ⴰⴳⵣⵓⵎ ⵏ ⵜⵏⴻⵣⴷⵓⵖⵜ ⵉⵡⴻⵍⵍⴰ "ⴷ ⵣⵣⵓⵅ ⵏ ⴷⵣⴰⵢⴻⵔ"

ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⵓⵎⴻⵍ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⴰⵎⴰⵙ, ⵉⵔⵎⵓⴷⴻⵏ ⵉ ⵖⴻⵔ ⵢⴻⵡⵡⴻⴹ ⵡⴻⴳⵣⵓⵎ ⵏ ⵜⵏⴻⵣⴷⵓⵖⵜ, ⴰⵎ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⴷⴰⴽⴽⴻⵏ ⵉⵡⴻⵍⵍⴰ ⴷ “ ⵣⵣⵓⵅ ⵉ ⴷⵣⴰⵢⴻⵔ ». ⵢⴻⵙⵏⴻⵎⵎⴻⵔ ⴰⵙⵡⵉⵔ ⵉ ⵖⴻⵔ ⵡⵡⴹⴻⵏ ⴷⴻⴳ ⵜⵖⵓⵍⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵙ ⵍⵎⴻⵏⴷⴰⴷ ⵏ ⵡⵓⵙⵙⵉⵙⴻⵏ ⵏ ⵢⵉⵔⴳⴰⵣⴻⵏ ⵉⴷⴻⵜⵜⴰⵏⴻⵏ ⵉ ⵍⵎⴰⵏⴻⵜ ⵏ ⵢⵉⵎⴻⵖⵔⴰⵙⴻⵏ ⵓⴱⵖⵉⵙⴻⵏ ».

ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ-ⵏⵏⴻⵙ ⵉⵍⵎⴻⵏⴷ ⵏ ⵓⵥⵓⵏⵥⵓ ⵏ ⵓⵙⴼⴰⵢⵍⵓ ⴰⵎⴷⵉⵏⴰⵏ ⵏ « ⴰⵀⵎⴻⴷ ⵜⴰⵍⴻⴱ ⵉⴱⵔⴰⵀⵉⵎⵉ » ⴷⴻⴳ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵙⵉⴷⵉ ⴰⴱⴷⴰⵍⵍⴰⵀ ⴷⴻⴳ ⵔⴰⵀⵎⴰⵏⵉⴰ (ⴰⵜⴰⵔⴰⵎ ⵏ ⴷⵣⴰⵢⴻⵔ ⵜⴰⵎⴰⵏⴻⵖⵜ), ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ « ⴰⴳⵣⵓⵎ ⵏ ⵜⵏⴻⵣⴷⵓⵖⵜ ⵢⵓⵖⴰⵍ ⴷ ⴰⵖⴱⴰⵍⵓ ⵏ ⵣⵣⵓⵅ ⵉ ⴷⵣⴰⵢⴻⵔ ». ⵢⴻⴱⴷⴻⵔ-ⴷ ⴷⴰⴽⴽⴻⵏ ⵍⴻɛⵎⴻⵔ ⴰⵍⴻⵎⵎⴰⵙ ⵉⴷⴻⴳ ⵉⵖⴻⵔⵎⴰⵏⴻⵏ ⵉⴷⵣⴰⵢⵔⵉⵢⴻⵏ ⴰⴷ ⵙɛⵓⵏ ⵜⴰⵏⴻⵣⴷⵓⵖⵜ ⵢⴻⵍⵍⴰ, ⴰⵙⵙ-ⴰ, ⴳⴰⵔ 30 ⴷ 31 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⵓ ⴷ ⴰⵢⴰ ⵉ « ⵢⴻⵜⵜⵡⴰⵇⴱⴻⵍ ⵀⵓⵍⵍⴰⵏ ».
