ⵢⴻⵜⵜⵓⵔⴰⴵⵓ ⴰⴷ ⵉⴽⴻⵎⵎⴻⵍ ⵓⵖⴻⵍⵍⵓⵢ ⵏ ⵢⵉⴳⴻⴼⵔⴰⵏ ⵏ ⵔⵔⴻⵄⴷ, ⴰⵔⴰ ⴷ-ⵢⴰⵡⵉⵏ ⵢⵉⴷ-ⵙⴻⵏ ⴰⴱⵔⵓⵔⵉ ⴷ ⵡⴰⴹⵓ ⵉⴵⴻⵀⴷⴻⵏ, ⵖⴻⴼ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ, ⴰⵢⴰ ⴰⵍⴰⵎⵎⴰ ⴷ ⴰⵙⵙ ⵏ ⵜⵜⵍⴰⵜⴰ ⵉ ⴷ-ⵉⵜⴻⴷⴷⵓⵏ, ⴰⴽⴽⴻⵏ ⵉ ⵜ-ⵉⴷ-ⵢⴻⵏⵏⴰ ⴰⵙⵙ-ⴰ ⵏ ⵍⵃⴻⴷ, ⵢⵉⵡⴻⵏ ⵡⵓⵍⵖⵓ ⵓⵣⵣⵉⴳ ⵏ ⵓⵅⵅⴰⵎ ⴰⵖⴻⵍⵏⴰⵡ ⵏ ⵜⴻⴳⵏⴰⵡⵜ.
ⵓⵍⵖⵓ-ⴰ ⵉ ⵢⴻⵜⵜⵓⵙⵉⵙⴻⵎⵍⴻⵏ ⴷⴻⴳ ⵜⵙⴻⴷⴷⴰⵔⵜ ⵏ ⵜⵎⵓⵖⵍⵉ "ⵜⴰⵛⵉⵏⴰⵢⵜ", ⵢⴻⵄⵏⴰ ⵍⵡⵉⵍⴰⵢⴰⵜ-ⴰ: ⵜⵍⴻⵎⵙⴰⵏ, ⵄⵉⵏ ⵜⵉⵎⵓⵛⴻⵏⵜ, ⵙⵉⴷⵉ ⴱⴻⵍⵄⴻⴱⴱⴰⵙ ⴷ ⵙⵄⵉⴷⴰ, ⴰⵏⴷⴰ ⵢⴻⵜⵜⵓⵔⴰⴵⵓ ⵍⵇⵉⵙ ⵏ ⵢⵉⴳⴻⴼⵔⴰⵏ ⴰⴷ ⵢⵉⵍⵉ ⴳⴰⵔ 20 ⴷ 30 ⵎⵎ, ⵎⴰ ⴷ ⴰⴽⵓⴷ ⵏ ⵡⵓⵍⵖⵓ-ⴰ ⴰⴷ ⵢⴻⵇⵇⵉⵎ ⴰⵍⴰⵎⵎⴰ ⴷ ⵜⴰⵎⴻⴷⴷⵉⵜ ⵏ ⵡⴰⵙⵙ-ⴰ ⵏ ⵍⵃⴻⴷ ⵖⴻⴼ 18:00.
ⴰⴽⴽⴻⵏ ⴷⴰⵖⴻⵏ ⵢⴻⵄⵏⴰ ⵡⵓⵍⵖⵓ-ⴰ ⵍⵡⵉⵍⴰⵢⴰⵜ ⵏ ⵜⵉⵣⵉ ⵡⴻⵣⵣⵓ, ⵜⵓⴱⵉⵔⴻⵜ, ⴱⴳⴰⵢⴻⵜ, ⵊⵉⴳⴻⵍ, ⵙⴽⵉⴽⴷⴰ, ⴱⵓⵔⴵ ⴱⵓⵄⵔⵉⵔⵉⴵ, ⵙⵟⵉⴼ ⴷ ⵎⵉⵍⴰ, ⴰⵏⴷⴰ ⵢⴻⵜⵜⵓⵔⴰⴵⵓ ⵍⵇⵉⵙ ⵏ ⵢⵉⴳⴻⴼⵔⴰⵏ ⴰⴷ ⵢⵉⵍⵉ ⴳⴰⵔ 30 ⴷ 50 ⵎⵎ, ⵢⴻⵣⵎⴻⵔ ⴰⴷ ⵢⴰⵡⴻⴹ ⵏⴻⵖ ⴰⴷ ⵉⵄⴻⴷⴷⵉ 70 ⵎⵎ ⴷⴻⴳ ⴽⵔⴰ ⵏ ⵢⵉⵎⴻⴹⵇⴰⵏ, ⴰⵢⴰ ⴰⴷ ⵢⴻⴱⴷⵓ ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ ⵖⴻⴼ 18:00 ⴰⵍⴰⵎⵎⴰ ⴷ ⴰⵣⴻⴽⴽⴰ ⵏ ⵍⴻⵜⵏⴰⵢⴻⵏ ⵖⴻⴼ 15:00.
