ⴰⴷ ⵢⵉⵍⵉ ⵓⴱⴷⵓ ⴷⴻⴳ ⴷⴷⵓⵔⵜ-ⴰ ⵉ ⴷ-ⵏⴻⵜⵜⴻⴷⴷⵓⵏ ⴷⴻⴳ ⵓⵙⴻⵎⴷⴻⵍ ⵏ ⵜⴽⴰⵔⵟⴰ ⵜⴰⵍⵉⴽⵜⵔⵓⵏⵉⵜ ⵉⵡⴰⴽⴽⴻⵏ ⴰⴷ ⴰⵡⵢⴻⵏ ⵉⵙⴰⴼⴰⵔⴻⵏ ⵉⴳⴻⵍⵍⵉⵍⴻⵏ ⵡⵉⴷ ⵓⵔ ⵏⴻⴹⵎⴻⵏ ⴰⴽⴽⴻⴷ ⵍⴰⵎⴰⵏ ⴰⵏⴰⵎⵓⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⵖⴻⵔⵎⵉⵏ ⴷⴻⴳ ⵓⵙⴻﻨⴷⵓⵇ ⴰⵖⴻⵍⵏⴰⵡ ⵏ ⵍⴰⵎⴰⵏ ⴰⵏⴰⵎⵓⵏ ⵉ ⵢⵉⵇⴻⴷⴷⴰⵛⴻⵏ (CNAS), ⵎⴰⵙⵙ ⵄⴰⴱⴷⴻⵍⵃⴰⴼⵉⴷ ⴵⴰⵖ
ⵢⴻⵏⵏⴰ-ⴷ ⴵⴰⵖⵔⵉ ⴱⴻⵍⵍⵉ ⴰⴷ ⵢⵉⵍⵉ ⵓⴱⴷⵓ ⵏ ⵓⴼⵔⴰⵇ ⵏ ⵜⴽⴰⵔⵟⴰ-ⴰ ⵜⴰⵍⵉⴽⵜⵔⵓⵏⵉⵜ ⴷⴻⴳ ⴷⴷⵓⵔⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ "ⵓⴳⴰⵔ ⵏ 150 ⵏ ⵜⴽⴰⵔⵟⵉⵡⵉⵏ ⵉ ⵢⴻⵜⵜⵡⴰⵀⴻⴳⴳⴰⵏ ⴰⵔ ⵜⵓⵔⴰ, ⵢⴻⵔⵏⴰ ⵍⴻⵛⵖⴰⵍ ⴰⴷ ⴽⴻⵎⵍⴻⵏ".
ⵢⴻⵔⵏⴰ-ⴷ ⴱⴻⵍⵍⵉ ⵜⴰⴽⴰⵔⵟⴰ-ⴰ ⵜⴻⵜⵜⴰⴵⴰ ⵉⴳⴻⵍⵍⵉⵍⴻⵏ-ⴰ ⴷ ⵡⴰⵔⵔⴰⵡ-ⵏⵙⴻⵏ ⵉⵎⴻⵥⵢⴰⵏⴻⵏ ⴰⴷ ⴰⵡⵢⴻⵏ, ⴱⴰⵟⴻⵍ, ⴰⵣⴰⵍ ⵏ 5500 ⵏ ⵢⵉⵙⴰⴼⴰⵔⴻⵏ ⴷⴻⴳ ⵜⵙⴻⴳⵏⴰⴼⵉⵏ (ⵜⵉⵚⴰⵢⴷⴰⵍⵉⵢⵉⵏ) ⵉ ⵢⴻⵇⵇⴻⵏ ⴰⴽⴽⴻⴷ ⵓⵙⴻﻨⴷⵓⵇ ⴰⵖⴻⵍⵏⴰⵡ, ⵡⵉⴷⴰ ⵢⵓⴳⴰⵔⴻⵏ 13 ⵏ ⵢⵉⴼⴻⵏ (13.000) ⵏ ⵜⵙⴻⴳⵏⴰⴼⵉⵏ.
ⵢⴻⵏⵏⴰ-ⴷ ⴰⵢⴻⵏ ⴷⴰⵢⴻⵏ ⴱⴻⵍⵍⵉ "ⴰⴷ ⴷ-ⵏⴰⴱⴰⵏ ⵡⵉⴷ ⵢⴻⵄⵏⴰ ⵡⵓⵎⵓⵔ ⴰⴽⴽⴻⵏ ⴰⴷ ⵇⴻⵔⴱⴻⵏ ⵖⴻⵔ ⵜⵏⴰⴹⵉⵏ ⵏ ⵍⴰⵎⴰⵏ ⴰⵏⴰⵎⵓⵏ ⵏ ⵍⵡⵉⵍⴰⵢⴰ ⵏⵙⴻⵏ ⵉⵡⴰⴽⴽⴻⵏ ⴰⴷ ⴷ-ⴰⵡⵢⴻⵏ ⵜⵉⴽⴰⵔⵟⵉⵡⵉⵏ-ⵏⵙⴻⵏ".
