ⴰⴱⵔⵉⴷ ⵏ ⵓⵣⵣⴰⵍ ⵏ ⵓⴱⴰⵖⵓⵣ ⴳⴰⵔⴰ ⴶⴱⵉⵍⴻⵜ-ⵜⵉⵏⴷⵓⴼ-ⴱⴻⵛⵛⴰⵔ: ⴰⵙⴻⵏⴼⴰⵔ ⵏ ⵍⵙⴰⵙ ⵓⵔ ⵏⴻⵍⵍⵉ ⴷ ⴰⵎⴻⵣⵡⴰⵔⵓ ⵙ ⵍⵎⴻⵄⵏⴰ ⵜⴰⴷⴰⵎⵙⴰⵏⵜ ⵜⴰⵖⴻⵍⵏⴰⵡⵜ

ⴰⴱⵔⵉⴷ ⵏ ⵓⵣⵣⴰⵍ ⵏ ⵓⴱⴰⵖⵓⵣ ⵏ ⵓⵜⴰⵔⴰⵎ "ⴳⴰⵔⴰ ⴶⴱⵉⵍⴻⵜ-ⵜⵉⵏⴷⵓⴼ-ⴱⴻⵛⵛⴰⵔ", ⵉ ⴳⴻⴷⴷⵓⵏ ⵖⴻⴼ 950 ⵏ ⵢⵉⴽⵉⵍⵓⵎⵉⵜⵔⴻⵏ (ⴽⵎ), ⵉ ⴷ-ⵢⴻⵙⵙⴻⵔⴻⵙ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵄⴻⴱⴷⴻⵍⵎⴰⵊⵉⴷ ⵜⴻⴱⴱⵓⵏ, ⴰⵙⵙ-ⴰ ⵏ ⵍⵃⴻⴷ, ⴷ ⵢⵉⵡⴻⵏ ⵙⴻⴳ ⵢⵉⵙⴻⵏⴼⴰⵔⴻⵏ ⵎⴻⵇⵇⵔⴻⵏ ⵉ ⴷ-ⵜⴻⵅⴷⴻⵎ ⵍⴻⵣⵣⴰⵢⴻⵔ ⴷⴻⴳ ⵓⵃⵔⵉⵛ ⵏ ⵓⵙⴰⵡⴰⴹ ⴷ ⵜⵓⴷⴷⵙⴰ ⵏ ⵍⴻⵔⵢⵓⵍ ⵏ ⵍⵇⴰⵄⴰ. ⴰⵢⴰⴳⵉ ⵙ ⵍⵎⵓ ⴷ ⵓⵟⵟⵓⵏ ⵏ ⵢⵉⵅⴷⴰⵎⴻⵏ ⴷ ⵜⵜⴰⵡⵉⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⵉ ⴷ-ⵢⴻⵜⵜⵡⴰⵙⴻⵎⵔⴻⵙⴻⵏ ⵉⵡⴰⴽⴽⴻⵏ ⴰⴷ ⵢⴻⴼⵓⴽⴽ ⴷⴻⴳ ⵍⴰⵡⴰⵏ ⵓⵔ ⵏⴻⵍⵍⵉ ⴷ ⴰⵎⴻⵣⵡⴰⵔⵓ.

ⴰⴱⵔⵉⴷ-ⴰⴳⵉ ⵉⵙⵜⵔⴰⵜⵉⴳⵉⵢ ⵉ ⴷ-ⵢⴻⵜⵜⴰⵡⵉⵏ ⵍⴼⴰⵢⴷⴰ ⵜⴰⴷⴰⵎⵙⴰⵏⵜ ⴷⴻⴳ ⵡⴰⵟⴰⵙ ⵏ ⵓⵃⵔⵉⵛⴻⵏ, ⴷ ⵍⵙⴰⵙ ⵎⴻⵇⵇⵔⴻⵏ ⵉ ⵓⵙⴻⵎⵔⴻⵙ ⵏ ⵓⴱⴰⵖⵓⵣ ⵏ ⴳⴰⵔⴰ ⴶⴱⵉⵍⴻⵜ, ⵉⵡⴰⴽⴽⴻⵏ ⴰⴷ ⴷ-ⵢⴻⵔⵔ ⵍⵎⴰⴷⴰⵜ ⵜⵉⵏⴰⵚⵍⵉⵢⵉⵏ (ⵎⴰⵜⵉèⵔⴻⵙ ⵒⵔⴻⵎⵉèⵔⴻⵙ) ⵉ ⵜⵙⵏⴻⴹⵜ ⵏ ⵡⵓⵣⵣⴰⵍ ⵏ ⵜⵎⵓⵔⵜ ⵓ ⴰⴷ ⴷ-ⵢⴻⴳⵍⵓ ⵙ ⵜⴷⴰⵎⵙⴰ ⵏⵏⵉⴹⴻⵏ ⵉ ⴳⴻⵅⴹⴰⵏ ⵉ ⵍⵒⴻⵜⵔⵓⵍ.

