ⵉⵙⵙⴻⴽⵏⴻⴷ ⵓⵎⴰⵣⴰⵏ ⵡⵉⵙ ⵙⵉⵏ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰⴽ ⴰⵎⴰⵔⵉⴽⴰⵏⵉ, ⵎⴰⵙⵙ ⵛⵀⵔⵉⵙⵜⵓⵒⵀⴻⵔ ⵍⴰⵏⴷⴰⵓ, ⴰⵙⵙ-ⴰ ⵏ ⵜⵜⵍⴰⵜⴰ, ⵍⴻⴱⵖⵉ ⵏ ⵜⵎⵓⵔⵜ-ⵉⵙ ⵉ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵎⵣⴻⵏⵣⴰⵢⴻⵏ ⴷ ⵍⴻⵣⵣⴰⵢⴻⵔ, ⴰⵎ ⴰⴽⴽⴻⵏ ⵉ ⴷ-ⵢⴻⵙⵙⵓⵜⵜⴻⵔ ⴰⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ.
ⴷⴻⴳ ⵢⵉⵡⴻⵜ ⵏ ⵜⵎⴻⵙⵍⴰⵢⵜ ⵉ ⵢⴻⵅⴷⴻⵎ ⵉ ⵜⵏⴻⵖⵎⴰⵙⵜ, ⵙⴻⵍⴷ ⵎⵉ ⵜ-ⵉⵙⴻⵍⵍⴻⵎ — ⵢⴻⴷⴷⴰ ⴷ ⵓⵎⵖⴰⵔ ⵏ ⵓⵇⴻⵔⵔⵓ ⴰⵙⴻⵔⴷⴰⵙ ⴰⵎⴰⵔⵉⴽⴰⵏⵉ ⴷⴻⴳ ⵜⴻⴼⵔⵉⵇⵜ "AFRICOM", ⴰⵊⵉⵏⵉⵔⴰⵍ ⴷⴰⴳⵠⵉⵏ ⴰⵏⴷⴻⵔⵙⵓⵏ, ⴷ ⵜⴰⵔⴱⴰⵄⵜ ⵉ ⵜⴻⵏ-ⵉⴷ-ⵉⵎⵓⵏⵏⴻⵏ — ⵙ ⵜⴰⵎⴰ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⵄⴻⴱⴷⴻⵍⵎⴰⴶⵉⴷ ⵜⴻⴱⴱⵓⵏ, ⵎⴰⵙⵙ ⵍⴰⵏⴷⴰⵓ ⵢⴻⵏⵏⴰ-ⴷ: "ⴷ ⵍⵀⵉⴱⴰ ⵜⴰⵎⴻⵇⵇⵔⴰⵏⵜ ⵉ ⵢⵉ-ⴷ-ⵜⴻⵜⵜⵓⵏⴻⴼⴽⴻⵏ ⵉⵡⴰⴽⴽⴻⵏ ⴰⴷ ⵙⴱⴻⴷⴷⴻⵖ ⴷⴰⴳⵉ ⵙ ⵜⴰⵎⴰ ⵏ ⵓⵎⵖⴰⵔ ⵏ ⴰⴼⵔⵉⵛⵓⵎ. ⵉⵎⴻⵙⵍⴰⵢⴻⵏ ⵉ ⵏⴻⵅⴷⴻⵎ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵍⵍⴰⵏ ⴷ ⵡⵉⴷ ⵉⴼⴰⵣⴻⵏ ⵢⴻⵔⵏⴰ ⵞⵞⵓⵔⴻⵏ ⴷ ⵜⵎⵓⵖⵍⵉⵡⵉⵏ ⵏ ⵏⴼⴰⵄ". ⵢⴻⵔⵏⴰ-ⴷ ⵢⴻⵏⵏⴰ: "ⵏⴻⵙⵙⴻⴼⵕⴻⵃ ⵙ ⵍⴶⴻⵀⴷ ⵉⵎⵉ ⵉ ⴰⵖ-ⵉⵙⴻⵍⵍⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵓ ⵏⴼⴻⵔⵔⴻⵃ ⴰⵟⴰⵙ ⵉⵎⵉ ⵉ ⵏⴻⵍⵍⴰ ⴷⴰⴳⵉ ⴷⴻⴳ ⵍⴻⵣⵣⴰⵢⴻⵔ".
