ⵢⴻⵙⵙⴻⵊⴷⴻⴷ ⵡⴰⴽⴰⴱⴰⵔ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⴼⵔⵉⵇⵉ (ANC) ⵜⴰⴷⵎⵉ-ⵙ ⵉⵊⴻⵀⴷⴻⵏ ⵉ ⵜⴰⵍⵍⴻⵍⵜ ⵏ ⵓⴳⴷⵓⴷ ⴰⵚⴻⵃⵔⴰⵡⵉ ⴷⴻⴳ ⵍⵃⴻⵇⵇ-ⵉⵙ ⵓⵔ ⵏⴻⵣⵎⵉⵔ ⴰⴷ ⵏⴻⴽⴽⴻⵔ ⵉ ⵜⵉⵍⴻⵍﻠⵉ ⴷ ⵓⴼⵔⴰⵏ ⵏ ⵓⵣⵡⵉⵔ-ⵉⵙ. ⵜⴰⴷⵎⵉ-ⴰⴳⵉ ⵜⴻⵙⴽⴰⵏⴰⵢ-ⴷ ⴱⴻⵍⵍⵉ ⴰⴽⴰⴱⴰⵔ-ⴰⴳⵉ ⵢⴻⵇⵇⵉⵎ ⴷⴻⴳ ⵓⴱⵔⵉⴷ ⵏ ⵓⵎⴻⵏⵏⵓⵖ ⵎⴳⴰⵍ ⴰⵃⴻⵜⵜⴻⵍ ⴷ ⵓⴱⵔⵉⴷ ⵏ ⵓⵏⴻⴳⵎⵓ ⵢⴻⵔⵣⴰⵏ ⵜⴰⵎⵓⵔⵜ ⵏ ⵜⵚⴻⵃⵔⴰ ⵜⵓⵜⵔⵉⵎⵜ.
ⴰⴽⴽⴻⵏ ⵉ ⴷ-ⵜⴻⵏⵏⴰ ⵜⴰⵙⵉⵍⵜ ⵏ ⵢⵉⵙⴰⵍⵍⴻⵏ ⵜⴰⵚⴻⵃⵔⴰⵡⵉⵜ (WAS), ⴰⵙⵙ-ⴰ ⵏ ⵜⵜⵍⴰⵜⴰ, ⴰⵡⴰⵍ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵜⵉⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵏ ⵡⴰⴽⴰⴱⴰⵔ ⵉ ⴷ-ⵢⴻⵙⵏⴻⵊⵎⴰⵄⴻⵏ ⵉⵎⴻⵙⵍⴻⵢⴻⵏ-ⵉⵙ ⴷ ⵢⵉⵎⴷⴰⵏⴻⵏ ⵉⵎⴻⵇⵇⵔⴰⵏⴻⵏ ⵏ ⵜⵎⵓⵔⵜ. ⴰⵙⴻⵍⵡⴰⵢ ⵏ ⵜⵎⵓⵔⵜ ⵏ ⵢⴻⴼⴼⵓⵙ ⵏ ⵜⴼⵔⵉⵇⵜ, ⵙⵉⵔⵉⵍ ⵔⴰⵎⴰⴼⵓⵣⴰ, ⵢⴻⵏⵏⴰ-ⴷ ⴱⴻⵍⵍⵉ ⴰⵃⴻⵜⵜⴻⵍ ⵏ ⵍⵎⴰⵔⵓⴽ ⵢⴻⵍⵀⴰ ⴰⴷ ⵢⴻⴽⴼⵓ ⵢⴻⵔⵏⴰ ⵢⴻⵍⵀⴰ ⴰⴷ ⵢⴻⴼⴽ ⵜⴰⴳⵏⵉⵜ ⵉ ⵓⴳⴷⵓⴷ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ ⵜⵍⴻⵍⵍⵉ ⵢⴻⵔⵏⴰ ⴰⴷ ⵢⴻⵙⵄⵓ ⵜⴰⴷⵔⴻⴼⵜ-ⵉⵙ ⵜⵓⵏⵚⵉⴱⵜ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷ-ⵙⵙⴻⴽⵜⵉⵏ ⴰⵎⴻⵏⵏⵓⵖ ⵏ ⵜⵎⵓⵔⵜ ⵏ ⵢⴻⴼⴼⵓⵙ ⵏ ⵜⴼⵔⵉⵇⵜ ⵎⴳⴰⵍ ⴰⵏⴰⴳⵔⴰⵡ ⵏ ⵓⴼⵔⴰⵇ ⴷ ⵍⴱⴰⵟⴻⵍ ⵏ ⵣⵉⴽ. ⴰⵢⴰ ⵢⴻⵜⵜⴰⴽⴽ ⴰⵣⴰⵍ ⴰⵎⴻⵇⵇⵔⴰⵏ ⵉ ⵜⵎⴻⵙⵍⴰⵢⵜ ⵏ ⴱⵔⵉⵜⵓⵔⵢⴰ ⵎⴳⴰⵍ ⵍⴱⴰⵟⴻⵍ ⵏ ⵍⵎⴰⵔⵓⴽ ⵉ ⵢⴻⴱⵯⴰⵏ ⴰⴷ ⵢⴻⵣⵏⴻⵣ ⴰⵃⴻⵜⵜⴻⵍ-ⵉⵙ ⵙ ⵡⴻⴷⵔⵉⵎ ⴷ ⵓⵃⴻⵇⵇⴻⵔ.
