ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴳⴳⴰ ⵓⵏⵖⵍⴰⴼ ⵏ ⵡⴰⵎⴰⵏ ⴷ ⵓⵙⴻⴳⴳⵉⴷ, ⵎⴰⵙⵙ ⵟⵟⴰⵀⴰ ⴷⴻⵔⴱⴰⵍ, ⴰⵙⵙ-ⴰ ⵏ ⵜⵜⵍⴰⵜⴰ, ⵢⵉⵡⴻⵜ ⵏ ⵜⵎⵍⵉⵍⵉⵜ ⵏ ⵓⵎⴰⵀⵉلق ⵙ ⵡⴰⵍⴰⵜⴻⵏ ⵏ ⵓⵎⵢⴰⵡⴰⴹ ⵙⴻⴳ ⵡⴰⴳⴳⵓⴳ. ⵜⵉⵎⵍⵉⵍⵉⵜ-ⴰⴳⵉ ⵜⴻⵙⵏⴻⵊⵎⴰⵄ-ⵉⵜ ⴷ ⵢⵉⵎⵙⴻⵍⵡⴰⵢⴻⵏ ⵏ ⵡⴰⵎⴰⵏ ⵏ ⵢⵉⵡⴻⵜ ⴷ ⵄⵉⵛⵔⵉⵏ (21) ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵉ ⵡⴰⴽⴽⴻⵏ ⴰⴷ ⵡⴰⵍⵉⵏ ⴰⴷⴷⴰⴷ ⵏ ⵍⴻⵇⴷⵉⵛ ⴰⴳⴷⵓⴷⴰⵏ ⵏ ⵡⴰⵎⴰⵏ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵉⵡⵉⵍⴰⵢⵉⵏ ⵢⴻⵔⵣⴰ ⵡⴰⵡⴰⵍ ⴷ ⵜⵉⴳⵉ: ⵛⵛⵍⴻⴼ, ⵓⵎ ⵍⴱⵡⴰⵖⵉ, ⵍⵊⴻⵍⴼⴰ, ⴱⴳⴰⵢⴻⵜ, ⴱⴻⵛⵛⴰⵔ, ⵜⴱⴻⵙⵙⴰ, ⵜⵍⴻⵎⵙⴰⵏ, ⵙⵉⴷⵉ ⴱⴻⵍⵄⴻⴱⴱⴰⵙ, ⵜⵎⴻⵏⵔⴰⵙⴻⵜ, ⵍⴱⵍⵉⴷⴰ, ⵜⵓⴱⵉⵔⵜ, ⵙⵟⵉⴼ, ⵙⴽⵉⴽⴷⴰ, ⵍⵎⴷⴻⵢⵢⴻⵜ, ⵎⵙⵉⵍⴰ, ⴱⵓⵙⵄⴰⴷⴰ, ⵎⵄⴻⵙⴽⴻⵔ, ⵜⵉⵏⴷⵓⴼ, ⵜⵉⵙⴻⵎⵙⵉⵍⵜ, ⵙⵓⵇ ⴰⵀⵔⴰⵙ ⴷ ⵄⵉⵏ ⴷⴷⴻⴼⵍⴰ.
ⵜⵉⵎⵍⵉⵍⵉⵜ-ⴰⴳⵉ ⵜⴻⵔⵣⴰ ⴰⴹⴰⴼⴻⵔ ⵏ ⵡⴰⴷⴷⴰⴷ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⴷⴻⴳ ⵜⵎⴻⵏⵏⴰⴹⵉⵏ-ⴰⴳⵉ, ⴷ ⵓⵙⴻⴼⵔⴻⵯ ⵏ ⵡⴰⵎⴻⴽ ⵡⴻⵊⵊⴷⴻⵏ ⵡⴰⵍⴰⵜⴻⵏ ⴷ ⵜⵎⴻⵔⵙⴻⵍⵉⵏ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵓⵙⵙⴻⴽⵛⴻⵎ ⵏ ⵡⴰⵎⴰⵏ ⵙ ⵓⵎⵙⴻⴳⴳⴻⵎ ⵢⴻⵔⵏⴰ ⴱⵍⴰ ⴰⵄⵟⴻⵍ.
ⴷⴻⴳ ⵜⴳⵏⵉⵜ-ⴰⴳⵉ, ⴰⵏⵖⵍⴰⴼ ⵢⴻⵙⵙⴻⵊⴷⴻⴷ ⴱⴻⵍⵍⵉ ⵢⴻⵍⵀⴰ ⴰⴷ ⵢⵉⵍⵉ ⵓⵙⴻⴷⵎⴻⵔ ⵢⴻⵚⴼⴰⵏ ⴷ ⵓⵙⴻⵇⴷⴻⵛ ⵏ ⵎⴰⵕⵕⴰ ⵜⵉⵣⵎⴰⵔ ⵏ ⵢⵉⵅⴻⴷⴷⴰⵎⴻⵏ ⴷ ⵡⴰⵍⴰⵜⴻⵏ ⵉ ⵢⴻⵍⵍⴰⵏ. ⵢⴻⵙⵙⵓⵜⴻⵔ ⴷⴰⵖⴻⵏ ⴰⵙⵊⴻⵀⴻⴷ ⵏ ⵓⵄⴰⵙⵙ ⴷ ⵓⵎⵢⴻⵍⵍⴻⵍ ⴳⴰⵔ ⵎⴰⵕⵕⴰ ⵢⵉⵎⴻⵙⴽⴰⵔⴻⵏ ⵉ ⵡⴰⴽⴽⴻⵏ ⴰⴷ ⴹⵎⴻⵏⵏ ⴱⴻⵍⵍⵉ ⵍⴻⵇⴷⵉⵛ ⵏ ⵡⴰⵎⴰⵏ ⴰⴷ ⵢⴻⵇⵇⵉⵎ ⵢⴻⵊⵊⴻⵀⴻⴷ, ⵍⴰⴷⵯⴰ ⴷⴻⴳ ⵡⴰⴳⴳⵓⵔ ⵏ ⵔⴻⵎⴹⴰⵏ ⴰⵎⴻⴳⴳⴰⵣ ⵉⵎⵉ ⴷⴻⴳ ⵡⴰⴽⵓⴷ-ⴰⴳⵉ ⵉⵎⴷⴰⵏⴻⵏ ⵃⵡⴰⵊⴻⵏ ⴰⵎⴰⵏ ⵓⴳⴰⵔ.
ⴰⵔⵏⵓ ⵖⴻⵔ
