⴰⴷⵓⴼ ⵏ ⵍⵍⵙⴰⵙ ⵏ ⵡⴻⵎⴷⴰⵏ ⴰⵙⴰⴷⵓⴼⴰⵏ. ⵉ ⵓⵟⵎⴰⵏ ⵏ ⵓⵇⴰⴷⴻⵔ ⵏ ⵢⵉⵍⵓⴳⴰⵏ-ⴰⴳⵉ, ⴰⵎⴰⴳⵔⴰⴷ 6 ⵢⴻⵙⵙⴻⵔⵙ-ⴷ ⵜⵉⴱⵣⴻⵔⵉⵏ ⵏ ⵜⴻⴷⵔⵉⵎⵜ ⴳⴰⵔ 10.000 ⴷ 500.000 ⵏ ⴷⵉⵏⴰⵔ ⵉ ⵢⵉⵎⴷⴰⵏⴻⵏ ⵉⴳⴰⵎⴰⵏⴻⵏ, ⵓ ⴳⴰⵔ 300.000 ⴷ 700.000 ⵏ ⴷⵉⵏⴰⵔ ⵉ ⵢⵉⵎⴷⴰⵏⴻⵏ ⴰⵙⴰⴷⵓⴼⴰⵏⴻⵏ.
ⵡⵉⵏ ⴰⵔⴰ ⵉⵄⴰⵙⴹⴻⵏ ⴰⴷ ⵢⴻⵙⵄⵓ ⴽⵔⴰⴷ (3) ⵏ ⵡⴰⵢⵢⵓⵔⴻⵏ ⵉ ⵓⵚⴻⴳⴳⴻⵎ ⵏ ⵡⴰⴷⴷⴰⴷ-ⵉⵙ, ⵙⴻⵍⴷ ⴰⵏⵏⴻⵛⵜ-ⴰ ⵍⵡⴰⵍⵉ ⵢⴻⵣⵎⴻⵔ ⴰⴷ ⵢⴻⴼⴽ ⵜⴰⵏⴰⴹⵜ ⵏ ⵓⴱⴻⵇⵇⴻⵙ ⵜⵓⴷⴱⴻⵍⵜ ⵏ ⵜⵎⵓⵀⴻⵍ ⴰⵍⴰⵎⵎⴰ ⵢⴻⵚⵚⴻⴳⴳⴻⵎ ⵡⴰⴷⴷⴰⴷ-ⵉⵙ. ⵎⴰ ⵢⴻⵍⵍⴰ ⵉⴽⴻⵎⵎⴻⵍ ⴷⴻⴳ ⵓⵄⴰⵚⵉ, ⵜⴰⵏⴻⴼⵔⵓⵜ ⵜⴻⴳⵣⴻⵎⵔ ⴰⴷ ⵜⴻⴽⴻⵙ ⴰⵊⴻⵔⵔⴻⴷ-ⵉⵙ ⵙⴻⴳ ⵡⴰⵔⵔⴰⵜ ⵏ ⵜⵏⴻⵣⵣⵓⵜ.
ⵜⴰⵙⵇⴰⵎⵓⵜ ⵏ ⵜⴻⵎⵙⴰⵍ ⵜⵉⴷⴰⵎⵙⴰⵏⵉⵏ, ⵜⴰⵎⴳⵓⵔⵉ, ⵜⴰⵏⴻⵣⵣⵓⵜ, ⵜⴰⵎⴻⵔⵔⵉ ⴷ ⵢⵉⵖⴰⵍⴰⴷⴻⵏ ⵜⴻⵙⵙⴻⵏⴽⴰⴷ ⴰⵙⴻⵏⴼⴰⵔ-ⴰⴳⵉ ⵉⵎⵉ ⴷⴻⴳ-ⵙ ⵜⴰⵔⵔⴰⵢⵉⵏ ⵉ ⵢⴻⵙⵙⴻⴶⵀⴰⴷⴻⵏ ⵜⴼⴻⴼⴻⴼⴼⵉⵜ ⴷ ⵓⵣⴻⵟⵟⴻⴹ ⵏ ⵜⵎⵓⵀⴰⵍ ⵏ ⵜⴻⴷⵔⵉⵎⵜ ⵉⵎⴻⵇⵇⵔⴰⵏⴻⵏ. ⵢⵉⵎⴰⵙⵍⴰⴷⴻⵏ ⵏ ⵓⴱⴻⵔⵍⴰⵎⴰⵏ, ⵙ ⵜⴰⵎⴰ-ⵏⵙⴻⵏ, ⵙⵍⵎⴻⵏ ⵙ ⵓⴹⵔⵉⵙ-ⴰⴳⵉ ⵉ ⵢⴻⴱⵖⴰⵏ ⴰⵙⴰⵍⵉ ⵏ ⵢⵉⵡⴻⵜ ⵏ ⵜⴷⴰⵎⵙⴰ ⵢⴻⴷⴷⵓⴽⴽⵍⴻⵏ ⵓ ⵜⵃⴰⵔⴻⴱ ⵢⴰⴽⴽ ⴰⵏⴰⵡⴻⵏ ⵏ ⵓⵛⴻⴼⴼⵓ. ⵙⵙⵓⵜⵜⵔⴻⵏ ⴷⴰⵖⴻⵏ ⴰⵙⵉⴷⵔⴻⵡ ⵏ ⵜⵉⴳⴳⴰⵜⵉⵏ ⵏ ⵜⵏⴻⵣⵜ ⵓⵔ ⵏⴻⵍⵍⵉ ⴷⴻⴳ ⵓⵣⴻⵔⴼ ⵖⴻⵔ ⵜⴷⴰⵎⵙⴰ ⵜⵓⵙⵙⵓⴷⴻⵙⵜ ⵎⴻⴱⵍⴰ ⵎⴰ ⵢⴻⵜⵜⵡⴰⵇⵙⴻⵄ ⵓⵖⵔⵉⵎ, ⵙ ⵓⴼⵙⵉⵙ ⵏ ⵜⴰⵔⵔⴰⵢⵉⵏ ⴷ ⵓⵙⴷⴻⴳⴳⴻⵔ ⵏ ⵢⵉⵎⵉⴳⴰⵡⴻⵏ.
ⴰⵔⵏⵓ ⵖⴻⵔ
