ⵍⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴱⴻⵔⵔⴻⵃ-ⴷ ⵡⴰⵎⴰⵙⵏⵉ ⵏ ⵜⵙⵏⵉⴳⵏⵓⵜ , ⴰⵙⵙ-ⴰ ⵏ ⵍⴰⵔⴱⵄⴰ, ⴱⴻⵍⵍⵉ ⴰⴷ ⴷ-ⵢⵉⵍⵉ ⵡⴰⴹⵓ ⵉⵊⴻⵀⴷⴻⵏ ⴰⵟⴰⵙ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ. ⵜⴰⵣⵣⵍⴰ ⵏ ⵡⴰⴹⵓ-ⴰⴳⵉ ⴰⴷ ⵜⴻⴳⴳⴻⵔ 90 ⴽⵉⵍⵓⵎⵉⵜⵔ ⴷⴻⴳ ⵜⵙⵔⴰⴳⵜ ⵢⴻⵔⵏⴰ ⴰⴷ ⵢⵉⵍⵉ ⴷ ⵜⵉⵙⵓⴹⵉⵡⵉⵏ ⵉⵊⴻⵀⴷⴻⵏ.
ⴰⵍⵖⵓ-ⴰⴳⵉ, ⵉ ⵢⴻⵍⵍⴰⵏ ⴷⴻⴳ ⵜⵙⴻⴷⴷⴰⵔⵜ "ⵜⴰⴱⵓⵔⵜⵓⵖⴰⵍⵜ" ⵏ ⵓⵃⴰⴷⴰⵔ, ⵢⴻⵔⵣⴰ ⴷⵉ ⵜⵣⵡⴰⵔⴰ ⵜⵉⵡⵉⵍⴰⵢⵉⵏ ⵏ ⵓⵜⵔⴰⵎ (ⵍⵖⴻⵔⴱ): ⵜⵍⴻⵎⵙⴰⵏ, ⵄⵉⵏ ⵜⵎⵓⵛⴻⵏⵜ, ⵡⴻⵀⵔⴰⵏ, ⵎⵓⵙⵜⴰⵖⴰⵏⴻⵎ ⴷ ⵛⵛⵍⴻⴼ. ⵜⴰⵣⵣⵍⴰ ⵏ ⵡⴰⴹⵓ ⴰⴷ ⵜⵉⵍⵉ ⴳⴰⵔ 60 ⴷ 70 ⴽⵉⵍⵓⵎⵉⵜⵔ, ⵢⴻⵣⵎⴻⵔ ⴰⴷ ⵜⴰⵡⴻⴹ ⴰⵍⴰⵎⵎⴰ 80 ⴽⵉⵍⵓⵎⵉⵜⵔ. ⴰⴹⵓ-ⴰⴳⵉ ⴰⴷ ⴷ-ⵢⴻⴽⴽ ⵙⴻⴳ ⵓⵜⵔⴰⵎ ⵢⴻⵔⵏⴰ ⴰⴷ ⵢⴻⴱⴷⵓ ⴰⵙⵙ-ⴰ ⵏ ⵍⴰⵔⴱⵄⴰ ⵖⴻⴼ ⵜⵎⴻⵔⵡⴰⵢⵜ ⴷ ⵢⵉⵡⴻⵜ (21:00) ⵏ ⵢⵉⴹ ⴰⵍⴰⵎⵎⴰ ⴷ ⴰⵣⴻⴽⴽⴰ ⵏ ⵍⴽⴻⵎⵉⵙ ⵖⴻⴼ ⵜⵥⴰ (09:00) ⵏ ⵜⵚⴻⴱⵃⵉⵜ.
ⴰⴽⴽⴻⵏ ⴷⴰⵖⴻⵏ, ⴰⵍⵖⵓ-ⴰⴳⵉ ⵢⴻⵔⵣⴰ ⵜⵉⵡⵉⵍⴰⵢⵉⵏ ⵏ: ⴱⴳⴰⵢⴻⵜ, ⵊⵉⵊⴻⵍ, ⵙⴽⵉⴽⴷⴰ, ⵄⴻⵏⵏⴰⴱⴰ, ⵟⵟⴰⵔⴼ, ⵜⵢⴰⵔⵜ, ⵍⴱⴰⵢⴻⴹ, ⵍⴰⵖⵡⴰⵟ, ⵍⵊⴻⵍⴼⴰ, ⵎⵙⵉⵍⴰ, ⵡⵍⴰⴷ ⵊⴻⵍⵍⴰⵍ ⴷ ⴱⵙⴻⴽⵔⴰ. ⴰⴹⵓ ⴷⴻⴳ ⵜⵎⴻⵏⵏⴰⴹⵉⵏ-ⴰⴳⵉ ⴰⴷ ⵢⴻⴱⴷⵓ ⴰⵣⴻⴽⴽⴰ ⵏ ⵍⴽⴻⵎⵉⵙ ⵙⴻⴳ ⵚⴹⵉⵚⵜ (06:00) ⵏ ⵜⵚⴻⴱⵃⵉⵜ ⴰⵍⴰⵎⵎⴰ ⴷ ⵜⵎⴻⵔⵡⴰⵢⵜ ⴷ ⵢⵉⵡⴻⵜ (21:00) ⵏ ⵢⵉⴹ. ⵜⴰⵣⵣⵍⴰ ⵏ ⵡⴰⴹⵓ ⴰⴷ ⵜⴰⵡⴻⴹ ⴰⵍⴰⵎⵎⴰ 90 ⴽⵉⵍⵓⵎⵉⵜⵔ ⵢⴻⵔⵏⴰ ⴰⴷ ⴷ-ⵢⴻⴳ ⴰⵙⴻⵎⵎⴻⴳⴳⵓ ⵏ ⵜⵎⴰⵍ ⴷⴻⴳ ⵡⴰⵣⴰⵖⴻⵏ ⵓⵏⵏⵉⴳⴻⵏ.
