ⴰⵏⵖⵍⴰⴼ ⴰⵎⵣⵓⵡⴰⵔⵓ, ⵙⴰⵢⴼⵉ ⵖⴰⵔⵉⴱ, ⵉⵇⴻⴷⴷⵛ ⴰⵙⵙ-ⴰ ⵏ ⵍⴻⵜⵏⴰⵢⴻⵏ ⵢⵉⵡⴻⵜ ⵏ ⵜⴰⵎⵙⵉⵡⵜ ⵏ ⵜⵉⵍⵉⴼⵓⵏ ⴷ ⵎⴰⵙⵙ ⵛⵛⵉⵅ ⵎⵓⵃⴻⵎⵎⴻⴷ ⴱⴻⵏ ⵄⴰⴱⴷⴻⵍⵔⴰⵃⵎⴰⵏ ⴱⴻⵏ ⵊⴰⵙⵉⵎ ⴰⵍ ⵜⵀⴰⵏⵉ, ⴰⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵏ ⵢⴻⵔⵏⴰ ⴷ ⴰⵏⵖⵍⴰⴼ ⵏ ⵍⴱⴻⵕⵕⴰ ⵏ ⴷⴷⵓⵍⴰ ⵏ ⵇⴰⵟⴰⵔ. ⴷⴻⴳ ⵜⴰⵎⵙⵉⵡⵜ-ⴰⴳⵉ, ⵎⵎⴻⵙⵍⴰⵢⴻⵏ ⵖⴻⴼ ⵡⴰⴷⴰⴳ ⴷ ⵢⵉⵎⴻⵔⵏⵉⵢⴻⵏ ⵏ ⵜⵉⵛⴻⴽⴽⵉⵔⵉⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ, ⴷ ⴰⵢⴻⵏ ⵉ ⴷ-ⵢⵓⵙⴰ ⴷⴻⴳ ⵡⵓⵍⵖⵓ ⵏ ⵜⵏⴻⵖⵍⴰⴼⵜ ⵜⴰⵎⴻⵣⵓⵡⴰⵔⵓⵜ.
ⴷⴻⴳ ⵜⴰⵣⵡⴰⵔⴰ, ⴰⵏⵖⵍⴰⴼ ⴰⵎⵣⵓⵡⴰⵔⵓ ⵢⴻⵙⵙⵉⵡⴻⴹ-ⴷ "ⵜⴰⵎⵙⵉⵡⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ ⵉ ⴳⵎⴰ-ⵙ ⵛⵛⵉⵅ ⵜⴰⵎⵉⵎ ⴱⴻⵏ ⵃⴰⵎⴰⴷ ⴰⵍ ⵜⵀⴰⵏⵉ, ⴰⵎⴻⵏⴽⴰⴷ ⵏ ⴷⴷⵓⵍⴰ ⵏ ⵇⴰⵟⴰⵔ, ⴷ ⵓⴽⵜⴻⵎ ⵏ ⵍⵉⵙⴻⵔ ⴷ ⵜⵏⴻⴼⵍⵉ ⵉ ⵡⴻⴳⴷⵓⴷ ⴰⵇⴰⵜⴰⵔⵉ ⴰⵄⵣⵉⵣⴻⵏ".
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵉⵎⴹⴻⴱⴱⵔⴻⵏ-ⴰⴳⵉ ⵛⴻⴽⵔⴻⵏ "ⵍⵊⴻⵀⴷ ⵏ ⵜⵉⵛⴻⴽⴽⵉⵔⵉⵏ ⵏ ⵜⴻⴳⵎⴰⵜ ⵉ ⵉⵊⴻⵎⵄⴻⵏ ⵙⵏⴰⵜ ⵏ ⵜⵎⵓⵔⴰ ⴷ ⵙⵏⴰⵜ ⵏ ⵡⴻⴳⴷⵓⴷⴻⵏ, ⴷ ⵓⵙⵡⵉⵔ ⵄⵍⴰⵢⴻⵏ ⵏ ⵓⵎⵄⵉⵡⴻⵏ ⵉ ⴷ-ⵢⴻⵍⵍⴰⵏ ⴷⴻⴳ ⵡⴰⵟⴰⵙ ⵏ ⵢⴻⵃⵔⵉⵛⴻⵏ, ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵄⴰⴱⴷⴻⵍⵎⴰⴷⵊⵉⴷ ⵜⴱⵓⵏ ⴷ ⴳⵎⴰ-ⵙ ⴰⵎⴻⵏⴽⴰⴷ ⵏ ⵇⴰⵟⴰⵔ ⵛⵛⵉⵅ ⵜⴰⵎⵉⵎ ⴱⴻⵏ ⵃⴰⵎⴰⴷ ⴰⵍ ⵜⵀⴰⵏⵉ".
