ⵢⴻⵙⵙⴻⵍⵡⴰⵢ ⴰⵙⵙ-ⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⴰⵎⵖⴰⵔ ⴰⵎⴰⵜⵓ ⵏ ⵢⵉⵙⴻⵔⴷⴰⵙⴻⵏ, ⴰⵏⴻⵖⵍⴰⴼ ⵏ ⵓⵎⴻⵙⵜⵓⵏ ⴰⵖⴻⵍⵏⴰⵡ, ⵜⵉⵖⵉⵎⵉⵜ ⵏ ⵓⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵉ ⴷ-ⵢⴻⵡⵡⵉⵏ ⵖⴻⴼ ⵡⴰⵟⴰⵙ ⵏ ⵢⵉⵙⴻⵏⴽⴻⴷⴷⴻⵏ, ⴳⴰⵔ-ⴰⵙⴻⵏ: ⵜⴰⵡⵡⵓⵔⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴻⵥⵍⴰ ⵉⵇⵎⵉⵢⴻⵏ ⴷ ⵓⵙⵔⴻⵙ-ⵉⵙ ⵓⵏⵏⴰⵔ ⵏ ⵓⵎⴰⵀⵉⵍ, ⴰⵍⵍⴰⵍⴻⵏ ⵏ ⵓⵎⴻⵏⵏⵓⵖ ⵎⴳⴰⵍ ⵍⵃⴰⵔⵉⵇⴰⵜ, ⴰⵙⵔⵉⵎ ⵏ ⵓⵙⴻⵏⴼⴰⵔ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵖⵡⴰⵟ–ⵖⴰⵔⴷⴰⵢⴰ–ⴻⵍ ⵎⴻⵏⵉⴰ (ⴰⵃⵔⵉⵛ ⴰⵎⴻⵣⵡⴰⵔⵓ), ⵔⵏⵉ-ⴷ ⴼⴻⵍⵍ-ⴰⵙⴻⵏⵜ ⴰⵙⴱⴻⴷⴷⵉ ⵏ ⵓⵙⵇⴰⵎⵓ ⵓⵏⵉⴳⴻⵏ ⵏ ⵜⵓⴽⴽⵉⵙⵜ ⵜⴰⵎⴰⵙⵙⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ ⴷ ⴰⵙⴱⴻⴷⴷⵉ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵜⵉⴷⴷⴰⵙ ⵏ ⵓⵎⴻⵣⵔⵓⵢ.
ⵙⴻⵍⴷ ⵓⵍⴷⴰⵢ ⵏ ⵜⵖⵉⵎⵉⵜ ⴷ ⵓⵙⴻⵏⴽⴻⴷ ⵏ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵓⵏⴰⴱⴰⴹ ⵏ ⵙⵉⵏ ⵏ ⵢⵉⵎⴰⵍⴰⵙⴻⵏ ⵉⵏⴻⴳⴳⵓⵔⴰ ⵙ ⵜⴰⵎⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⵎⴰⵙⵙ ⴰⵙⴻⵍⵡⴰⵢ ⵉⵙⵉⵡⴹ-ⴷ ⵜⴰⵊⵎⵉⵍⵜ ⴷ ⵜⵏⴻⵎⵎⵉⵔⵜ ⵉ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ ⴷ ⵓⵎⵙⴻⴳⵍⴰⵡⴰⵢ ⵏ ⵍⴱⴰⵏⴽⴰ ⵏ ⵍⴻⵣⵣⴰⵢⴻⵔ ⴷ ⵢⵉⵢⴻⵙⴽⵉⵔⴻⵏ ⵏ ⵓⵏⵏⴰⵔ ⵏ ⵜⵏⵉⵎⴰⵏⵜ, ⵉⵎⵉ ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ ⴰⴷ ⴷ-ⵜⴻⴼⴼⴻⵖ ⵙⴻⴳ "ⵜⴻⴱⴰⵍⴰⵅⵜ ⵜⴰⵎⵍⵉⵖⴰⵜ" ⵏ ⵜⴻⴳⵔⵓⵎⵎⴰ ⵏ ⵓⵎⴰⵀⵉⵍ ⴰⴷⴰⵎⵙⴰⵏ (GAFI). ⵉⵙⵎⴻⴽⵜⵉ-ⴷ ⴱⴻⵍⵍⵉ ⵙⵙⵢⵉⴼⴰ ⵏ ⵍⴻⵣⵣⴰⵢⴻⵔ ⵜⴻⵀⵚⴻⵔ ⵙ ⵍⴶⴻⵀⴷ ⴷⴻⴳ ⵓⵎⴰⴹⴰⵍ ⵙⴻⵍⴷ 2019 ⵙ ⵙⴻⴱⴱⴰ ⵏ ⵜⵓⵛⵛⴹⵉⵡⵉⵏ ⵏ ⵜⴻⴷⵔⵉⵎⵜ, ⵓ ⵜⵏⴻⵖⵜⴰⵙⵜ-ⴰⴳⵉ ⴷ ⵓⵇⴱⴻⵍ ⴰⴳⵔⴻⵖⵍⴰⵏ ⴱⴻⵍⵍⵉ ⵍⴻⵣⵣⴰⵢⴻⵔ ⵏ ⵜⵓⵔⴰ ⵜⴻⴱⴻⵄⵄⴻⴷ ⵙ ⵍⴻⴽⵎⴰⵍ ⵖⴻⴼ ⵓⴱⵔⵉⴷ ⵏ ⵓⵙⵉⵣⴷⴻⴳ ⵏ ⵢⴻⴷⵔⵉⵎⴻⵏ ⴷ ⵜⴽⴻⵔⵔⵉⵛⵉⵏ ⵏ ⵓⵏⵉⴳ ⵏ ⵢⵉⴷⵔⵉⵎⴻⵏ.
