ⴷⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⵏⴻⵎⵖⵓⵔ ⴰⵏⴰⴼⴻⵍⵍⴰ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴰⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵙⵙ ⵏ ⵓⵙⴰⵎⴰⵙ, ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴷ-ⵢⴻⵍⵍⴰⵏ ⵉ ⵓⵙⵎⴰⵀⵉ ⵏ ⵢⵉⵏⴻⵙⴽⵉⵏⴻ ⵢⴻⵔⵣⴰⵏ ⵉⵙⴻⵖⵍⵉ ⴰⵖⴻⵍⵏⴰⵡ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ, ⴰⴹⴼⴰⵔ ⵏ ⵓⵙⵏⴰⵙ ⵏ ⵢⵉⵎⵜⴰⵡⴰⵢⴻⵏ ⵏ ⵓⵏⵎⵉⵔⴻⴳ ⴷ ⵏⵉⵊⵉⵔ ⴷ ⵞⴰⴷ, ⴰⵙⵏⴻⴳⵎⵓ ⵏ ⵓⵏⴻⴳⵏⴰⴹ ⵏ ⵜⴳⴻⵎⵎⴰ, ⴷ ⵓⵏⴻⵙⴽⵉⵏ ⵖⴻⴼ ⵜⵙⴻⵎⵀⵓⵢⵜ ⵜⴰⵎⴻⵔⵔⴰⵏⵜ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴷ ⵜⴰ ⵉ ⴷ ⵜⴰⵙⵓⵇⵇⵉⵍⵜ-ⵏⵏⴻⵙ ⵙⵖⵓⵔ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⴷⵣⴰⵢⴻⵔ:
« ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⵎⴰⴷⵊⵉⴷ ⵜⴻⴱⴱoⵓⵏⴻ, ⴰⵏⴻⵎⵖⵓⵔ ⵏ ⵢⵉⵖⴰⵍⵍⴻⵏ ⵓⵎⵔⵉⴳⴻⵏ, ⴰⵏⴻⵖⵍⴰⴼ ⵏ ⵓⵎⵣⴰⵖ ⴰⵖⴻⵍⵏⴰⵡ, ⴰⵙⵙ-ⴰ, ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴷ-ⵢⴻⵍⵍⴰⵏ ⵉ ⵓⵙⵎⴰⵀⵉ ⵏ ⵢⵉⵏⴻⵙⴽⵉⵏⴻⵏ ⵢⴻⵔⵣⴰⵏ ⵜⵉⵖⵓⵍⴰ ⵏ ⵡⴰⵎⵎⴰⴷ ⵏ ⵢⵉⵙⴻⵖⵍⵉ ⴰⵖⴻⵍⵏⴰⵡ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ, ⴰⴹⴼⴰⵔ ⵏ ⵓⵙⵏⴰⵙ ⵏ ⵢⵉⵎⵜⴰⵡⴰⵢⴻⵏ ⵏ ⵓⵏⵎⵉⵔⴻⴳ ⵢⴻⵜⵜⵡⴰⵣⴻⵎⵍⴻⵏ ⴷ ⵙⵏⴰⵜ ⵜⵎⵓⵔⴰ ⵜⵉⵢⵙⴻⵜⵎⴰⵜⵉⵏ ⵏ ⵏⵉⵊⵉⵔ ⴷ ⵞⴰⴷ, ⴰⵙⵏⴻⴳⵎⵓ ⵏ ⵓⵏⴻⴳⵏⴰⴹ ⵏ ⵜⴳⴻⵎⵎⴰ ⴷ ⵓⵏⴻⵙⴽⵉⵏ ⵖⴻⴼ ⵜⵙⴻⵎⵀⵓⵢⵜ ⵜⴰⵎⴻⵔⵔⴰⵏⵜ », ⵖⴻⴼ ⵡⴰⴽⴽⴻⵏ ⴷ-ⵢⴻⴱⴷⴻⵔ ⵓⵍⵖⵓ-ⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵖⵓⵍⴰ ⵏ ⵡⴰⵎⵎⴰⴷ ⵏ ⵢⵉⵙⴻⵖⵍⵉ ⴰⵖⴻⵍⵏⴰⵡ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ:
- ⵢⴻⵙⴱⴻⴹ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵎⴻⵏⴹⴰⵔ ⴰⴼⴻⵍⵍⴰⵢⴰⵏ ⵏ ⵡⴰⵢⵢⵓⵔ ⵉ ⵓⵙⴻⴹⵔⵓ ⵏ ⵓⵙⵎⴻⵙⵖⵓⵏⵉ ⴰⴳⵔⴻⴳⵣⵓⵎⴰⵏ ⵓⵎⵎⵉⴷ, ⴷ ⵡⵉⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⴰⵎⵎⴰⴷ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ ⵉ ⵓⴱⴰⵖⵓⵔ ⵏ ⵢⵉⵖⴻⵔⵎⴰⵏⴻⵏ.
- ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⴹⵓⵍⵍⵉⵜ ⵏ ⵓⵙⵉⵙⵍⴻⴳ ⵏ ⵡⵓⵙⵙⵉⵙⴻⵏ ⵉⵍⵎⴻⵏⴷ ⵏ ⵓⵛⴽⴰⴹ ⵏ ⵓⵙⵏⴻⴳⵎⵓ ⵏ ⵢⵉⵎⴻⵥⵍⴰ ⵓⵎⴹⵉⵏⴻⵏ, ⵍⴰⴷⵖⴰ ⵉⵎⵉ ⵉ ⴷ-ⵢⴻⵜⵜⵡⴰⴽⵍⴻⵙ ⵓⵏⴰⴼⴻⴳ ⴷ ⴰⵎⴻⵇⵇⵔⴰⵏ ⴷ ⵓⵎⵓⵔⴻⵙ ⵙⴻⴳ ⵡⴰⵙⵎⵉ ⵉ ⵢⵓⴷⴻⴼ ⴷⴻⴳ ⵓⵎⴻⵥⵍⵓ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵏⴻⴼⴽⵉⵢⵉⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴹⴼⴰⵔ ⵏ ⵓⵙⴻⵍⴽⴻⵎ ⵏ ⵢⵉⵎⵜⴰⵡⴰⵢⴻⵏ ⵏ ⵓⵏⵎⵉⵔⴻⴳ ⴰⵙⵉⵏⴷⵉⵙⴰⵏ ⵢⴻⵜⵜⵡⴰⵣⴻⵎⵍⴻⵏ ⴷ ⵙⵏⴰⵜ ⵏ ⵜⵎⵓⵔⴰ ⵜⵉⵢⵙⴻⵜⵎⴰⵜⵉⵏ ⵏ ⵏⵉⵊⵉⵔ ⴷ ⵞⴰⴷ:
- ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⵉⵅⵅⵓⵜⴻⵔⵜ ⵜⴰⵇⴻⵔⴹⴰⵍⵜ ⵉ ⵜⴻⴼⴽⴰ ⴷⵣⴰⵢⴻⵔ ⵉ ⵓⵙⵏⴻⴳⵎⵓ ⵏ ⵢⵉⵙⴻⵏⴼⴰⵔⴻⵏ ⵉⵖⴻⴼ ⴷ-ⵢⴻⵍⵍⴰ ⵓⵎⵜⴰⵡⴰ ⵡⴰⵔ ⵍⴻɛⴹⵉⵍ, ⵍⴰⴷⵖⴰ ⴷⴻⴳ ⵜⵖⵓⵍⵜ ⵏ ⵓⴼⴰⵔⴻⵙ ⵏ ⵜⴻⵥⵡⴻⵔⵜ ⵜⴰⵜⵔⵉⵙⴰⵏⵜ ⵉ ⵢⵉⵖⴻⵔⵎⴰⵏⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⵜⵉⵢⵙⴻⵜⵎⴰⵜⵉⵏ.
