ⴰⵏⴰⴷⵉ ⵏ ⵍⵃⴰⵍ ⵜⴻⴳⵏⴻⵡⵜ ⵢⴻⵏⵏⴰ-ⴷ ⴷⴻⴳ ⵓⵏⵓⴱⴰⵜ-ⵉⵙ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⴱⴻⵍⵍⵉ ⴰⴷ ⴷ-ⵢⴰⴷⴻⵔ ⵓⴳⴻⴼⴼⵓⵔ ⵏ ⵔⵔⴻⵄⴷ, ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵓⵍⴰ ⴷ ⴰⴱⵔⵓⵔⵉ, ⴷⴻⴳ ⵡⵓⵙⵙⴰⵏ ⵏ ⵍⴻⵜⵍⴰⵜ ⴷ ⵍⴰⵔⴱⴻⵄ ⵉ ⴷ-ⵉⵜⵜⴻⴷⴷⵓⵏ.
ⴰⵍⵖⵓ-ⴰⴳⵉ ⵏ ⵙⵙⴻⵏⴼ ⵡⵉⵙ ⵙⵉⵏ (ⵜⵉⴽⴽⵓⴽⵉⵜ/ⵓⵔⴰⵏⴳⴻ) ⵉⵛⵓⴷⴷ ⵖⴻⵔ ⵜⵡⵉⵍⴰⵢⵉⵏ ⵏ: ⵜⵍⴻⵎⵙⴰⵏ, ⵄⵉⵏ ⵜⴻⵎⵓⴰⵛⴻⵏⵜ, ⵡⴻⵀⵔⴰⵏ, ⵎⴻⵙⵜⵖⴰⵏⴻⵎ, ⵙⵉⴷⵉ ⴱⴻⵍⵄⴻⴱⴱⴰⵙ, ⵙⴰⵄⵉⴷⴰ, ⵎⵄⴰⵙⵛⴰⵔ ⴷ ⵖⵉⵍⵉⵣⴰⵏ. ⴰⵎⴹⴰⵏ ⵏ ⵡⴰⵎⴰⵏ ⵏ ⵓⴳⴻⴼⴼⵓⵔ ⴰⴷ ⴷ-ⵢⴰⵡⴻⴹ ⴳⴰⵔ 20 ⴰⵔ 40 ⵎⵎ, ⵙⴻⴳ ⵜⵙⴻⵜⵜⴰ (06:00) ⵏ ⵚⵚⴱⴻⵃ ⵏ ⵍⴻⵜⵍⴰⵜ ⴰⵍⴰⵎⵎⴰ ⴷ ⵜⵜⴻⵙⵄⴰ (21:00) ⵏ ⵜⵎⴻⴷⴷⵉⵜ.
ⴰⴷ ⴷ-ⵢⴰⵍⵉ ⵓⴳⴻⴼⴼⵓⵔ ⵓⵍⴰ ⴷⴻⴳ ⵏⴰⵄⴰⵎⴰ ⴷ ⵓⴳⴰⴼⴰ ⵏ ⴻⵍ ⴱⴰⵢⴰⴷⵀ, ⵙⴻⴳ ⵜⵜⴻⵙⵄⴰ (09:00) ⵏ ⵚⵚⴱⴻⵃ ⵏ ⵍⴻⵜⵍⴰⵜ ⴰⵍⴰⵎⵎⴰ ⴷ ⵜⵍⴰⵜⴰ (15:00) ⵏ ⵜⵎⴻⴷⴷⵉⵜ ⵏ ⵍⴰⵔⴱⴻⵄ. ⴰⵎⴰⵏ ⵏ ⵓⴳⴻⴼⴼⵓⵔ ⵍⵍⴰⵏ ⴳⴰⵔ 20 ⴰⵔ 40 ⵎⵎ, ⵢⴻⵣⵎⴻⵔ ⴰⴷ ⴰⵡⴹⴻⵏ ⵓⵍⴰ ⴰⵔ 50 ⵎⵎ ⴷⴻⴳ ⴽⵔⴰ ⵏ ⵢⵉⵎⵓⴽⴰⵏ.
ⵜⵉⵡⵉⵍⴰⵢⵉⵏ ⵏⵏⵉⴹⴻⵏ ⵉ ⵉⵛⵓⴷⴷⴻⵏ ⵖⴻⵔ ⵓⴳⴻⴼⴼⵓⵔ (ⴳⴰⵔ 20 ⴰⵔ 40 ⵎⵎ): ⵛⵍⴻⴼ, ⵜⵉⴱⴰⵣⴰ, ⵍⴻⵣⵣⴰⵢⴻⵔ, ⴱⵓⵎⴻⵔⴷⴰⵙ, ⵜⵢⴰⵔⴻⵜ, ⵜⵉⵙⴻⵎⵙⵉⵍⵜ, ⵄⵉⵏ ⴷⴻⴼⵍⴰ, ⵍⴻⵎⴷⵉⵢⴰ ⴷ ⵍⴻⴱⵍⵉⴷⴰ. ⴰⵢⴰⴳⵉ ⴰⴷ ⵢⴻⴱⴷⵓ ⵙⴻⴳ ⵜⵍⴰⵜⴰ (15:00) ⵏ ⵜⵎⴻⴷⴷⵉⵜ ⵏ ⵍⴻⵜⵍⴰⵜ ⴰⵍⴰⵎⵎⴰ ⴷ ⵜⵍⴰⵜⴰ (03:00) ⵏ ⵚⵚⴱⴻⵃ ⵏ ⵍⴰⵔⴱⴻⵄ.
ⴷⴻⴳ ⵜⵡⵉⵍⴰⵢⵜ ⵏ ⴱⴻⵛⵛⴰⵔ, ⴰⴳⴻⴼⴼⵓⵔ ⴰⴷ ⴷ-ⵢⴰⴷⴻⵔ ⴳⴰⵔ 20 ⴰⵔ 50 ⵎⵎ, ⵙⴻⴳ ⵜⵜⴻⵙⵄⴰ (21:00) ⵏ ⵜⵎⴻⴷⴷⵉⵜ ⵏ ⵍⴻⵜⵍⴰⵜ ⴰⵍⴰⵎⵎⴰ ⴷ ⵜⵜⴻⵙⵄⴰ ⴷ ⵢⵉⵡⴻⵜ (23:00) ⵏ ⵜⵎⴻⴷⴷⵉⵜ ⵏ ⵍⴰⵔⴱⴻⵄ.
ⴰⵔⵏⵓ ⵖⴻⵔ
