ⴰⴼⵔⵉⵇ ⴰⵎⴻⵣⵡⴰⵔⵓ ⵙⴰⵉⴷ ⵛⵀⴻⵏⴳⵔⵉⵀⴰ, ⴰⵏⴻⵖⵍⴰⴼ ⴰⵎⴷⴻⴱⴱⴻⵕ ⴷⴻⴳ ⵓⵖⵍⵉⴼ ⵏ ⵜⵎⴻⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴰⵅⴻⵍⵍⴰⴼ ⵏ ⵢⵉⵔⴽⵉⵣ ⵏ ⵍⵄⴻⵙⴽⴻⵔ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵙⵙⴻⵖⵔⴻⵜ ⴰⵙⵙ ⵏ ⵍⵐⴻⴷ ⴷⴻⴳ ⵡⴰⴷⴻⴳ (ⵛⵍⵓⴱ) ⴰⵖⴻⵍⵏⴰⵡ ⵏ ⵍⵄⴻⵙⴽⴻⵔ, ⵉⵎⴻⵏⵙⵉ ⵏ ⵓⵥⵓⵎ (ⵉⴼⵜⴰⵔ) ⴷ ⵜⴰⵎⵖⵔⴰ ⵏ ⵓⵙⵉⵙⴻⵔ ⵉ ⵜⵉⵍⴰⵡⵉⵏ ⵉⵄⴻⵙⴽⴰⵔⵉⵢⵉⵏ ⴷ ⵜⵎⵉⴷⴰⵏⵉⵢⵉⵏ ⵏ ⵓⵖⵍⵉⴼ ⵏ ⵜⵎⴻⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴷ ⵜⵉⴷ ⵏ ⵢⵉⵙⵓⴽⴰ ⵉⴷⴷⵓⴽⴽⵍⴻⵏ, ⴰⵢⴰⴳⵉ ⴷⴻⴳ ⵓⵣⴻⵏⵣⵉⵖ ⵏ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵎⴻⵟⵟⵓⵜ (8 ⵎⴻⵖⵔⴻⵙ).
ⵍⵍⴰⵏ ⴷⵉⵏⵏⴰ ⴷⴻⴳ ⵜⵎⴻⵖⵔⴰ-ⴰⴳⵉ ⵉⵎⴻⴷⴷⴻⴱⴱⵔⴻⵏ ⵉⵎⴻⵇⵇⵔⴰⵏⴻⵏ ⵏ ⵍⵄⴻⵙⴽⴻⵔ: ⴰⵎⴷⴻⴱⴱⴻⵔ ⵏ ⵍⴱⴰⵍ ⵉ ⵜⴽⴰⵕⵓⵙⵜ, ⴰⵎⴷⴻⴱⴱⴻⵔ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⵎⴻⵃⴰⴷⴷⵉⵜ, ⵉⵎⴻⴷⴷⴻⴱⴱⵔⴻⵏ ⵏ ⵢⵉⵙⵓⴽⴰ ⵎⴻⵕⵕⴰ, ⴷ ⵡⵉⵏ ⵏ ⵓⵃⴰⴷⴻⵔ ⵏ ⵜⴻⴳⴷⵓⴷⴰ.
ⴷⴻⴳ ⵡⴰⵡⴰⵍ-ⵉⵙ, ⴰⴼⵔⵉⵇ ⴰⵎⴻⵣⵡⴰⵔⵓ ⵢⴻⵙⵙⵉⵡⴻⴹ-ⴷ ⴰⵣⵓⵍ ⴷ ⴷⴷⵓⵄⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴰⴱⴷⴻⵍⵎⴰⴷⵊⵉⴷ ⵜⴻⴱⴱⵓⵓⵏⴻ. ⵢⴻⵏⵏⴰ-ⴷ: "ⵜⵓⵔⴰ ⵏⵡⴰⵍⴰ ⵙ ⵜⵉⴷⴻⵜ ⵍⴻⵇⴷⵉⵛ ⵏ ⵜⵎⴻⵟⵟⵓⵜ ⴷⴻⴳ ⵍⴻⴱⵏⵉ ⵏ ⵍⴻⵣⵣⴰⵢⴻⵔ ⵜⴰⵎⴰⵢⵏⵓⵜ ⵉ ⵉⴹⴻⴼⵔⴻⵏ ⴰⴱⵔⵉⴷ ⵏ ⵔⵔⴻⴱⴰⵃ."
ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⴷⴻⴳ ⵍⵄⴻⵙⴽⴻⵔ ⴰⵖⴻⵔⴼⴰⵏ ⴰⵖⴻⵍⵏⴰⵡ (ⴰⵏⵒ), ⵍⴷⵉⵏ ⵎⴻⵕⵕⴰ ⵜⵉⴳⴳⵓⵔⴰ ⵉ ⵜⵎⴻⵟⵟⵓⵜ ⵉⵡⴰⴽⴽⴻⵏ ⴰⴷ ⵜⴰⵍⵉ ⴷⴻⴳ ⵢⵉⵎⵓⴽⴰⵏ ⵉⵎⴻⵇⵇⵔⴰⵏⴻⵏ, ⴰⵎⴰ ⴷⴻⴳ ⵓⵟⴰⵢⵢⴻⵔ, ⴷⴻⴳ ⵓⵏⴻⴳⴳⴻⵣ ⵙ ⵓⴱⴰⵕⴰⵛⵓⵟ, ⴷⴻⴳ ⵍⴱⴰⴱⵓⵔ ⵏ ⵍⴳⵉⵔⵔⴰ, ⵏⴻⵖ ⴷⴻⴳ ⵜⴰⵔⴱⴰⵄⵉⵏ ⵏ ⵓⵎⴻⵏⵖⵉ.
ⴰⴼⵔⵉⵇ ⴰⵎⴻⵣⵡⴰⵔⵓ ⵉⵃⴻⵎⵎⴻⴷ ⵍⵊⴻⵀⴷ ⵏ ⵜⵎⴻⵟⵟⵓⵜ ⵜⴰⵣⵣⴰⵢⵔⵉⵜ ⵎⴳⴰⵍ ⴰⵎⵀⴻⵔⵙⴰⵏ ⴷ ⵓⵔⵔⴻⴱⵔⴰⴱ, ⵢⴻⵔⵏⴰ ⵢⴻⵏⵏⴰ-ⴷ ⴱⴻⵍⵍⵉ ⵜⴰⵎⴻⵟⵟⵓⵜ ⴷ ⵏⴻⵜⵜⴰⵜ ⵉ ⴷ ⵍⵍⵙⴰⵙ ⵏ ⵜⵎⴻⵜⵜⵉ ⵉ ⵉⵙⴻⵍⵎⴰⴷⴻⵏ ⵉ ⵜⵙⵓⵜⵉⵡⵉⵏ ⵉ ⴷ-ⵉⵜⵜⴻⴷⴷⵓⵏ ⵃⵓⴱⴱⵓ ⵏ ⵜⵎⵓⵔⵜ ⴷ ⵍⴻⵇⴷⴻⵔ ⵏ ⵢⵉⵎⴻⵖⵔⴰⵙⴻⵏ.
ⴷⴻⴳ ⵓⵏⴻⴳⴳⴰⵔⵓ, ⴰⴼⵔⵉⵇ ⴰⵎⴻⵣⵡⴰⵔⵓ ⵢⴻⴼⴽⴰ-ⴰⵙⴻⵏ ⵜⵉⵡⵉⵏⵉⵏ ⵏ ⴷⴷⴻⵛⵕⴰ, ⵢⴻⵙⵙⵓⵜⵔⴻ-ⴰⵙⴻⵏⵜ ⴰⴷ ⴽⴻⵎⵎⵍⴻⵏⵜ ⴷⴻⴳ ⵍⴻⵇⴷⵉⵛ-ⵏⵙⴻⵏⵜ
ⴰⵔⵏⵓ ⵖⴻⵔ