- ⵢⴻⵙⵙⴻⴷⴷⵉ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⵜⵓⵟⵟⴼⴰ ⴷⴻⴳ ⵡⴰⵢⴰ ⵜⴻⵍⵍⴰ-ⴷ ⵙⴻⴳ ⵜⵎⴻⵖⵙⵉⵡⵜ ⵜⵓⴱⵍⵉⴳⵜ ⵏ ⵓⵏⵎⵉⵔⴻⴳ ⵉ ⵓⵣⴻⴷⴷⵉ ⵏ ⵓⵣⴰⴷⵓⵔ ⴰⴷⴰⵎⵙⴰⵏ ⴷ ⵓⴳⴳⵉⵍ, ⴷ ⵡⵉⵏ ⴰⵔⴰ ⴷ-ⵢⴻⵙⵙⴻⴹⵔⵓⵏ ⵜⴰⴷⵉⵏⴰⵎⵉⵜ ⴷ ⵜⴰⴷⵓⵙⴰⵏⵜ ⵏ ⵓⵏⴻⴳⵎⵓ ⴷ ⵢⵉⵙⴼⵓⴽⵜⵉⵢⴻⵏ ⵉⴷⴻⵜⵜⴰⵏⴻⵏ ⵉⵍⵎⴻⵏⴷ ⵏ ⵜⵏⵓⴼⴰ ⵜⵓⴱⵍⵉⴳⵉⵏ ⵏ ⴷⵣⴰⵢⴻⵔ, ⵏⵉⵊⵉⵔ ⴷ ⵞⴰⴷ ⴷ ⵡⴰⴽⴽ ⵜⴰⵎⵏⴰⴹⵜ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵜ ⵏ ⵜⵎⵓⵖⵍⵉ ⴷ ⵜⴰⵏⵓⵎⵎⵉⴷⵜ.
- ⵢⴻⵙⵙⴻⵖⵍⴻⴼ ⵎⴰⵙⵙ ⴰⵙⴻⵍⵡⴰⵢ ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ, ⴰⴽⴽⴻⵏ ⴰⴷ ⵉⵙⵉⴳⴳ ⵖⴻⴼ ⵜⴻⵙⵎⵉⵍⵜ ⵜⴰⴳⵣⵓⵎⴰⵏⵜ ⴷ-ⵢⴻⵍⵀⴰⵏ ⵙ ⵓⴹⴼⴰⵔ, ⴷⴻⴳ ⵓⵏⵔⴰⵔ, ⵏ ⵡⴰⴷⴷⴰⴷ ⵏ ⵜⵡⴰⵥⵉⵜ ⵏ ⵓⵙⴻⴽⵎⴻⵎ ⵏ ⵢⵉⵙⴻⵏⴼⴰⵔⴻⵏ ⵢⴻⵎⴳⵉⵔⵔⴷⴻⵏ ⵏ ⵓⵏⵎⵉⵔⴻⴳ ⵉⵖⴻⴼ ⵎⵙⴻⴳⵣⴰⵏⵜ ⵜⵎⵓⵔⴰ-ⴰ ⵜⵉⵢⵙⴻⵜⵎⴰⵜⵉⵏ ⴷⴻⴳ ⵢⵉⵎⴻⵏⴹⴰⵔⴻⵏ ⴷ-ⵢⴻⵜⵜⵡⴰⵙⴻⴱⴹⴻⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵙⴽⵉⵏ ⵖⴻⴼ ⵜⵉⴽⴽⵉ ⵜⴰⵎⴻⵔⵔⴰⵏⵜ:
