ⴰⴷⴼⴻⵍ ⴷ ⵓⴳⴻⴼⴼⵓⵔ ⵏ ⵔⵔⴻⵄⴷ ⵖⴻⴼ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ

ⴷⵉⵡⴰⵏ ⴰⵖⴻⵍⵏⴰⵡ ⵏ ⵜⴻⵙⵏⵉⴳⵏⴻⵡⵜ   ⵢⴻⵏⵏⴰ-ⴷ ⴷⴻⴳ ⵓⵏⵓⴱⴰⵜ-ⵉⵙ ⵏ ⵡⴰⵙⵙ ⵏ ⵍⵃⴻⴷ, ⴱⴻⵍⵍⵉ ⴰⴷ ⴷ-ⵢⴰⴷⴻⵔ ⵡⴰⴷⴼⴻⵍ ⵙ ⵍⵇⵓⵡⴰ ⵖⴻⴼ ⵢⵉⴷⵓⵔⴰⵔ ⵉⵄⵍⴰⵢⴻⵏ ⵓⴳⴰⵔ ⵏ 1000 ⵏ ⵍⵎⵉⵜⵔⴰⵜ.

ⴰⵍⵖⵓ ⵏ ⵙⵙⴻⵏⴼ ⵡⵉⵙ ⵙⵉⵏ ⵢⴻⵏⵏⴰ-ⴷ ⴱⴻⵍⵍⵉ ⵍⵇⴻⴷⴷ ⵏ ⵡⴰⴷⴼⴻⵍ ⴰⴷ ⴷ-ⵢⴰⵡⴻⴹ ⴰⵔ 10 ⵏ ⵢⵉ-ⵙⴰⵏⵜⵉⵎⴻⵜⵔⴻⵏ ⴷⴻⴳ ⵜⵡⵉⵍⴰⵢⵉⵏ ⵏ: ⴱⵓⵔⵊ ⴱⵓ ⴰⵔⵉⵔⵉⵊ, ⵙⵟⵉⴼ, ⴱⴰⵜⵏⴰ, ⵅⴻⵏⵛⵍⴰ, ⵓⵎ ⴻⵍ ⴱⵡⴰⵇⵉ ⴷ ⵜⴱⴻⵙⵙⴰ. ⴰⵏⵓⴱⴰⵜ-ⴰⴳⵉ ⴰⴷ ⵉⴷⵓⵎ ⴰⵍⴰⵎⵎⴰ ⴷ ⵜⵜⴻⵙⵄⴰ (09:00) ⵏ ⵚⵚⴱⴻⵃ.

ⵢⴻⵔⵏⴰ ⵍⵍⴰⵏ ⵡⴰⵍⵖⵓⵜ ⵏⵏⵉⴹⴻⵏ ⵖⴻⴼ ⵡⴰⴷⴼⴻⵍ (ⴳⴰⵔ 5 ⴰⵔ 10 ⵏ ⵢⵉ-ⵙⴰⵏⵜⵉⵎⴻⵜⵔⴻⵏ) ⴷⴻⴳ ⵜⵡⵉⵍⴰⵢⵉⵏ ⵏ: ⵍⴻⴱⵍⵉⴷⴰ, ⵜⵓⴱⵉⵔⴻⵜ, ⵍⴻⵎⴷⵉⵢⴰ, ⵜⵉⵣⵉ ⵡⴻⵣⵣⵓ ⴷ ⴱⴳⴰⵢⴻⵜ, ⴰⵍⴰⵎⵎⴰ ⴷ ⴰⵣⵏⵉⵇ ⵏ ⵡⴰⵙⵙ (12:00).

ⵙⵉ ⵍⵊⵉⵀⴰ ⵏⵏⵉⴹⴻⵏ, ⴰⵏⴰⴷⵉ ⵏ ⵍⵃⴰⵍ ⵉⵄⴻⴳⴳⴻⴹ-ⴷ ⵖⴻⴼ ⵡⴰⴹⵓ ⵉⵊⴻⵀⴷⴻⵏ ⴰⴷ ⴷ-ⵢⴰⵙ ⵖⴻⴼ: ⵍⵟⴰⵔⴼ, ⵄⴻⵏⵏⴰⴱⴰ, ⵙⴽⵉⴽⴷⴰ, ⵊⵉⵊⴻⵍ, ⴱⴳⴰⵢⴻⵜ, ⴱⵓⵎⴻⵔⴷⴰⵙ, ⵍⴻⵣⵣⴰⵢⴻⵔ, ⵜⵉⴱⴰⵣⴰ, ⵜⵉⵙⴻⵎⵙⵉⵍⵜ, ⵜⵢⴰⵔⴻⵜ, ⵙⴰⵄⵉⴷⴰ, ⵙⵉⴷⵉ ⴱⴻⵍⵄⴻⴱⴱⴰⵙ, ⵜⵍⴻⵎⵙⴰⵏ, ⵄⵉⵏ ⵜⴻⵎⵓⴰⵛⴻⵏⵜ, ⵡⴻⵀⵔⴰⵏ, ⵎⴻⵙⵜⵖⴰⵏⴻⵎ ⴷ ⵎⵄⴰⵙⵛⴰⵔ.

ⴷⴻⴳ ⵓⵏⴻⴳⴳⴰⵔⵓ, ⴰⵏⴰⴷⵉ ⵏ ⵍⵃⴰⵍ ⵢⴻⵏⵏⴰ-ⴷ ⴱⴻⵍⵍⵉ ⴰⴷ ⴷ-ⵢⴰⵍⵉ ⵓⴳⴻⴼⴼⵓⵔ ⵏ ⵔⵔⴻⵄⴷ ⴷⴻⴳ ⵜⵡⵉⵍⴰⵢⵉⵏ-ⴰⴳⵉ: ⵍⵟⴰⵔⴼ, ⵄⴻⵏⵏⴰⴱⴰ, ⵙⴽⵉⴽⴷⴰ, ⵊⵉⵊⴻⵍ, ⴱⴳⴰⵢⴻⵜ, ⴱⵓⵎⴻⵔⴷⴰⵙ, ⵍⴻⵣⵣⴰⵢⴻⵔ, ⵜⵉⴱⴰⵣⴰ, ⵛⵍⴻⴼ, ⵎⴻⵙⵜⵖⴰⵏⴻⵎ, ⵄⵉⵏ ⴷⴻⴼⵍⴰ, ⵜⵉⵙⴻⵎⵙⵉⵍⵜ ⴷ ⵖⵉⵍⵉⵣⴰⵏ.