ⵉⵏⵓⵙⴽⵉⵎⴻⵏ-ⴰⴳⵉ ⵎⴻⵇⵇⵔⴻⵏ ⴷ ⵉⵙⴱⴻⴳⴳⵉⵏⴻⵏ ⵏ ⵜⵎⵓⵙⵏⵉ ⵏ ⵜⴽⴻⴱⴱⴰⵏⵉⵜ ⵏ ⵜⵎⵓⵔⵜ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏⵜ ⵉⵙⴻⵏⴼⴰⵔⴻⵏ ⵎⴻⵇⵇⵔⴻⵏ ⵙ ⵍⵎⴻⵄⵏⴰⵢⴰⵜ ⵏ ⵜⴼⴻⵏⵏⵉⵡⵜ ⵉⵊⴻⵀⴷⴻⵏ, ⴰⵢⴻⵏ ⵉ ⴳⴻⵙⵙⴻⵏⵏⴻⵔⵏⵉⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ ⴷ ⵓⵙⴻⵎⵔⴻⵙ ⵏ ⵍⴻⵔⵢⵓⵍ ⵏ ⵓⴱⴰⵖⵓⵣ.

ⴰⴱⵔⵉⴷ-ⴰⴳⵉ ⴰⴷ ⴷ-ⵢⴻⵔⵔ ⴰⵙⴰⵡⴰⴹ ⵏ ⵍⴻⵔⵢⵓⵍ ⵏ ⵓⴱⴰⵖⵓⵣ, ⵍⴰⴷⵖⴰ ⵓⵣⵣⴰⵍ ⵏ ⴳⴰⵔⴰ ⴶⴱⵉⵍⴻⵜ (ⵜⵉⵏⴷⵓⴼ), ⵔⵏⵓ ⵖⵓⵔ-ⵙ ⴰⵙⴰⵡⴰⴹ ⵏ ⵢⵉⵎⵙⴻⴼⵔⵉⴷⴻⵏ ⴷ ⵙⵙⴻⵍⵄⴰ. ⵜⴰⵣⵣⵍⴰ-ⵙ ⵜⴻⵙⵙⴰⵡⴻⴹ 160 ⴽⵎ/ⵙⴰ ⵉ ⵢⵉⵎⵙⴻⴼⵔⵉⴷⴻⵏ ⵓ 80 ⴽⵎ/ⵙⴰ ⵉ ⵙⵙⴻⵍⵄⴰ ⴷ ⵍⴻⵔⵢⵓⵍ ⵏ ⵓⴱⴰⵖⵓⵣ, ⵙ ⵜⵉⵣⵎⴰⵔⵜ ⵏ 24 ⵏ ⵜⵎⴰⵛⵉⵏⵉⵏ ⵏ ⵓⴱⴰⵖⵓⵣ, ⵙⵏⴰⵜ ⵏ ⵢⵉⵎⵙⴻⴼⵔⵉⴷⴻⵏ ⴷ ⵙⵏⴰⵜ ⵏ ⵙⵙⴻⵍⵄⴰ ⵢⴰⵍ ⴰⵙⵙ.

ⵖⴻⴼ ⴷⴷⴻⵎⵎⴰ ⵏ ⵍⴰⵡⴰⵏ ⵏ ⵓⵅⴻⴷⴷⵉⵎ, ⵍⴻⵛⵢⴰⵍ ⴼⵓⴽⴽⴻⵏ ⴷⴻⴳ 31 ⴷⵓⵊⴻⵎⴱⴻⵔ 2025, ⵇⴱⴻⵍ ⵍⴰⵡⴰⵏ ⵉ ⵢⴻⵜⵜⵡⴰⴹⴻⴱⴱⵔⴻⵏ ⵣⵉⴽ (ⵢⵓⵏⵢⵓ 2026). ⴰⵢⴰⴳⵉ ⴷ ⴰⵙⴱⴻⴳⴳⴻⵏ ⵏ ⵓⵙⴻⵍⵃⵓ ⵏ ⵓⵀⴻⴳⴳⵉ, ⵉⵎⵉ ⵍⴻⵛⵢⴰⵍ ⵓⵔⵄⴰⴷ ⵉⵄⴻⴷⴷⴰⵏ 25 ⵏ ⵡⴰⵢⵢⵓⵔⴻⵏ.

ⵍⴻⵛⵢⴰⵍ ⵍⵍⴰⵏ ⴷⴻⴳ-ⵙⴻⵏ 15.24 ⵏ ⵢⵉⵎⴻⵍⵢⵓⵏⴻⵏ ⵏ ⵍⵎⵉⵜⵔⴰ ⵍⴽⴰⵄⴻⴱ ⵏ ⵓⵙⴻⵏⵏⴻⴼ (ⵔⴷⴻⵎ) ⴷ 54.28 ⵏ ⵢⵉⵎⴻⵍⵢⵓⵏⴻⵏ ⵏ ⵍⵎⵉⵜⵔⴰ ⵍⴽⴰⵄⴻⴱ ⵏ ⵓⵃⴼⴰⵔ. ⵙⴻⵔⵙⴻⵏ 1026.22 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵓⵣⵣⴰⵍ, ⵙ ⵍⵎⵓ ⵏ 10 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴰⵍ ⴰⵙⵙ.