- ⵖⴻⴼ ⵍǧⴰⵍ ⵏ ⵜⵓⴼⴼⵍⵉⵡⵉⵏ ⵜⵉⵎⴻⵏⴷⴰⴳⵉⵏ ⵢⴻⵙⵙⴰⵡⴹⴻⵏ ⵖⴻⵔ ⵓⵣⴻⵍⴷⵉⵎ ⵏ ⵓⵇⴰⵔⵉⴹ ⴰⴷⵓⵙⴰⵏ ⵡⴰⵔ ⵎⴰ ⵙⴼⴰⵢⴷⵉⵏ-ⴷ ⵢⵉⵎⴷⴰⵏⴻⵏ ⵉ ⵜⴻⵔⵣⴰ ⵜⴻⵎⵙⴰⵍⵜ ⵙⴻⴳ ⵜⵓⴽⴽⵉ ⵜⴰⵎⴻⵔⵔⴰⵏⵜ, ⵢⴻⵜⵜⵡⴰⴷⴷⴻⵎ ⵓⵖⵜⴰⵙ, ⵎⴰⴽⵓⴷⵉ, ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⵓⵔⴻⴳ ⵜⵉⴽⴽⵉ-ⴰ ⵙ ⵜⴽⴰⵔⴹⴰ ⵜⴰⴱⴰⵏⴽⴰⵏⵜ ⵢⴻⵔⵏⵓ ⵎⴰⵛⵉ ⵙ ⵜⵉⵟⵟⴻⴼⵜ, ⴰⴽⴽⴻⵏ ⴰⴷ ⴼⴰⴽⴻⵏⵜ ⵜⵓⴼⴼⵍⵉⵡⵉⵏ-ⴰ ⴷ-ⵢⴻⵜⵜⵡⴰⴽⴻⵍⵙⴻⵏ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵙⴽⵉⵏ ⵏ ⵓⵙⵏⴻⴳⵎⵓ ⵏ ⵓⵏⴻⴳⵏⴰⴹ ⵏ ⵜⴳⴻⵎⵎⴰ:
- ⵢⵓⵎⴻⵍ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴽⴽ ⵜⵉⵙⴻⵏⵜⴰⵢⵉⵏ ⵉ ⵜⴳⴰ ⴷⵣⴰⵢⴻⵔ ⴷⴻⴳ ⵜⵖⵓⵍⵜ ⵏ ⵜⴳⴻⵎⵎⴰ, ⴷ ⵜⵉⴷ ⵉ ⵢⴻǧǧⴰⵏ ⵜⴰⵔⵎⵉⵜ ⵜⴰⴷⵣⴰⵢⵔⵉⵜ ⴰⴷ ⴷ-ⵜⵃⴻⵜⵜⴻⵎ ⵉⵎⴰⵏ-ⵏⵏⴻⵙ ⴷ ⵜⴰⵎⵓⴷⴻⵎⵜ ⵜⴰⴼⴻⵔⵔⴰⵙⵜ ⵢⴻⵔⵏⵓ ⴷ ⵜⴰⵜⵜⵡⴰⴼⵍⴰⵙⵜ ⵉ ⴷ-ⵉⵏⴻⵣⵖⴻⵏ ⴰⵏⴻⴽⵏⵉ ⴷ ⴰⵏⴻⵔⵏⴰⵢ ⵙⵖⵓⵔ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ.
- ⵢⵓⵎⴻⵕ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵙ ⵓⴽⴻⵎⵎⴻⵍ ⵏ ⵓⴷⵀⴰⵍ ⵏ ⵜⴷⵉⵏⴰⵎⵉⵜ-ⴰ ⵜⵓⵎⵏⵉⴳⵜ ⴷ ⵓⵎⵓⵔⴻⵙ ⴷ-ⵢⴻⵍⵍⴰⵏ ⴷⴻⴳ ⵜⵖⵓⵍⵜ-ⴰ ⵙ ⵓⵎⴰⵀⵉⵍ, ⴷⴻⴳ ⵢⵉⵎⴰⵍ, ⵉⵍⵎⴻⵏⴷ ⵏ ⵓⵙⴻⴷⵔⴻⵡ ⵏ ⵓⴳⵣⵓⵎ ⵓⵙⵍⵉⴳ ⴷⴻⴳ ⵓⵙⵉⴷⵔⴻⵎ ⵏ ⵢⵉⵙⴻⵏⴼⴰⵔⴻⵏ ⵏ ⵜⴳⴻⵎⵎⴰ, ⵍⴰⴷⵖⴰ ⴷⴻⴳ ⵜⵖⵓⵍⴰ ⵉⵖⴻⴼ ⵢⴻⵍⵍⴰ ⵡⴰⵟⴰⵙ ⵏ ⵓⵙⵓⵜⴻⵔ.
