ⵜⵇⴻⴷⴷⴻⵛ ⵜⵎⴻⵍⵍⴰⵍⵉⵜ ⵏ ⵓⵙⴻⵍⴽⴻⵎ ⴷ ⵓⵙⴻⴼⵔⴻⴽ ⵏ ⵢⵉⵙⵡⴰⵇⴻⵏ ⵏ ⵓⵊⴻⵎⵍⴰ "ⵎⴰⴳⵔⵓ" ⵖⴻⴼ ⵓⵙⴻⵍⴽⴻⵎ ⵏ ⵓⵙⴻⵏⴼⴰⵔ ⵏ ⵓⵙⴻⵎⴹⴻⵏ ⴰⵎⴰⵜⵓ, ⵉⵙⵡⵉ-ⵙ ⴷ ⴰⵙⴻⴳⴱⴻⵍ ⵏ ⵡⵎⵓⵙⵙⵓ ⵏ ⵍⵅⴻⴷⵔⴰ ⴷ ⵍⴼⴰⴽⵢⴰ ⴷⴻⴳ ⵢⵉⵙⵡⴰⵇⴻⵏ ⵏ ⵓⵊⴻⵎⵍⴰ ⵢⴻⵟⵟⴰⴼⴰⵔⴻⵏⵜ ⵜⵉⵎⴻⵍⵍⴰⵍⵉⵜ-ⴰ, ⴰⴽⴽⴻⴷ ⵜⵎⵓⵖⵍⵉ ⵖⴻⵔ ⵓⵙⴻⴵⵀⴻⴷ ⵏ ⵜⵣⴻⵎⵎⴰⵔ ⵏ ⵓⵙⴻⴽⵍⴻⵙ (ⵜⵓⵃⵔⴰⵣⵜ) ⵙ ⵓⵙⵏⵓⵍⴼⵓ ⵏ ⵜⴻⵅⵅⴰⵎⵉⵏ ⵏ ⵓⵙⴻⵎⵎⵉⴹ ⵙ ⵡⴰⵢⴻⵏ ⴰⵔⴰ ⵢⴻⵏ ⴰⴹⵎⴰⵏ ⵏ ⵜⵓⵇⴻⵜ ⴷⴻⴳ ⵙⵙⵓⵇ, ⵙ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵎⴻⵍⵍⴰⵍⵉⵜ-ⴰ, ⵎⴻⵃⴱⵓⴱ ⴱⴻⵟⵟⴰⵀⴻⵔ.
ⵢⴻⵙⵙⴻⴼⵀⴻⵎ-ⴷ ⵎⴰⵙⵙ ⴱⴻⵟⵟⴰⵀⴻⵔ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ ⵉ ⵜⵏⴻⵇⵇⴰⵙⵜ ⵜⴰⵣⵣⴰⵢⵔⵉⵜ ⵏ ⵢⵉⵙⴰⵍⴻⵏ (APS), ⴱⴻⵍⵍⵉ ⴰⵙⴻⵏⴼⴰⵔ-ⴰ ⵏ ⵓⵙⴻⵎⴹⴻⵏ ⴰⴷ ⵢⴻⴰⴷ ⴷ-ⵜⵜⵓⵏⴻⴼⴽⴻⵏⵜ ⵉⵙⴰⵍⵍⴻⵏ ⵉⵡⴻⵣⵏⴻⵏ ⵖⴻⴼ ⵜⵏⴻⵛⵜⵉⵡⵉⵏ ⵢⴻⵜⵜⴻⵎⵛⴰⴱⵉⵏ ⴷ ⵡⴰⵣⴰⵍ ⵏ ⵡⴻⵙⵏⵓⵣⵓ ⵏ ⵍⵅⴻⴷⵔⴰ ⴷ ⵍⴼⴰⴽⵢⴰ ⴷⴰⵅⴻⵍ ⵏ ⵢⴰⵍ ⵙⵙⵓⵇ, ⵔⵏⵓ ⵖⴻⵔ-ⵙ ⴰⵎⴹⴰⵏ ⵏ ⵢⵉⵎⵙⴻⴹⵔⵓⵢⴻⵏ ⴷ ⵜⴽⴻⵔⵢⴰⵙ, ⵖⴻⵔ ⵜⴰⵎⴰ ⵏ ⵙⵙⵓⵎⴰⵜ ⴷ ⵍⵡⵉⵍⴰⵢⴰⵜ ⵉ ⴷ-ⵢⴻⵜⵜⴰⴽⴽⴻⵏ ⵏⴻⵖ ⵉ ⴷ-ⵢⴻⵜⵜⴰⵡⵉⵏ ⵉⵙⵓⴼⴰⵔ.
