ⴱⴷⴰⵏ ⵢⵉⵎⴻⵥⵍⴰ ⵏ ⵜⵎⵓⵔⵜ ⴷⴻⴳ ⵢⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ ⴰⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵉⵎⵓⴼⴼⵉⵔⴻⵏ ⵉ ⵢⴻⴱⵖⴰⵏ ⴰⴷ ⴹⵎⴻⵏ ⴰⴹⴼⴻⵔ ⵏ ⵢⵉⵎⴻⵥⵍⴰ ⵏ ⴱⴰⵢⵍⴻⴽ ⴷⴻⴳ ⵍⵄⵉⴷ ⴰⵎⴻⵇⵇⵔⴰⵏ, ⴷ ⵓⴹⵎⴰⵏ ⵏ ⵜⵉⴳⵏⴰⵜⵉⵏ ⵢⴻⵍⵀⴰⵏ ⵉ ⵢⵉⵎⴻⵣⴷⴰⵞ. ⴰⵢⴰⴳⵉ ⴷ ⴰⵙⴻⵍⴽⴻⵎ ⵏ ⵢⵉⵏⴻⵔⵡⴰⵢⴻⵏ ⵏ ⵓⵏⴻⵖⵍⴰⴼ ⵏ ⴷⴰⵅⴻⵍ, ⵜⵉⵎⵏⴰⴹⵉⵏ ⵏ ⵜⵎⵓⵔⵜ ⴷ ⵓⵙⴰⵍⵍⴰⵍ, ⵎⴰⵙⵙ ⵙⴰⵄⵉⴷ ⵙⴰⵄⵢⵓⴷ, ⵉ ⵓⴹⵎⴰⵏ ⵏ ⵜⵉⵣⵎⴻⵔⵜ ⵏ ⵢⴰⴽⴽ ⵉⴼⴰⵔⴽⴰⵜ ⴷ ⵢⵉⵎⴻⵥⵍⴰ ⵏ ⴱⴰⵢⵍⴻⴽ ⴷⴻⴳ ⵜⴼⴰⵙⴽⴰ-ⴰⴳⵉ.
ⵉⵍⵎⴻⵏⴷ ⵏ ⵓⴷⵢⴰⵏ ⵏ ⵜⵏⴻⵖⵍⴰⴼⵜ ⵏ ⵡⴰⵙⵙ-ⴰ ⵏ ⵍⴻⵜⵏⵉⵢⴻⵏ, ⵉⵡⴰⵍⵉⵢⴻⵏ ⵙⵏⴻⵔⵏⴰⵏ ⵜⵉⵔⵣⵉⵡⵉⵏ-ⵏⵙⴻⵏ ⵏ ⵡⴰⵏⵏⴰⵔ ⴷ ⵢⵉⴳⵔⴰⵡⴻⵏ ⵏ ⵓⵏⵢⵓⴷⴷⵓ ⵙ ⵜⵜⴻⴽⴽⵉ ⵏ ⵢⵉⵎⴻⵥⵍⴰ ⵏ ⵜⵃⵉⴷⴻⵔⵜ ⴷ ⵢⵉⵎⴷⴻⴱⴱⵔⴻⵜ ⵏ ⵜⵙⵓⴷⴰ ⵉ ⵎⵄⵏⵉⵢⴻⵏ, ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⵜⵉⵣⵎⴻⵔⵜ ⵏ ⵢⵉⵎⴻⵥⵍⴰ ⴷ ⵡⴰⵍⵍⴰⵍⴻⵏ ⵉ ⴷ-ⵢⴻⵜⵜⵡⴰⵃⴻⴳⴳⴰⵏ ⵉ ⵓⴼⵔⴰⵖ ⵏ ⵜⴼⴰⵙⴽⴰ-ⴰⴳⵉ ⴷ ⵓⵃⵔⴰⵣ ⵏ ⵢⵉⵙⵓⵜⵔⴻⵏ ⵏ ⵢⵉⵎⴻⵣⴷⴰⵞ.