- ⵢⴻⵣⵣⵉⵔⴻⴳ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⵜⴰⵎⵓⴷⴻⵎⵜ ⵜⴰⴷⵣⴰⵢⵔⵉⵜ ⵏ ⵓⵙⴻⵖⵏⴻⵡ ⴷ ⵓⵙⵏⴻⴳⵎ ⵏ ⵜⴳⴻⵎⵎⴰ ⵢⴻⵏⵣⴻⵖ-ⴷ ⴰⵏⴻⴽⵏⵉ ⴰⴼⵔⵉⵇⵉ ⴷ ⵓⴳⵔⴰⵖⵍⴰⵏ, ⵉⵎⵉ ⴷ-ⵢⴻⵙⵍⵓⵍ ⵜⴰⴷⵉⵏⴰⵎⵉⵜ ⵜⴰⴷⴰⵎⵙⴰⵏⵜ ⵢⴻⵔⵏⵓ ⵢⴻⵃⵔⴻⵣ ⵜⴰⵏⴰⵢⴰ ⵜⴰⵙⴻⵎⴷⴰⵢⵜ ⵏ ⵜⵉⵍⵍⵓⵎⵥⴰ-ⵏⵏⴻⵖ ⴷ ⵜⴻⵕⵎⵉⵙⵉⵏ-ⵏⵏⴻⵙ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⴻⵎⵀⵓⵢⵜ ⵜⴰⵎⴻⵔⵔⴰⵏⵜ:
- ⵢⴻⵙⵙⴻⵖⵍⴻⴼ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵏⴻⵖⵍⴰⴼⵜ ⵏ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⴷ-ⵜⵣⴻⴷⴷⵉ ⴰⵖⴰⵡⴰⵙ ⵏ ⵜⵉⴳⴰⵡⵜ ⴷ ⵓⵎⵎⵉⴷ ⵢⴻⵔⵏⵓ ⴷ ⴰⵎⴻⵍⵍⵉⵍ ⵉⵍⵎⴻⵏⴷ ⵏ ⵓⵙⵏⴻⴳⵎⵓ ⵏ ⵜⵎⴻⵔⵔⵉⵜ ⵜⴰⴷⵣⴰⵢⵔⵉⵜ ⴷ ⵓⵙⵎⴰⵍ ⵏ ⵜⵎⴻⵔⵔⵉⵜ ⵜⴰⴳⴻⵏⵙⵉⵜ ⵉ ⵓⴱⴰⵖⵓⵔ ⵏ ⵜⵡⴰⵛⵓⵍⵜ ⵜⴰⴷⵣⴰⵢⵔⵉⵜ, ⵍⴰⴷⵖⴰ ⵜⴰⵎⴻⵔⵔⵉⵜ ⵜⴰⴼⴰⵢⴰⵏⵜ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⵖⴻⴼ ⵓⵙⵉⵍⴻⵖ ⴷ ⵓⵎⵓⵣⵣⴻⴳ ⴷⴻⴳ ⵜⵖⵓⵍⴰ ⵏ ⵜⵎⴻⵔⵔⵉⵜ, ⴰⵎⴰ ⴷ ⵜⴰⵎⴻⵔⵔⵉⵜ ⵜⴰⴼⴰⵢⴰⵏⵜ, ⴰⵎⴰ ⴷ ⵜⴰⵏⵉⵔⴰⵏⵜ ⵏⵉⵖ ⴷ ⵜⵉⵏ ⵏ ⵓⴷⵔⴰⵔ, ⵍⴰⴷⵖⴰ ⵉⵎⵉ ⴷⵣⴰⵢⴻⵔ ⵜⴻⵙⵏⴻⵙ, ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵎⴻⵏⵏⴰⵡ ⵏ ⵢⵉⵙⵉⴼⵙⴰⵙ, ⴳⴰⵔ-ⴰⵙⴻⵏ ⵜⵓⴽⵛⵉ ⵏ ⵜⵓⵥⵔⵉⵜ ⵎⵉ ⴰⵔⴰ ⴷ-ⵢⴰⵡⴻⴹ ⵓⵎⴻⵔⵔⴰⵢ ⵖⴻⵔ ⵢⵉⵏⴰⴼⴰⴳⴻⵏ ⵏ ⵓⵏⵥⵓⵍ ⵏ ⵜⵎⵓⵔⵜ ⵡⴰⵔ ⵓⵏⵊⵓⴳ.