ⵉⵡⴰⵍⴰ ⴷⴰⵖⴻⵏ ⴱⴻⵍⵍⵉ ⴰⵏⴰⴳⵔⴰⵡ-ⴰ ⴰⵎⴹⴰⵏ ⴰⴷ ⵢⴻ ⵜⵉⵖⵉⵏ ⵏ ⵜⵖⵜⴰⵙⵉⵏ ⵏ ⵍⵡⴻⵇⵜ-ⵏⵏⵉ ⵉ ⵡⴰⴽⴽⴻⵏ ⴰⴷ ⵡⵡⵉⵏ ⵜⵉⵙⴻⵖⵡⴰ ⴳⴰⵔ ⵜⴻⵎⵏⴰⴹⵉⵏ ⵢⴻⵔⵏⴰ ⴰⴷ ⴹⴻⵎⵏⴻⵏ ⴰⵙⴻⴳⴱⴻⵍ ⵏ ⵙⵙⵓⵇ, ⵍⴰⴷⵖⴰ ⵙ ⵜⵓⵇⵇⵏⴰ ⴳⴰⵔ ⵢⵉⵎⴼⴰⵔⵉⵙⴻⵏ ⴷ ⵢⵉⵎⵙⵓⵍⴰ ⵉⵏⴻⵣⵣⴰⵏⴻⵏ. ⵢⴻⵎⵎⴻⵙⵍⴰⵢ-ⴷ ⴷⴰⵖⴻⵏ ⵡⴻⵎⴰⵙⴰⵢ-ⴰ ⴱⴻⵍⵍⵉ "ⵎⴰⴳⵔⵓ" ⵜⴻⵜⵜⵏⴰⴷⵉ, ⴷⴻⴳ ⵓⵃⵔⵉⵛ ⵏ ⵓⵙⴻⵏⵡⴻⵄ ⵏ ⵡⵓⵔⵎⵓⴷ-ⵉⵙ, ⴰⴷ ⵜⴻⵙⵙⴻⴱⵖⴻⵙ ⵜⵜⴰⵡⵉⵍⴰⵜ ⵏ ⵓⵙⴻⴽⵍⴻⵙ ⵙ ⵓⵙⵏⵓⵍⴼⵓ ⵏ ⵜⴻⵅⵅⴰⵎⵉⵏ ⵏ ⵓⵙⴻⵎⵎⵉⴹ ⵜⵉⵎⴰⵢⵏⵓⵜⵉⵏ, ⵖⴻⵔ ⵜⴰⵎⴰ ⵏ ⵜⵏⴻⴼⴼⵓⵜⵉⵏ ⵢⴻⵍⵍⴰⵏ ⵢⴰⴽⴰⵏ ⴷⴻⴳ ⵢⵉⵙⵡⴰⵇⴻⵏ ⵏ ⵓⵊⴻⵎⵍⴰ, ⵉ ⵡⴰⴽⴽⴻⵏ ⴰⴷ ⵜⴻⵙⵙⴻⴵⵀⴻⴷ ⵜⵉⵣⴻⵎⵎⴰⵔ ⵏ ⵓⵙⴻⴳⴱⴻⵍ ⵏ ⵙⵙⵓⵇ, ⵍⴰⴷⵖⴰ ⴷⴻⴳ ⵜⴻⴳⵏⴰⵜⵉⵏ ⵏ ⵛⵛⵢⴰⴹⴰ ⵏⴻⵖ ⵏ ⵍⵉⵅⵚⴰⵚ ⴷⴻⴳ ⴽⵔⴰ ⵏ ⵢⵉⴼⴰⵔⵉⵙⴻⵏ ⵏ ⵜⴼⴻⵍⵍⴰⵃⵜ.
