ⵢⴻⵙⵙⴰⵡⴻⴹ ⵍⴰⵎⴰⵏ ⵏ ⵍⵄⴻⵙⴽⴻⵔ ⴷⴻⴳ ⵜⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⵅⴻⵎⵙⴰ, ⵉⴹⴻⵍⵍⵉ ⵏ ⵍⴻⵜⵏⵉⵢⴻⵏ, ⴰⴷ ⵢⴻⵃⴱⴻⵙ ⵍⴻⵇⴷⵉⵛ ⵏ ⵢⵉⵡⴻⵜ ⵏ ⵜⵔⴰⴱⵄⵜ ⵏ ⵢⵉⴼⴻⵜⵜⴰⵏⴻⵏ ⵉⵇⴷⴻⵛⴻⵏ ⴷⴻⴳ ⵓⵣⵏⵓⵣⵉ ⵓⵔ ⵏⴻⵚⴼⵉ ⵏ ⴷⴷⵔⵓⴳ ⵉⵊⴻⵀⴷⴻⵏ. ⵃⴱⴻⵙⴻⵏ ⴰⵣⵏⵓⵣⵉ ⵏ ⵓⴳⴰⵔ ⵏ 49 ⴽⵍⴳ ⵏ ⵍⴽⵓⴽⴰⵢⵉⵏ. ⴰⵢⴰ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜନⴻⵖⵍⴰⴼⵜ ⵏ ⵓⵃⴰⴷⴰⵔ ⴰⵖⴻⵍⵏⴰⵡ ⴰⵙⵙ-ⴰ ⵏ ⵜⵜⵍⴰⵜⴰ.
ⵢⴻⵙⴼⴻⵔⵔⴻⵯ-ⴷ ⵡⴰⵍⵖⵓ-ⵏⵏⵉ ⴱⴻⵍⵍⵉ ⴷⴻⴳ ⵡⴰⵏⵏⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⴽⴻⵔⴹⴰ ⵢⴻⵙⵙⴻⴳⵎⴻⵏ ⴷ ⵓⵃⴻⴳⴳⵉ ⵏ ⴷⴷⵔⵓⴳ ⵖⴻⵔ ⴷⴰⵅⴻⵍ ⵏ ⵜⵎⵓⵔⵜ, ⵢⵉⴳⵔⴰⵡⴻⵏ ⵏ ⵍⴰⵎⴰⵏ ⵏ ⵍⵄⴻⵙⴽⴻⵔ, ⵡⴰⵙⵙ ⵏ ⵍⴻⵜⵏⵉⵢⴻⵏ 23 ⴼⵓⵔⴰⵔ 2026, ⵙⵙⴻⴼⵙⴻⵅⴻⵏ ⵜⴰⵔⴰⴱⵄⵜ-ⴰⴳⵉ ⵏ ⵢⵉⴼⴻⵜⵜⴰⵏⴻⵏ. ⵟⵟⴼⴻⵏ-ⴷ ⴷⴻⴳ ⵓⵎⴽⴰⵏ-ⵏⵏⵉ 49 ⴽⵍⴳ ⴷ 400 ⴳⵔⴰⵎ ⵏ ⵍⴽⵓⴽⴰⵢⵉⵏ.
ⴷⴻⴳ ⵢⵉⵡⴻⵏ ⵓⵣⵎⴻⵣ, ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⵏ ⵓⴱⵔⵉⴷ (ⴷⵔⴻⴽ ⴰⵖⴻⵍⵏⴰⵡ) ⴷⴻⴳ ⵜⵍⴻⵎⵙⴰⵏ (ⵜⴰⵎⵏⴰⵟ ⵜⴰⵙⴻⵔⴷⴰⵙⵜ ⵜⵉⵙ ⵙⵏⴰⵜ), ⵙⵙⴻⴼⵙⴻⵅⴻⵏ ⵢⵉⵡⴻⵜ ⵏ ⵜⵔⵉⵛⵜ ⵏ ⵢⵉⴼⴻⵜⵜⴰⵏⴻⵏ ⵉ ⴷ-ⵢⴻⵜⵜⴰⵡⵉⵏ ⴷⴷⵔⵓⴳ ⵙⴻⴳ ⵍⵎⴰⵔⵓⴽ ⵖⴻⵔ ⵡⴰⴽⴰⵍ ⴰⵖⴻⵍⵏⴰⵡ.
ⵍⴻⵇⴷⵉⵛ-ⴰⴳⵉ ⵢⴻⵊⵊⴰ-ⴷ ⴰⵃⴱⵓⵙ ⵏ ⵢⵉⵡⴻⵏ ⵓⵇⴻⵏⵟⴰⵔ ⴷ 20 ⴽⵍⴳ ⵏ ⵍⴽⵉⴼ ⵢⴻⵙⵙⴻⴳⵎⴻⵏ. ⵟⵟⴼⴻⵏ ⵚⴹⵉⵚ (06) ⵏ ⵢⵉⵎⴷⴰⵏⴻⵏ, ⵢⴻⵍⵍⴰ ⵢⵉⴷ-ⵙⴻⵏ ⵡⴻⴷⵔⵉⵎ ⵉ ⴷ-ⵢⴻⴼⴼⵖⴻⵏ ⵙⴻⴳ ⵍⴱⴰⵟⴻⵍ-ⴰⴳⵉ ⵢⴻⴳⴳⴰⵏ ⵓⴳⴰⵔ ⵏ 236 ⵏ ⵢⵉⵎⵍⵢⵓⵏⴻⵏ ⵏ ⵙⴻⵏⵜⵉⵎ. ⵃⴱⴻⵙⴻⵏ ⴷⴰⵖⴻⵏ ⵜⵥⴰ (09) ⵏ ⵢⵉⵜⵉⵍⵉⴼⵓⵏⴻⵏ, ⵙⵏⴰⵜ ⵏ ⵜⵎⵉⵙⴰⵢⵉⵏ ⵏ ⵓⴳⴻⵏⵏⵉ , ⴷ ⵢⵉⵡⴻⵜ ⵏ ⵜⴽⴰⵔⵔⵉⵙⵜ ⵏ ⵓⵎⴰⵀⵉⵍ.
ⵜⴰⴳⴳⴰⵔⴰ, ⵜⴰⵏⴻⵖⵍⴰⴼⵜ ⵜⴻⵏⵏⴰ-ⴷ ⴱⴻⵍⵍⵉ ⴰⵔⴻⴱⴱⴰⵃ-ⴰⴳⵉ ⵢⴻⵙⴽⴰⵏⴰⵢ-ⴷ ⵜⴰⵎⵓⵙⵏⵉ ⴷ ⵍⴰⵎⴰⵏ ⵉⵊⴻⵀⴷⴻⵏ ⵏ ⵢⵉⴳⵔⴰⵡⴻⵏ ⵏ ⵍⵄⴻⵙⴽⴻⵔ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵉ ⵡⴰⴽⴽⴻⵏ ⴰⴷ ⵃⴰⴷⵔⴻⵏ ⵜⴰⵎⵓⵔⵜ ⵢⴻⵔⵏⴰ ⴰⴷ ⵏⵏⴰⵖⴻⵏ ⵎⴳⴰⵍ ⵡⵉⴷ ⵢⴻⴱⵯⴰⵏ ⴰⴷ ⵙⵙⴻⴼⵙⴻⵅⴻⵏ ⵉⵍⵎⴻⵣⵢⴻⵏ ⵙ ⵙⵙⵎⴰⵜ-ⴰⴳⵉ.
ⴰⵔⵏⵓ ⵖⴻⵔ
