ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⵏ ⵓⴱⵔⵉⴷ (ⴷⵔⴻⴽ ⴰⵖⴻⵍⵏⴰⵡ) ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴻⴳ ⵙⵏⴰⵜ ⵏ ⵍⴻⵇⴷⵉⵛⴻⵏ ⵢⴻⵎⴳⴰⵔⴰⴷⴻⵏ, ⵙⵙⴻⴼⵙⴻⵅⵏ ⵙⵏⴰⵜ ⵏ ⵜⵔⴰⴱⵄⵉⵏ ⵏ ⵢⵉⴼⴻⵜⵜⴰⵏⴻⵏ ⵉⵖⴻⵍⵏⴰⵡⴻⵏ ⵉ ⵢⴻⵣⵏⵓⵣⵓⵏ ⵢⵉⵙⴰⴼⴰⵔⴻⵏ ⵏ ⵓⵛⵛⴻⵡⵡⴻⵍ ⵏ ⵍⵄⴻⵇⴻⵍ ⴳⴰⵔ ⵜⵎⵓⵔⴰ. ⵃⴱⴻⵙⵏ ⴰⵣⵏⵓⵣⵉ ⵏ ⵓⴳⴰⵔ ⵏ 4.3 ⵏ ⵢⵉⵎⵍⵢⵓⵏⴻⵏ ⵏ ⵜⵉⵇⵇⴰⵢⵉⵏ ⵏ ⵜⵓⴽⵙⴰ ⵏ ⵍⵄⴻⵇⴻⵍ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ ⴰⵙⵙ-ⴰ ⵏ ⵜⵜⵍⴰⵜⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴷⴻⴳ ⵡⴰⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⴽⴻⵔⴹⴰ ⵜⴰⵎⴻⵇⵇⵔⴰⵏⵜ ⴷ ⵓⵣⵏⵓⵣⵉ ⵏ ⴷⴷⵔⵓⴳ ⴷⴻⴳ ⵜⵎⵓⵔⵜ-ⵏⵏⴻⵖ, ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⵏ ⵓⴱⵔⵉⴷ ⴷⴻⴳ ⵜⵎⵏⴰⵟ ⵜⴰⵙⴻⵔⴷⴰⵙⵜ ⵜⴰⵎⴻⵣⵡⴰⵔⵓⵜ, ⵙⵙⴰⵡⴹⴻⵏ ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ 02 ⴼⵓⵔⴰⵔ 2026, ⴰⴷ ⵙⵙⴻⴼⵙⴻⵅⴻⵏ ⵙⵏⴰⵜ ⵏ ⵜⵔⴰⴱⵄⵉⵏ-ⴰⴳⵉ ⵏ ⵢⵉⴼⴻⵜⵜⴰⵏⴻⵏ ⵉⵇⴷⴻⵛⴻⵏ ⴳⴰⵔ ⵜⵎⵓⵔⴰ.
ⵍⴻⵇⴷⵉⵛ-ⴰⴳⵉ ⵢⴻⵙⵙⴰⵡⴻⴹ ⴰⴽⴽⴻⵏ ⴰⴷ ⵃⴱⴻⵙⵏ ⴰⵣⵏⵓⵣⵉ ⵏ ⴽⵓⵣ (4) ⵏ ⵢⵉⵎⵍⵢⵓⵏⴻⵏ ⴷ 292 ⵏ ⵢⵉⴼⴻⵏ ⵏ ⵜⵉⵇⵇⴰⵢⵉⵏ ⵏ ⵓⵛⵛⴻⵡⵡⴻⵍ ⵏ ⵍⵄⴻⵇⴻⵍ. ⵟⵟⴼⴻⵏ ⴷⴰⵖⴻⵏ ⵄⵉⵛⵔⵉⵏ (20) ⵏ ⵢⵉⵎⴷⴰⵏⴻⵏ ⵢⴻⵣⵏⵓⵣⵓⵏ ⵙⵙⵎⴰⵜ-ⴰⴳⵉ, ⵢⴻⵔⵏⴰ ⵃⴻⴱⵙⴻⵏ ⵎⵔⴰⵡ (10) ⵏ ⵜⴽⴻⵔⵔⵓⵙⵉⵏ ⵏ ⵜⵓⵙⵏⴰ, ⴷ ⵡⴻⴷⵔⵉⵎ ⴷ ⵡⴰⵍⵍⴰⵍⴻⵏ ⵏⵏⵉⴹⴻⵏ ⵉ ⵢⴻⵜⵜⵓⵙⴻⵇⴷⴻⵛⴻⵏ ⴷⴻⴳ ⵍⴱⴰⵟⴻⵍ-ⴰⴳⵉ.
ⵜⴰⵏⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ ⵜⴻⵏⵏⴰ-ⴷ ⴱⴻⵍⵍⵉ ⵍⴻⵇⴷⵉⵛ-ⴰⴳⵉ ⵢⴻⵔⵔⵏⴰ-ⴷ ⵖⴻⵔ ⵡⴰⵟⴰⵙ ⵏ ⵍⴻⵇⴷⵉⵛⴻⵏ ⵏⵏⵉⴹⴻⵏ ⵉ ⵢⴻⵃⴱⴻⵙⴻⵏ ⴰⵙⴻⴽⵛⴻⵎ ⵏ ⵙⵙⵎⴰⵜ ⵖⴻⵔ ⵜⵎⵓⵔⵜ-ⵏⵏⴻⵖ. ⴰⵢⴰ ⵢⴻⵙⴽⴰⵏⴰⵢ-ⴷ ⵜⴰⵎⵓⵙⵏⵉ ⵓⵏⵏⵉⴳⵜ ⴷ ⵍⴰⵎⴰⵏ ⵉⵊⴻⵀⴷⴻⵏ ⵏ ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵉ ⵡⴰⴽⴽⴻⵏ ⴰⴷ ⵇⴰⴱⵍⴻⵏ ⴽⵓⵍ ⵍⴱⴰⵟⴻⵍ ⵢⴻⵙⵙⴻⴳⵎⴻⵏ.
ⴷⴻⴳ ⵜⴰⴳⴳⴰⵔⴰ, ⵡⴰⵍⵖⵓ ⵢⴻⵙⵙⴻⴽⵜⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⴷⴷⵓⴽⴽⵍⴻⵏ ⵎⴰⵕⵕⴰ ⵢⵉⵎⴻⵣⴷⴰⵖ ⵏ ⵜⵎⵓⵔⵜ ⵉ ⵡⴰⴽⴽⴻⵏ ⴰⴷ ⵏⵏⴰⵖⴻⵏ ⵎⴳⴰⵍ ⵡⴰⵟⵟⴰⵏ-ⴰⴳⵉ ⵢⴻⵜⵜⵀⴻⴷⴷⵉⴷⴻⵏ ⵉⵍⵎⴻⵣⵢⴻⵏ ⵢⴻⵔⵏⴰ ⴰⴷ ⵃⴰⴷⵔⴻⵏ ⵜⵔⴻⵣⵡⴰ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
