ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⴱⴱⴻⵔⵔⴻⵃ-ⴷ ⵜⵜⴻⵛⴰⵔⵉⴽⴰ ⵜⴰⵖⴻⵍⵏⴰⵡⵜ ⵏ ⵓⵙⴻⴳⴳⴻⵎ ⴷ ⵓⵙⴻⵇⴷⴻⵛ ⵏ ⵡⴰⵎⵎⴰⵙⴻⵏ ⵏ ⵡⴰⵙⵙⴰⵢ ⵏ ⵍⵣⵣⴰⵢⴻⵔ "ⵙⵓⵇⵔⴰⵍ", ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⴰⴷ ⵜⵙⴻⵎⵖⴻⵔ ⴰⵡⴰⵀⵉⵍ ⵏ ⵜⵉⴽⵍⵉⵡⵉⵏ ⵏ ⴽⵓⵍ ⴰⵙⵙ ⵢⴻⵔⵏⴰ ⴰⴷ ⵜⵙⴻⴳⴳⴻⵎ ⵡⴰⴽⵓⴷ ⵏ ⵓⵎⴰⵀⵉⵍ. ⴰⵢⴰ ⵢⴻⵍⵍⴰ-ⴷ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⴰⵢⵏⵉⵜ ⵉ ⵍⴻⴱⵖⵉ ⵏ ⵢⵉⵎⴻⵣⴷⴰⵖ ⵉ ⵢⴻⵜⵜⴰⵍⵉⵏ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ.
ⵜⴻⵏⵏⴰ-ⴷ ⵜⵎⴻⵔⵙⴻⵍⵜ ⴱⴻⵍⵍⵉ ⵜⴻⴳⴳⴰ ⵢⵉⵡⴻⵏ ⵓⵡⴰⵀⵉⵍ ⵓⵥⵍⴰⵢ ⵢⴻⵙⵄⴰⵏ 2170 ⵏ ⵜⵉⴽⵍⵉⵡⵉⵏ ⵏ ⵜⴽⴰⵔⵔⵉⵙⵉⵏ ⵏⵏⵉⴹⴻⵏ ⴷⴻⴳ ⵢⵉⵎⴰⵍ-ⴰⴳⵉ, ⵓⵇⴱⴻⵍ ⴰⴷ ⴷ-ⵢⴰⵡⴻⴹ ⵡⴰⴳⴳⵓⵔ ⵏ ⵓⵥⵓⵎ. ⴰⵙⵓⵔ-ⴰⴳⵉ ⵢⵓⵙⴰ-ⴷ ⵙ ⵢⵉⵏⴻⴹⴰⴼ ⵏ ⵓⵏⵖⵍⴰⴼ ⵏ ⵜⵎⵉⵙⴰⵍ ⵏ ⴷⴰⵅⴻⵍ ⴷ ⵡⴰⵙⵙⴰⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⵢⴻⴱⵯⴰⵏ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵡⴰⵙⵙⴰⵢ ⴷ ⵓⵙⴻⴳⴳⴻⵎ ⵏ ⵢⵉⵡⴰⵀⵉⵍⴻⵏ ⴰⴽⴽⴻⵏ ⵃⵡⴰⵊⴻⵏ ⵢⵉⵖⴻⵔⴼⴰⵏ.
ⴷⴻⴳ ⵡⴰⵏⵏⴰⵔ-ⴰⴳⵉ, "ⵙⵓⵇⵔⴰⵍ" ⵜⴻⵇⴷⴻⵛ ⵢⴻⴷⴷⵓⴽⴽⴻⵍ ⴷ ⵜⵏⴻⴱⴷⴰⴷⵉⵏ ⵏ ⵡⴰⵙⵙⴰⵢ ⵏ ⵜⵡⵉⵍⴰⵢⵉⵏ ⵉ ⵡⴰⴽⴽⴻⵏ ⴰⴷ ⵙⵊⴻⵀⴷⴻⵏⵜ ⴰⵡⴰⵀⵉⵍ ⵏ ⵜⵉⴽⵍⵉⵡⵉⵏ. ⵙⵙⴻⴳⴳⵎⴻⵏ ⵍⵡⴻⵇⵜ ⵏ 1050 ⵏ ⵜⵉⴽⵍⵉⵡⵉⵏ ⵢⴻⵔⵔⴰⵏ ⵖⴻⵔ ⵜⵎⴻⴷⴷⵉⵜ ⴷ ⵢⵉⴹ ⵉ ⵡⴰⴽⴽⴻⵏ ⴰⴷ ⵅⴹⵓⵏ ⵉ ⵍⵡⴻⵇⵜ ⵏ ⵍⴼⴹⵓⵔ, ⵉⵎⵉ ⴷⴻⴳ ⵍⵡⴻⵇⵜ-ⵏⵏⵉ ⵢⴻⵜⵜⵉⵊⵀⵉⴷ ⵍⴻⴱⵖⵉ ⵏ ⵡⴰⵙⵙⴰⵢ.
