ⴷⵣⴰⵢⴻⵔ ⵜⴰⵎⴰⵏⴻⵖⵜ - ⴰⴷ ⵢⴻⵖⵍⵉ ⵓⴳⴻⴼⴼⵓⵔ, ⴰⴷ ⵢⴻⴳⵍⵓ ⵙ ⵓⵖⴻⵍⵍⵓⵢ ⵏ ⵓⴱⵔⵓⵔⵉ ⴰⴽⴽⴻⴷ ⵓⵙⵓⴹⵓ ⵏ ⵡⴰⴹⵓ ⵙ ⵓⵣⴰⵢⴻⴹ, ⴰⵙⵙ ⵏ ⵓⵙⴰⵎⴰⵙ ⴰⴽⴽⴻⴷ ⵓⵢⵏⴰⵙ, ⴷⴻⴳ ⵎⴻⵏⵏⴰⵡ ⵏ ⵢⵉⴳⴻⵣⴷⴰ ⵏ ⵜⵎⵓⵔⵜ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵏⴻⵇⵇⵉⵙ ⵓⵣⵣⵉⴳ ⴰⵙⵏⴰⴳⵏⴰⵡⴰⵏ ⵉ ⴷ-ⵢⴻⵙⵙⵓⴼⴻⵖ ⵓⵙⵉⵔⴰ ⴰⵖⴻⵍⵏⴰⵡ ⵏ ⵜⴻⵙⵏⴰⴳⵏⴰⵡⵜ.
ⴰⵙⵡⵉⵔ-ⵉⵙ ⵏ ⵓⵙⴻⵃⴱⵉⴱⴻⵔ ⴷ “ⴰⵛⵉⵏⵉ”, ⴰⵏⴻⵇⵇⵉⵙ-ⴰ ⵓⵣⵣⵉⴳ ⵢⴻⵔⵣⴰ ⵉⴳⴻⵣⴷⴰ ⵏ ⵎⵙⴻⵜⵖⴰⵏⴻⵎ, ⵛⵍⴻⴼ, ⵎɛⴻⵙⴽⴻⵔ, ⵉⵖⵉⵍⵉⵣⴰⵏ, ⵜⵉⵀⴻⵔⵜ, ⵜⵉⵙⴻⵎⵙⵉⵍⵜ ⴰⴽⴽⴻⴷ ɛⵉⵏ ⴷⴻⴼⵍⴰ, ⵙ ⵜⵏⴻⵛⵜⵉⵡⵉⵏ ⵏ ⵓⴳⴻⴼⴼⵓⵔ ⴰⵔⴰ ⵢⴰⵡⴹⴻⵏ ⵖⴻⵔ ⴳⴰⵔ 20 ⴰⴽⴽⴻⴷ 40 ⵎⵎ, ⵜⴻⵣⵎⴻⵔ ⴰⴷ ⵜⴰⵡⴻⴹ ⵏⴻⵖ ⴰⴷ ⵜⴻⴽⴽ ⵏⵏⵉⴳ ⵏ 50 ⵎⵎ ⴷⴻⴳ ⴽⵔⴰⵏ ⵏ ⵢⵉⴷⴳⴻⵏ, ⵙⴻⴳ ⵡⴰⵙⵙ ⵏ ⵓⵙⴰⵎⴰⵙ ⵖⴻⴼ ⵓⵙⵔⴰⴳ ⵡⵉⵙ 12:00 ⴰⵔ ⵓⵢⵏⴰⵙ ⵖⴻⴼ ⵜⵉⵙ 12:00, ⵉ ⴷ-ⵢⴻⵙⵙⴻⴷⴷⵉ ⵓⵖⴱⴰⵍⵓ-ⵏⵏⵉ.
ⵓⵍⴰ ⴷ ⵉⴳⴻⵣⴷⴰ ⵏ ⵜⵉⵒⴰⵣⴰ, ⴷⵣⴰⵢⴻⵔ, ⴱⵓⵎⴻⵔⴷⴰⵙ, ⴱⵍⵉⴷⴰ, ⵎⴷⵉⵢⴰ ⴰⴽⴽⴻⴷ ⵜⵓⴱⵉⵔⴻⵜ ⵜⴻⵔⵣⴰ-ⵜⴻⵏ ⵜⴻⵎⵙⴰⵍⵜ, ⵙ ⵜⵏⴻⵛⵜⵉⵡⵉⵏ ⵏ ⵓⴳⴻⴼⴼⵓⵔ ⴰⵔⴰ ⵢⴻⵡⴹⴻⵏ ⵖⴻⵔ ⴳⴰⵔ 20 ⴰⴽⴽⴻⴷ 40 ⵏ ⵢⵉⵎⵉⵍⵉⵎⵉⵜⵔⴻⵏ, ⵙⴻⴳ ⵡⴰⵙⵙ ⵏ ⵓⵙⴰⵎⴰⵙ ⵖⴻⴼ ⵓⵙⵔⴰⴳ ⵡⵉⵙ 22:00 ⴰⵔ ⵓⵢⵏⴰⵙ ⵖⴻⴼ ⵜⵉⵙ 12:00.
ⴰⴷ ⵉⵃⴰⵣ ⴷⴰⵖⴻⵏ ⵉⴳⴻⵣⴷⴰ ⵏ ⵜⵉⵣⵉ ⵡⴻⵣⵣⵓ, ⴱⴳⴰⵢⴻⵜ, ⵊⵉⵊⴻⵍ, ⵙⴽⵉⴽⴷⴰ, ⵄⴻⵏⵏⴰⴱⴰ, ⵟⴰⵔⴻⴼ, ⴰⴳⴰⴼⴰ ⵏ ⵙⵟⵉⴼ, ⴳⴰⵍⵎⴰ ⴰⴽⴽⴻⴷ ⵙⵙⵓⵇ ⴰⵀⵔⴰⵙ, ⵙ ⵜⵏⴻⵛⵜⵉⵡⵉⵏ ⴰⵔⴰ ⵢⴻⵔⵙⴻⵏ ⴳⴰⵔ 20 ⴰⴽⴽⴻⴷ 40 ⵎⵎ, ⵣⴻⵎⵔⴻⵏⵜ ⴰⴷ ⴰⵡⴹⴻⵏⵜ ⵏⴻⵖ ⴰⴷ ⴽⴽⴻⵏⵜ ⵏⵏⵉⴳ ⵏ 50 ⵎⵎ ⴷⴻⴳ ⴽⵔⴰ ⵏ ⵢⵉⴷⴳⴻⵏ ⴽⵔⴰ ⴰⵔⴰ ⵢⴻⴽⴽ ⵓⵏⴻⵇⵇⵉⵙ ⵓⵣⵣⵉⴳ, ⴰⵙⵙ ⵏ ⵓⵢⵏⴰⵙ ⵙⴻⴳ 02:00 ⴰⵔ ⵜⵉⵙ 23:00.
ⴰⵔⵏⵓ ⵖⴻⵔ
