ⵊⴻⵍⴼⴰ – ⵢⴻⵙⵙⴻⵍⵡⵉ ⵓⵏⴻⵖⵍⴰⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵎoⵀⴰⵎⴻⴷ ⵙⴻⴳⵀⵉⵔ ⵙⴰⴰⴷⴰoⵓⵉ, ⴰⵙⵙ ⵏ ⵓⵙⵉⵏⴰⵙ ⵜⴰⵏⴻⵣⵣⴰⵢⵜ, ⴷⴻⴳ ⵜⵡⵉⵍⴰⵢⵜ ⵏ ǧⴻⵍⴼⴰ, ⴰⵛⵉⵔⵉ ⵓⵏⵚⵉⴱ ⵏ ⵢⵉⴽⴰⵢⴰⴷⴻⵏ ⵏ ⵡⵓⴳⵣⵉⵍ ⵏ ⵓⵍⵎⵓⴷ ⴰⵍⴻⵎⵎⴰⵙ ⵉ ⵜⵖⴻⵎⵍⵉⵍⵜ ⵏ 2026.
ⵎⴰⵙⵙ ⵙⴰⴰⴷⴰoⵓⵉ, ⵢⴻⵍⵍⴰⵏ ⴷ ⵓⵡⴰⵍⵉ ⵏ ⵜⵡⵉⵍⴰⵢⵜ ⵏ ǧⴻⵍⴼⴰ, ⴷⵊⴰⵀⵉⴷ ⵎoⵓⵙ, ⴷ ⵢⵉⴳⴻⵏⵙⴰⵙⴻⵏ ⵏ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴰⵔⴰⵡⴻⵏ ⵏ ⵢⵉⴱⴰⵍⵎⵓⴷⴻⵏ, ⵢⴻⵔⵥⴻⵎ ⵜⵉⵊⴻⵍⵍⴰⴱⵉⵏ ⵎⴰⵏⵉ ⵢⴻⵍⵍⴰ ⵓⵙⴻⵏⵜⴻⵍ ⵏ ⵓⴽⴰⵢⴰⴷ ⵏ ⵜⵓⵜⵍⴰⵢⵜ ⵜⴰɛⵕⴰⴱⵜ ⴷⴻⴳ ⵡⴰⵎⵎⴰⵙ ⵏ ⵓⵙⴻⴽⵢⴻⴷ ⵏ ⵜⴻⵙⵏⴰⵡⵉⵜ ⵏ « ⵓⵎⴻⵖⵔⵓⵙ ⴱⴻⵏ ⴷⵀⴰⵉⴼ ⴻⵍ ⵀⴰⴼⵏⴰoⵓⵉ », ⴷⴻⴳ ⵜⴻⴳⵏⴰⵜⵉⵏ ⵏ ⵓⵙⵓⴷⴷⴻⵙ ⵢⴻⵜⵜⵡⴰⵙⴽⴻⵔⵡⵉⵏ ⴰⴽⴽⴻⵏ ⵢⴻⵙⵙⴻⴼⴽ.
ⵏⴳⵓⵎ ⵎⴰ ⵢⴻⵔⵥⴻⵎ ⵜⵉⵊⴻⵍⵍⴰⴱⵉⵏ, ⵢⴻⵙⵡⴻⴹ ⵓⵏⴻⵖⵍⴰⴼ ⵎⴻⵏⵏⴰⵡ ⵏ ⵜⴻⵎⵚⵓⴽⵉⵏ ⴷⴻⴳ ⵡⴰⵎⵎⴰⵙ-ⴰ ⵏ ⵓⵙⴻⴽⵢⴻⴷ, ⵍⴰⴷⵖⴰ ⵜⴰⵏⴻⵞⵞⵉⵜ ⴷ ⵜⴻⴽⵍⵉⵏⵉⵜ ⵜⴰⵖⵓⵔⴱⵉⵣⵜ.
ⵉ ⵓⵙⵎⴻⴽⵜⵉ, ⵜⴰⵡⵉⵍⴰⵢⵜ ⵏ ǧⴻⵍⴼⴰ ⵍⵍⴰⵏ ⴷⴻⴳ-ⵙ 23.952 ⵏ ⵢⵉⵎⴰⵣⵡⴰⵔⴻⵏ ⴰⵔⴰ ⵢⴻⵙⵙⵓⴽⴽⴻⵏ ⴰⴽⴰⵢⴰⴷ-ⴰ, ⴳⴰⵔ-ⴰⵙⴻⵏ 374 ⵏ ⵢⵉⵎⴰⵣⵡⴰⵔⴻⵏ ⵉⵍⴻⵍⵍⵉⵢⴻⵏ. ⵉⵎⴰⵣⵡⴰⵔⴻⵏ-ⴰ ⴱⴹⴰⵏ ⵖⴻⴼ 80 ⵏ ⵡⴰⵎⵎⴰⵙⴻⵏ ⵏ ⵓⵙⴻⴽⵢⴻⴷ ⵢⴻⵔⵏⵓ ⵙⴳⴻⵔⴻⵔⴻⵏ-ⵜⴻⵏ 1.191 ⵏ ⵢⵉⵙⴻⴳⵔⴰⵔⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵏⴻⴼⴽⵉⵢⵉⵏ ⵏ ⵜⵎⴻⵀⵍⴰ ⵏ ⵓⵙⴻⴳⵎⵉ ⵏ ⵜⵡⵉⵍⴰⵢⵜ.
ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ, ⴰⵎⴹⴰⵏ ⴰⵖⵔⵓⴷⴰⵏ ⵏ ⵢⵉⵎⴻⵣⵔⴰⵡⴻⵏ ⵏ ⵢⵉⴽⴰⵢⴰⴷⴻⵏ ⵏ ⵜⴳⴰⵔⴰ ⵏ ⵜⴰⵍⵍⵓⵙⵜ ⵜⴰⵍⴻⵎⵎⴰⵙⵜ ⵉ ⵜⵖⴻⵎⵍⵉⵍⵜ-ⴰ ⵢⴻⵡⵡⴻⴹ ⵖⴻⵔ 877 035 ⵏ ⵢⵉⵎⴰⵣⵡⴰⵔⴻⵏ, ⴱⴹⴰⵏ ⵖⴻⴼ 3.167 ⵏ ⵡⴰⵎⵎⴰⵙⴻⵏ ⵏ ⵓⵙⴻⴽⵢⴻⴷ ⵉ ⵙⵙⴻⴳⵔⴰⵔⴻⵏ 214.003 ⵏ ⵢⵉⵎⴻⴳⴳⵉⵢⴻⵏ ⴰⵔⴰ ⴷ-ⵢⴻⵍⵀⵓⵏ ⵙ ⵡⴰⵢⴰ ⵙⴻⴳ 19 ⵖⴻⵔ 21 ⵎⴰⵢⵓ.
ⴰⵔⵏⵓ ⵖⴻⵔ