ⵎⴰ ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵍⴻⵇⴷⵉⵛ ⵉ ⵓⵙⴻⵏⵇⴻⵙ ⵏ ⵜⵓⵇⵇⵏⵉⵡⵉⵏ ⵏ ⵜⵍⴻⵎⵎⴰⵙⵉⵜ (ⵡⵉⴷ ⵢⴻⵍⵍⴰⵏ ⴷⵉ ⵜⵍⴻⵎⵎⴰⵙⵜ), ⵢⴻⵙⵙⴻⴼⵀⴻⵎ-ⴷ ⵎⴰⵙⵙ ⴱⴻⵟⵟⴰⵀⴻⵔ ⴱⴻⵍⵍⵉ ⵙ ⵓⵙⴻⵍⴽⴻⵎ ⵏ ⵜⵏⴰⴹⵉⵏ ⵏ ⵜⵏⴻⵖⵍⴰⴼⵜ ⵏ ⵜⵏⴻⵣⵣⵓⵜ ⵜⴰⴳⴻⵏⵙⴰⵏⵜ ⴷ ⵓⵙⵉⵙⴻⵖ ⵏ ⵙⵙⵓⵇ ⴰⵖⴻⵍⵏⴰⵡ, ⵜⵜⴻⵡⵍⴻⵏⵜ-ⴷ ⵜⵏⴻⵇⵇⵉⴹⵉⵏ ⵏ ⵓⵣⵏⵓⵣⵓ ⵙⵔⵉⴷ ⴷⴰⵅⴻⵍ ⵏ ⵢⵉⵙⵡⴰⵇⴻⵏ ⵏ ⵓⵊⴻⵎⵍⴰ, ⵜⵜⵓⵅⴻⵚⵚⴻⵏⵜ ⵉ ⵢⵉⴼⴻⵍⵍⴰⵃⴻⵏ ⴷ ⵢⵉⵎⴼⴰⵔⵉⵙⴻⵏ ⵉ ⵡⴰⴽⴽⴻⵏ ⴰⴷ ⵙⵙⴻⴽⵏⴻⵏ ⵉⴼⴰⵔⵉⵙⴻⵏ-ⵏⵙⴻⵏ ⵡⴰⵔ ⵉⵎⵍⴻⵎⵎⴰⵙⴻⵏ, ⴰⵢⴻⵏ ⵉ ⵢⴻⴰⵏ ⴰⵙⴻⵏⵇⴻⵙ ⵏ ⵡⴻⵎⴹⴰⵏ ⵏ ⵢⴻⵜⵜⴻⴽⴽⵉⵢⴻⵏ ⴷⴻⴳ ⵡⴻⴱⵔⵉⴷ ⵏ ⵓⴼⴻⵔⵔⴻⵇ, ⵢⴻⵔⵏⴰ ⵢⵓⴼⴰ-ⴷ ⴰⵃⵓⵍⴼⵓ ⵢⴻⵍⵀⴰⵏ ⵖⴻⴼ ⵙⵙⵓⵎⴰⵜ.