ⴷⴻⴳ ⵓⵏⵏⴰⵔ-ⴰⴳⵉ, ⵏⵏⴰⵏ-ⴷ ⴱⴻⵍⵍⵉ "ⴰⴷ ⴽⴻⵎⵎⵍⴻⵏ ⴰⵎⴰⵀⵉⵍ ⴰⴽⴽⴻⵏ ⴰⴷ ⵙⵏⴻⵔⵏⵉⵏ ⴷ ⵓⵙⵙⴻⵎⵖⴻⵔ ⵏ ⵓⵎⵄⵉⵡⴻⵏ, ⵍⴰⴷⵖⴰ ⴷⴻⴳ ⵜⴷⴰⵎⵙⴰ, ⵙ ⵓⵙⴻⵎⵔⴻⵙ ⵏ ⵢⵉⴹⵓⴱⴰⵊ ⵏ ⵓⵙⵙⴻⵎⵍⵉⵍⵉ ⵏ ⵙⵏⴰⵜ ⵏ ⵜⴰⵎⵉⵡⵉⵏ ⵉⵡⴰⴽⴽⴻⵏ ⴰⴷ ⴷⴷⵓⵏ ⵢⵉⵙⴻⵏⴼⴰⵔⵏ ⵏ ⵓⵙⵙⴻⵎⵔⴻⵙ ⵏ ⵢⴻⴷⵔⵉⵎⴻⵏ ⵢⴻⵔⵏⴰ ⴰⴷ ⵉⴽⴻⵔⵔⴻⵙ ⵓⵎⵛⵉⵡⴻⵔ ⵖⴻⴼ ⵜⴻⵎⵙⴰⵍ ⵉ ⴷ-ⵢⴻⵄⵏⴰⵏ ⵙⵏⴰⵜ ⵏ ⵜⵎⵓⵔⴰ".
ⵙⴻⴳ ⵢⵉⴷⵉⵙ-ⵉⵙ, ⵓⵙⴻⵍⵡⴰⵢ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⵏ ⵏ ⵇⴰⵟⴰⵔ ⵢⴻⵙⵙⴻⴹⵎⴰⵏ "ⵓⴷⴻⵎ ⴰⵙⴻⵜⵔⴰⵜⵉⵊⴰⵏ ⵏ ⵜⵉⵛⴻⴽⴽⵉⵔⵉⵏ-ⴰⴳⵉ ⵙ ⴷⴷⴰⵡ ⵏ ⵜⵎⵓⵖⵍⵉ ⵏ ⵢⵉⵎⴹⴻⴱⴱⵔⴻⵏ ⵏ ⵙⵏⴰⵜ ⵏ ⵜⵎⵓⵔⴰ, ⵢⴻⵔⵏⴰ ⵢⴻⵙⵙⵉⵡⴻⴹ-ⴷ ⵜⴰⵎⵙⵉⵡⵜ ⵏ ⵛⵛⵉⵅ ⵜⴰⵎⵉⵎ ⴱⴻⵏ ⵃⴰⵎⴰⴷ ⴰⵍ ⵜⵀⴰⵏⵉ ⵉ ⴳⵎⴰ-ⵙ ⵓⵙⴻⵍⵡⴰⵢ ⵜⴱⵓⵏ, ⴷ ⵍⴻⴱⵖⵉ-ⵙ ⵉⵡⴰⴽⴽⴻⵏ ⴰⴷ ⵉⵇⴻⴷⴷⵛ ⵢⵉⴷ-ⵙ ⵉⵡⴰⴽⴽⴻⵏ ⴰⴷ ⵉⵙⵙⴰⵍⵉ ⵓⵙⵡⵉⵔ ⵏ ⵓⵎⵄⵉⵡⴻⵏ ⴷⴻⴳ ⵢⴰⵍ ⴰⵃⵔⵉⵛ", ⵉ ⴷ-ⵢⴻⴽⴼⴰⵏ ⴷⴻⴳ ⵡⵓⵍⵖⵓ.
ⴰⵔⵏⵓ ⵖⴻⵔ
