ⴰⵙⵉⵔⴻⵎ ⵏ ⵜⴻⵙⵏⵉⴳⵏⴻⵡⵜ ⵏ ⵓⵡⴰⵏⴰⴽ (ONM) ⵉⵄⴻⴳⴳⴻⵏ-ⴷ ⴷⴻⴳ ⵢⵉⵡⴻⵏ ⵏ ⵓⵙⵉⵡⴹ ⴰⵎⴻⵣⵣⴰⵢ (BMS), ⴰⵙⵙ-ⴰ ⵏ ⵜⵜⵍⴰⵜⴰ, ⵖⴻⴼ ⵡⴰⴹⵓ ⵇⴻⵙⵙⵉⵃⴻⵏ ⴰⵔⴰ ⵢⴰⵡⴻⴹⴻⵏ ⵏⴻⵖ ⴰⵔⴰ ⵉⵣⴻⴳⵔⴻⵏ 80 ⴷ 90 ⴽⵎ/ⵙ ⵙ ⵙⵙⵢⵉⴼⴰ ⵏ ⵜⵉⵙⵓⴼⴰ (rafales), ⵙⴻⴳ ⵡⴰⵙⵙ-ⴰ ⵏ ⵜⵜⵍⴰⵜⴰ ⴰⵔⵎⵉ ⴷ ⴰⵣⴻⴽⴽⴰ ⵏ ⵍⴰⵔⴻⴱⴻⵄ, ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ.
ⵙ ⴷⴷⴰⵡ ⵏ ⵓⵙⵉⵡⴹ-ⴰⴳⵉ ⵉ ⵢⴻⵡⵡⵉⵏ ⴰⵏⵉⵀ ⵏ ⵓⵙⵡⵉⵔ ⵡⵉⵙ ⵙⵉⵏ ⵖⴻⴼ ⵜⴽⴰⵔⴹⵉⵜ ⵏ ⵓⵃⵔⴰⵣ, ⵜⵉⵡⵉⵍⴰⵢⵉⵏ ⵏ: ⴱⴻⵛⵛⴰⵔ, ⵏⴰⵄⴰⵎⴰ, ⵍⴱⴻⵢⴻⴹ, ⵖⴻⵔⴷⴰⵢⴰ, ⵍⵎⴻⵏⵏⵉⵄⴰ, ⵍⴻⵖⵡⴰⵟ ⴷ ⵍⴶⴻⵍⴼⴰ ⴰⴷ ⵥⵔⴻⵏⵜ ⴰⴹⵓ ⵙⴻⴳ ⵜⴰⵎⴰ ⵏ ⵓⵜⴰⵔⴰⵎ ⵙ ⵜⴰⵣⵣⵍⴰ ⴳⴰⵔ 60 ⴷ 70 ⴽⵎ/ⵙ, ⵢⴻⵣⵎⴻⵔ ⴰⴷ ⵢⴰⵡⴻⴹ 80 ⵏⴻⵖ 90 ⴽⵎ/ⵙ ⵙ ⵙⵙⵢⵉⴼⴰ ⵏ ⵜⵉⵙⵓⴼⴰ. ⴰⵢⴰⴳⵉ ⴰⴷ ⵢⴻⴱⴷⵓ ⵙⴻⴳ ⵜⵉⵏⵉⴳⵜ (13:00) ⵏ ⵜⵎⴻⴷⴷⵉⵜ ⴰⵔⵎⵉ ⴷ ⵎⵔⴰⵡ ⵏ ⵜⵙⴰⵄⵜⵉⵏ (22:00) ⵏ ⵢⵉⴹ.
ⴷⴻⴳ ⵓⵏⵏⴰⵔ-ⴰⴳⵉ ⴷⴰⵖⴻⵏ, ⵜⵉⵡⵉⵍⴰⵢⵉⵏ ⵏ: ⵍⵎⴻⵖⵢⴻⵔ, ⵜⵓⴳⴳⵓⵔⵜ, ⵍⵡⴰⴷⵉ, ⵡⵍⴰⴷ ⵊⴻⵍⵍⴰⵍ, ⴱⵉⵙⴽⵔⴰ ⴷ ⵡⴰⵔⴳⵍⴰ, ⴰⴷ ⵥⵔⴻⵏⵜ ⴰⴹⵓ ⵉⴊⴻⵀⴷⴻⵏ ⵙ ⵜⴰⵣⵣⵍⴰ ⴳⴰⵔ 60 ⴷ 70 ⴽⵎ/ⵙ, ⵢⴻⵣⵎⴻⵔ ⴰⴷ ⵢⴰⵡⴻⴹ ⵓⵍⴰ ⴷ 90 ⴽⵎ/ⵙ. ⴰⵢⴰⴳⵉ ⴰⴷ ⵢⴻⴱⴷⵓ ⵙⴻⴳ ⴽⵓⵣ ⵏ ⵜⵙⴰⵄⵜⵉⵏ (16:00) ⵏ ⵜⵎⴻⴷⴷⵉⵜ ⴰⵔⵎⵉ ⴷ ⵙⵏⴰⵜ ⵏ ⵜⵙⴻⵜⵜⴰ (02:00) ⵏ ⵚⵚⴱⴻⵃ ⵏ ⵡⴰⵙⵙ ⵏ ⵍⴰⵔⴻⴱⴻⵄ.
ⴰⵙⵉⵡⴹ ⵢⴻⵔⵏⴰ-ⴷ ⵓⵏⵉⵀ ⵏⵏⵉⴹⴻⵏ ⵢⴻⵄⵏⴰⵏ ⴰⴹⵓ ⵏ ⵓⴳⴰⴼⴰ (nord) ⵙ ⵜⴰⵣⵣⵍⴰ ⴳⴰⵔ 60 ⴷ 70 ⴽⵎ/ⵙ, ⵢⴻⵣⵎⴻⵔ ⴰⴷ ⵢⴰⵡⴻⴹ 80 ⴽⵎ/ⵙ, ⵙⴻⴳ ⵙⵙⴻⵜⵜⴰ ⵏ ⵜⵎⴻⴷⴷⵉⵜ (18:00) ⴰⵔⵎⵉ ⴷ ⴽⵔⴰⴷⴻⵜ ⵏ ⵜⵙⴻⵜⵜⴰ (03:00) ⵏ ⵚⵚⴱⴻⵃ ⵏ ⵍⴰⵔⴻⴱⴻⵄ, ⴷⴻⴳ ⵜⵡⵉⵍⴰⵢⵉⵏ ⵏ: ⵜⵉⵎⵉⵎⵓⵏ, ⴰⴷⵔⴰⵔ ⴷ ⵄⵉⵏ ⵚⴰⵍⴻⵃ.
ⴰⵔⵏⵓ ⵖⴻⵔ