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵏⴻⵎⵎⴻⵔ ⴷⴰⵖ     ⵙⵡⵉⵔ ⵏ ⵜⴻⴼⵍⴻⵙⵜ ⵉ ⵢⴻⵙⵙⴻⵔⵙ ⵓⵖⵔⴻⴼ ⴷⴻⴳ ⵜⵙⵓⴷⴰ ⵉ ⴷ-ⵢⴻⵍⵀⴰⵏ ⵙ ⵓⵙⴻⴹⵔⵓ ⵏ ⵜⵏⴻⵣⴷⵓⵖⵉⵏ-ⴰ, ⵢⴻⵙⵙⴻⵖⵍⴻⴼ ⴰⵏⴻⵖⵍⴰⴼ ⵏ ⵜⵏⴻⵣⴷⵓⵖⵜ, ⴷ ⵓⵙⴻⵇɛⴻⴷ ⴰⵎⴷⵉⵏⴰⵏ, ⵜⴰⵔⴻⴽ ⴱⴻⵍⴰⵔⵉⴱⵉ, ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⴰⵣⵓⵍ-ⵏⵏⴻⵙ ⴰⴷⴻⵜⵜⴰⵏ ⵉ ⵡⴰⴽⴽ ⵉⵎⴰⵙⵍⴰⴹⴻⵏ ⵏ ⵓⴳⵣⵓⵎ ⵏ ⵜⵏⴻⵣⴷⵓⵖⵜ ⵢⴻⵔⵏⵓ ⴰⴷ ⵜⴻⵏ-ⵢⴻⵙⴱⴻⵖⵙ ⴰⴽⴽⴻⵏ « ⴰⴷ ⴽⴻⵎⵎⵍⴻⵏ ⴷⴻⴳ ⵜⵔⴻⵏⵏⴰⵡⵉⵏ-ⴰ ⵜⵉⵎⴻⵇⵔⴰⵏⵉⵏ ⵉ ⵍⴰ ⵜⴻⵜⵜⴳⴻ ⴷⵣⴰⵢⴻⵔ ⵙ ⵜⵙⵓⵙⵙⵎⵉ ».
ⵉⵍⵎⴻⵏⴷ ⵏ ⵜⴻⴳⵏⵉⵜ-ⴰ, ⵉⴱⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵢⵉⵙⴻⴹⵔⴰ ⵉⵖⴻⵔ ⵡⵡⴹⴻⵏ ⴷⴻⴳ ⵜⵖⵓⵍⴰ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴻⵜⵜⴱⴻⵔⵔⴰⴷ ⵓⵍ », ⴰⵎ ⵡⴰⴽⴽⴻⵏ ⵉ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⴷ ⴰⵎⵎⴰⵍ ⵉ ⵢⵓⵛ ⵖⴻⴼ ⵎⴰⵜⵜⴰ ⵉⵖⴻⵔ ⵜⴻⵡⵡⴻⴹ ⵜⵎⵓⵔⵜ-ⵏⵏⴻⵖ ⵙ ⵍⵎⴻⵏⴷⴰⴷ ⵏ ⵡⵓⵙⵙⵉⵙⴻⵏ ⵏ ⵢⵉⵔⴳⴰⵣⴻⵏ ⵉⴷⴻⵜⵜⴰⵏⴻⵏ, ⵉⵎⴻⴷⴽⵉⵢⴻⵏ ⵖⴻⴼ ⵍⵎⴰⵏⴻⵜ ⵏ ⵢⵉⵎⴻⵖⵔⴰⵙⴻⵏ-ⵏⵏⴻⵖ ⵓⴱⵖⵉⵙⴻⵏ ».
ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ ⵢⴻⵇⵇⵏⴻⵏ ⵖⴻⵔ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ "ⵜⵉⵏⴻⵇⵇⵉⴹⵉⵏ ⵏ ⵜⴷⵓⵙⵉ ⵏ ⵜⵎⵓⵔⵜ-ⵏⵏⴻⵖ ⵍⵍⴰⵏⵜ ⴷⴻⴳ ⵡⴰⵢⴻⵏ ⵉ ⴷ-ⵢⴻⵍⵍⴰⵏ ⵉⵎⵉ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⴷⵔⵉⵎⴻⵏ ⵏ ⵓⵡⴰⵏⴰⴽ ⵜⵜⵡⴰⵖⴷⴻⵏ ⵖⴻⵔ ⵓⵙⵙⵉⵡⴻⴹ ⵏ ⵓⵎⵏⴻⴽⵏⵉ ⴰⵏⵎⴻⵜⵜⵉ ⴷⴻⴳ ⵜⵖⵓⵍⴰ ⵏ ⵜⴷⴰⵡⵙⴰ, ⵏ ⵜⵏⴻⵣⴷⵓⵖⵜ, ⴷ ⵓⵙⵙⴻⴳⵎⵉ. ⴰⵢⴰ ⵓⴽⴽ ⴷ ⵉⴽⴰⵔⴰⵎⴻⵏ ⵉ ⵢⴻⵇⵇⵏⴻⵏ ⴳⴰⵔ-ⴰⵙⴻⵏ ⵢⴻⵔⵏⴰ ⵓⴳⵉⵔⴻⵏ ⴰⴽⴽⴻⵏ ⴰⴷ ⵏⴰⵡⴻⴹ ⵖⴻⵔ ⵢⵉⵙⵡⵉ ⵉ ⵏⴻⵖⴻⵙ”.