ⵉⴽⴻⵎⵎⴻⵍ ⴷⴻⴳ ⵜⵎⴻⵙⵍⴰⵢⵜ-ⵉⵙ: "ⴷ ⵜⵉⵔⵣⵉ-ⵏⵏⴻⵖ ⵜⴰⵎⴻⵏⵣⵡⵓⵜ ⵖⴻⵔ ⵜⵎⵓⵔⵜ-ⴰⴳⵉ, ⵢⴻⵔⵏⴰ ⵏⴻⵄⴶⴻⴱ ⵙ ⵍⴶⴻⵀⴷ ⵙ ⵍⴽⴻⵔⵎⴰ ⵏ ⵓⵎⵎⴰⴳⴻⵔ ⴷ ⵜⴼⵓⵍⴽⵉⵜ ⵏ ⵜⵎⵓⵔⵜ-ⵏⵡⴻⵏ".
ⵉⵙⵙⴻⴽⵏⴻⴷ ⴷⴻⴳ ⵜⴰⵍⵍⵉⵜ-ⴰⴳⵉ ⴱⴻⵍⵍⵉ ⵡⴰⵙⵙⴰⵖⴻⵏ ⴳⴰⵔ ⵉⵡⵓⵏⴰⴽ ⵢⴻⴷⴷⵓⴽⴽⵍⴻⵏ ⵏ ⵎⴰⵔⵉⴽⴰⵏ ⴷ ⵍⴻⵣⵣⴰⵢⴻⵔ "ⵍⵇⴰⵢ ⵙ ⵍⴶⴻⵀⴷ", ⵉⵙⵎⴻⴽⵜⵉ-ⴷ ⴱⴻⵍⵍⵉ ⵣⵣⵉⵏ ⵖⴻⵔ ⵓⵙⴻⵎⵔⴻⵙ ⵏ 1795 ⴰⵙⵎⵉ ⵉ ⵢⴻⵙⵜⴻⵏⵢⴰ ⴶⴻⵓⵔⴶⴻ ⵡⴰⵙⵀⵉⵏⴳⵜⵓⵏ ⴷ ⴷⴻⵢ ⵃⴰⵙⴰⵏ ⴱⴰⵛⴰ ⴰⵎⵜⴰⵡⴰ ⵏ ⵍⴻⵀⵏⴰ ⴷ ⵜⴷⵓⴽⵍⵉ. ⵢⴻⵔⵏⴰ-ⴷ: "ⴱⵉⵍⵍⴰ ⵏⴻⵙⵙⴼⴻⴳⴳⴻⵔ ⵓⵙⴻⵎⵔⴻⵙ-ⴰⴳⵉ ⴰⵎⵓⵍⵍⵉ ⵡⵉⵙ 250 ⵏ ⵓⵣⴰⵔⵓⴳ ⵏ ⵜⵎⵓⵔⵜ-ⵏⵏⴻⵖ, ⵏⴻⵟⵎⴻⴽⵜⵉ-ⴷ ⴱⴻⵍⵍⵉ ⵍⴻⵣⵣⴰⵢⴻⵔ ⵜⴻⵍⵍⴰ ⴷⴻⴳ ⵜⵎⵓⵔⴰ ⵜⵉⵎⴻⵏⵣⵓⵜⵉⵏ ⵉ ⵢⴻⵙⴱⴻⴷⴷⴻⵏ ⵡⴰⵙⵙⴰⵖⴻⵏ ⵏ ⵜⴷⵉⵒⵍⵓⵎⴰⵙⵉⵜ ⴷ ⵎⴰⵔⵉⴽⴰⵏ ⴷⴻⴳ ⵜⴰⵍⵍⵉⵜ-ⵏⵏⵉ, ⴰⵎ ⴰⴽⴽⴻⵏ ⵉ ⵜⴻⵍⵍⴰ ⵎⴰⵔⵉⴽⴰⵏ ⴷⴻⴳ ⵜⵎⵓⵔⴰ ⵜⵉⵎⴻⵏⵣⵓⵜⵉⵏ ⵉ ⵢⴻⵙⴱⴻⴷⴷⴻⵏ ⵡⴰⵙⵙⴰⵖⴻⵏ ⴷ ⵓⵡⴰⵏⴰⴽ ⴰⵣⵣⴰⵢⵔⵉ ⵙⴻⵍⴷ ⴰⵣⴰⵔⵓⴳ-ⵉⵙ ⴷⴻⴳ 1962".
