ⵢⴻⴱⴷⴰ ⵓⵎⴰⵔⴰ ⴰⵎⴰⵜⵓ ⵏ ⵜⴷⵓⴽⵍⵉ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⵉ ⴷ-ⵉⵙⵓⴼⴼⵓⵖⴻⵏ ⵍⴱⵉⵜⵔⵓⵍ ⵎⴰⵙⵙ ⴼⴰⵔⵉⴷ ⵖⴻⵣⴰⵍⵉ, ⵢⵉⵡⴻⵏ ⵏ ⵓⵔⵣⴰⴼ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ. ⵡⴰⴳⵉ ⵢⴻⵜⵜⴻⴽⴽⴰ ⴷⴻⴳ ⵓⵙⴰⵜⴰⵍ ⵏ ⵓⴷⵔⴰⵡ-ⵉⵙ ⴷⴻⴳ ⵜⴰⵙⵎⵍⵉⵍⵜ ⵜⵉⵙ ⵎⵔⴰⵡ (8) ⵏ ⵜⴷⵓⴽⵍⵉ ⵜⴰⵣⵣⴰⵢⵔⵉⵜ ⵏ ⵜⵎⴻⴳⵓⵕⵉ ⵏ ⵍⴳⴰⵣ "AIG", ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ 30 ⴷ 31 ⵎⴰⵔⴻⵙ 2026 ⴷⵉ ⵡⴰⵎⵎⴰⵙ ⵏ ⵜⵉⵎⵓⵖⵍⵉⵡⵉⵏ "ⵎⵓⵃⴻⵎⵎⴻⴷ ⴱⴻⵏ ⴰⵃⵎⴻⴷ" ⴷⵉ ⵡⴻⵀⵔⴰⵏ.
ⴰⴽⴽⴻⵏ ⵉ ⴷ-ⵢⵓⵙⴰ ⴷⴻⴳ ⵓⵍⵖⵓ ⵏ ⵜⵏⴻⵖⵍⴰⴼⵜ ⵏ ⵍⵎⴰⵏⴰⵊⵉⵎ ⴷ ⵍMAⵃⵔⵓⵇⴰⵜ, ⴰⵙⵙ-ⴰ ⵏ ⵍⵃⴻⴷⴷ, ⵎⴰⵙⵙ ⴼⴰⵔⵉⴷ ⵖⴻⵣⴰⵍⵉ ⴰⴷ ⵢⴻⴷⵔⵓ ⴰⵎ ⵓⵎⵎⴻⵙⵍⴰⵢ ⴰⵙⵜⵔⴰⵜⵉⵊⵉ ⴰⵎⴻⵇⵔⴰⵏ. ⴰⴷ ⵢⴻⴼⴽ ⵢⵉⵡⴻⵏ ⵏ ⵓⵎⴻⵙⵍⴰⵢ ⵖⴻⴼ ⵓⵙⴻⵏⵜⴻⵍ: "ⵍⴳⴰⵣ ⴰⴳⴰⵎⴰⵏ ⴷⴻⴳ ⵓⵇⴻⴷⴷⵉⵛ ⵏ ⵜⴻⴼⵔⵉⵇⵜ: ⵜⴰⵎⴰⵏⴻⴳⵜ ⵏ ⵜⴰⵥⴻⵔⵜ, ⴰⵙⴻⵏⵎⴻⴳⵓⵕ ⴷ ⵓⵎⵢⴰⵍⵍⴻⵍ ⴰⴼⵔⵉⵇⵉ, ⵜⴰⴷⵓⴽⵍⵉ ⵏ ⵜⵎⵓⵔⴰ ⵏ ⵜⴻⴼⵔⵉⵇⵜ ⵉ ⴷ-ⵉⵙⵓⴼⴼⵓⵖⴻⵏ ⵍⴱⵉⵜⵔⵓⵍ ⴰⵎ ⵓⵙⵎⵓⵙⵙⵓ ".
ⴰⴷⵔⴰⵡ-ⴰⴳⵉ ⵢⴻⵜⵜⴻⴽⴽⴰ ⴷⴻⴳ ⵓⵙⴻⵊⵀⴻⴷ ⵏ ⵜⵉⵎⵙⵉⵡⵍⵉⵏ ⵜⵉⵙⵜⵔⴰⵜⵉⵊⵉⵢⵉⵏ ⵖⴻⴼ ⵡⴰⵣⴰⵍ ⵏ ⵍⴳⴰⵣ ⴰⴳⴰⵎⴰⵏ ⴷⴻⴳ ⵓⵙⴻⴷⵍⴻⵍ ⵏ ⵜⴻⵏⴻⴼⵍⵉⵜ ⴷⵉ ⵜⴻⵎⵏⴰⴹⵜ ⵜⴰⴼⵔⵉⵇⵉⵜ. ⴰⴽⴽⴻⵏ ⴷⴰⵖⴻⵏ ⴰⴷ ⵢⴻⵙⵙⴻⵎⵖⴻⵔ ⴰⵎⵢⴰⵍⵍⴻⵍ ⴳⴰⵔ ⵜⵎⵓⵔⴰ ⵏ ⵜⴻⴼⵔⵉⵇⵜ ⵉ ⴷ-ⵉⵙⵓⴼⴼⵓⵖⴻⵏ ⵍⵎⴰⵃⵔⵓⵇⴰⵜ, ⵉⵡⴰⴽⴽⴻⵏ ⴰⴷ ⵜⴻⵜⵜⵡⴰⵙⴽⴻⴼⵍ ⵜⵎⴰⵏⴻⴳⵜ ⵏ ⵜⴰⵥⴻⵔⵜ ⴷ ⵓⵙⴻⵎⵖⴻⵔ ⵏ ⵓⵙⴻⵏⵎⴻⴳⵓⵕ ⴷ ⵓⵎⵢⴰⴳⴳⴻⵢ ⴰⴼⵔⵉⵇⵉ.
ⴰⵔⵏⵓ ⵖⴻⵔ
