ⵜⴰⵙⵓⵏⵉⵜ ⵜⴰⵖⴻⵍⵏⴰⵡⵜ ⵏ ⵜⵙⴻⵏⵢⵓⵔⴰ (ONM) ⵜⴱⴻⵔⵔⴻⵃ-ⴷ ⴷⴻⴳ ⵢⵉⵡⴻⵜ ⵏ ⵜⴰⵏⵛⵓⵔⵉⵢⴰ, ⴰⵙⵙ-ⴰⴳⵉ ⵏ ⵍⴽⴻⵎⵉⵙ, ⴱⴻⵍⵍⵉ ⴰⴷ ⴷ-ⵢⴰⵍⵉ ⵓⴷⴼⴻⵍ ⴷ ⵓⴳⴻⴼⴼⵓⵔ ⵙ ⵔⵔⵓⵄⵓⴷ, ⴰⴽⴽⴻⴷ ⵡⴰⴹⵓ ⵉⵊⴻⵀⴷⴻⵏ ⴷ ⵓⵊⴻⵯⵯⵉⴳ ⵏ ⵔⵔⵎⴻⵍ ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⵏⴰⵖ ⵏ ⵜⵙⵓⵏⵉⵜ.
ⵜⴰⵏⵛⵓⵔⵉⵢⴰ-ⴰⴳⵉ ⵉ ⴷ-ⵢⵓⵙⴰⵏ ⴷⴻⴳ ⵙⵙⵉⵄⴰ ⵏ ⵓⵃⴰⴷⴻⵔ "ⵜⴰⵡⵔⴰⵖⵜ", ⵜⵛⵓⴷⴷ ⵖⴻⵔ ⵍⵡⵉⵍⴰⵢⴰⵜ ⵏ: ⵜⴱⴻⵙⵙⴰ, ⵓⵎ ⴻⵍ ⴱⵓⵡⴰⵇⵉ, ⴱⴰⵜⵏⴰ, ⵎⵉⵍⴰ, ⵙⵟⵉⴼ, ⴱⵓⵔⵊ ⴱⵓ ⴰⵔⵔⵉⵔⵉⴷⵊ, ⵊⵉⵊⴻⵍ, ⵜⵉⵣⵉ ⵡⴻⵣⵣⵓ ⴷ ⴱⴳⴰⵢⴻⵜ; ⴰⵏⵉⴷⴰ ⵍⵍⴰⵏ ⵔⵔⴰⵢⴰⵜ ⴱⴻⵍⵍⵉ ⴰⴷ ⴷ-ⵢⴰⵍⵉ ⵓⴷⴼⴻⵍ ⴷ ⵍⴻⵀⵡⴰ ⴷⴰⵖⴻⵏ ⴷⴻⴳ ⴱⵓⵎⴻⵔⴷⴰⵙ, ⵍⴻⵣⵣⴰⵢⴻⵔ (ⵜⴰⵎⴰⵏⴰⵖⵜ), ⴱⵍⵉⴷⴰ, ⵜⵓⴱⵉⵔⴻⵜ ⴷ ⵍⴻⵎⴷⵉⵢⴰ.
ⵢⴻⵔⵏⴰ-ⴷ ⴷⴻⴳ ⵓⵏⵏⴰⵖ-ⴰⴳⵉ ⴱⴻⵍⵍⵉ ⵍⵡⵉⵍⴰⵢⴰⵜ ⵏ: ⵟⵟⴰⵔⴻⴼ, ⵄⴻⵏⵏⴰⴱⴰ, ⵙⴽⵉⴽⴷⴰ, ⵊⵉⵊⴻⵍ, ⴱⴳⴰⵢⴻⵜ, ⵜⵉⵣⵉ ⵡⴻⵣⵣⵓ, ⴱⵓⵎⴻⵔⴷⴰⵙ, ⵍⴻⵣⵣⴰⵢⴻⵔ, ⵍⴻⵎⴷⵉⵢⴰ, ⴱⵍⵉⴷⴰ, ⵜⵓⴱⵉⵔⴻⵜ, ⴱⵓⵔⵊ ⴱⵓ ⴰⵔⵔⵉⵔⵉⴷⵊ, ⵙⵟⵉⴼ, ⵎⵉⵍⴰ, ⵇⵙⴻⵏⵟⵉⵏⴰ, ⴳⴰⵍⵎⴰ, ⵙⵓⵇ ⴰⵀⵔⴰⵙ, ⵡⴰⵔⴳⵍⴰ, ⵉⵍⵍⵉⵣⵉ, ⵍⵎⴻⵏⵉⴰ, ⵜⵉⵎⵉⵎⵓⵏ, ⵄⵉⵏ ⵙⴰⵍⴰⵃ ⴰⴷ ⵉⵡⵡⴻⵜ ⵓⴳⴻⴼⴼⵓⵔ ⵙ ⵔⵔⵓⵄⵓⴷ.
ⵎⴰ ⴷ ⴰⵢⴻⵏ ⵢⴻⵔⵣⴰⵏ ⵍⵡⵉⵍⴰⵢⴰⵜ ⵏ ⵊⵉⵊⴻⵍ, ⴱⴳⴰⵢⴻⵜ, ⵜⵓⴳⵓⵔⵜ, ⴳⵀⴰⵔⴷⴰⵢⴰ, ⵍⴱⴻⴹ, ⵄⵉⵏ ⵙⴰⵍⴰⵃ, ⴰⴷⵔⴰⵔ, ⵜⴰⵎⴰⵏⵔⴰⵙⵙⴻⵜ, ⵄⵉⵏ ⴳⴻⵣⵣⴰⵎ ⴷ ⵊⴰⵏⴻⵜ ⴰⴷ ⵉⵡⵡⴻⵜ ⵡⴰⴹⵓ ⵉⵊⴻⵀⴷⴻⵏ. ⴷⵉⵏⵏⴰ, ⵄⵉⵏ ⵙⴰⵍⴰⵃ, ⴰⴷⵔⴰⵔ, ⵜⴰⵎⴰⵏⵔⴰⵙⵙⴻⵜ, ⵄⵉⵏ ⴳⴻⵣⵣⴰⵎ, ⵊⴰⵏⴻⵜ, ⴷ ⴱⵓⵔⵊ ⴱⴰⵊⵉ ⵎⵓⵅⵜⴰⵔ ⴰⴷ ⵡⴰⵍⵉⵏⵜ ⴰⵊⴻⵯⵯⵉⴳ ⵏ ⵔⵔⵎⴻⵍ.
ⴰⵔⵏⵓ ⵖⴻⵔ
