ⴰⴷⵊⴰⵍ ⵢⴻⵙⵙⴻⵍⵡⴰⵢ ⴰⵍⴷⴰⵢ ⵏ ⵢⵉⵡⴻⵜ ⵏ ⵜⵃⵉⵛⴻⵜ ⵜⵉⵣⴻⵕⴽⴰⵏⵜ ⵏ 200 ⵎⵉⵢⴰⵡⴰⵟ
ⵢⴻⵙⵙⴻⵍⵡⴰⵢ ⵓⵏⴻⵖⵍⴰⴼ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵎⴰⵙⵙ ⵎⵓⵓⵔⴰⴷ ⴰⴷⵊⴰⵍ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⵍⵎⴻⵖⵢⴻⵔ, ⴰⵍⴷⴰⵢ ⵓⵏⵚⵉⴱ ⵏ ⵢⵉⵡⴻⵜ ⵏ ⵜⵐⵉⵛⴻⵜ ⵜⵉⵣⴻⵕⴽⴰⵏⵜ (ⵒⵀⵓⵜⵓⵠⵓⵍⵜⴰïⵇⵓⴻ) ⵙ ⵍⵇⴻⴷⴷ ⵏ 200 ⵎⵉⵢⴰⵡⴰⵟ.
ⵉⵙⵙⴻⴼⵀⴻⵎ-ⴷ ⴰⴷⵊⴰⵍ ⵉ ⵜⵏⴻⵖⵎⴰⵙⵜ ⴷⴻⴳ ⵡⴻⵎⴽⴰⵏ ⵏ ⵓⵙⴻⵏⴼⴰⵔ-ⴰⴳⵉ ⵏ ⵜⵎⴻⵔⵔⵉ ⵉ ⴷ-ⵢⵓⵣⴳⴰⵏ ⴷⴻⴳ ⵜⵖⵉⵡⴰⵏⵜ ⵏ ⵜⴻⵏⴷⵍⴰ, ⴱⴻⵍⵍⵉ ⵜⵓⴷⴷⵙⵉⵡⴰ-ⴰⴳⵉ ⵉⵕⴻⵙⵙⴰⵏ ⵉ ⴷ-ⵢⴻⵛⵎⴻⵏ ⵓⵏⵏⴰⵔ ⵏ ⵓⵎⴰⵀⵉⵍ ⴰⵙⵙ-ⴰ, ⴷ ⴰⵙⴻⵏⴼⴰⵔ ⴰⵎⴻⵏⵣⵡⴰⵔⵓ ⴷⴻⴳ ⵡⴰⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵉ ⵓⴼⴰⵔⵉⵙ ⵏ 15.000 ⵏ ⵎⵉⵢⴰⵡⴰⵟ ⵏ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ. ⴰⵢⴰⴳⵉ ⵢⵓⵙⴰ-ⴷ ⴷⴻⴳ ⵓⴱⵔⵉⴷ ⵏ ⵜⵎⵓⵖⵍⵉ ⵜⴰⵙⵔⴰⵜⵉⴷⵊⵉⵜ ⵏ ⵓⵡⴰⵏⴰⴽ ⵢⴻⵄⵏⴰⵏ ⵜⴰⵎⴰⵏⴻⴳⵜ ⵏ ⵜⵎⴻⵔⵔⵉ ⵙ ⵓⵙⴻⵎⵎⵓⵣⵣⴻⴳ ⵏ ⵢⵉⵖⴱⵓⵍⴰ ⵏ ⵜⵔⵉⵙⵉⵜⵉ ⵙ ⵜⵎⴻⵔⵔⵉⵢⵉⵏ ⵜⵉⵣⵉⴷⴳⴰⵏⵉⵏ.
ⵜⴰⵃⵉⵛⴻⵜ-ⴰⴳⵉ, ⵉ ⵉⵡⴻⵣⵏⴻⵏ 400 ⵏ ⵢⵉⵀⵉⴽⵜⴰⵔⴻⵏ, ⴷⴻⴳ-ⵙ 20 ⵏ ⵢⵉⵏⵏⴰⵔⴻⵏ ⵓⴼⴼⵉⵔⴻⵏ ⵏ ⵜⵉⵣⴻⵕⴽⴰⵏⵉⵏ ⵉ ⴷⴻⴳ ⵍⵍⴰⵏ 364.000 ⵏ ⵢⵉⵙⵓⴼⴰⵖ (modules) ⵏ ⵢⵉⵜⵉⵊ ⴷ 20 ⵏ ⵢⵉⵎⵓⴱⴱⴻⴷⴷⵍⴻⵏ (transformateurs) ⵏ ⵜⵔⵉⵙⵉⵜⵉ ⴷ ⵢⵉⵡⴻⵜ ⵏ ⵜⵃⵉⵛⴻⵜ ⵓⴼⴼⵉⵔⵜ ⵏ 30 ⴽⵉⵍⵓⴼⵓⵟ. ⵔⵏⵉ-ⴷ ⴼⴻⵍⵍ-ⴰⵙⴻⵏ ⴰⵏⴰⴳⵔⴰⵡ ⵏ ⵓⵙⴻⴼⵔⴻⴽ, ⴰⵣⴻⵟⵟⴻⴹ, ⵓⵃⵔⴰⵣ ⴷ ⵓⴽⴰⵢⴰⴷ ⵏ ⵜⵎⴻⵙ, ⴰⴽⴽⴻⵏ ⵉ ⴷ-ⵓⵡⵢⴻⵏ ⵢⵉⵙⴻⴳⵣⴰⵢⴻⵏ ⵉ ⵜⴰⵔⴱⴰⵄⵜ ⵏ ⵢⵉⵏⴻⵖⵍⴰⴼⴻⵏ.
ⴰⵏⴻⵖⵍⴰⴼ ⵏ ⵜⵎⴻⵔⵔⵉ ⴷ ⵜⵎⴻⵔⵔⵉⵢⵉⵏ ⵜⵉⵎⴰⵢⵏⵓⵜⴻⵏ, ⵢⴻⴷⴷⴰ ⴷ ⵍⵡⴰⵍⵉ ⵏ ⵍⵎⴻⵖⵢⴻⵔ, ⵎⴰⵙⵙ ⵍⴰⴰⵔⴻⴷⵊ ⵏⴰⵀⵉⵍⴰ, ⵉⴽⴻⵎⵎⴻⵍ ⵜⵉⵔⵣⵉ-ⵉⵙ ⵉⵡⴰⴽⴽⴻⵏ ⴰⴷ ⵉⵥⴻⵔ ⴰⴷⴷⴰⴷ ⵏ ⵓⵏⵏⴰⵔ ⵏ ⵜⵎⴻⵔⵔⵉ ⴷⴻⴳ ⵜⵡⵉⵍⴰⵢⵜ ⵓ ⴰⴷ ⵢⴻⵍⴷⵉ ⵓⴱⵉⵕⵓ ⴰⵎⴰⵢⵏⵓⵜ ⵏ ⵜⵏⴻⵀⵎⴰⵍⵜ ⵏ ⵓⴼⵔⴰⵇ (ⵙⵓⵏⴻⵍⴳⴰⵣ).
ⴰⵔⵏⵓ ⵖⴻⵔ
