ⵜⴻⵡⵡⵉ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴰⵣⵣⴰⵢⵔⵉⵜ ⵜⵉⴼⴻⵔⵔⴻⵜ ⵏ ⵓⵏⴻⴽⵛⵓⵎ ⵖⴻⵔ ⵓⵃⵔⵉⵛ ⵏ 32 ⵏ ⵜⴰⴳⴳⴰⵔⴰ ⵏ ⵡⴰⴽⴽⴰⵢⴰⴷ ⵏ ⵓⵎⴰⴹⴰⵍ 2026, ⵙⴻⵍⴷ ⵎⵉ ⵜⴳⴰ ⵓⵎⵎⵉⵣⵉ ⵙ ⵍⵇⴻⴷⴷ ⵏ (3-3) ⵣⴷⴰⵜ ⵏ ⵜⴻⵔⴱⴰⵄⵜ ⵏ ⵜⵓⵜⵔⵉⵛⵜ (Aⵓⵙⵜⵔⵉⴰ), ⴷⴻⴳ ⵜⴻⵎⵍⵉⵍⵉⵜ ⵉ ⴷ-ⵢⵉⵍⵍⴰⵏ ⴷⴻⴳ ⵓⵃⵔⵉⵛ ⵡⵉⵙ ⴽⵔⴰⴷ ⵓ ⴷ ⴰⵏⴻⴳⴳⴰⵔⵓ ⵏ ⵜⴻⴳⵔⵓⵎⵎⴰⵡⵉⵏ.
ⵜⴰⵔⴱⴰⵄⵜ ⵏ ⵜⵓⵜⵔⵉⵛⵜ ⵜⴻⴱⴷⴰ ⴰⵙⴻⵔⵔⴻⵙ ⵏ ⵢⵉⵙⵡⵉⵢⴻⵏ ⴷⴻⴳ ⵜⵙⴻⴷⴷⴰⵔⵜ ⵜⵉⵙ 28, ⵓⵇⴱⴻⵍ ⴰⴷ ⵢⴻⵙⵙⵉⵡⴻⴹ ⵔⴰⴼⵉⴽ ⴱⴻⵍⴳⵀⴰⵍⵉ ⴰⴷ ⴷ-ⵢⴻⵔⵔ "ⵉⵣⵉⵏⵣⴰⵡⴻⵏ" ⵖⴻⵔ ⵜⴻⵎⵍⵉⵍⵉⵜ ⵙ ⵢⵉⵙⵡⵉ ⵏ ⵓⵎⵎⵉⵣⵉ ⴷⴻⴳ ⵜⵙⴻⴷⴷⴰⵔⵜ ⵜⵉⵙ 45. ⴰⵃⵔⵉⵛ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵜ ⵢⴻⴼⵓⴽⴽ ⵙ (1-1).
ⴷⴻⴳ ⵓⵃⵔⵉⵛ ⵡⵉⵙ ⵙⵉⵏ, ⵜⵓⵜⵔⵉⵛⵜ ⵉⵄⴰⵡⴻⴷ-ⴰⵙ ⵓⵇⵔⵓⵔ ⵏ ⵢⵉⵙ ⵡⵉⵙ ⵙⵉⵏ ⴷⴻⴳ ⵜⵙⴻⴷⴷⴰⵔⵜ ⵜⵉⵙ 57, ⵍⴰⵎⴻⵄⵏⴰ ⵜⵔⵉⵔⵉⵜ ⵏ ⵜⴻⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⵓⵙⴰ-ⴷ ⵙ ⵜⴰⵣⵣⵍⴰ, ⵙⴻⵍⴷ ⵎⵉ ⵢⴻⵙⵙⵉⵡⴻⴹ ⵔⵉⵢⴰⴷ ⵎⴰⵀⵔⴻⵣ ⴰⴷ ⴷ-ⵢⴻⵔⵔ ⵓⵎⵎⵉⵣⵉ ⴷⴻⴳ ⵜⵙⴻⴷⴷⴰⵔⵜ ⵜⵉⵙ 60 ⵙ ⵢⵉⵡⴻⵜ ⵏ ⵜⵎⵓⵖⵍⵉ (ⵒⴰⵙⵙ) ⵓⴼⵔⵉⵏⴻⵏ ⵙⴻⴳ ⵜⴰⵎⴰ ⵏ ⵀⵓⵓⵙⵙⴻⵎ ⴰⵓⵓⴰⵔ.
