ⴰⵎⴻⵀⴻⵍ ⴰⵎⴰⵜⵓ ⵏ ⵍⴰⵎⴰⵏ ⴰⵖⴻⵍⵏⴰⵡ, ⵄⴰⵍⵉ ⴱⴰⴷⴰⵡⵉ, ⵢⴻⴱⴷⴰ ⵢⵉⵡⴻⵜ ⵏ ⵜⵉⵔⵉⵅⵜ ⵏ ⵓⵎⴰⵀⵉⵍ ⵖⴻⵔ ⵙⵡⵉⵙⵔⴰ ⴰⴽⴽⴻⴷ ⵢⵉⵎⴹⴻⴱⴱⵔⴻⵏ ⵓⵏⵏⵉⴳⴻⵏ, ⵉⵡⴰⴽⴽⴻⵏ ⴰⴷ ⵙⵙⴻⵊⵀⵉⴷⴻⵏ ⴰⵎⵢⴰⵡⴰⵙ ⴳⴰⵔ ⵍⴱⵓⵍⵉⵙ ⵏ ⵙⵏⴰⵜ ⵏ ⵜⵎⵓⵔⴰ, ⴰⴽⴽⴻⵏ ⵉ ⴷ-ⵢⴻⵏⵏⴰ ⵍⴱⴰⵢⴰⵏ ⵏ ⵢⵉⵖⴰⵍⵍⴻⵏ-ⴰⴳⵉ ⴰⵙⵙ ⵏ ⵓⵜⵍⴰⵜⴰ.
ⴷⴻⴳ ⵜⵎⴰⵏⴻⵖⵜ ⵏ ⴱⴻⵔⵏ, ⵄⴰⵍⵉ ⴱⴰⴷⴰⵡⵉ ⵢⴻⵎⵍⴰⵍ ⴰⴽⴽⴻⴷ ⵜⴻⵎⵀⴻⵍⵜ ⵜⴰⵎⴰⵜⵓⵜ ⵏ ⵍⴱⵓⵍⵉⵙ ⵏ ⵙⵡⵉⵙⵔⴰ (Fedpol), ⵎⴰⵙⵙⴰ ⵉⴼⴰ ⵡⵉⵍⴷⵉ ⴿⵓⵔⵜⵉⵙ, ⵉⵡⴰⴽⴽⴻⵏ ⴰⴷ ⵡⴰⵍⵉⵏ ⴰⴱⵔⵉⴷ ⵏ ⵓⵎⵛⴰⵡⴰⵔ ⴷ ⵓⵎⵢⴰⵡⴰⵙ ⴳⴰⵔ ⵍⴱⵓⵍⵉⵙ ⵏ ⵙⵏⴰⵜ ⵏ ⵜⵎⵓⵔⴰ.
ⴰⵎⵢⴰⵡⴰⵙ-ⴰⴳⵉ ⵢⴻⵣⵣⵉ ⵖⴻⴼ ⵡⴰⵟⴰⵙ ⵏ ⵢⵉⵃⵔⵉⵛⴻⵏ, ⴰⵎ ⵓⵙⴻⵍⵎⴻⴷ ⴷ ⵓⵙⴻⴶⵀⴻⴷ ⵏ ⵢⵉⵅⴻⴷⴷⴰⵎⴻⵏ, ⴰⵎⴻⵏⵏⵓⵖ ⵣⴷⴰⵜ ⵏ ⵍⴶⵉⵔⵉⵎⴰ ⵢⴻⵣⴷⵉⵏ ⴷⴷⵓⵏⵉⵜ, ⵍⴶⵉⵔⵉⵎⴰ ⵏ ⵢⵉⴷⵔⵉⵎⴻⵏ, ⵍⴰⵎⴰⵏ ⵓⵔⵇⵉⵎ (Cybersecurity), ⴷ ⵓⵃⴰⴷⴻⵔ ⵣⴷⴰⵜ ⵏ ⵓⵣⵡⴰⴶ ⵓⵔ ⵏⴻⵍⵔⵉ ⴷ ⵜⵏⴻⵣⵣⵓⵜ ⵙ ⵡⴰⵔⵔⴰⵡ ⵏ ⴱⵏⴰⴷⴻⵎ, ⴰⴽⴽⴻⴷ ⵓⵃⴰⴷⴻⵔ ⵣⴷⴰⵜ ⵏ ⵍⵎⵓﺨⴰⴷⴷⵉⵔⴰⵜ.
ⴰⴳⵔⴰⵡ-ⴰⴳⵉ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵙⵙⴻⴷⴷⵓⵏ ⴰⵎⵙⴻⴼⵀⴰⵎ ⵏ ⵓⵎⵢⴰⵡⴰⵙ ⵉ ⵙⵜⵉⵏ ⴷⴻⴳ ⵢⵓⵏⵢⵓ 2025 ⴷⵉ ⵍⴻⵣⵣⴰⵢⴻⵔ. ⴷ ⵜⴰⴳⵏⵉⵜ ⵉⵡⴰⴽⴽⴻⵏ ⴰⴷ ⴱⴻⴷⴷⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵜⵖⴰⵡⵙⵉⵡⵉⵏ ⵉ ⵢⴻⵣⴷⵉⵏ ⵍⴰⵎⴰⵏ ⵏ ⵙⵏⴰⵜ ⵏ ⵜⵎⵓⵔⴰ.
ⴰⵔⵏⵓ ⵖⴻⵔ
