ⵉⵙⴻⵍⵍⴻⵎ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ ⴷ ⵜⵓⴽⴽⵉⵙⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⵜⴻⵎⵙⴰⵍ ⵏ ⵜⴻⴼⵔⵉⵇⵜ, ⵎⴰⵙⵙ ⴰⵃⵎⴻⴷ ⴰⵟⵟⴰⴼ, ⴰⵙⵙ-ⴰ ⴷⴻⴳ ⵓⴱⵉⵕⵓ ⵏ ⵜⵏⴻⵖⵍⴰⴼⵜ, ⵉ ⵓⵏⴻⵖⵍⴰⴼ ⵏ ⵜⴻⵎⵙⴰⵍ ⵏ ⴱⴻⵕⵕⴰ, ⵜⴰⴼⵔⴰⵏⴽⵓⴼⵓⵏⵉⵜ ⴷ ⵢⵉⴽⵓⵏⴳⵓⵍⵉⵢⴻⵏ ⵏ ⴱⴻⵕⵕⴰ, ⵎⴰⵙⵙ ⴽⵓⵏⵙⵜⵓ ⵙⴰⵔⴶ ⴱⵓⵏⴷⴰ. ⴰⵎⴻⴳⴳⴰⵔⵉ-ⴰⴳⵉ ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵜⵓⵏⵚⵉⴱⵜ ⵖⴻⵔ ⵍⴻⵣⵣⴰⵢⴻⵔ ⵉⵡⴰⴽⴽⴻⵏ ⴰⴷ ⵉⵙⴻⵍⵍⴻⵎ ⵢⵉⵡⴻⵜ ⵏ ⵜⴻⴱⵔⴰⵜⵜ ⵢⵓⵔⴰⵏ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⴽⵓⵏⴳⵓ, ⵎⴰⵙⵙ ⴷⴻⵏⵉⵙ ⵙⴰⵙⵙⵓⵓ ⵏⴳⵓⴻⵙⵙⵓ, ⴰⴽⴽⴻⵏ ⵉ ⴷ-ⵢⵓⵔⴰ ⴷⴻⴳ ⵓⵙⵉⵡⴹ ⵏ ⵜⵏⴻⵖⵍⴰⴼⵜ ⴰⵙⵙ-ⴰ ⵏ ⵍⵀⴻⴷ.
ⴷⴻⴳ ⵜⴰⵍⵍⵉⵜ-ⴰⴳⵉ, ⴰⵏⴻⵖⵍⴰⴼ ⴰⵃⵎⴻⴷ ⴰⵟⵟⴰⴼ ⵉⵄⴰⵡⴻⴷ ⵉⵙⵙⴻⴱⵕⴻⴽ ⵓⵏⵉⵍⵖⴰⴼ-ⵉⵙ ⴰⴽⵓⵏⴳⵓⵍⵉ ⵙⴻⵍⴷ ⵎⵉ ⵢⴻⵜⵜⵡⴰⵙⴱⴻⴷⴷ ⴷ ⵓⵇⴻⵔⵔⵓ ⵏ ⵜⴷⵉⵒⵍⵓⵎⴰⵙⵉⵜ ⵏ ⵜⵎⵓⵔⵜ-ⵉⵙ. ⴷⴰⵖⴻⵏ, ⵉⵙⵇⴻⵔⴷⴻⵛ ⵢⵉⴷ-ⴻⵙ ⵡⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵓⵎⵢⴻⵛⵛⴻⵔ ⵉ ⵢⴻⵙⴷⵓⴽⴽⵍⴻⵏ ⵙⵏⴰⵜ ⵏ ⵜⵎⵓⵔⴰ ⵜⵉⵙⵏⵉⵡⵉⵏ, ⴷ ⵜⴰⵔⵔⴰⵢⵉⵏ ⵉ ⵓⵙⴻⴶⵀⴻⴷ-ⵏⵙⴻⵏ, ⵍⴰⴷⵖⴰ ⴷⴻⴳ ⵢⵉⵏⵏⴰⵔⴻⵏ ⵉⵕⴻⵙⵙⴰⵏⴻⵏ ⴰⵎ ⵜⵎⴻⵔⵔⵉ , ⵉⵖⴰⵍⴰⴷⴻⵏ (ⵎⵉⵏⴻⵙ), ⵜⵉⴼⴻⵔⴽⵉ, ⵓⵣⵓⵏⴻⵢ ⵏ ⵓⵙⴰⴼⴰⴳ ⴷ ⵓⵙⴻⵍⵎⴻⴷ ⵓⵏⵉⴳ.
ⵙⴻⴳ ⵜⴰⵎⴰ ⵏⵏⵉⴹⴻⵏ, ⵙⵉⵏ ⵏ ⵢⵉⵏⴻⵖⵍⴰⴼⴻⵏ ⵎⵓⴱⴱⴰⴷⴷⴻⵍⴻⵏ ⵜⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⴷ ⵜⴻⵎⵎⴰⵜⵉⵏ ⵏ ⵜⵓⵔⴰ ⴷⴻⴳ ⵜⵎⴻⵏⵏⴰⵟ ⵏ ⵜⴻⴼⵔⵉⵇⵜ, ⵍⴰⴷⵖⴰ ⵜⴰⵍⵓⴼⵜ ⵏ ⵍⵉⴱⵢⴰ ⵙ ⵜⵎⵓⵖⵍⵉ ⵏ ⵍⵎⴻⴶⵀⵓⴷⴰⵜ ⵉ ⵜⴻⵜⵜⴻⴳⴳⴻⵏ ⵜⴻⵙⵇⴰⵎⵓⵜ ⵏ ⵜⴷⵓⴽⵍⵉ ⵏ ⵜⴻⴼⵔⵉⵇⵜ ⵏ ⵓⵙⵡⵉⵔ ⵉⵄⵍⴰⵢⴻⵏ ⵖⴻⴼ ⵍⵉⴱⵢⴰ, ⵙ ⵜⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⴽⵓⵏⴳⵓ, ⵎⴰⵙⵙ ⴷⴻⵏⵉⵙ ⵙⴰⵙⵙⵓⵓ ⵏⴳⵓⴻⵙⵙⵓ.
ⴰⵔⵏⵓ ⵖⴻⵔ