ⵍⵍⴰⵏ-ⴷ ⴷⴰⵖⴻⵏ ⵢⵉⵙⵡⵉⵔⴻⵏ ⵏ ⵓⴹⵎⴰⵏ ⵏ ⵓⵙⴻⵍⵎⴻⴷ ⵏ ⵡⴰⵎⴰⵏ ⵙ ⵓⴱⵔⵉⴷ ⵏ ⵍⵍⵙⴰⵙ ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ, ⵍⴰⴷⵖⴰ ⵉⵎⵉ ⴰⵙⵓⵜⵓⵔ ⴰⴷ ⵢⴰⵍⵉ ⴷⴻⴳ ⵜⴰⵍⵍⵉⵜ ⵏ ⵍⵃⴻⵇⵇ ⵏ ⵢⵉⵣⵎⴰⵔⴻⵏ, ⴰⴽⴽⴻⴷ ⵓⴹⴼⴻⵔ ⵏ ⵓⵙⴻⵍⵎⴻⴷ ⵏ ⵜⵔⵉⵙⵉⵜⵉ ⴷ ⵓⴳⴰⵣ, ⵙ ⵓⵀⴻⴳⴳⵉ ⵏ ⵜⵉⵔⴻⴱⴱⴰⵄ ⵜⵉⴳⵎⴰⵜⵉⵏ ⵉ ⵓⵛⴻⴷⴷⵉ ⵓⵔⵓⵔⴻⴷ ⵖⴻⴼ ⵢⴰⵍ ⵓⴳⵓⵔ ⵢⴻⵣⵎⵔⴻⵏ ⴰⴷ ⴷ-ⵢⴻⴹⵔⵓ.
ⴷⴻⴳ ⵡⴰⵏⵏⴰⵔ-ⴰⴳⵉ - ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵢⴰⵏ - ⵍⵍⴰⵏ-ⴷ ⵡⴰⵀⵉⵍⴻⵏ ⵏ ⵓⵙⴰⵍⵍⴰⵍ ⵏ ⴱⴰⵢⵍⴻⴽ ⴷⴻⴳ ⵡⵓⵙⵙⴰⵏ ⵏ ⵍⵄⵉⴷ, ⴰⴽⴽⴻⴷ ⵓⵙⵏⴻⵔⵏⵉ ⵏ ⴽⵔⴰ ⵏ ⵢⵉⴱⴻⵔⴷⴰⵏ ⵉⵍⵎⴻⵏⴷ ⵏ ⵢⵉⵙⵓⵜⵔⴻⵏ ⵏ ⵢⵉⵎⴻⵣⴷⴰⵞ, ⵙ ⵓⴹⴼⴻⵔ ⵏ ⵓⴹⵎⴰⵏ ⵏ ⵓⵏⴰⴳⵔⴰⵡ ⵏ ⵜⴰⴷⴰⴱⵓⵜ (ⵐⴻⵔⵎⴰⵏⴻⵏⵛⴻ) ⵏ ⵜⵏⴻⵣⵣⵓⵜ ⴷ ⵢⵉⵏⴻⵏⵣⴰⵢⴻⵏ ⵉⵡⴰⴽⴽⴻⵏ ⴰⴷ ⴷ-ⵉⵍⵉⵏ ⵢⵉⴼⴰⵔⴽⴰⵜ ⵏ ⵍⵍⵙⴰⵙ.
