ⴰⴳⴼⴼⵓⵔ ⵏ ⵔⵔⵄⴷ ⴷ ⵡⴰⴹⵓ ⵉⵊⴻⵀⴷⴻⵏ ⵖⴻⴼ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ

ⴰⵙⵙ-ⴰⴳⵉ ⵏ ⵍⵃⴻⴷ, ⴰⵎⵎⴰⵙ ⴰⵖⴻⵍⵏⴰⵡ ⵏ ⵓⵏⴻⴱⴷⵓ (ONM) ⵉⵅⴻⴱⴱⴻⵔ-ⴷ ⴷⴻⴳ ⵢⵉⵡⴻⵏ ⵏ ⵓⵙⵉⵡⴻⵍ ⴱⴻⵍⵍⵉ ⴰⴷ ⴷ-ⵢⴻⵡⵡⴻⵜ ⵓⴳⴻⴼⴼⵓⵔ ⵏ ⵔⵔⵄⴷ, ⴰⴷ ⴷ-ⵉⵙⵓⴹ ⵡⴰⴹⵓ ⵉⵊⴻⵀⴷⴻⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵓⵖⴻⴱⴱⴰⵔ ⵏ ⵔⵔⵎⴻⵍ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.

ⴰⵎⵎⴰⵙ-ⴰⴳⵉ ⵏ ⵓⵏⴻⴱⴷⵓ ⵢⴻⴼⴽⴰ-ⴷ ⵍⴱⴰⵍ ⵙ ⵓⵙⵡⵉⵔ ⴰⵎⴻⵣⵡⴰⵔⵓ ⴷⴻⴳ ⵜⴽⴰⵔⴹⴰ ⵏ ⵓⵃⴰⴷⴻⵔ, ⴷ ⴰⴽⴽⴻⵏ ⴰⴳⴻⴼⴼⵓⵔ ⴰⴷ ⴷ-ⵢⴻⴱⴷⵓ ⵙⴻⴳ ⵜⵜⴻⵙⵄⴰ ⵏ ⵚⵚⴱⴻⵃ (09:00) ⴰⵔⵎⵉ ⴷ ⵜⵙⴻⵜⵜⴰ ⵏ ⵜⵎⴻⴷⴷⵉⵜ (18:00).

ⴰⵎⵎⴰⵙ-ⴰⴳⵉ ⵢⴻⵏⵏⴰ-ⴷ ⴱⴻⵍⵍⵉ ⵜⵉⵡⵉⵍⴰⵢⵉⵏ ⵉ ⴷ-ⵢⴻⴱⴷⴻⵔ ⵓⵙⵉⵡⴻⵍ-ⴰⴳⵉ ⴷ: ⴱⴳⴰⵢⴻⵜ, ⵜⵉⵣⵉ ⵡⴻⵣⵣⵓ, ⴱⵓⵎⴻⵔⴷⴰⵙ, ⵍⴻⵣⵣⴰⵢⴻⵔ, ⵜⵉⴱⴰⵣⴰ, ⵛⵍⴻⴼ, ⵜⴱⴻⵙⵙⴰ, ⵓⵎ ⵍⴱⵓⵡⴰⵇⵉ, ⵅⴻⵏⵛⵍⴻⵜ, ⴱⴰⵜⵏⴰ, ⴱⵉⵙⴽⵔⴰ, ⵎⵙⵉⵍⴰ, ⴰⵡⵍⴰⴷ ⵊⴻⵍⵍⴰⵍ, ⵍǧⴻⵍⴼⴰ, ⵍⴻⴱⵍⵉⴷⴰ, ⵍⴻⵎⴷⵉⵢⴰ, ⵄⵉⵏ ⴷⴻⴼⵍⴰ, ⵜⵉⵙⴻⵎⵙⵉⵍⵜ, ⵜⵢⴰⵔⴻⵜ, ⵍⴻⵖⵡⴰ⵿, ⵙⵄⵉⴷⴰ, ⵙⵉⴷⵉ ⴱⴻⵍⵄⴻⴱⴱⴰⵙ, ⵜⵍⴻⵎⵙⴻⵏ, ⵄⵉⵏ ⵜⴻⵎⵓⵛⴻⵏⵜ, ⵍⴱⴻⴹ, ⵏⴰⵄⵎⴰ, ⴷ ⴱⴻⵛⵛⴰⵔ.

ⵙⴻⴳ ⵜⴰⵎⴰ ⵏ ⵏⵏⵉⴹⴻⵏ, ⴰⵎⵎⴰⵙ ⵏ ⵓⵏⴻⴱⴷⵓ ⵢⴻⵏⴱⴻⵀⵀ-ⴷ ⵖⴻⴼ ⵡⴰⴹⵓ ⵉǧⴻⵀⴷⴻⵏ ⴷ ⵜⴱⵓⵛⵉⴹⴰⵏⵜ ⵏ ⵔⵔⵎⴻⵍ ⵉ ⴷ-ⵉⵟⵟⴰⵢⴻⵏ ⵙⴻⴳ ⵓⵣⴰⵍ ⵏ ⵡⴰⵙⵙ-ⴰⴳⵉ ⵏ ⵍⵃⴻⴷ ⴰⵔⵎⵉ ⴷ ⵜⵙⴻⵜⵜⴰ ⵏ ⵜⵎⴻⴷⴷⵉⵜ (18:00) ⴷⴻⴳ ⵜⵡⵉⵍⴰⵢⵉⵏ ⵏ: ⵡⴰⵔⴳⵍⴰ, ⵖⴻⵔⴷⴰⵢⴰ, ⵍⴻⵎⵏⵉⵄⴰ, ⵄⵉⵏ ⵙⴰⵍⴰⵃ, ⵜⴰⵎⴰⵏⵖⴰⵙⵜ, ⵜⵉⵎⵉⵎⵓⵏ, ⴷ ⴰⴷⵔⴰⵔ.