ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵜⴻⵇⴱⴻⵍ ⵓⵏⵖⵍⴰⴼ ⵏ ⵡⴰⵎⴰⵏ, ⵎⴰⵙⵙ ⵟⵟⴰⵀⴰ ⴷⴻⵔⴱⴰⵍ, ⴰⵙⵙ-ⴰ ⵏ ⵍⴻⵜⵏⵉⵢⴻⵏ ⴷⴻⴳ ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵎⴱⴻⵇⵇⴰⵙ (ⵢⵉⵎⴻⵙⵍⴻⵢⴻⵏ) ⵏ ⵓⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ ⵏ ⵜⵎⵏⴰⵟ ⵏ ⵛⵛⵍⴻⴼ. ⴷⴻⴳ ⵜⵎⵍⵉⵍⵉⵜ-ⴰⴳⵉ, ⵙⵙⴰⵡⵍⴻⵏ ⵖⴻⴼ ⵡⴰⵟⴰⵙ ⵏ ⵢⵉⵙⴻⵏⵜⴰⵍ ⴷ ⵍⴻⵄⵔⵉⴹⴰⵜ ⵢⴻⵔⵣⴰⵏ ⴰⵃⵔⵉⵛ ⵏ ⵡⴰⵎⴰⵏ ⴷⴻⴳ ⵜⵡⵉⵍⴰⵢⵜ-ⴰⴳⵉ.
ⴰⴽⴽⴻⵏ ⵉ ⴷ-ⵢⴻⵏⵏⴰ ⵡⴰⵍⵖⵓ ⵏ ⵜⵏⴻⵖⵍⴰⴼⵜ, ⵜⵉⵎⵍⵉⵍⵉⵜ-ⴰⴳⵉ ⵉ ⴷ-ⵢⴻⵍⵍⴰⵏ ⵙ ⵓⵃⴰⴷⴰⵔ ⵏ ⵢⵉⵎⴻⵙⵜⴰⵏⴻⵏ ⵏ ⵓⵃⵔⵉⵛ, ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵡⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⴰⵖⵉⵍⵉⴼ ⵏ ⵢⵉⵎⴻⵣⴷⴰⵖ ⵏ ⵛⵛⵍⴻⴼ, ⵍⴰⴷⵯⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴼⵔⴰⵢ ⵏ ⵡⴰⵎⴰⵏ ⵏ ⵜⵉⵙⵙⵉⵜ ⵢⴻⵍⵀⴰⵏ.
ⴷⴻⴳ ⵜⵉⴳⵏⵉⵜ-ⴰⴳⵉ, ⴰⵏⵖⵍⴰⴼ ⵢⴻⵙⴼⴻⵔⵔⴻⵯ-ⴷ ⵜⴰⵖⴻⵔⵜ ⵏ ⵓⵃⵔⵉⵛ-ⵉⵙ ⵉ ⵢⴻⴱⵯⴰⵏ ⴰⴷ ⵜⴻⴹⵎⴻⵏ ⵢⴻⵔⵏⴰ ⴰⴷ ⵜⴻⵙⵙⴻⴳⴳⴻⵎ ⵍⴻⵇⴷⵉⵛ ⵏ ⵡⴰⵎⴰⵏ ⵏ ⵜⵉⵙⵙⵉⵜ. ⵢⴻⴱⵢⴻⵏ-ⴷ ⴷⴰⵖⴻⵏ ⵎⴰⵕⵕⴰ ⵉⵙⵓⵔⴰ ⴷ ⵢⵉⵍⵓⴳⴰⵏ ⵉ ⵜⴻⴳⴳⴰ ⵜⵏⴻⴱⴱⴰⴹⵜ ⵉ ⵡⴰⴽⴽⴻⵏ ⴰⴷ ⵢⵉⵍⵉ ⵡⴰⵎⴰⵏ ⴷⴻⴳ ⴽⵓⵍ ⴰⵅⴰⵎ.
ⵜⴰⴳⴳⴰⵔⴰ, ⴰⵏⵖⵍⴰⴼ ⵢⴻⴼⴽⴰ ⵜⵉⵏⴻⴹⴰⴼ (ⵉⵏⴻⴹⴰⴼ) ⵉ ⵢⵉⵅⴻⴷⴷⴰⵎⴻⵏ ⴷ ⵢⵉⵎⵙⴻⵍⵡⴰⵢⴻⵏ ⵏ ⵓⵃⵔⵉⵛ ⵉ ⵡⴰⴽⴽⴻⵏ ⴰⴷ ⵔⵔⴻⵏ ⵜⴰⵢⵏⵉⵜ ⵢⴻⵔⵏⴰ ⴰⴷ ⴼⵔⵓⵏ ⵍⴻⵄⵔⵉⴹⴰⵜ ⵉ ⴷ-ⵙⵙⴻⵔⵙⴻⵏ ⵢⵉⵎⴱⴻⵇⵇⴰⵙ-ⴰⴳⵉ ⵏ ⵛⵛⵍⴻⴼ.
ⴰⵔⵏⵓ ⵖⴻⵔ