ⵢⴻⵏⵏⴰ-ⴷ ⵓⵎⴻⵙⵓⵍ-ⴰ ⴱⴻⵍⵍⵉ ⵜⴰⴽⴰⵔⵟⴰ-ⴰ ⵜⴰⵎⴰⵢⵏⵓⵜ ⵜⴻⵄⵏⴰ ⵉⴳⴻⵍⵍⵉⵍⴻⵏ ⵓⵔ ⵏⴻⴹⵎⴻⵏ ⴰⴽⴽⴻⴷ ⵍⴰⵎⴰⵏ, ⵡⵉⴷ ⵓⵔ ⵏⴻⵙⵄⵉ ⴰⵢⴻⵏ ⵉ ⴷ-ⵢⴻⵜⵜⴰⵡⵉⵏ ⵉⴷⵔⵉⵎⴻⵏ, ⵓⵍⴰ ⴷ ⵡⵉⴷ ⵢⴻⵀⵍⴻⴽⵏ ⴰⵟⵟⴰⵏⴻⵏ ⵏ ⴷⴰⵢⴻⵎ, ⴰⴽⴽⴻⴷ ⵡⴰⵔⵔⴰⵡ-ⵏⵙⴻⵏ ⵉⵎⴻⵥⵢⴰⵏⴻⵏ, ⵙ ⵓⵎⵙⴰⵙⴰ ⴰⴽⴽⴻⴷ ⵓⵍⵖⵓ (ⵍⵎⴻⵔⵙⵓⵎ) ⵓⵟⵟⵓⵏ 24-287 ⵏ 22 ⵖⵓⵛⵜ 2024.
ⵉ ⵓⵙⴻⴽⵜⵉ, ⵍⴻⵛⵖⴰⵍ ⵏ ⵜⴽⴰⵔⵟⴰ-ⴰ ⵜⵜⵡⴰⴳⴰⵏ ⵙ ⵓⵎⵢⴰⵡⴰ ⴳⴰⵔ ⵜⵎⴰⵡⴰⵙⵉⵏ ⵏ ⵜⵎⵓⵢⴰⵙⵜ ⵜⴰⵖⴻⵍⵏⴰⵡⵜ ⴷ ⵍⴰⵎⴰⵏ ⴰⵏⴰⵎⵓⵏ, ⵙⴷⴻⴼⴼⵉⵔ ⵓⴼⴽⴰ ⵏ ⵓⴼⴰⵢⵍⵓ ⴷⴻⴳ ⵜⵖⵉⵡⴰⵏⵜ (ⵍⴱⴰⵍⴰⴷⵉⵢⴰ) ⵏ ⵜⵣⴻⴷⴷⵓⵖⵜ. ⵜⴰⵖⵉⵡⴰⵏⵜ ⴰⴷ ⵜⴰⵣⴻⵏ ⵉⴼⴰⵢⵍⵓⵜⴻⵏ-ⵏⵏⵉ ⵉ ⵜⴻⵙⵇⴰⵎⵓⵜ ⵏ ⵍⵡⵉⵍⴰⵢⴰ ⵉⵡⴰⴽⴽⴻⵏ ⴰⴷ ⵜⴻⴼⵔⵓ ⴷⴻⴳ-ⵙⴻⵏ, ⵙⵢⵉⵏ ⴰⴷ ⵜⴻⵏ-ⴰⵣⵏⴻⵏ ⵉ ⵓⵙⴻﻨⴷⵓⵇ ⴰⵖⴻⵍⵏⴰⵡ (CNAS) ⵉⵡⴰⴽⴽⴻⵏ ⴰⴷ ⴷ-ⵅⴻⴷⵎⴻⵏ ⵜⴰⴽⴰⵔⵟⴰ ⵜⴰⵍⵉⴽⵜⵔⵓⵏⵉⵜ ⵓⵢⴰ ⴰⴷ ⵜⵜ-ⴼⴽⴻⵏ ⵉ ⵡⵉⴷ ⵢⴻⵃⵡⴰⴵⴻⵏ.
ⴰⵔⵏⵓ ⵖⴻⵔ