ⵢⴻⵎⵍⴰ-ⴷ ⴷⴻⴳ ⵓⵙⴰⵜⴰⵍ-ⴰ ⴱⴻⵍⵍⵉ ⴰⴳⴳⵓⵔ ⵏ ⵔⴻⵎⴹⴰⵏ ⵢⴻⵙⵙⴻⵏ ⴰⵟⴰⵙ ⵏ ⵜⵎⵓⵖⵍⵉ ⵙⴻⴳ ⵢⵉⵎⴼⴰⵔⵉⵙⴻⵏ ⴷ ⵢⵉⴼⴻⵍⵍⴰⵃⴻⵏ ⵖⴻⵔ ⵜⵏⴻⵇⵇⵉⴹⵉⵏ-ⴰ, ⴰⵢⴻⵏ ⵉ ⵢⴻⴼⴽⴰⵏ ⴰⴼⵓⵙ ⵉ ⵓⵙⴻⴵⵀⴻⴷ ⵏ ⵜⵓⵇⴻⵜ ⴷ ⵓⵙⴻⵏⵇⴻⵙ ⵏ ⵙⵙⵓⵎⴰⵜ ⵙ ⵍⴻⵎⵄⴰⵡⵏⴰ ⵏ ⵡⴻⵣⵏⵓⵣⵓ ⵙⵔⵉⴷ, ⵢⴻⵔⵏⴰ ⵢⴻⵙⵙⴻⴽⵏⴰ-ⴷ ⵖⴻⵔ ⵡⴻⵍⴷⴰⵢ ⵏ ⵢⵉⵙⵡⴰⵇⴻⵏ ⵏ ⵓⵊⴻⵎⵍⴰ ⴷⴻⴳ ⵜⴻⵖⵣⵉ ⵏ ⵡⵓⵙⵙⴰⵏ ⵏ ⴷⴷⵓⵕⵜ ⴷⴻⴳ ⵔⴻⵎⴹⴰⵏ, ⵉ ⵓⴹⵎⴰⵏ ⵏ ⵜⴽⴻⵎⵎⵉⵍⵜ ⵏ ⵡⵓⵔⵎⵓⴷ ⴷ ⵓⵃⴰⴷⴻⵔ ⵖⴻⴼ ⵢⴰⵍ ⵍⵉⵅⵚⴰⵚ ⵉ ⵢⴻⵣⵎⴻⵔ ⴰⴷ ⵢⵉⵍⵉ ⴷⴻⴳ ⵓⵙⴻⵞⵞⴻⵡ (ⵜⵜⴰⵎⵡⵉⵏ).
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵎⵀⴰⵍ ⴰⵎⴰⵜⵓ ⴱⴻⵍⵍⵉ ⵜⵉⵎⴻⵍⵍⴰⵍⵉⵜ ⵜⴻⵜⵜⵃⴰⵙⴰⴱ ⵜⵓⵔⴰ ⵜⵣⴰ (9) ⵏ ⵢⵉⵙⵡⴰⵇⴻⵏ ⵏ ⵓⵊⴻⵎⵍⴰ, ⵙ ⵓⵅⴻⴷⴷⵉⵎ ⵖⴻⴼ ⵡⴻⵍⴷⴰⵢ ⵏ ⵙⵙⵓⵇ ⴰⵎⴰⵢⵏⵓⵜ ⴷⴻⴳ ⵍⵡⵉⵍⴰⵢⴰ ⵏ ⵜⵉⵢⴰⵔⴻⵜ "ⴷⴻⴳ ⵍⵡⴻⵇⵜ ⵉ ⴷ-ⵉⵇⴻⵔⴱⴻⵏ", ⴷⵖⴰ ⴷⴻⴳ ⵓⵃⵔⵉⵛ ⵏ ⵜⵉⴽⵍⵉ ⵢⴻⴱⵖⴰⵏ ⴰⴷ ⴷ-ⵜⵖⵓⵎⵎ ⵙ ⵡⵓⴷⴻⵎ ⵀⵔⴰⵡⴻⵏ ⵜⵉⵎⵏⴰⴹⵉⵏ ⵢⴻⵎⵅⴰⵍⵍⴰⴼⴻⵏ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