ⵉ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ ⴷⴻⴳ ⵍⴻⵣⵣⴰⵢⴻⵔ, ⵙⴻⵎⵔⵙⴻⵏ ⵜⴰⵎⴰⵛⵉⵏⵜ ⵏ ⵓⵙⴻⵔⵙⵓ ⵏ ⵓⵣⵣⴰⵍ ⵙ ⵍⵊⵀⴻⴷ ⵏ 6 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴰⵍ ⴰⵙⵙ. ⴷⴰⵖⴻⵏ, ⵅⴻⴷⵎⴻⵏ ⵓⴳⴰⵔ ⵏ ⵓⵎⴻⵍⵢⵓⵏ ⵏ ⵜⵉⴳⴻⴷⵡⵉⵏ ⵏ ⵍⴱⵉⵟⵓⵏ ⵙ ⵍⵎⵓ ⵏ 6000 ⵏ ⵢⵉⵡⵓⵏⵣⵉⵢⴻⵏ ⵢⴰⵍ ⴰⵙⵙ ⴷⴻⴳ ⵢⵉⵙⵏⵓⴼⴰ ⵏ ⵜⵎⵓⵔⵜ.

ⴷⴻⴳ ⵓⵃⵔⵉⵛ ⵏ ⵢⵉⵏⵓⵙⴽⵉⵎⴻⵏ ⵏ ⵜⴼⴻⵏⵏⵉⵡⵜ, ⵍⵍⴰⵏ 45 ⵏ ⵍⵇⴻⵏⵟⵔⴰⵜ ⵎⴻⵇⵇⵔⴻⵏ ⵏ ⵓⵣⵣⴰⵍ (20.04 ⴽⵎ), ⴳⴰⵔ-ⴰⵙⴻⵏⵜ ⵜⵉⵏ ⵏ ⵡⴰⵙⵉⴼ ⵏ ⴷⴰⵡⵔⴰ ⵙ ⵜⴻⵖⵣⵉ ⵏ 4.11 ⴽⵎ, ⴷ 50 ⵏ ⵢⵉⵄⴻⴷⴷⵉⵡⴻⵏ (ⵒⴰⵙⵙⴰⴳⴻⵙ). ⵍⵍⴰⵏ ⴷⴰⵖⴻⵏ 7 ⵏ ⵍⴳⴰⵕⴰⵜ ⵎⴻⵇⵇⵔⴻⵏ: ⴰⴱⴰⴷⵍⴰ, ⵃⴰⵎⵎⴰⵇⵉⵔ, ⵜⴰⴱⴻⵍⴱⴰⵍⴰ, ⵃⴰⵙⵉ ⵅⴱⵉ, ⵓⵎⵎ ⴻⵍ ⵄⵙⴻⵍ, ⵜⵉⵏⴷⵓⴼ ⴷ ⴳⴰⵔⴰ ⴶⴱⵉⵍⴻⵜ.

ⴰⵏⴻⵙⵔⵉⴼ ⵜⴻⴼⴽⴰ ⵍⴻⵛⵢⴰⵍ-ⴰⴳⵉ ⵉ ⵡⴰⵟⴰⵙ ⵏ ⵜⴽⴻⴱⴱⴰⵏⵉⵜ ⵏ ⵜⵎⵓⵔⵜ ⴰⵎ: ⵛⵓⵙⵉⴷⴻⵔ, ⴻⵏⴳⵓⴰ, ⵉⵏⴼⵔⴰⵔⴰⵉⵍ, ⴳⵛⴱ, ⵉⵏⴼⵔⴰⴼⴼⴻⵔ, ⴷ ⵜⴽⴻⴱⴱⴰⵏⵉⵜ ⵏ ⵛⵛⵉⵏ "ⵛⵔⵛⵛ".

ⵙⵙⴻⵎⵔⵙⴻⵏ ⵓⴳⴰⵔ ⵏ 11 ⵏ ⵢⵉⴳⵉⵎⴰⵏ (11,000) ⵏ ⵢⵉⵅⴷⴰⵎⴻⵏ, ⵓⴳⴰⵔ ⵏ 4,000 ⵏ ⵜⵎⴰⵛⵉⵏⵉⵏ ⴷ ⵢⵉⴽⴰⵎⵉⵢⵓⵏⴻⵏ, ⵓ ⵙⵙⴻⵎⵔⵙⴻⵏ 7,515 ⵏ ⵜⵜⴰⵏⵜ ⵏ ⵍⴱⴰⵔⵓⴷ ⵏ ⵜⵎⵓⴹⵉ (ⴻⵅⵒⵍⵓⵙⵉⴼⵙ) ⵉⵡⴰⴽⴽⴻⵏ ⴰⴷ ⵙⵏⴻⴳⵔⴻⵏ ⵉⵣⵓⵖⴰⵔ ⵉⵊⵀⴻⴷⵏ ⴷⴻⴳ ⵜⴻⵎⵏⴰⴹⵜ ⵏ ⵃⴰⵎⵎⴰⵇⵉⵔ-ⵓⵎⵎ ⴻⵍ ⵄⵙⴻⵍ.