ـ ⵉⵙⵔⴻⵚ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵢⵉⵏⴻⵖⵍⴰⴼⴻⵏ ⵏ ⵜⴻⴷⵔⵉⵎⵜ ⴷ ⵓⵣⴻⵔⴼ ⵉⵡⴰⴽⴽⴻⵏ ⴰⴷ ⵅⴻⴷⵎⴻⵏ ⵙ ⵍⵃⴻⵔⵙ ⵉⵕⴻⵙⵙⴰⵏ, ⵉ ⵓⵃⵔⴰⵣ ⵙⴻⴳ ⵢⴰⵍ ⵜⵓⵛⵛⴹⴰ ⴷⴻⴳ ⵜⵎⵓⵀⴰⵍ ⵏ ⵜⴻⴷⵔⵉⵎⵜ ⴷⴻⴳ ⵢⵉⵎⴰⵍ, ⴷ ⵓⵟⵎⴰⵏ ⵏ ⵜⴼⴻⴼⴻⴼⴼⵉⵜ .
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⵜⴰⵡⵡⵓⵔⵜ ⵜⴰⵖⴻⵍⵏⴰⵡⵜ ⵏ ⵢⵉⵎⴻⵥⵍⴰ ⵉⵇⵎⵉⵢⴻⵏ :
ⵉⵙⵙⴻⴽⵏⴻⴷ ⵎⴰⵙⵙ ⴰⵙⴻⵍⵡⴰⵢ ⴱⴻⵍⵍⵉ ⴰⵏⴻⴽⵛⵓⵎ ⵏ ⵜⵉⴷⴻⵜ ⵖⴻⵔ ⵓⵎⴰⵀⵉⵍ ⵏ ⵜⴻⵡⵡⵓⵔⵜ-ⴰⴳⵉ ⵏ ⵜⴰⵔⵇⵎⵉⵜ ⵉⵙⵡⵉ-ⵉⵙ ⴷ ⵓⵙⵏⴻⴼⵍⵉ ⵏ ⵓⵙⴻⴼⵔⴻⴽ ⴷ ⵓⵙⴰⴷⴻⵔ ⵏ ⵜⵉⵙⵉⴷⵔⴰⵔ, ⵙ ⵓⵡⴻⵣⵣⵉ ⵏ ⵏⴼⴰⵄ ⴷⴻⴳ ⵓⵙⴻⴼⵔⴻⴽ ⵏ ⵜⴻⵎⵙⴰⵍ ⵏ ⵓⵡⴰⵏⴰⴽ ⴷ ⵓⵖⵔⵉⵎ.
ⵉⵙⵓⵜⵜⴻⵔ ⵓⵙⴻⵍⵡⴰⵢ ⵙⴻⴳ ⵜⵏⴻⵖⵍⴰⴼⵜ ⵜⴰⵎⵎⵓⵀⴰⵡⵜ ⵜⵓⵏⵉⴳⴻⵏ ⵏ ⵜⴰⵔⵇⵎⵉⵜ ⴰⴷ ⴷ-ⵜⵀⴻⴳⴳⵉ "ⵜⴰⴽⴰⵔⴹⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵜⵜⵉ" ⵓⵇⴱⴻⵍ ⴰⵏⴻⴽⵛⵓⵎ ⵏ ⵜⵎⴻⵜⵜⵉ ⵉ ⴷ-ⵉⵜⵜⴻⴷⴷⵓⵏ, ⵉⵡⴰⴽⴽⴻⵏ ⴰⴷ ⴷ-ⵜⴻⵕⵚⵓ ⵜⵜⴰⴳⴷⴰ ⵏ ⵜⵎⴻⵜⵜⵉ.