ⵓⵍⵖⵓ-ⴰ ⵢⴻⵄⵏⴰ ⴷⴰⵖⴻⵏ ⵍⵡⵉⵍⴰⵢⴰⵜ ⵏ ⵍⴷⵣⴰⵢⴻⵔ, ⵍⴻⴱⵍⵉⴷⴰ, ⵍⴻⵎⴷⵉⵢⵢⴰ ⴷ ⴱⵓⵎⴻⵔⴷⴻⵙ, ⴰⵏⴷⴰ ⵢⴻⵜⵜⵓⵔⴰⴵⵓ ⵍⵇⵉⵙ ⵏ ⵢⵉⴳⴻⴼⵔⴰⵏ ⴰⴷ ⵢⵉⵍⵉ ⴳⴰⵔ 20 ⴷ 30 ⵎⵎ, ⴰⴷ ⵢⴻⴱⴷⵓ ⵙⴻⴳ ⵓⵣⴻⴽⴽⴰ ⵏ ⵍⴻⵜⵏⴰⵢⴻⵏ ⵖⴻⴼ 01:00 ⴰⵍⴰⵎⵎⴰ ⴷ 12:00.
ⵢⴻⵡⵡⵉ-ⴷ ⵡⵓⵍⵖⵓ-ⴰ ⴷⴰⵖⴻⵏ ⵍⵡⵉⵍⴰⵢⴰⵜ ⵏ ⵄⴻⵏⵏⴰⴱⴰ, ⵟⵟⴰⵔⴻⴼ, ⵇⵙⴻⵏⵟⵉⵏⴰ, ⴳⴰⵍⵎⴰ, ⵜⴱⴰⵜⴻⵏⵜ, ⵓⴳⴰⴼⴰ ⵏ ⵅⴻⵏⵛⴻⵍⴰ, ⵓⵎ ⵍⴻⴱⵡⴰⵇⵉ, ⵙⵓⵇ ⴰⵀⵔⴰⵚ ⴷ ⵓⴳⴰⴼⴰ ⵏ ⵜⴱⴻⵙⵙⴰ, ⴰⵏⴷⴰ ⵢⴻⵜⵜⵓⵔⴰⴵⵓ ⵍⵇⵉⵙ ⵏ ⵢⵉⴳⴻⴼⵔⴰⵏ ⴰⴷ ⵢⵉⵍⵉ ⴳⴰⵔ 30 ⴷ 50 ⵎⵎ, ⵢⴻⵣⵎⴻⵔ ⴰⴷ ⵢⴰⵡⴻⴹ ⵏⴻⵖ ⴰⴷ ⵉⵄⴻⴷⴷⵉ 60 ⵎⵎ ⴷⴻⴳ ⴽⵔⴰ ⵏ ⵢⵉⵎⴻⴹⵇⴰⵏ, ⴰⵢⴰ ⴰⴷ ⵢⴻⴱⴷⵓ ⵙⴻⴳ ⵡⴰⵙⵙ ⵏ ⵍⴻⵜⵏⴰⵢⴻⵏ ⵖⴻⴼ 10:00 ⴰⵍⴰⵎⵎⴰ ⴷ ⴰⵙⵙ ⵏ ⵜⵜⵍⴰⵜⴰ ⵖⴻⴼ 06:00.
ⴰⵔⵏⵓ ⵖⴻⵔ