ⵜⴰⵔⵔⴰⵢⵜ-ⴰ ⵜⴻǧǧⴰ ⴷⵣⴰⵢⴻⵔ ⴰⴷ ⵜⴻⵇⵇⴻⵍ « ⴳⴰⵔ ⵢⵉⵖⵍⴰⵏⴻⵏ ⵢⵓⴼⵔⴰⵔⴻⵏ ⵢⴻⵔⵏⵓ ⵉⵏⴻⴳⵎⴰⵏ ⴷⴻⴳ ⵜⴷⴰⵎⵙⴰ ⴷ ⵜⵎⴻⵜⵜⵉ », ⴰⵏⴰⴳⵉ ⵏ ⵡⴰⵢⴰⵢ ⴷ ⴰⵙⴻⵜⵜⴻⴼ ⵏ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵜⴻⵔⵣⴰ ⵜⴻⵎⵙⴰⵍⵜ, ⵢⴻⵔⵏⵓ ⵜⵜ-ⵉⴷ-ⵢⴻⵔⵔⴰⵏ ⴳⴰⵔ ⵏ ⵜⵎⵓⵔⴰ ⵢⴻⵏⴻⴳⵎⴰⵏ.
ⵖⴻⴼ ⵓⵎⴻⴷⵢⴰ, "ⴰⵡⴰⵏⴰⴽ ⵢⴻⵜⵜⵎⴰⵀⴰⵍ ⵉ ⵍⵎⴻⵏⴷ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⵖⴰⵔⵜ ⴻⴷ ⵜⴻⴷⵔⵓⵙⵉ ⵏ ⵡⴰⵎⴰⵏ ⵙ ⵓⵙⴻⵇⴷⴻⵛ ⵏ ⵜⵎⵓⵙⵙⵏⵉ, ⵏ ⵡⴰⵍⵍⴰⵍⴻⵏ ⴷ ⵢⴻⴷⵔⵉⵎⴻⵏ ⵉⴷⵣⴰⵢⵔⵉⵢⴻⵏ." ⵢⴻⵔⵏⴰ-ⴷ ⴷⴰⴽⴽⴻⵏ « ⵍⴰ ⴷ-ⵢⴻⵜⵜⵉⵍⵉ ⵓⵎⴰⵀⵉⵍ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵜⵖⴻⵍⵍⵉⵙⵜ ⵏ ⵡⴰⵎⴰⵏ ⴷ ⵓⵙⵙⵉⵡⴻⴹ-ⵏⵙⵏⴻ ⵉ ⵢⵉⵖⴻⵔⵎⴰⵏⴻⵏ ⵙ ⵜⴻⵖⵙⴰⵔ ⵏ ⵓⵙⴻⵣⴷⴻⴳ ⵏ ⵡⴰⵎⴰⵏ ⵏ ⵢⵉⵍⴻⵍ, ⵉ ⵢⴻⵍⵍⴰⵏ, ⵉⵎⵉⵔ-ⴰ, ⴷⴻⴳ  ⵓⴽⵜⴰⵎⵓⵔ ⵏ 40%, ⵢⴻⵔⵏⵓ ⴰⴷ ⵏⴰⵡⴻⴹ ⵖⴻⵔ 62% ⵎⵉ ⴰⵔⴰ ⵎⵎⵉⵔⴻⵏ ⵉⵙⴻⵏⴼⴰⵔⴻⵏ ⵏ ⵜⴻⵖⵙⴰⵔ-ⴰ ⵉ ⵍⴰ ⵢⴻⵜⵜⵡⵙⴻⴹⵔⵓⵢⴻⵏ », ⵖⴻⴼ ⵡⴰⴽⴽⴻⵏ ⴷ-ⵢⴻⵔⵏⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⵢⴻⴱⴷⴻⵔ-ⴷ ⵉⵍⵎⴻⵏ ⵏ ⵡⴰⵢⴰ ⴷⴰⴽⴽⴻⵏ ⵉⵎⴰⵙⴰⵢⴻⵏ ⵉⵎⴻⴷⴽⵉⵢⴻⵏ ⵉ ⵜⵖⴻⵔⵙⴰⵡⵉⵏ ⵏ ⵢⵉⵎⴻⵖⵔⴰⵙⴻⵏ ⵓⴱⵖⵉⵙⴻⵏ, ⵉ ⵢⴻⵜⵜⴰⵔⵎⴻⵏ ⵙ ⵓⴽⴽ ⵏ ⵜⴷⵓⵙⵉ-ⵏⵙⴻⵏ, ⵜⵜⵏⴰⴷⵉⵏ ⵙ ⵜⴻⵣⵎⴻⵔⵜ-ⵏⵙⴻⵏ ⵓⴽⴽ ⵢⴻⵔⵏⵓ ⵙ ⵓⵙⵙⴻⵎⵔⴻⵙ ⵏ ⵡⴰⴽⴽ ⵜⵉⵣⴻⵎⵎⴰⵔ ⵉ ⵢⴻⵍⵍⴰⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⵡⴰⵢⴻⵏ ⵉ ⵃⵡⴰⵊⴻⵏ ⵢⵉⵖⴻⵔⵎⴰⵏⴻⵏ ⴷⴻⴳ ⵜⵖⵓⵍⴰ ⵏ ⵜⴷⴰⵡⵙⴰ, ⵏ ⵜⵏⴻⵣⴷⵓⵖⵜ, ⵏ ⵓⵙⵙⴻⴳⵎⵉ, ⴷ ⵓⵙⵙⵉⵡⴻⴹ ⵏ ⵡⴰⵎⴰⵏ ⵏ ⵜⵉⵙⵙⵉⵜ.
ⴷⴻⴳ ⵜⴰⴳⴳⴰⵔⴰ, ⵉⴳⴻⵔ-ⴷ ⵜⴰⵎⴰⵡⵜ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⴰⴼⵔⴰⵏ ⵏ ⵡⴰⵙⵙ ⵏ ⵓⵣⴰⵔⵓⴳ ⴷ ⵓⵎⵓⵍⵍⵉ ⴷ ⵓⵙⵓⵖⴻⵍ ⵏ ⵜⵏⴰⵢⴰ ⵜⴰⵖⴻⵍⵏⴰⵡⵜ ⴷ ⴰⵙⵉⵀⴰⵕ ⵏ ⵓⵙⴻⴷⴳⴻⵔ ⵏ ⵜⵏⴻⵣⴷⵓⵖⵉⵏ ⵖⴻⴼ ⵉ ⵉⵢⵢⴰ ⵢⴻⵙⴼⴰⵢⵜⴻⵏ, ⵉⵙⵡⵉ-ⵏⵏⴻⵙ ⴷ ⴰⵙⴻⵔⵙⵉ ⵏ ⵓⵣⴻⵎⵣ-ⴰ ⴷ « ⴰⵎⵓⵍⵍⵉ ⴰⵔⴰ ⴰⴷ ⵉⵇⵇⵉⵎⴻⵏ ⴷⴻⴳ ⵡⴰⵍⵍⴻⵏ ⵏ ⵢⵉⴳⴻⵔⴷⴰⵏ ⵏ ⴷⵣⴰⵢⴻⵔ », ⵢⴻⵔⵏⴰ ⵢⴻⵙⵙⴻⴱⵖⴻⵙ ⵜⵉⴼⴼⴻⵔⴼⴻⵏⵜ ⵜⵓⵏⵏⵉⴳⵜ ⵖⴻⵔ ⵢⵉⵍⴻⵎⵥⵉⵢⴻⵏ.