ⴷⴻⴳ ⵜⵎⵍⵉⵍⵉⵜ-ⴰⴳⵉ ⴷⴰⵖⴻⵏ, ⵜⴻⵍⵍⴰ-ⴷ ⵜⴰⵎⴻⵙⵜⴰⵏⵜ ⵏ ⵜⴼⵔⵓⵏⵜ ⵏ ⵍⴱⵓⵍⵉⵙⴰⵔⵢⵓ, ⴼⴰⵟⵉⵎⴰ ⵍⵎⴻⵀⴷⵉ, ⵉ ⵢⴻⴳⴳⴰⵏ ⴰⵟⴰⵙ ⵏ ⵜⵎⵍⵉⵍⵉⵢⵉⵏ ⴷ ⵢⵉⵎⴻⵙⵍⴻⵢⴻⵏ ⵏ ⵡⴰⴽⴰⴱⴰⵔ ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⴼⵔⵉⵇⵉ, ⵍⴰⴷⵯⴰ ⵜⵉⵍⴰⵡⵉⵏ ⴷ ⵢⵉⵍⵎⴻⵣⵢⴻⵏ. ⵎⴰⵙⵙⴰ ⴼⴰⵟⵉⵎⴰ ⵍⵎⴻⵀⴷⵉ ⵜⴻⵏⵏⴰ-ⴷ ⴱⴻⵍⵍⵉ ⴰⴳⴷⵓⴷ ⴰⵚⴻⵃⵔⴰⵡⵉ ⵢⴻⴼⵔⴻⵃ ⴰⵟⴰⵙ ⵙ ⵜⴰⵍⵍⴻⵍⵜ-ⴰⴳⵉ ⵉⵊⴻⵀⴷⴻⵏ ⵉ ⴷ-ⵢⴻⵜⵜⴰⴽⴽ ⵡⴰⴽⴰⴱⴰⵔ ⵏ ⵢⴻⴼⴼⵓⵙ ⵏ ⵜⴼⵔⵉⵇⵜ.
ⵜⴰⴳⴳⴰⵔⴰ, ⵜⴻⵏⵏⴰ-ⴷ ⴱⴻⵍⵍⵉ ⵜⴰⵍⵍⴻⵍⵜ-ⴰⴳⵉ ⴰⴷ ⵢⴻⵙⵊⴻⵀⴻⴷ ⴰⵎⴻⵏⵏⵓⵖ ⵎⴳⴰⵍ ⵍⴱⴰⵟⴻⵍ ⵏ ⵍⵎⴰⵔⵓⴽ ⵉ ⵢⴻⴽⴽⵔⴻⵏ ⵍⴻⵔⵣⴰⵇ ⵏ ⵜⵎⵓⵔⵜ ⵢⴻⵔⵏⴰ ⵢⴻⴱⵯⴰ ⴰⴷ ⵢⴻⵎⵃⵓ ⵜⴰⵎⴰⴳⵉⵜ ⵜⴰⵚⴻⵃⵔⴰⵡⵉⵜ, ⵎⴳⴰⵍ ⵢⵉⵍⵓⴳⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⴰⵔⵏⵓ ⵖⴻⵔ