ⴷⴻⴳ ⵜⵡⵉⵍⴰⵢⵉⵏ ⵏ ⵡⴰⵎⵎⴰⵙ ⴷ ⵓⴳⵎⵓⴹ: ⵜⵉⴱⴰⵣⴰ, ⵍⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⵓⵎⴻⵔⴷⴰⵙ, ⵜⵉⵣⵉ ⵡⴻⵣⵣⵓ, ⵍⴱⵍⵉⴷⴰ, ⵜⵓⴱⵉⵔⵜ, ⴱⵓⵔⵊ ⴱⵓⵄⵔⵉⵔⵉⵊ, ⵙⵟⵉⴼ, ⵎⵉⵍⴰ, ⵇⵙⴻⵏⵟⵉⵏⴰ, ⵇⴰⵍⵎⴰ, ⵙⵓⵇ ⴰⵀⵔⴰⵙ, ⵓⵎ ⵍⴱⵡⴰⵖⵉ, ⴱⴰⵜⵏⴰ, ⵅⴻⵏⵛⵍⴰ ⴷ ⵜⴱⴻⵙⵙⴰ, ⵖⴻⵔ ⵜⴰⵎⴰ ⵏ ⵍⵎⵖⴰⵢⴻⵔ, ⵜⵓⵇⵓⵔⵜ, ⵍⵡⴰⴷ, ⵖⴰⵔⴷⴰⵢⴰ ⴷ ⵡⴰⵔⴳⵍⴰ, ⴰⴹⵓ ⴰⴷ ⵢⴻⵡⴻⵜ ⴰⵣⴻⴽⴽⴰ ⵏ ⵍⴽⴻⵎⵉⵙ ⵙⴻⴳ ⵜⵥⴰ (09:00) ⵏ ⵜⵚⴻⴱⵃⵉⵜ ⴰⵍⴰⵎⵎⴰ ⴷ ⵜⵎⴻⵔⵡⴰⵢⵜ ⴷ ⵜⵜⴰⵎ (18:00) ⵏ ⵜⵎⴻⴷⴷⵉⵜ. ⵜⴰⵣⵣⵍⴰ ⵏ ⵡⴰⴹⵓ ⴰⴷ ⵜⵉⵍⵉ ⴳⴰⵔ 60 ⴷ 70 ⴽⵉⵍⵓⵎⵉⵜⵔ ⵢⴻⵔⵏⴰ ⴰⴷ ⴷ-ⵢⴰⵡⵉ ⴰⵟⴰⵙ ⵏ ⵜⵎⴰⵍ (ⵔⵔⵎⴻⵍ) ⴷⴻⴳ ⵓⴳⴰⴼⴰ ⵏ ⵜⵚⴻⵃⵔⴰ.
ⵜⴰⴳⴳⴰⵔⴰ, ⴰⵎⴰⵙⵏⵉ ⵏ ⵜⵙⵏⵉⴳⵏⵓⵜ ⵢⴻⵙⵙⴻⴽⵜⴰ-ⴷ ⵉⵎⴻⵣⴷⴰⵖ ⴰⴽⴽⴻⵏ ⴰⴷ ⵃⴰⴷⵔⴻⵏ ⵉⵎⴰⵏ-ⵏⵙⴻⵏ ⵢⴻⵔⵏⴰ ⴰⴷ ⵅⴹⵓⵏ ⵉ ⵢⵉⵎⵉⵞⵉⵢⴻⵏ ⵏ ⵡⴰⴹⵓ ⵉⵊⴻⵀⴷⴻⵏ ⵢⴻⵣⵎⴻⵔ ⴰⴷ ⵢⴻⴳ ⵛⵛⵡⴰⵍ ⴷⴻⴳ ⵜⵎⵓⵖⵍⵉ ⴷ ⵡⴰⵙⵙⴰⵢ.
ⴰⵔⵏⵓ ⵖⴻⵔ