ⵜⴰⵎⴻⵔⵙⴻⵍⵜ ⵜⴻⵔⵔⴰ-ⴷ ⴷⴰⵖⴻⵏ ⵢⵉⵎⴰⵀⵍⴰⵏ ⵏⵏⵉⴹⴻⵏ ⵉ ⵡⴰⴽⴽⴻⵏ ⴰⴷ ⴹⵎⴻⵏⵏ ⵍⴻⵇⴷⵉⵛ ⴷⴻⴳ ⵡⴰⵎⵎⴰⵙⴻⵏ, ⵍⴰⴷⵯⴰ ⴷⴻⴳ ⵓⵙⵉⵣⴷⴻⴳ ⴷ ⵍⴰⵎⴰⵏ. ⵙⵙⴻⴽⵜⴰⵏ-ⴷ ⴷⴰⵖⴻⵏ ⵢⵉⵎⴻⵣⵏⴻⵣⵏ ⵢⴻⵍⵍⴰⵏ ⴷⴰⵅⴻⵍ ⵏ ⵡⴰⵎⵎⴰⵙⴻⵏ ⴰⴷ ⴼⴽⴻⵏ ⵍⴻⵇⴷⵉⵛ ⵢⴻⵍⵀⴰⵏ ⵓⵇⴱⴻⵍ ⴷ ⵎⴱⴰⵄⴻⴷ ⵍⴼⴹⵓⵔ, ⵢⴻⵔⵏⴰ ⵜⵉⵣⴻⵇⵇⴰ ⵏ ⵜⵥⴰⵍⵍⵉⵜ ⴰⴷ ⵍⴷⵉⵏⵜ 24 ⵖⴻⴼ 24 ⵏ ⵜⵙⵔⴰⴳⵜ.
ⴰⵎⵙⴻⵍⵡⴰⵢ ⴰⵎⴰⵜⵓ ⵏ "ⵙⵓⵇⵔⴰⵍ", ⵎⴰⵙⵙ ⴼⴰⵔⴻⵙ ⵜⵣⴻⵔⵔⴰⵔⵜ, ⵢⴻⵏⵏⴰ-ⴷ ⴱⴻⵍⵍⵉ ⵢⴻⵍⵀⴰ ⴰⴷ ⵙⴻⵇⴷⴻⵛⴻⵏ ⵢⵉⵎⴷⴰⵏⴻⵏ ⴰⵍⴰⵍ ⵏ ⵓⵎⴹⴰⵏ (digital) ⵉ ⵡⴰⴽⴽⴻⵏ ⴰⴷ ⴰⵖⴻⵏ ⵜⵉⵡⵔⵉⵇⵉⵏ ⵏ ⵡⴰⵙⵙⴰⵢ ⵢⴻⵔⵏⴰ ⴰⴷ ⴼⵔⴰⵢⴻⵏ ⵙ ⵓⴱⵔⵉⴷ ⵓⵎⴹⴰⵏ. ⵢⴻⴼⴽⴰ ⴷⴰⵖⴻⵏ ⵜⵉⵏⴻⴹⴰⴼ ⵉ ⵡⴰⴽⴽⴻⵏ ⴰⴷ ⵊⵊⴻⵀⴷⴻⵏ ⵍⴻⵇⴷⵉⵛ ⵏ ⵓⵙⴰⴽⵉ ⵎⴳⴰⵍ ⵓⴽⵙⴰⵔⴻⵏ ⵏ ⵓⴱⵔⵉⴷ ⵙ ⵓⵎⵢⴻⵍⵍⴻⵍ ⴷ ⵍⵄⴻⵙⴽⴻⵔ ⵏ ⵓⴱⵔⵉⴷ.
ⵙⴻⴳ ⵍⵊⵉⵀⴰ ⵏ ⵓⵎⴻⵜⵜⵉ, "ⵙⵓⵇⵔⴰⵍ" ⴰⴷ ⵜⴻⴳ 33 ⵏ ⵜⴱⵓⵜⵍⵉⵏ ⵏ ⵍⴼⴹⵓⵔ ⴷⴻⴳ ⵡⴰⵎⵎⴰⵙⴻⵏ ⵏ ⵡⴰⵙⵙⴰⵢ ⵙ ⵓⵎⵢⴻⵍⵍⴻⵍ ⴷ ⵜⵓⵥⴻⴳⴳⴰ ⵜⴰⵣⴻⴳⴳⵯⴰⵖⵜ ⵜⴰⵣⵣⴰⵢⵔⵉⵜ. ⴰⴷ ⴷ-ⵢⵉⵍⵉ ⴷⴰⵖⴻⵏ ⵍⴻⵇⴷⵉⵛ ⵏ ⵓⵎⵓⴷⴷⵓ ⵏ ⵢⵉⴷⴰⵎⵎⴻⵏ ⴷ ⵓⵙⴻⴼⵔⴻⵯ ⵏ ⵢⵉⵎⵓⴹⴰⵏ ⵖⴻⴼ ⵡⴰⵎⴻⴽ ⴰⵔⴰ ⵥⵓⵎⴻⵏ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ ⴱⵍⴰ ⵉⵖⵉⵍⵉⴼⴻⵏ.
ⴰⵔⵏⵓ ⵖⴻⵔ
