ⴰⴳⴻⴼⴼⵓⵔ ⵏ ⵔⵔⵄⴷ ⴷ-ⵉⵜⵜⴻⴷⴷⵓⵏ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵓⵎⴰⵍⵓ ⴷ ⵜⵍⴻⵎⵎⴰⵙⵜ ⵏ ⵜⵎⵓⵔⵜ ⵙⴻⴳ ⵓⵣⴻⴽⴽⴰ ⵏ ⵍⴻⵜⵏⵉⵢⴻⵏ

ⴰⴷ ⴷ-ⵢⴻⵡⵡⴻⵜ ⵓⴳⴻⴼⴼⵓⵔ ⵏ ⵔⵔⵄⴷ, ⵉ ⵢⴻⵣⵎⵔⴻⵏ ⴰⴷ ⴷ-ⵢⴰⵙ ⵜⵉⴽⵡⴰⵍ ⴷ ⵙⵙⵉⵇ ⵢⴻⵔⵏⴰ ⴰⴷ ⴷ-ⵢⵉⵍⵉ ⵓⴱⵔⵓⵔⵉ ⴷⴻⴳ ⴽⵔⴰ ⵏ ⵜⴰⵎⵉⵡⵉⵏ, ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵓⵎⴰⵍⵓ ⴷ ⵜⵍⴻⵎⵎⴰⵙⵜ ⵏ ⵜⵎⵓⵔⵜ, ⵙⴻⴳ ⵓⵣⴻⴽⴽⴰ ⵏ ⵍⴻⵜⵏⵉⵢⴻⵏ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵎⵎⵓⵙ ⴰⵖⴻⵍⵏⴰⵡ ⵏ ⵓⵏⴻⴱⴷⵓ (ⵓⵏⵎ) ⴰⵙⵙ-ⴰⴳⵉ ⵏ ⵍⵃⴻⴷ ⴷⴻⴳ ⵢⵉⵡⴻⵏ ⵏ ⵓⵙⵉⵡⴻⵍ ⴰⵎⴻⵣⵍⴰⵢ (ⴱⵎⵙ).

ⴰⴽⵜⴰⵢ ⵏ ⵓⵙⵉⵡⴻⵍ-ⴰⴳⵉ ⵉ ⵢⴻⵍⵍⴰⵏ ⴷⴻⴳ ⵓⵙⵡⵉⵔ ⵏ ⵓⵃⴰⴷⴻⵔ "ⵓⵔⴰⵏⴳⴻ", ⴰⴷ ⴷ-ⵢⴻⴱⴷⵓ ⵙⴻⴳ ⵜⵜⴻⵙⵄⴰ ⵏ ⵜⵎⴻⴷⴷⵉⵜ (15:00) ⵏ ⵓⵣⴻⴽⴽⴰ ⵏ ⵍⴻⵜⵏⵉⵢⴻⵏ ⴰⵔⵎⵉ ⴷ ⵜⵙⴻⵜⵜⴰ ⵏ ⵚⵚⴱⴻⵃ (06:00) ⵏ ⵡⴰⵙⵙ ⵏ ⵍⴰⵔⴱⴻⵄⴰ ⵉ ⴷ-ⵉⵜⵜⴻⴷⴷⵓⵏ.

ⵜⵉⵡⵉⵍⴰⵢⵉⵏ ⵉ ⵢⴻⵏⵏⵓⵏ ⴷ: ⵜⵍⴻⵎⵙⴻⵏ, ⵄⵉⵏ ⵜⴻⵎⵓⵛⴻⵏⵜ, ⵡⴻⵀⵔⴰⵏ, ⵎⴻⵙⵜⵖⴰⵏⴻⵎ, ⵛⵍⴻⴼ, ⵜⵉⴱⴰⵣⴰ, ⵍⴻⵣⵣⴰⵢⴻⵔ, ⴱⵓⵎⴻⵔⴷⴰⵙ, ⵜⵉⵣⵉ ⵡⴻⵣⵣⵓ, ⴱⴳⴰⵢⴻⵜ, ⵎⵄⴻⵙⴽⴻⵔ, ⵄⵉⵏ ⴷⴻⴼⵍⴰ, ⵍⴻⴱⵍⵉⴷⴰ, ⵍⴻⵎⴷⵉⵢⴰ ⴷ ⵍⴱⵓⵉⵔⴰ.

ⵍⵇⵉⴷⴰⵔ ⵏ ⵡⴰⵎⴰⵏ ⵏ ⵓⴳⴻⴼⴼⵓⵔ ⴰⴷ ⵢⵉⵍⵉ ⴳⴻⵔ 40 ⴷ 50 ⵏ ⵢⵉⵎⵉⵍⵉⵎⵉⵜⵔⴻⵏ, ⵢⴻⵣⵎⴻⵔ ⴰⴷ ⵢⴰⵡⴻⴹ ⵓⴳⴰⵔ ⵏ 70 ⵎⵎ ⴷⴻⴳ ⴽⵔⴰ ⵏ ⵜⴰⵎⵉⵡⵉⵏ. ⴰⴳⴻⴼⴼⵓⵔ-ⴰⴳⵉ ⴰⴷ ⴷ-ⵢⴻⴷⴷⵓ ⴷ ⵡⴰⴹⵓ, ⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵡⴰⵎⵎⵓⵙ-ⴰⴳⵉ.