ⵜⴻⵎⵍⵉⵍⵉⵜ ⵜⴻⵃⵎⴰ ⵙ ⵍⴶⴻⵀⴷ ⴷⴻⴳ ⵜⵙⴻⴷⴷⴰⵔⵉⵏ ⵜⵉⵏⵏⴻⴳⴳⵓⵔⴰ, ⴰⵏⵉⴷⴰ ⵎⴰⵀⵔⴻⵣ ⵢⴻⵙⵙⵉⵡⴻⴹ ⴰⴷ ⴷ-ⵢⴻⵔⵔ ⵢⵉⵙⵡⵉ-ⵉⵏⴻⵙ ⵡⵉⵙ ⵙⵉⵏ ⴷ ⵡⵉⵙ ⴽⵔⴰⴷ ⵉ ⵍⴻⵣⵣⴰⵢⴻⵔ ⴷⴻⴳ ⵜⵙⴻⴷⴷⴰⵔⵜ ⵜⵉⵙ ⴽⵔⴰⴷⴻⵜ ⵏ ⵡⴰⴽⵓⴷ ⵏ ⵜⵎⴻⵔⵏⴰ (90+3), ⴷ ⴰⵢⴻⵏ ⵉ ⵢⴻⵔⵔⴰⵏ ⵍⴻⵣⵣⴰⵢⴻⵔ ⴷ ⵜⴰⵎⴻⵏⵣⵡⵓⵜ ⵙ (3-2). ⵍⴰⵎⴻⵄⵏⴰ ⵜⴰⵔⴱⴰⵄⵜ ⵏ ⵜⵓⵜⵔⵉⵛⵜ ⵜⵓⴼⴰ-ⴷ ⵢⵉⵙⵡⵉ ⵏ ⵓⵎⵎⵉⵣي ⴷⴻⴳ ⵜⵙⴻⴷⴷⴰⵔⵜ (90+6), ⴷⵖⴰ ⵜⴻⵎⵍⵉⵍⵉⵜ ⵜⴼⵓⴽⴽ ⵙ (3-3).
ⵓⵍⴰ ⵎⴰ ⵢⴻⵍⵍⴰ ⵓⵔ ⴷ-ⵢⵉⵍⵍⵉ ⴰⵔⴰ ⵔⵔⴻⴱⴻⵃ ⴷⴻⴳ ⵜⵙⴻⴷⴷⴰⵔⵉⵏ ⵜⵉⵏⵏⴻⴳⴳⵓⵔⴰ, ⵜⴰⵔⴱⴰⵄⵜ ⵜⴰⵖⴻⵍⵏⴰⵡⵜ ⵜⴻⵙⵙⴰⵡⴻⴹ ⴰⴷ ⴷ-ⵜⴰⵡⵉ ⴰⵎⴽⴰⵏ-ⵉⵙ ⴷⴻⴳ ⵓⵃⵔⵉⵛ ⵏ 32 ⵏ ⵍⵎⵓⵏⴷⵉⵢⴰⵍ 2026, ⴰⵏⵉⴷⴰ ⴰⴷ ⵜⴻⵎⵎⴰⴳⴻⵔ ⵜⴰⵔⴱⴰⵄⵜ ⵏ ⵙⵙⵡⵉⵙ ⴷⴻⴳ ⵜⴻⵎⵍⵉⵍⵉⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⵓⵙⵡⵉⵔ ⵉ ⴷ-ⵉⵜⵜⴻⴷⴷⵓⵏ.
ⴰⵔⵏⵓ ⵖⴻⵔ
