ⵜⴰⵙⵇⴰⵎⵓⵜ ⵏ ⵓⵙⵙⵓⴷⴷⴻⵙ ⴷ ⵓⵃⴰⴷⴻⵔ ⵏ ⵜⵉⴳⴰⵡⵜⵉⵏ ⵏ ⵍⴱⵓⵕⵚⴰ "COSOB", ⵜⴻⵙⵙⵓⴷⴷⴻⵙ-ⴷ ⵙⴻⴳ ⵡⴰⵙⵙ ⵏ ⵍⵜⵏⵉⵏ ⵉ ⵄⴻⴷⴷⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵢⵉⵡⴻⵜ ⵏ ⵜⴰⵙⵇⵓⵏⵜ ⵏ ⵓⵙⵉⵍⴻⵖ ⵉ ⵢⵉⵏⴻⴷⵎⴰⵙⴻⵏ (ⵉⵏⴻⵖⵎⴰⵙⴻⵏ ⵏ ⵜⴷⴰⵎⵙⴰ) ⵖⴻⴼ ⵜⴰⵔⵔⴰⵢⵉⵏ ⵏ ⵓⴼⵙⵉⵙ ⵏ ⴷⴷⴻⵎⵎⴰ ⵏⵏⵉⴹⴻⵏ, ⵍⴰⴷⵖⴰ ⵙ ⵓⴱⵔⵉⴷ ⵏ ⵓⴳⴷⴻⵣ ⵏ ⵢⴻⴷⵔⵉⵎⴻⵏ. ⴰⵢⴰⴳⵉ ⵉⵡⴰⴽⴽⴻⵏ ⴰⴷ ⵉⵊⵀⴻⴷ ⵡⴰⴷⴷⵓⴷ ⵏ ⵢⵉⵙⴰⵍⵍⴻⵏ ⵏ ⵜⴷⴰⵎⵙⴰ ⴷⴻⴳ ⵓⵙⴻⴷⵔⴻⵄ ⵏ ⵜⵎⵓⵙⵏⵉ ⵉⵃⴻⵇⵇⴰⵏⵉⵢⴻⵏ.
ⵜⴰⵙⵇⵓⵏⵜ-ⴰⴳⵉ ⴰⴷ ⵜⴷⵓⵎ ⵙⵉⵏ ⵏ ⵡⵓⵙⵙⴰⵏ ⴷⴻⴳ ⵓⵎⵓⵔ (ⵍⴱⵉⵕⵓ) ⵏ ⵜⴻⵙⵇⴰⵎⵓⵜ, ⵙ ⵜⵜⴻⴽⴽⵉ ⵏ ⵡⴰⵟⴰⵙ ⵏ ⵉⵊⴻⵔⵕⴰⴱⴻⵏ ⴷ ⵉⵎⴰⵙⵍⴰⵢⴻⵏ ⴷⴻⴳ ⵓⵃⵔⵉⵛ ⵏ ⵓⴳⴷⴻⵣ ⵏ ⵢⴻⴷⵔⵉⵎⴻⵏ, ⵉⵊⴻⵔⵕⴰⴱⴻⵏ ⵏ ⵜⴻⵙⵇⴰⵎⵓⵜ ⴷ ⵡⵉⴷ ⵏ ⵍⴱⵓⵕⵚⴰ ⵏ ⵍⴻⵣⵣⴰⵢⴻⵔ, ⴰⴽⴽⴻⴷ ⵢⵉⵏⴻⴷⵎⴰⵙⴻⵏ ⵏ ⵜⵉⵔⵎⵉⵙⵉⵏ ⵏ ⵢⵉⵙⴰⵍⵍⴻⵏ ⵏ ⴷⴷⵓⵍⴰ ⴷ ⵜⵉⵏ ⵏ ⵍⴱⵔⵉⵣⵉ.
ⵉⵙⵡⵉ ⵏ ⵓⵙⵉⵍⴻⵖ-ⴰⴳⵉ ⴷ ⴰⵙⵏⴻⵔⵏⵉ ⵏ ⵜⵎⵓⵙⵏⵉ ⵏ ⵢⵉⵏⴻⴷⵎⴰⵙⴻⵏ ⵏ ⵜⴷⴰⵎⵙⴰ ⴷⴻⴳ ⵓⵃⵔⵉⵛ ⵏ ⵓⴳⴷⴻⵣ ⵏ ⵢⴻⴷⵔⵉⵎⴻⵏ, ⵉⵡⴰⴽⴽⴻⵏ ⴰⴷ ⵉⵣⵎⵉⵔⴻⵏ ⴰⴷ ⴷ-ⵖⵔⴻⵏ ⵢⴻⵔⵏⴰ ⴰⴷ ⵙⵍⴻⵎⴷⴻⵏ (analyser) ⵉⵙⴰⵍⵍⴻⵏ ⵢⴻⵔⵣⴰⵏ ⵉⴷⵔⵉⵎⴻⵏ ⵏ ⵜⴽⴻⴱⴱⴰⵏⵢⵉⵏ.
ⴰⵡⴰⵍⴻⵏ ⵏ ⵢⵉⵎⴰⵍⵍⴰⵙⴻⵏ ⵕⵚⴰⵏ ⵖⴻⴼ ⵜⴰⵔⵔⴰⵢⵉⵏ ⵏ ⵓⴼⵙⵉⵙ ⵏ ⴷⴷⴻⵎⵎⴰ ⵏⵏⵉⴹⴻⵏ, ⴰⵎ ⵉⵙⵓⵏⴷⴰⵇ ⵏ ⵓⵙⴻⵏⵜⴻⵎ , ⴷ ⴷⴷⵓⵕ ⵏ "COSOB" ⴷ ⵍⴱⵓⵕⵚⴰ ⴷ ⵢⵉⵎⴰⵙⵍⴰⵢⴻⵏ ⴷⴻⴳ ⵜⵉⴳⴰⵡⵜⵉⵏ ⵏ ⵍⴱⵓⵕⵚⴰ. ⵍⵍⴰⵏ ⴷⴰⵖⴻⵏ ⵉⵃⵔⵉⵛⴻⵏ ⵢⴻⵔⵣⴰⵏ ⴰⵎⴻⴽ ⵉ ⵜⵜⴻⴽⵛⴻⵏⵜ ⵜⴽⴻⴱⴱⴰⵏⵢⵉⵏ ⵖⴻⵔ ⵍⴱⵓⵕⵚⴰ ⴷ ⵓⵙⴻⴳⵣⵉ ⵏ ⵜⴰⵔⵔⴰⵢⵉⵏ ⵏ ⵜⴷⴰⵎⵙⴰ ⵏ ⵍⵉⵙⵍⴰⵎ ⴷ "ⵚⵚⵓⴽⵓⴽ".
ⴰⵔⵏⵓ ⵖⴻⵔ