ⵖⴻⴼ ⵓⵙⴻⵏⴼⴰⵔ ⵏ ⵙⵙⴻⴽⴽⴰ ⵏ ⵓⵣⵣⴰⵍ ⵍⴻⵖⵡⴰⵟ–ⵖⴰⵔⴷⴰⵢⴰ–ⴻⵍ ⵎⴻⵏⵉⴰ:
ـ ⵉⵙⵙⴻⵃⵔⴻⵙ ⵓⵙⴻⵍⵡⴰⵢ ⵖⴻⴼ ⵓⴼⵙⵉⵙ ⴷⴻⴳ ⵓⵍⴷⴰⵢ ⵏ ⵍⵡⴻⵕⵛⴰⵜ ⵏ ⵓⵙⴻⵏⴼⴰⵔ-ⴰⴳⵉ ⴰⵙⵔⴰⵜⵉⴷⵊⵉ.
ـ ⵜⵓⵇⵇⵏⴰ ⵏ ⵃⴰⵙⵉ ⵎⴻⵙⵄⵓⴷ ⵙ ⵓⴱⵔⵉⴷ-ⴰⴳⵉ, ⵉ ⵓⵡⴻⵣⵣⵉ ⵏ ⵓⵙⴰⴷⴻⵔ ⵏ ⵙⵙⵓⵎⴰⵜ ⴷ ⵢⵉⵎⵓⴽⴰⵏ.
ⵖⴻⴼ ⵓⵙⴱⴻⴷⴷⵉ ⵏ ⵓⵙⵇⴰⵎⵓ ⵓⵏⵉⴳⴻⵏ ⵏ ⵜⵓⴽⴽⵉⵙⵜ ⵜⴰⵎⴰⵙⵙⴰⵏⵜ ⵜⴰⵖⴻⵍⵏⴰⵡⵜ ⴷⴻⴳ ⴱⴻⵕⵕⴰ:
ـ ⴰⵙⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵜⵔⴻⴼ ⴱⴻⵍⵍⵉ ⴰⵙⵇⴰⵎⵓ-ⴰⴳⵉ ⴰⴷ ⵢⵉⵍⵉ ⴷ ⵜⴰⵙⴻⴽⴽⴰ ⵏ ⵓⵎⵛⴻⵡⵡⴻⵔ yeⵟⵟⴰⴼⴰⵔⴻⵏ ⵜⴰⵙⴻⵛⵍⵡⴰⵢⵜ ⵏ ⵜⴻⴳⴷⵓⴷⴰ.
ⵖⴻⴼ ⵓⵙⴱⴻⴷⴷⵉ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⵉⴷⴷⴰⵙ ⵏ ⵓⵎⴻⵣⵔⵓⵢ :
ⴰⵣⴰⵍ ⵏ ⵓⵙⴻⴷⴷⴻⵔ ⵏ ⵓⵏⴰⴷⵉ ⴷ ⵓⵙⵏⵉⵔⴻⵎ ⵉ ⵢⵉⵎⵏⴰⴷⵉⵢⴻⵏ ⵍⴻⵣⵣⴰⵢⵔⵉⵢⴻⵏ ⴷⴻⴳ ⵜⵉⴷⴷⴰⵙ ⵏ ⵓⵎⴻⵣⵔⵓⵢ.
ـ ⴰⵙⴱⴻⴷⴷⵉ ⵏ ⵜⵙⵏⵓⵔⴻⴼⵜ ⵜⴰⵖⴻⵍⵏⴰⵡⵜ ⵏ ⵜⵉⴷⴷⴰⵙ, ⴰⴷ ⵜⵉⵍⵉ ⴷ ⵜⴰⵎⵓⵙⵏⵉ ⵜⴰⴳⴷⵓⴷⴰⵏⵜ ⵜⴰⵎⴳⵓⵔⵉⵢⴰⵏⵜ ⴷ ⵜⵉⵏ ⵏ ⵜⵏⴻⵣⵣⵓⵜ.
ⵓⵇⴱⴻⵍ ⴰⴷ ⵜⴼⵓⴽⴽ ⵜⵖⵉⵎⵉⵜ, ⵎⴰⵙⵙ ⴰⵙⴻⵍⵡⴰⵢ ⵢⴻⴼⴽⴰ ⵜⵓⵔⴰⴹ ⵉ ⵓⵙⴱⴻⴷⴷⵉ ⵏ ⵢⵉⵡⴻⵜ ⵏ ⵜⵙⵏⵓⵔⴻⴼⵜ ⵜⴰⵣⵣⴰⵢⵔⵉⵜ-ⵜⴰⵛⵉⵏⵡⵉⵜ ⵢⴻⵄⵏⴰⵏ ⴰⵙⵉⵣⴷⴻⴳ ⵏ ⵢⵉⵙⴰⴳⵏⴻⵏ ⵏ ⵍⴻⵣⵣⴻⵔ.