ⵉⵎⴻⵥⵍⴰ ⵏ ⵜⵖⵉⵡⴰⵏⵜ ⴷ ⵜⵙⵓⴷⴰ ⵏ ⵓⵙⵉⵣⴷⴻⴳ ⴱⴷⴰⵏ ⴰⵙⴻⵍⴽⴻⵎ ⵏ ⵡⴰⵀⵉⵍⴻⵏ ⵏ ⵓⵙⵉⵣⴷⴻⴳ ⴷ ⵓⴼⵔⴰⵖ ⵏ ⵢⵉⴹⵓⵎⵎⴰⵏ, ⴷⴰⴳⵉ ⵙⵏⴻⵇⴷⴻⵏ ⵉⵎⴷⴰⵏⴻⵏ ⴷ ⵡⴰⵍⵍⴰⵍⴻⵏ ⵉ ⵓⴼⵔⴰⵖ ⵏ ⵡⴰⵢⴻⵏ ⵉ ⴷ-ⵢⴻⴼⴼⵖⴻⵏ ⵙⴻⴳ ⵍⵃⴻⵇⵇ ⴷ ⵓⵙⵉⵣⴷⴻⴳ ⵏ ⵢⵉⴷⵔⵓⵎⴻⵏ, ⴰⴽⴽⴻⴷ ⵓⵀⴻⴳⴳⵉ ⵏ ⵢⵉⵎⵓⴽⴰⵏ ⵉ ⵓⵍⴰⴼ ⵏ ⵓⴳⵍⵉⵎ ⵏ ⵢⵉⵣⵎⴰⵔⴻⵏ ⵉⵡⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵜⴰⵡⵉ ⴷⴻⴳ ⵜⵉⴳⵏⴰⵜⵉⵏ ⵢⴻⵍⵀⴰⵏ.
ⵣⵓⵏ ⴷ ⴰⵢⴻⵏ ⵏⵏⵉⴹⴻⵏ, ⵍⵍⴰⵏ-ⴷ ⵡⴰⵀⵉⵍⴻⵏ ⵏ ⵓⵙⵓⵏⵏⴻⵜ ⴷ ⵓⵙⴰⴽⵉ ⵙ ⵢⴰⴽⴽ ⵡⴰⵍⵍⴰⵍⴻⵏ ⵏ ⵓⵙⵉⵡⴻⵍ, ⵉⵡⴰⴽⴽⴻⵏ ⵉⵎⴻⵣⴷⴰⵞ ⴰⴷ ⵇⴰⴷⵔⴻⵏ ⵢⵉⵍⵓⴳⴰⵏ ⵏ ⵓⵙⵉⵣⴷⴻⴳ ⴷ ⵓⴼⵔⴰⵖ ⵏ ⵢⵉⴹⵓⵎⵎⴰⵏ ⵏ ⵢⵉⵣⵎⴰⵔⴻⵏ ⴷⴻⴳ ⵢⵉⵎⵓⴽⴰⵏ ⵉ ⴷ-ⵢⴻⵜⵜⵡⴰⵃⴻⴷⴷⴻⵏ, ⵉ ⵓⵃⵔⴰⵣ ⵏ ⵜⵚⴻⵃⵃⵉⵜ ⵏ ⴱⴰⵢⵍⴻⴽ ⴷ ⵓⵙⵉⵣⴷⴻⴳ ⵏ ⵜⴳⴰⵎⵎⴰ.
ⵉⵙⵡⵉⵔⴻⵏ-ⴰⴳⵉ ⵙⴱⴻⴳⴳⴻⵏ-ⴷ ⴱⴻⵍⵍⵉ ⴰⴽⴽ ⵉⵎⴻⵥⵍⴰ ⴷ ⵜⵙⵓⴷⴰ ⵏ ⴱⴰⵢⵍⴻⴽ ⴷⴻⴳ ⵜⵎⵓⵔⵜ ⴽⴰⵎⴻⵍ ⵡⵊⴻⴷⴻⵏⵜ ⵉⵡⴰⴽⴽⴻⵏ ⵍⵄⵉⴷ ⴰⵎⴻⵇⵇⵔⴰⵏ ⴰⴷ ⵢⴻⴷⴷⵓ ⴷⴻⴳ ⵜⵉⴳⵏⴰⵜⵉⵏ ⵏ ⵓⵙⵓⴷⴷⴻⵙ ⴷ ⵜⵚⴻⵃⵃⵉⵜ ⵢⴻⵍⵀⴰⵏ ⵉ ⵢⵉⵎⴻⵣⴷⴰⵞ.
ⴰⵔⵏⵓ ⵖⴻⵔ
