ⵡⴰⵍⵉ ⵏ ⵓⴷⴼⴻⵍ ⵖⴻⴼ ⵢⵉⴷⵓⵔⴰⵔ ⵉ ⵢⴻⵍⵍⴰⵏ ⵏⵏⵉⴳ 1200 ⵏ ⵍⵎⵉⵜⵔⴰⵜ ⴷⴻⴳ ⵡⴰⵟⴰⵙ ⵏ ⵍⵡⵉⵍⴰⵢⴰⵜ ⵏ ⵜⵎⵓⵔⵜ, ⵎⴰ ⴷ ⵜⵉⵢⴰⴹ ⴰⴷ ⵣⴻⵔⵔⴻⵏⵜ ⴰⴳⴻⴼⴼⵓⵔ ⴷ ⵔⵔⴰⵄⴻⴷ, ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵓⵏⴻⴳⵣⵉⵣ (Météo) ⴷⴻⴳ ⵡⴰⵍⵖⵓ ⵓⵙⵍⵉⴳ.
ⴰⵍⵖⵓ-ⴰⴳⵉ ⵢⴻⵜⵜⵡⴰⵄⴻⵣⵍⴻⵏ ⴷⴻⴳ ⵓⵙⵡⵉⵔ ⵏ ⵍⵃⵉⴷⴻⵔ "ⴰⵞⵉⵏⵉ" (Orange), ⵢⴻⵄⵏⴰ ⵍⵡⵉⵍⴰⵢⴰⵜ ⵏ ⵏⵏⴰⵄⴰⵎⴰ, ⴰⵏⵥⵓⵍ ⵏ ⵜⵍⴻⵎⵙⴻⵏ ⴷ ⵓⴳⴰⴼⴰ ⵏ ⴱⴻⵛⴰⵔ. ⴰⴷ ⴷ-ⵢⴰⵍⵉ ⵓⴷⴼⴻⵍ ⵖⴻⴼ ⵢⵉⵇⵉⵛⴰⵛ ⵏⵏⵉⴳ 1200 ⵏ ⵍⵎⵉⵜⵔⴰⵜ ⵙⴻⴳ ⵡⴰⵙⵙ-ⴰ ⵏ ⵍⵃⴻⴷ ⴰⴼ ⵜⵜⴻⵙⵄⴰ (13:00) ⵏ ⵜⵎⴻⴷⴷⵉⵜ ⴰⵔⵎⵉ ⴷ ⴰⵣⴻⴽⴽⴰ ⵏ ⵍⴻⵜⵏⴻⵢⵢⴻⵏ ⴰⴼ ⵍⵡⴻⵃⴷⴰ (01:00) ⵏ ⵚⵚⴱⴻⵃ. ⵜⵓⴷⵔⴻⵜ ⵏ ⵓⴷⴼⴻⵍ ⴰⴷ ⵜⵉⵍⵉ ⴳⴰⵔ 5 ⴷ 10 ⵏ ⵢⵉ-ⵙⴰⵏⵜⵉⵎⵉⵜⵔⴻⵏ.
ⴰⵍⵖⵓ-ⴰⴳⵉ ⵢⴻⵄⵏⴰ ⴷⵉⵖⴻⵏ ⵍⵡⵉⵍⴰⵢⴰⵜ ⵏ ⴱⴻⵛⴰⵔ, ⵏⵏⴰⵄⴰⵎⴰ, ⵍⴱⴰⵢⴻⴹ ⴷ ⵓⴳⴰⴼⴰ ⵏ ⴱⵏⵉ ⵄⴻⴱⴱⴰⵙ, ⴰⵏⴷⴰ ⴰⴷ ⴷ-ⵢⴰⵍⵉ ⵓⴳⴻⴼⴼⵓⵔ ⵜⵉⴽⵡⴰⵍ ⴷ ⵔⵔⴰⵄⴻⴷ ⵢⴻⵔⵏⴰ ⵢⴻⴷⴷⴰ-ⴷ ⵢⵉⴷ-ⴻⵙ ⵓⴱⵔⵓⵔⵉ, ⵙⴻⴳ ⵜⵉⵣⵉ ⵏ ⵡⴰⵙⵙ ⵏ ⵍⵃⴻⴷ ⴰⵔⵎⵉ ⴷ ⵜⵜⴻⵙⵄⴰ (22:00) ⵏ ⵢⵉⴹ ⵏ ⵡⴰⵙⵙ-ⵏⵏⵉ. ⴰⵣⴰⵍ ⵏ ⵡⴰⵎⴰⵏ ⵏ ⵓⴳⴻⴼⴼⵓⵔ ⴰⴷ ⵢⵉⵍⵉ ⴳⴰⵔ 20 ⴷ 40 ⵏ ⵢⵉⵎⵉⵍⵍⵉⵎⵉⵜⵔⴻⵏ.