- ⵉⵃⴻⵜⵜⴻⵜ-ⴷ ⴷⴰⵖ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵖⴻⴼ ⵜⴹⵓⵍⵍⵉⵜ ⵏ ⵡⴰⵎⵎⴰⴷ ⵏ ⵡⴰⴽⴽ ⵉⵏⴻⵣⵎⴰⵔⴻⵏ ⵉⵎⴻⵔⵔⴰⵏⴻⵏ ⵏ ⵜⵎⵓⵔⵜ-ⵏⵏⴻⵖ, ⵙ ⵓⵙⴻⵎⵢⵓⴷⴷⴻⵙ ⴷ ⵓⵏⵎⵉⵔⴻⴳ ⴰⵔⴰ ⵢⴰⵡⵙⴻⵏ ⴷⴻⴳ ⵓⵙⵎⴰⵍ ⵏ ⵜⵓⴳⵏⴰ ⵏ ⵜⴻⵏⴹⴰ ⴷ ⵜⴱⴰⵖⵓⵔⵜ ⵜⴰⵏⵖⴻⵔⵎⴰⵢⵜ ⴷ ⵜⴷⴻⵍⵙⴰⵏⵜ ⵏ ⴷⵣⴰⵢⴻⵔ.
- ⵢⴻⵙⵙⴻⵖⵍⴻⴼ ⴷⴰⵖ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵉⵡⴻⵔⴷⴰⵏⵉⵢⴻⵏ, ⴷ ⵡⵉⴷ ⵏ ⵓⴳⴻⵏⵙⵓ ⴷ ⵡⴰⴷⴷⴰⵍ, ⴰⴽⴽⴻⵏ ⴰⴷ ⴷ-ⵙⵎⵓⵜⴳⴻⵏ ⴰⵣⵎⴰⵍ ⵏ ⵓⵎⵜⴰⵡⴰ ⵏ ⵓⵙⵉⴽⵏⴻⵡ ⵏ ⵜⴻⵎⴷⵉⵏⵉⵏ ⵏ ⵜⵉⵒⴰⵣⴰ ⴷ ⴽⴰⵏⵙⴰⵙ ⵛⵉⵜⵢ (ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ) ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷ ⴰⴳⵓⴹⴰ ⵉ ⵓⵔⵎⴰⵙ ⴰⵣⴻⵇⵇⴰⵍ ⵉ ⵜⴻⵜⵜⵡⴰⵔⵎⴻⵙ ⵜⵎⴰⴳⵍⴰ ⵜⵓⵏⵚⵉⴱⵜ ⵏ ⵢⵉⵎⴰⴽⴰⴷⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2026, ⵢⴻⵔⵏⵓ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵜⵉⵅⵅⵓⵜⴻⵔⵜ ⵏ ⵡⴰⵙⵙⴰⵖⴻⵏ ⴳⴰⵔ ⴷⵣⴰⵢⴻⵔ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ.
ⴰⵔⵏⵓ ⵖⴻⵔ