ⵖⴻⴼ ⵡⴰⵢⴻⵏ ⵢⴻⵄⵏⴰⵏ ⴰⵎⵢⴻⵛⵛⴻⵔ ⴰⵎⴻⵣⴷⴰⵢ, ⵓⵎⴰⵣⴰⵏ ⴰⵎⴰⵔⵉⴽⴰⵏⵉ ⵢⴻⵏⵏⴰ-ⴷ: "ⵏⴻⴽⵏⵉ ⴰⵙⵙ-ⴰ ⵣⴷⴰⵜ ⵏ ⵢⵉⵡⴻⵜ ⵏ ⵜⴰⵍⵍⵉⵜ ⵉⵕⴻⵙⵙⴰⵏ, ⴰⵏⵉⴷⴰ ⵙⴻⵍⴷ ⵢⵉⵙⴻⴳⴳⴰⵙⴻⵏ-ⴰⴳⵉ ⵏ ⵓⵣⴰⵔⵓⴳ ⵏ ⵍⴻⵣⵣⴰⵢⴻⵔ, ⵏⴻⵣⵎⴻⵔ ⴰⴷ ⵏⴻⵙⵙⴰⵔⴻⵎ ⵖⴻⵔ ⵜⵣⴻⵎⵎⴰⵔ ⵜⴰⵎⴻⵇⵇⵔⴰⵏⵉⵏ ⴰⵔⴰ ⴷ-ⵢⴻⴳⵍⵓⵏ ⵙ ⵏⴼⴰⵄ ⵉ ⵢⵉⴳⵓⵔⴻⴼ ⴰⵣⵣⴰⵢⵔⵉ ⴷ ⵓⵎⴰⵔⵉⴽⴰⵏⵉ ⵙ ⵓⵙⴻⴶⵀⴻⴷ ⵏ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵎⵣⴻⵏⵣⴰⵢⴻⵏ".
ⴷⴻⴳ ⵓⵏⵏⴰⵔ-ⴰⴳⵉ ⴷⴰⵖⴻⵏ, ⵎⴰⵙⵙ ⵍⴰⵏⴷⴰⵓ ⵉⵙⵙⴻⴽⵏⴻⴷ ⴱⴻⵍⵍⵉ ⵍⵍⴰⵏ-ⴷ "ⵢⵉⵏⵏⴰⵔⴻⵏ ⵉⵕⴻⵙⵙⴰⵏⴻⵏ ⵉ ⵓⵎⵢⴻⵛⵛⴻⵔ ⴷⴻⴳ ⵓⵏⵏⴰⵔ ⵏ ⵜⵎⴰⵏⴻⴳⵜ ⵉⵡⴰⴽⴽⴻⵏ ⴰⴷ ⵏⵎⴰⴳⴳⴻⵔ ⵢⴰⴽⴽ ⵢⵉⴽⴰⵢⴰⴷⴻⵏ ⴷⴻⴳ ⵜⴻⵎⵏⴰⵟ ⵏ ⵙⴰⵃⴻⵍ, ⵙ ⵓⵏⴰⴷⵉ ⵏ ⵓⴼⵔⵓⵔⴻⵢ ⵏ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙⴻⵍⴷ ⵓⴳⴰⵔ ⵏ 50 ⵏ ⵢⵉⵙⴻⴳⴳⴰⵙⴻⵏ".
ⵎⴰⵙⵙ ⵍⴰⵏⴷⴰⵓ ⵉⵙⵙⴻⴳⵔⴰ-ⴷ ⵜⵎⴻⵙⵍⴰⵢⵜ-ⵉⵙ ⵙ ⵓⵙⴻⴽⵏⴻⴷ ⴱⴻⵍⵍⵉ: "ⵜⴰⵍⵍⵉⵜ-ⴰⴳⵉ ⴷ ⵜⵉⵏ ⵉⵕⴻⵙⵙⴰⵏ ⵙ ⵍⴶⴻⵀⴷ ⴷⴻⴳ ⵡⴰⵙⵙⴰⵖⴻⵏ ⴳⴰⵔ ⵎⴰⵔⵉⴽⴰⵏ ⴷ ⵍⴻⵣⵣⴰⵢⴻⵔ. ⵙⵙⴰⵔⴰⵎⴻⵏ ⴱⴻⵍⵍⵉ ⵜⵙⵓⵜⵉⵡⵉⵏ ⵉ ⴷ-ⵉⵜⵜⴻⴷⴷⵓⵏ ⴰⴷ ⵡⴰⵍⵉⵏⵜ ⵜⴰⵍⵍⵉⵜ-ⴰⴳⵉ ⴰⵎ ⵓⴱⵔⵉⴷ ⵏ ⵓⴱⴻⴷⴷⴻⵍ ⵉⵕⴻⵙⵙⴰⵏ ⴳⴰⵔ ⵙⵏⴰⵜ ⵏ ⵜⵎⵓⵔⴰ ⵉⵎⴻⵇⵇⵔⴰⵏⴻⵏ". ⴷⴻⴳ ⵜⴰⴳⴳⴰⵔⴰ, ⵉⵙⵍⴻⵎ-ⴷ ⵙ ⵍⴽⴻⵔⵎⴰ ⵉ ⵓⵏⴰⴱⴰⴹ ⴷ ⵓⵖⵔⴻⴼ ⴰⵣⵣⴰⵢⵔⵉ.
ⴰⵔⵏⵓ ⵖⴻⵔ
