ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵊⴻⵔⵔⴷⴻⵏ ⵢⵉⵎⴱⴻⵇⵇⴰⵙⴻⵏ (ⵢⵉⵎⴻⵙⵍⴻⵢⴻⵏ) ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵖⴻⴼ ⵍⵇⴰⵏⵓⵏ ⵓⵏⵚⵉⴱ ⵢⴻⵔⵣⴰⵏ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ. ⴰⴼⵔⴰⵏ ⵖⴻⴼ ⵓⴹⵔⵉⵙ-ⴰⴳⵉ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵏ ⵡⴰⵏⵏⴰⵔ ⵏ ⵜⵉⵎⵍⵉⵍⵉⵜ ⵜⴰⴳⴷⵓⴷⴰⵏⵜ ⵉ ⵢⴻⵙⵙⴻⵍⵡⴰⵢ ⵓⵎⵙⴻⵍⵡⴰⵢ ⵏ ⵓⴳⵔⴰⵡ, ⵎⴰⵙⵙ ⵉⴱⵔⴰⵀⵉⵎ ⴱⵓⵖⴰⵍⵉ.
ⵜⵉⵎⵍⵉⵍⵉⵜ-ⴰⴳⵉ ⵜⴻⴹⵔⴰ-ⴷ ⵙ ⵓⵃⴰⴷⴰⵔ ⵏ ⵓⵏⵖⵍⴰⴼ ⵏ ⵜⵎⵉⵙⴰⵍ ⵏ ⴷⴰⵅⴻⵍ, ⵜⵉⴷⴷⵓⴽⴽⵍⵉⵡⵉⵏ ⵜⵉⴷⵉⴳⴰⵏⵉⵏ ⴷ ⵡⴰⵙⵙⴰⵢ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⴷ ⵜⵏⴻⵖⵍⴰⴼⵜ ⵏ ⵜⵎⵢⴰⵡⴰⵙⵉⵏ ⴷ ⵍⴱⴰⵔⵍⴰⵎⴰⵏ, ⵎⴰⵙⵙⴰ ⵏⴻⵊⵉⴱⴰ ⵊⵉⵍⴰⵍⵉ.
ⵉⵙⵡⵉ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵓⵏⵚⵉⴱ ⵢⴻⵔⵣⴰⵏ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ ⴷ ⴰⵙⵊⴻⵀⴻⴷ ⵏ ⵍⵎⴻⵏⵜⴻⵇ ⵏ ⵜⵓⴳⴻⵜ ⵏ ⵢⵉⴽⴰⴱⴰⵔⴻⵏ ⵉ ⵢⴻⵊⴻⵔⵔⴻⴷ ⵍⵎⴻⵏⵜⴻⵇ (constitution) ⵏ ⵜⵎⵓⵔⵜ. ⵢⴻⴱⵯⴰ ⴷⴰⵖⴻⵏ ⴰⴷ ⵢⴻⵙⵙⴻⴳⴳⴻⵎ ⵢⵉⵍⵓⴳⴰⵏ ⵢⴻⵔⵣⴰⵏ ⴰⵙⴱⴻⴷⴷ ⵏ ⵢⵉⴽⴰⴱⴰⵔⴻⵏ, ⵢⴻⵔⵏⴰ ⴰⴷ ⵢⴻⵙⴱⴻⴷⴷ ⵜⴰⴼⴰⵡⵜ (transparency) ⴷⴻⴳ ⵓⵙⴻⴳⴳⴻⵎ ⵏ ⵡⴻⴷⵔⵉⵎ-ⵏⵙⴻⵏ. ⴰⵢⴰ ⴰⴷ ⵢⴻⴼⴽ ⵜⴰⵣⵎⴻⵔⵜ ⵉ ⵓⵎⴻⵏⵏⵓⵖ ⵎⴳⴰⵍ ⵎⴰⵕⵕⴰ ⵏⵏⵓⵄⴰⵜ ⵏ ⵍⴱⴰⵟⴻⵍ ⴷ ⵜⴰⴽⴻⵔⴹⴰ ⴷⴻⴳ ⵜⵓⴷⴻⵔⵜ ⵏ ⵙⵙⵢⴰⵙⴰ.
ⵍⵇⴰⵏⵓⵏ-ⴰⴳⵉ ⵢⴻⵡⵡⵉ-ⴷ ⴷⴰⵖⴻⵏ ⵉⵙⵓⵔⴰ ⵉⵎⴰⵢⵏⵓⵜⴻⵏ ⵉ ⵡⴰⴽⴽⴻⵏ ⴰⴷ ⵙⵙⴻⵎⵖⴻⵔⵏ ⵍⴻⵇⴷⵉⵛ ⵏ ⵢⵉⴽⴰⴱⴰⵔⴻⵏ ⴷⴻⴳ ⵜⵎⵉⵙⴰⵍ ⵏ ⵓⴳⴷⵓⴷ. ⴰⵎ ⵓⵎⵢⴻⵍⵍⴻⵍ ⴷⴻⴳ ⵓⵙⴻⴷⵎⴻⵔ ⵏ ⵜⵖⴻⵔⵜ ⴰⵎⴰⵜⵓ ⵏ ⵜⵏⴻⴱⴱⴰⴹⵜ ⴷ ⵓⴼⴽⴰ ⵏ ⵢⵉⵙⵓⵎⵔⴻⵏ ⴷ ⵢⵉⴷⴻⴽⵔⵉⵡⴻⵏ ⵖⴻⴼ ⵡⴰⵟⴰⵙ ⵏ ⵜⵎⵉⵙⴰⵍ, ⵍⴰⴷⵯⴰ ⴷⴻⴳ ⵓⵀⴻⴳⴳⵉ ⵏ ⵜⵖⴻⵔⵜ ⵜⴰⴳⴷⵓⴷⴰⵏⵜ.
ⵜⴰⴳⴳⴰⵔⴰ, ⴰⵇⴱⴻⵍ ⵏ ⵍⵇⴰⵏⵓⵏ-ⴰⴳⵉ ⵢⴻⵙⴽⴰⵏⴰⵢ-ⴷ ⵍⴻⴱⵖⵉ ⵏ ⵓⵡⴰⵏⴰⴽ ⴰⵣⵣⴰⵢ ⵉ ⵡⴰⴽⴽⴻⵏ ⴰⴷ ⵢⴻⵙⵊⴻⵀⴻⴷ ⵜⴰⵎⴰⴳⴷⴰⵢⵜ ⵢⴻⵔⵏⴰ ⴰⴷ ⵢⴻⵊⵊ ⵢⵉⴽⴰⴱⴰⵔⴻⵏ ⵏ ⵙⵙⵢⴰⵙⴰ ⴰⴷ ⵍⵍⵉⵏ ⴷ ⵜⴰⵔⵉⵛⵜ ⵉⵊⴻⵀⴷⴻⵏ ⴷⴻⴳ ⵓⵙⴰⵍⴰⵢ ⵏ ⵢⵉⵎⴰⵍ ⵏ ⵜⵎⵓⵔⵜ.
ⴰⵔⵏⵓ ⵖⴻⵔ
